自助山

营业中

休息中

今次因為家人生日而選擇這間餐廳，之前已經問過D朋友，大多數都是食過lunch buffet，而評價大多只是一般。我哋抱著第一次去同埋試試都無妨的心態。但是居然比到我們很好的回憶。如食物選擇都很多，侍應質素以及換碟的速度高很好。生蠔、刺身以及熱食如鮑魚都很好食。餐廳內的環境以及望出去的風景都很好。

幾年前黎過呢度。當時並不是呢個集團既。今次黎到係因為朋友話想睇下景high tea. 咁就黎左呢度喇。本來話係$500 幾蚊兩人既，但竟然仲有折扣。結果只需要$400幾。可惜既係，當日並唔會轉既。侍應訓練有素，但俾我既感覺好不人情化。似機械人。當他們將我地安排座位後，就企響一個有距離既位置，之後同一時間每個侍應走到相應既位置去問大家想飲乜野。講真！感覺真係好奇怪的。其實我覺得個high tea 比較普通！好多野係二百幾蚊有既野食。 除左一兩件比較好之外。或者就係因為呢個景令佢值一呢個價。而我朋友講得仲衰，話佢地拎午餐同晚餐既甜品黎。哈哈！

好開心呀 老細請食buffet慰勞我地幫手 仲揀左間我想食又book唔到既buffet 多謝老細先一行四人去到安排坐窗口位 靚景 睇住香港夜景胃口都好d 同事們已經計劃好 主攻海鮮類 生蠔 龍蝦 鮑魚 面包蟹 帶子 長蟹腳 蠔每次限囉3 隻 我就夠 淺嘗 他們可以食到一打打半 配服 法國蠔爽口帶點海水味 refill快 即開夠新鮮 凍龍蝦一般 無乜味 但肉質都爽 反而面包蟹大大隻 d膏爆晒 食少少好漏 反而我極力推介佢地d鵝肝 厚切配多士 食兩三舊已滿足 再食食唔到其他 真毫不吝嗇 排隊也快 其他日式魚生 壽司 天婦羅 熱葷 點心 燒味 燒烤 泰國冬蔭功 冷盤 salad 甜品 湯類 都出色兼多選擇特別提大家如果係榴槤控 必食佢地既榴槤焦糖布甸 夠香滑 泡芙 雪糕 糯米糍 全部也是榴槤product仲有炒雪糕添 食到好飽 試下佢地cookie朱古力 軟糖 同精緻嘅cake

繼續 buffet 分享，今篇是位置與人氣都極高的 自助山！擁360度旋轉美景、提供精緻美食的餐廳，當年一開幕即成一位難求的城中傳奇；事隔年多再訪，驚覺 Sunday Brunch（$598連果汁汽水任飲）比 $698 晚市更豐富抵食，加上開幕2週年的香檳優惠，更加贏盡酒鬼歡心！ 位於灣仔合和中心62樓的 自助山，可由大堂搭升降機至56樓轉高層升降機抵達，但還是建議大家多轉一次，由一樓搭到17樓，乘觀光升降機去56樓，再搭高層升降機上去（轉2次）。因為，沿路的風景實在美得要緊！有點覺得比晚市的夜景更優美呢！ 上週日天氣稍帶微陰，如是晴天到訪，肯定更不得了～ 還記得餐廳晚市開幕價是 $598/位，現在則是$698/位（更多價目可按此查考網站）；而現時 $598/位的 Sunday Brunch 除了扣減了龍蝦，其餘內容都與晚市相約，更增多了早餐項目（下面逐一標記介紹）及果汁汽水任飲，加$160更有香檳任飲，性價比更高更抵食呢！Sunday Brunch 由11:30 - 14:30，有足三小時可享用。抵達時人還不多，難得拍到一排吉檯，慢慢客人（星期天特別多家庭客）就會填滿整間餐廳，想

