自助山

营业中

休息中

同其他人一齊，女友好不容易親自去到先訂到位，訂左今夜，由於是清明節嘅關係，佢哋要揾多啲＄要做多一場，所以由正常時間縮短到得兩個鐘食，可以話全程都食得有啲趕急！佢其中一個唔好就係啲電梯唔可以一直去到62樓，要係轉一次電梯，最衰係入坐時候人客高蜂期，個個都同一個時間去，搞到個個人要去到轉電梯樓層排隊，可能係晚上關係，office 樓層係冇冷氣嘅!所以未食前已經焗到個人暈暈地咁，真係一個唔係咁好嘅開始！裝修算係中規中舉，因為排隊嘅關係，坐低已經冇左成半個鐘，所以一坐就急不及待去拿嘢食！乳豬-個人好嗜乳豬所以要求比較高，佢唔係唔好食，但冇乜可取，仲有啲似燒肉咁！叉燒-有燶邊㨂，肥瘦剛好，好食！燒鵝-揀到燒鵝肶，正！白灼羅氏蝦-我又係好嗜羅氏蝦，但唔知點解佢新鮮放落去灼結果都冇乜味！天婦羅蝦-炸粉開得唔錯煎鵝肝-一啲都唔小家好大塊，配埋多士好好味！燒羊扒-又係好大塊，肉質和味道也不錯！烤和牛-肉質夠淋配埋芝麻醬汁，好食！三文魚生-一般貨色冇特別！生帶子-新鮮好食生蠔-新鮮唔錯，唯一係開蠔嗰個人hea啲，成日整到成碟都係水咁比人，唔係六百幾一餐應得嘅服務！原隻蟹鉗-啖啖肉，但蟹味唔太重！開邊龍蝦-

話訂枱滿座, 就嘗試walk in, 等咗三十分鈡就有位。 估計平日早去必定有位。 訂枱唔使預付, 大家明啦。景觀唔錯, 但坐位空間太窄, 與鄰坐差距一尺。 真是景大坐窄。冷盤肉類okay. 剌生fresh.三文魚,tuna,octopus. 長腳蟹。 但凍蝦唔掂, 冇味。反而食湯麵隻蝦又甜又鲜。沙律標準唔會有乜特別。 冷肉有風乾火腿及一些芝士。 不錯。算係亮点啦。對於熱食比較多。 但成條蒸大魚不見有提供。炸蝦及串燒肉類非常一般。 甜品以為馬卡龍好正, 名不其實。格仔餅及班㦸ok二百多元自助餐, 反而不及景觀。由於係午餐, 唔可以叫豐富, 但可以叫有不錯選擇。 整體75分。 一次夠了。

幾年前響澳門新葡京試過自助山，結業後事隔兩年，響香港開自助山。2015年2月 剛開業第一個月勁多廣告宣傳，搞到非常多人book位，電話長期打唔通 (現在都仲係打唔通)，吉吉要親自walkin上去先book到位。年初睇所有食評都話唔錯，讚不絕口的，心諗質素應該好好。原本滿心期待的，不過...環境：中上。合和中心62樓賣點360度自轉旋轉餐廳，可飽覽港島灣仔區觀境。自轉雖然特別，唔算轉得太快，但吉吉有感覺到在轉動中，而且有時仲覺得頭暈暈... 另外，基本上每張枱都係圍住食物區，由於距離較近，好多人行黎行去，感覺有d迫。行過其他地方例如2人枱，其實只係將6人枱分拆出黎，吉吉覺得私人度極低。若果拍拖，吉吉比較唔會選擇呢度。食物種類：梯級上下層都有食物，算多。ok。食物質素：中至中上。吉吉覺得全部都好一般。算係好普通的食物。無乜特別出色的。Brunch有蠔食 (Lunch就好似無蠔)，吉吉本身唔食蠔。不過朋友拎左返黎，瘦削都爆！薄chichi，唔食好過。服務：感覺新手。禮貌ok的。價錢：今次試brunch(假期), 大人$398+10%，小童$208+10%。吉吉不想自費再黎呢度食。

