至尊滿屋日本料理 (已結業)

我對呢間餐廳嘅服務態度真的很不滿意，第一次打嚟訂位，早5日前已經打嚟訂，到食果日居然話我無booking，何其荒謬，到了第二次食，又話我無講明係團購，話每日團購係有限額嘅，咁意思係咪指就算你買左都未必係指定時間食到？咁團購上話早1日前打嚟訂位已可，最後結果話要到8:30先有位，原本我係訂5:30，當然取消唔食啦，你公司接待處聽電話嘅員工何其串啊！就算食品再好，沒有服務就幾好都無用

喺Openrice買咗優惠券148晚食足五小時，到場另外加98蚊現金，嗰晚點咗好多嘢食刺身質素好高，另外，熟食都好好食， 選擇唔算多普普通通咁啦 。但我好多人點蟹粥，同埋蟹膏煲仔飯睇嚟都幾好食，但因為太飽喇，我自己就無食。飲品，最特別就係有清酒任飲個機器會自動幫啲清加熱酒，都幾好飲， 有啲食客唔識得用嗰部機，啲waiter都好有禮貌，慢慢教點樣用部機。仲有個汽水櫃，有啤酒汽水嗰啲之外，仲有相紙上面點嘅特別飲品。我見到隔離枱都叫左幾Round 特飲，睇黎應該都唔錯。另外，仲有個甜品櫃，可以自己攞甜品。服務態度都好好，好有禮貌，收碟碟都收得好快，除左一個啱啱新嚟嘅trainee好似有啲唔知自己做緊乜之外，（ 有碟炒蜆啱啱放落枱，個trainee就即刻想拎走以為已經食完）其他人都好快，好有禮貌同好醒目。當日雖然係星期四，但係全場都滿曬，好多人食。嚟緊我應該都會再encore再食就算無買Coupon價錢其實差不多，但唔係食 五小時。 所以計埋時間，買coupon係抵啲。

最近朋友生日我地黎左食日本放題，一打開張order簿就見倒勁多唔同種類嘅野食一黎緊係食左刺身先啦，一睇就睇倒啲三文魚好厚身，同啲蟹棒一樣咁厚！除左厚身之外啲刺身仲好新鮮嫁！啲手卷全部都細細舊，唔會太飽除左刺身仲有好多熟食，個烏冬真係好正，係讚岐烏冬黎嫁，食落好彈牙而且好入味。炒蜆都好正，啲蜆好親鮮，一粒沙都冇而且個汁仲好濃好入味添！冇諗過黎食放題啲熟食都唔差！因為通常去食放題啲熟食都係求求其其，有啲甚至好難食真係好驚喜！

是的，又去食放題食咁多餐放題，呢間都冇失望😆刺身是重點，真係好怕啲蝦唔新鮮，呢間又鮮又甜，仲有帶子是必食個人覺得粉紅色好飲啲，好少放題會有咁靚飲品，見到梗係叫返杯試下！呢3樣都係我同朋友推介：1. 蟹粥- 隻蟹有鮮味，雖然粥既蟹味唔濃，但粥底夠綿2. 芝麻雞翼- 香口唔膩，唔記得同朋友encore 左幾多次3. 煮蜆呢個冷面，爽口，口感好特別叫左3碗都唔夠！第一次放題食到呢個，好有驚喜值得一提，呢到服務唔錯，唔會甩單，侍應就算忙服務態度依然好好，讚

今日一行四人 同行一個生日 見佢有雪糕蛋糕心郁郁就嚟咗 先講講啲野食先喇刺身唔錯 三文魚厚身 鮑片好香 但帶子略嫌失色 而吞拿魚同甜蝦 不過不失其次就到壽司 依兩款芒果沙律同芝宣軟殻蟹於我係必食 對愛好芒果嘅我 不可缺少嘅芒果沙律 芒果甜甜開胃 而芝士軟殻蟹芝士味唔稱得上好濃 但係配係到就啱啱好 軟殻蟹食落有啲脆口 令整體口感好豐富依款蘆薈沙律 開頭睇好似普普通通 但係食到停唔到口 芝麻醬好香 而加埋蘆薈嘅鮮甜 為單調嘅沙律添上口感 一流！天婦羅新鮮脆卜卜 而蝦天婦羅普通冇特別 但係紫薯天婦羅好食 紫薯本生又甜 又唔會太飽肚！今次仲試咗蟹粥（不過冇影相）蟹粥好綿身 味道淡淡 但略嚴蟹味唔太夠 雖然眼見材料唔少 亦有以粟米等小配菜加添粥嘅口感 但味道差啲而最期特嘅雪糕蛋糕 相當失望 因為所講嘅雪糕蛋糕只係上層Cream下層為朱古力海綿蛋糕而原本嘅甜品 試哂各款 但未有一款覺得一值推介 好似藍莓芝士蛋糕 芝士味不足 整體比較漿口 餅底亦缺乏應有嘅口感最後食咗杯雪糕 試咗杯期間限定 味道特別 好味！

