至尊滿屋日本料理 (已結業)

前幾日約埋成班閨蜜去食食放題，慶祝有人終於開展新生活🥂唔講唔覺，原來旺角區大大小小都有十間八間放題，但穩穩陣陣都係搵D大牌子食好D!食放題梗係要食刺身啦，最好食當然係三文魚刺身，塊塊都厚切，見落都幾新鮮架。 帶子刺身就比較細粒，但都幾鮮甜。最好係蟹棒任叫，唔使逼人食壽司🍣😂燒菠蘿就大大塊厚切，菠蘿🍍係甜甜酸酸，仲有少少燒焦面，好香口下！😏另外，順帶一提，有細個好鍾意食嘅炸帶子，啖啖肉，好滿足🤤🤤榴連炸彈同香芋波波當然on list啦～呢個蟹糕蟹肉飯，有好大陣海鮮味，個底有好多飯焦架，最開心好似食煲仔飯咁有飯焦。最後，有得每人一個雪糕，有H記同M記揀，唔會揀唔到架～