自從在雜誌中知道自助山落戶香港後，一直都想去試。同事和朋友都說打電話訂座難於登天，惟有嘗試在二月中在網上預訂復活節假期第一天的自助午餐，當時的價錢是成人$390 三歲至十二歲小童$208，另加一服務費。不過現在週日和公共假期提供「Grand Brunch」，價錢會比現時略高。訂座後一星期收到電郵確認訂位。終於到了復活節假期的第一日，和友人及寶貝一起來到合和中心，到達後先往辦公室電梯大堂乘電梯至五十六樓接待處。我們準時十一時到達，但出乎意料接待處無人等候，我們可以即時轉搭另一部電梯上六十二樓，所以沒有見識到「九男女同電梯」的場面。到達六十二樓接待處再報上訂座資料後，馬上安排入座。雖然不是安排WINDOW SEAT，但這裡所有坐位都可以看到外邊景色。基本上餐廳是以順時針的方向以約兩小時的速度旋轉一圈，今天雖然不是大晴天，但基本上可以看到維港的漂亮景色和半山的翠綠景緻。不過提醒大家，由於窗邊位置一直在旋轉，請不要將任何物品放在窗邊，否則物件攪不好要最少兩小時後才繞回你身邊，再不然就要找侍應幫忙了。這裡的餐區基本上分為上下兩層，上層分別有三個開放式厨房分別提供海鮮、天婦羅及燒烤、中式點心、燒味

沒有訂位。 只好walk in. 平日食lunch buffet, 早到一定有位。 等三十分鐘有位。 日日話full booking, 係人人先book 枱。 去唔去再決定心態所以先full booking。 入到去, 景觀很多。可是枱與枱之間太近, 旁邊坐了太聲婆雞啄唔斷。 煩死。 真係好影響食慾。食物方面, 長腳蟹 ok. 供應有時間斷。可能有食客狂拿大量所致。 凍蝦一般。 冇蝦味。去到 湯麵區食到d蝦反而仲鮮甜。 沙律算豐富。標準格局。 冷盤肉也有風乾火腿。但位置不起眼。生魚片真係鮮甜。 但係不是任取。 要三文魚, tuna, octopus 只一次比三片。要求多些才再给多一些。 好 cheap. 同grand 成反比。 sushi 一般。燒味及熱食比例佔了一半。 不過不合我胃口。 甜品好普通。 所謂馬卡龍餅真係唔掂。 一分錢一分貨。 論食物質素叫合格。 想食生蠔就冇提供於午餐。除了景觀好滿意, 如果再去食, 就只為景觀。論238 元加一 食自助餐, 不期望好食。 午餐為食海鮮而去, 選擇不多, 只可以一試無妨。

11點半入座 好多枱都未有人 可能太早啦😅黎到食個沙律打下底先 太早真系唔知食咩先😂跟住就黎個魚生啦 瘋狂食帶子刺身 系正既！壽司都唔錯 起碼d飯似壽司店食既 唔求其天婦羅岩岩炸起 一定好食 反而羊架就最無驚喜 但廚師問我要幾多份 我話一份 佢就話一份好小 俾多件我  然後到我最愛既鵝肝  每人每次限取三件 甘就3件啦😆😆😆 鵝肝大大件 cover到下面塊包 而且塊包又唔厚 一d都唔似出面比大大舊包你再黎個美國蠔 今日有兩款 另一款系法國又系三隻 隻隻都好飽滿 好新鮮 我比較鐘意USA 陣味易入口 唔重海水味 見到同行者食麵包蟹 系梅既😠 有中式點心 細細籠 每籠兩粒 唔錯 唔會話蒸到爛哂再黎牛肉 我就嫌太紅 俾左男朋友食 個個都話好好味 反正個芥茉我就覺得好差我個胃開始嗌我食甜品 就go go go 啦一次過拎左7件 但等好耐 staff得一個 佢要不停幫人炒雪糕 根本理區到個甜品櫃 我拎既全部都系朱古力 細細件可以試多幾款星期日既lunch 可以揀champagne 但我就揀左西柚汁 下次會試埋dinner 但好似已經加價加到700😥😥😥