環境唔錯，冷氣好夠凍，員工好貼心，見我凍就話幫我熄細少少冷氣食得放題梗係要食壽司同魚生啦，點左 d 火炙壽司，手卷，炸物，燒物之類。上菜速度好快， 12 點半午市放題折完係$196左右，相當抵食啦。魚生我點左吞拿魚，三文魚，蝦蝦蝦，油甘魚。魚類全部都算幾厚切的。好冰凍，當中三文魚我覺得好差，因為無乜油脂香，又有稍為多既筋。。對於三文魚愛好者既我，扣曬分。。。吞拿魚亦唔好食，口感差，無鮮味，唔掂。甜蝦同油甘魚就相對出色，翻單左兩次好甜好好食特飲有三款，荔枝味有 d 過甜，不過誠意係有既，覺得 okay炸物方面，榴槤炸彈同芝麻雞翼好好食，我自己一個食左6隻芝麻雞翼，好香口，入面既雞肉嫩滑，有肉汁，同大喜屋果 d 一樣味。朋友就非常喜歡醬燒年糕，我都好鍾意，甜甜地，而口感煙煙un un 好正。羊架值得一讚，羊 so 味好出，唔會燒焦，岩岩好，d 肉唔會 hi , 出色。海膽手卷一上就即刻食，但紫菜已經林到一個要用力咬住嘶既地步。而海膽亦只有手指尾甲咁細，一大堆飯+林到爆紫菜+尾甲咁細既海膽=差最後食左海膽同一口紫菜就掉左，好浪費，但齋飯咁我真係食唔落。飲品選擇唔算多，不過令人失望係無雪糕，雖

見到Openrice上賣$108午市放題，即刻雙眼發光，一次過買了9張卷。訂位冇難度，假日入座亦唔多人。點知食食下，餐廳職員講要兌換券的QR code外加每人$88附加費!!! 成為$196/位 只便了原價加一後的$32.8。睇左好耐都唔覺要另俾$88，最後餐廳職員找出來，顯示在條款及細則內的細項，真係唔仔細睇都唔覺，感覺頗搵笨

價錢好貴,但又唔好食.係我食過咁多間放題之中最差座位好迫,枱同枱中間係無虛位,隨離枱講野聽得一清二楚.所以感覺好唔舒服刺身極唔新鮮三文魚有筋,吞拿魚好硬,壽司好細件,但每件都好易散.連握壽司都差,依樣接受唔到.刺身同壽司都係好唔新鮮,但熟食都係唔好食燒牛舌燒到牛肉乾咁雞軟骨好似麥樂雞咁嘅味道,菠羅一D都唔甜無一樣嘢好食，普普通通嘅嘢都可以整到好難食都唔知點解會有咁多人嚟食，我寧願落下層食個pizza/茶餐好過

旺角嘅放題有好多選擇，今日同朋友行完街就諗起呢間放題想試吓😍打咗上去Book定位，上到去就可以即刻入座喇，正👍🏻👍🏻飲品嘅種類有好多☃️☃️刺身好新鮮，尤其是啲蝦好大隻好甜💕因為我最鍾意食甜蝦壽司同前菜都有好多款式，不過冇影到咁多，依兩款係我最鍾意食嘅壽司🍣同埋呢度呢有三本特色嘅嘢飲可以叫嘅，首先顏色已經好吸引，係白桃味嘅嘢飲，唔會太甜幾清新牛油炒金菇就見得多喇，不過呢間呢就更加有特色，因為係芝士焗姑姑😂岀面放題好小有依個食👍🏻👍🏻總括來講，我覺得呢度地點好方便，環境亦都好乾淨，服務態度好好，啲員工亦都好有禮貌！😬重點一題佢仲有甜品係可以自己攞嘅，最後可以食埋Häagen-Dazs雪糕咁你就一定回本啦😛😛

由於近排世界盃熾熱🇭🇷🇪🇸🇯🇵🇨🇴，每天都掛住喺屋企睇波⚽️，朋友約會食飯多次推搪，令到對最愛的日本放題美食不瞅不睬，終於在周中去咗旺角至尊滿屋日本放題😍😍，一行四個大男人坐咗係一張四人枱，急不及待叫咗頭盤刺身有我最愛嘅三文魚片+甜蝦+虎蝦+赤貝+鮑魚片+帶子等等，口感好好，當晚虎蝦甜蝦刺身10分新鮮，同朋友們不斷encore叫個不停，然後我們開始叫咗一啲熱食雞翼同羊架，都是店中最受歡迎食品，因為我發現旁邊的食客，全部都會叫羊架雞翼，仲要係大量四隻四隻咁叫，值得一提嘅係飲品櫃有好多好多款式，最重要係有個人最愛嘅烏龍茶🥤蘆薈汁等等，壽司方面都有好多款式，個人最喜歡的是三文魚腩壽司🍣蟹子壽司新鮮好味，最搞笑嘅係同朋友都會用搶三文魚腩壽司🍣嚟食，真係一班大細路笑死人，日日夜夜辛苦工作都係等依一刻可以同一大班朋友享受,傾吓計吹下水食下壽司刺身係人生一大樂事🤙🏻最期待既畫面就係有Movenpick朱古力雪糕🍦同西瓜🍉至尊至佳同朋友輕輕鬆鬆日本放題🤹🏻‍♂️