呢間buffet好巴閉，電話叫「長期唔通」，網上訂位一日800個額，仲以為去緊一間咩豪華高尚餐廳終於同老公今晚「有幸」食到!我地未夠6點到達，不過就要等到6點半先安排上62樓就座，所以早到都作用不大，一到6點半齊齊排隊上62樓，仲要一架lift只入到9個人!入座後，第一時間去攞龍蝦，蟹腳同生蠔，都幾新鮮, 我地食左4，5轉都仲好新鮮，排隊都係一陣，算快青蘋果沙律好開胃，酸酸地，唔錯熱盤都ok, 有燒牛肉，蒸魚，泡菜牛尾，基本上唔難食又唔係非常好食，屬一般啦！佢個杞子螺頭湯好清甜，我同老公都覺得好好飲，仲要燒鵝肝好香口，入口即溶，唔重膶味，必食講到甜品，我有少少失望，品種太少，個炒雪糕無乜特別，仲要每次俾一啖你，就算雪糕球都超細個，一啖就無，稍為推介係件香蕉朱古力慕絲蛋糕同香橙朱古力撻，仲要件幾得意嘅辣椒蛋糕，我初初以為入口會好辣，又唔係喎，係到吞果下喉嚨有少少慶熱感覺。單講食物整體蒞講算合格，但如果計埋訂位，電話長期唔通，網上訂位又設上限，超難訂位情況下，完全唔合格，要超谷氣咁訂位食一餐700蚊一位嘅buffet，我個人蒞講唔覺得佢值同咁巴閉囉！

難得平日放假，11:30多便走到合和中心訂位吃中午自助餐，即日walk-in 也有waiting list, 真的估不到，原本也打算去其他餐廳，但到了12:30左右，那接待員致電來通知有位，滿心歡喜到達。坐下後欣賞到窗外景色，其實旋轉速度很慢，也可以不同角度在高樓下欣賞風景及用餐，實在有特式。食物方面，冷盤只有雪青口，雪蝦，長腳蟹及霏翠螺，味道普通，沒有特別。魚生刺身選擇不多，但師傅有厚切，也算新鮮。沙律吧蔬菜選擇也大路，有我喜歡的火箭菜。沙律吧旁有個凍櫃放了芝士及Pama Ham等，但櫃的位置有點矮，要蹲下才取到食物。芝士配沙律，很好吃，但Pama Ham味道太鹹，不太好，其他冷盤菜式也可，沒有特別菜式。主菜嘗了叉燒，燒牛扒，又乾又勒，點心，串燒及炸天婦羅也好，其他熱葷沒有興趣。無理由比咁多錢來吃碗魚蛋湯粉? 最後去到取甜品，真很失望，那些凍餅放在櫃內，因為不能自取，要向職員要求，那些朱古力餅,baked asaka and apple crumble份量竟然是十分迷你，相比起已取了數件的馬卡龍餅還要細小，要做咁細小的凍餅，真的佩服師傅的手工，但咁細件，真不能吃得痛快，味道只是一般，

今日專登請假同一家人去食自助山，真係會用期待來形容，因為打左很多個電話同成日full booking 所以先期待，初初上到去都感覺唔錯，幾有秩序排隊入去，點知上到去首先是坐位不是大好，我們是五個人食，張枱只是可以坐入面，每次坐中間的都要旁邊的人讓開先可以行出去拿食物極之不便，至於食物方面，中式點心款式都算多，味道也可以接受，另外壽司款式好小，刺身唔係太新鮮，再者就是甜品款式又唔多，無咩蛋糕比人食，全部放在玻璃櫃內，想食又要叫人比，但係好多時都無人響度 service 你,得 D macaron 比你食又甜到死，我仲睇住佢D伙記是一盒盒拆開之後先放上枱，我想是出面交貨來的，另外沙律又係無咩比妳選擇，至於熱野方面大部分都是咖哩，唔多岩食，炒飯炒得又唔好食，意大利雜菜湯又唔夠濃味，總之成過過程得過行字，行到頭都暈，而且無咩食過落肚，至於我最想講的就係間野侍應方面同派食物比你的人都唔合格，侍應就踢一踢先行一行，成日都唔倒水比人飲，只是識得收碟，而派野比人食的伙計個面口唔得，每次比野人都黑面，無來笑容又唔講多謝，我覺得食物質素唔好都起碼服務好都可以，但如果兩方面都唔好真係無下次，我如果唔係見電視

第二次lunch，三人成行， 那一天正午，霧不少，十一時半左右到達，食客(如常)擠滿了接待處。跟上次不同的，是排隊訂位的人龍消失了。就係咁，我又訂了四月下旬的午餐。for infomation，整個四月大部份的午餐和晚餐已經爆了，而brunch就較鬆動。剛剛處理好四月尾的訂位，餐廳職員便開始安排食客轉乘升降機，更上幾層樓。職員安排升降機每次載九人，雖然未有用盡升降機每一寸的空間載客，但其實可避免沙甸魚式逼爆升降機，又可令食客舒適而elegant地進入餐廳。再者，到了餐廳那一層亦須等候專人帶位。正所謂，急不等於快，每次載九男女的安排，okay的。我們仨獲分配到一張偌大的桌子，面對着大玻璃窗，陽光充足，沙發、桌子、玻璃杯、碟子、銀刀銀叉銀匙都光潔如新。由於是第二次幫襯，少了那份爭先恐後取食物的衝動，換上了一份閒適和享受。我坐在沙發遠望在迷霧中的淡綠色的山林和若隱若現的維港建築，發呆了一會，才去取食物。首先找的是上次出品很好的點心部，但抱歉未有拍照。拿了山竹牛肉和鮮蝦九菜餃，但燒賣、蝦餃、糯米雞可能是我太遲，已經不存在了。之後的都有拍照，而這天我們主攻的是海鮮和天婦羅，也要試試上次未有品嚐的

有期望就有失望，當日walk in入自助山，當時職員表示冇位，要wait list之後等左45分鐘，入到去好有期望，先行一個圈，都係冷盤刺身進發，但太少選擇，得4款，但師傅刀功都幾好，大大片都十分新鮮。之後去食翡翠螺，青口，長腳蟹，蝦，但翡翠螺十分失望及差，取3粒，得一粒可以食到，其餘2粒黏住個殼，跟本食唔到，其他還可以接受。之後食熱盤，但熱盤好失望，種類少，D食物再添加得十分慢，個果彩虹炒飯，見到真係唔想食，差過我工人煮，如果講熱盤最好就係牛扒，肥瘦剛剛好，汁醬多種選擇，燒味也係差，差的程度，可以像街市燒味檔一樣。點心也真係差D，蝦餃，燒賣都冇蝦味。天婦羅也一樣得個「炸」字，D蝦冇味，串燒牛猪鷄都好好食。甜品種類少味道麻麻，最好味就係窩夫。雪糕也冇牌子，好像商場仔小檔口供應给學生10蚊3球一樣。如果俾食物分數就唔合格，如果加地方和環境和價錢就可以接納。有一樣要講，唔知係唔係自己有病，因為旋轉餐廳，望完街，之後再望回食物，會有D暈暈哋感覺。

近排與不同朋友飯聚，無論大家是自助餐狂熱份子還是像我這種偶爾湊湊熱鬧食餐自助餐的，大家話題都會有談起聽聞好難book位，打唔通電話訂枱的新開旋轉自助餐餐廳「自助山」。嗯，看來這間新開自助餐真夠話題呢。多得朋友快手訂檯，讓我早前就有機會一嚐這人氣自助餐，加上「自助山」是目前香港唯一的旋轉餐廳，真叫人蠻期待～「自助山」位於灣仔合和中心的62樓，跟著指示牌轉𨋢就可到達。不過人走在圓筒形狀的合和中心確實頗易迷失方向，真要點時間適應。這裡裝修以淺木色配白和金色為主，給人舒適時尚的感覺。再加上360度圍繞全餐廳的落地大玻璃，景色開陽，用餐環境舒適。 長長的食物餐廳，種類選擇真的頗豐富。當中我覺得最有特色就是餐廳中心部分彷如山洞設計的3個live stations。先看海鮮'洞'，一走進去就會見到L字排開的冰鎮海鮮，款式有麵包蟹、波士頓龍蝦、阿拉斯加蟹腳、凍蝦等，另一邊就有新鮮生蠔，每隻都是即點即開！波士頓龍蝦啖啖肉質爽甜，味道鮮美。這裡每日供應的生蠔品種會視乎當日來貨，就像這晚生蠔就有3款，不過我就沒有吃了。之後走進另一個'山洞'，這個是主打中式熱食，如叉燒、燒鴨、雞和燒乳豬等燒臘，也有即煮粉麵，