好耐無同朋友出黎聚餐，星期五晚18:00出到旺角，基本上每間都要排隊又無位。朋友介紹有間放題唔使等，食物質素又唔係伏。上到黎唔使等位，一行7人即時入座，連加一$264 （任飲任食）有10幾張點菜紙，種類實在太多啦，真心覺得26x蚊唔貴，多野擇（刺身,壽司,炸物,串燒,新羊架,火鍋,蟹粥....)，黎又黎得快。唯一就係限時2.5小時 2小時已經叫我地埋單了😔性價比高 下次可以encore 😜😜😋😋

想同個朋友食飯吹水但我有想食日本野我朋友想食燒物，所以我哋決定去食放題😎我哋第一次食呢間個環境好寛敞🤗待應帶位非常有禮貌👍🏼放題重點梗係刺身，刺身拼盤有大赤蝦刺身！真係好吸晶！大到好似手咁大！好爽甜！呢到飲品都好多選擇🍹最特別有特飲比你揀加上雪櫃有十樣飲品比你慢慢揀😍放題好似無食過大赤蝦，有海膽手卷，可惜無海膽軍艦！不過個紫菜好脆口，而且個海膽亦新鮮👍🏼仲有避風塘炒魷魚真係好誇張同真係超級好食👏🏻最重點推介仲有雪糕呀😎😎昵間一定係放題最多雪糕選擇！而且仲有Haagen-Dazs， movenpick🍦🙊🙊🙊

前幾日約埋成班閨蜜去食食放題，慶祝有人終於開展新生活🥂唔講唔覺，原來旺角區大大小小都有十間八間放題，但穩穩陣陣都係搵D大牌子食好D!食放題梗係要食刺身啦，最好食當然係三文魚刺身，塊塊都厚切，見落都幾新鮮架。 帶子刺身就比較細粒，但都幾鮮甜。最好係蟹棒任叫，唔使逼人食壽司🍣😂燒菠蘿就大大塊厚切，菠蘿🍍係甜甜酸酸，仲有少少燒焦面，好香口下！😏另外，順帶一提，有細個好鍾意食嘅炸帶子，啖啖肉，好滿足🤤🤤榴連炸彈同香芋波波當然on list啦～呢個蟹糕蟹肉飯，有好大陣海鮮味，個底有好多飯焦架，最開心好似食煲仔飯咁有飯焦。最後，有得每人一個雪糕，有H記同M記揀，唔會揀唔到架～

刺身似擺左好耐，雖然有大赤蝦刺身，但蝦腸清得唔乾淨，質素非常麻麻。平時會encore刺身既”友人”食完一round就無再叫。壽司飯唔爛，正常放題質素。紫菜係脆，但食落口又唔會脆開，係紫菜質素問題？海膽手卷比較大件，如果係一口size會更好。炸物燒物串燒屬正常水平。炸三文魚(唔岩我口味)同炸帶子(唔錯)比較少見。焗蠔熱辣辣配埋沙律醬幾好味；牛柳粒幾香口幾入味，唔太韌；炒花甲最出色，大隻 (雖然有1,2隻有沙)；辣酒煮大蜆好辣+太強烈既酒味，唔岩我口味。飲品櫃只有一個，款式較少，蜂蜜柑桔唔錯。另設特式飲品，不過無試。整體而言，放題質素一般，係刺身麻麻。每人有一杯Haagen Dazs/Movenpick雪糕係最滿足。花甲漏單(同侍應反映後有追單)，無遞紙既牛柳粒又拎左俾我地，今次放題連天婦羅都無食就走。比起其他相同價錢既午市放題稍遜，被列入無下次既放題。

一班朋友gathering, 搞手揀左食非常豐富的日式放題，旺角的至尊滿屋夠晒就腳方便！門口的大menu差唔多有齊晒可以選擇的食物刺身類別選擇不少，而且每一件都非常新鮮，我哋食完又食鼓椒炒蜆竟然炒到有大排檔風味必點嘅天婦羅！炸蝦大大隻，好抵食！雖然食放題最忌食飽肚野但本人非常之鍾意食壽司，原來佢嘅壽司都好好味燒菠蘿都係我嘅最愛之一！食落又甜又多汁煲仔蟹肉飯自製特色飲品，味道調得幾好，唔太甜，仲幾解渴！走時每人限揀一款雪糕，有阿波羅，Haagen Dazs、Movenpick，我就揀咗杯榴蓮雪糕試下，堅重榴蓮味。