有期望所以好失望，今日中午冇訂枱，只係等左九個字，可以接受。入到餐内，環境幾好，但唔知自己是否有病，坐下坐下望出街會覺得暈，也可能旋轉餐廳関係。食物1)魚生都可以OK都新鮮，個切鱼生師傅都有D刀功。冷盤就唔得，3粒翡翠螺第一粒可以取到出來食，其餘2粒都唔到，黏住個殼，長腳蟹，蝦，青口就一般。熱盤就差，冇野食，買相唔得，味道就普通，牛扒就OK幾好，肥瘦平均，多汁選擇。Parma ham就唔得，有D太鹹，有D好似金妹牌火腿。天婦羅D蝦一個字「炸」D蝦冇任何味道。印尼串燒就可以，燒味同街市燒臘檔一樣冇驚喜，點心就差，蝦餃和燒賣和天婦羅D蝦唔知係唔係同一貨原，所以都係冇味，及等來等去才等到。竹笙湯睇見都唔想飲，唔知張粉係唔落左好多，杰撻撻試多唔想試。甜品種類很少，但都有一種甜品好好食，就係窩夫，熱熱味道一流，但D雪糕就麻麻，同D商場仔10蚊3球一樣。總括就係麻麻及失望。但如果計埋價錢和地點，我就覺得只係合格$261.8加灣仔合和中心。

最迎聽好多朋友講打電話去book自助山，係好好好難既，我就有幸朋友仔只係係食之前既一個月就book到!自助山真係聞名不如見面，食物種類真係好多我地被安排，坐係刺身檔附近，其實位置非常好，一入坐我地就開始試一試D刺身，先來一個蝦同帶子，帶子都算大粒，蝦都好新鮮，真係要食多幾round先得呀刺身旁邊既壽司款式唔多，唔太吸引，但沙律就超讚，又多款又新鮮，而cold cut 同cheese 都各有幾款，真係要留返d空間去試晒佢Open Kitchen 都有幾多野食，開始既時間人好多排，但之後就唔駛點排都有得食，我地第一輪就去左排龍蝦、青口、蟹腳等海鮮，龍蝦真係好肥同好鮮甜，正呀~另外，即開生蠔都係唔可以錯過的，有2款。白灼蝦都係另一重點，蝦頭既膏好多，蝦肉就好甜，好好味呀~~即煎鵝肝，超大塊，好甘香，串燒都唔錯，選擇都好多。點心都有好多，仲有乳豬同燒味，真係睇到你眼都花呀~~其他熱盤，仲有飯、魚、菜、咖哩等等甜品，賣相一流，仲有炒雪糕，其實真係好抵食，而且環境一流，服務又周到，好想再去食呀!!~

幾經辛苦終於比我book到自助山. 星期六11:30準時入場, 已經見到人山人海的場面.很開心被安排坐最近窗的一個位置. 馬上便開始四出覓食. 相比澳門的規模, 香港的食物選擇是靠澳門小一點點的. 不過在香港的lunch buffet 來計, 自助山的選擇應該是最多的.一開始便走了全場一圈, 不同的食物都分區分得很清楚, 所以可以讓我一區一區甘去掃- 海鮮: 有長腳蟹, 螺, 麵包蟹, 生蠔, 熟蝦- 日式:天婦羅, 壽司,魚生- bbq : 香腸, 三文魚, 牛排及蔬菜- 中式: 點心, 燒味, 湯麵- 西式:沙律, 意粉, 燒牛肉- 印度:咖哩, 薄餅- 甜品: 馬卡龍, 雪糕, cake, japanese desserts等- 熱薰食物食物質素, 每款都有不錯的水準. 最有驚喜既係印度菜及中式點心. 壽司的水準也出奇地好, 只不過sashimi既選擇就只得4款, 如果多小小就更好啦. 稍為失望的是旦糕類, 可能切得太細件及長期放置著, 所以很干失去了鬆軟香滑的感覺. 要讚的是refill很快, 所以沒有要等食物既情況.p.s. 3月份是3xx一位, 不過好似4月既價錢又唔同.