今年的生日飯，另一半建議到自助山為我慶祝，但由於堅持要等窗口位的關係，8月生日的我，生日飯足足要等兩個月，去到10月先至食到😂。講返啲食物，真係應有盡有，由沙律，魚生，點心，海鮮，飯麵，燒烤，天婦羅，燉品，甜品，一應俱全。當然亦都有返一定的質素啦。除左某部分比較受歡迎的食物，例如：生蠔、鵝肝多士、海參花膠燉鮑魚要排隊等一陣之外，其他食物的供應都非常充足。到左我最期待的甜品，當然都無令我失望啦。而由於用餐的時間臨近萬聖節，餐廳亦好有心思設計左幾款萬聖節造型形的甜品👻，俾大家應下節。環境方面，由於可以坐窗口位，所以可以睇盡中環至跑馬地的迷人夜景。下次再去的話，我會選擇中午或下午茶時段，因為我相信朝早的景色亦都會非常怡人。

6點半準時到仲未係好多人好快走過去海鮮區攞左幾款海鮮每款都試少少全部都好新鮮完全唔洗任何調味讚👍跟住就係刺身同沙律好中意呢個越南三文魚米紙卷好正宗啊令我諗起較早前去越南旅遊既日子鵝肝多士 鵝肝熱辣辣 多士夠脆口咬落滿口油脂 甘香非常羊鞍不太羶 燒得剛好不嚡口燒牛肉 呢個可以不試鮑魚花膠湯(唔記得個名...唯有看圖作名😅)呢個必試!!非常足料架😋飲飲下先記得影相😂每次經過都好多人排隊等我都等左一陣 不過值得既😄旁邊就係點心同燒味區點心有六七款蝦餃 燒賣 小籠包 包類由於眼闊肚窄所以只食我最愛既燒賣同小籠包好食👍其實仲有好多各國熟食不過食到呢度已經飽左九成所以留番最後既一成轉戰甜品有幾款榴槤甜品一定唔可以錯過榴槤糯米糍 榴槤泡芙 尤其榴槤燉蛋好香好滑 兩者非常之夾每次一攞出黎就秒速俾人掃哂好彩都refill得快仲有幾款口味既馬卡龍 外脆內軟 做得不俗迷你蛋糕做得好精緻 每樣都細細件 可以試勻哂有朱古力 芒果 綠茶紅豆不過我就最中意呢款芝士蛋糕裏面有流心酸莓醬食落好開胃 前後食左兩件呢😛再來有炒雪糕 雪糕有四款口味仲有多款toppings可以自由添加木糠布甸做得細滑 非常出色自家製朱古力亦有

自助山大不如前，本人已由開業至今已光顧十次有多。雖然主打自助餐，理應專注任何食物都無難道，剛開業生蠔、冷盤海鮮非常吸引，但開業多人光顧，令物質有所下解。海鮮（晚餐龍蝦應該蒸完放太久再加冰冷藏，令肉質顯得唔彈牙有點霉；帶子大蝦都係冰鮮貨、除左一樣就係生蠔還可接受）牛扒食十次十次都係咁干咁韌，甜品可以接受！當時跟朋友說即使食物無咩質素可言都當食個景觀補數，但後來越食越普通。價錢就越加越漲。本人亦不會再次光顧

哈囉喂！首先，自助山自助餐 下午時段 需要訂位。一般預早10分鐘到達就唔需要同人逼，咁就可以減少等候時間。灣仔站 A3 出口，直上至皇后大道，好快見到！見到賽馬會投注站，行多一百米就到合和中心，要轉兩次𨋢。食評如下：環境，360度迴轉，實測2小時才一圈，風景唔錯，可以試下預約窗邊位置，擺部手機拍兩個鐘全景觀。食物，款式唔多，味道一般，屬一分錢 一分貨。對食客黎講，餐廳劃定區域去分類食品，有助節省覓食時間，提升享用時間。中式，集中蒸籠點心，典型燒味，烤肉例如雞扒。西式，集中大雜燴，飯麵餅糕，預期之內。洗手間，乾淨，大家放心。總結：小試係好事，長遠有待改進，不過不失，各位應該能夠精明預算。

農曆年食過一次lunch buffet 已覺得普通選擇唔多大路嘢一定有, 燒牛肉燒得太熟,甜品一般水果不多選擇都算lunch價錢合理都冇所謂,琴晚老公生日,公司個廚師都話好食心想dinner收到咁貴應該會好好多。選擇的確比lunch豐富多了些較貴氣的款式,例如 扣鮑魚海參但味道好咸,燒牛肉仍然表面熟到咬唔到同好咸入表生的部份味道可以但可能會有人覺得太生, 生蠔唔夠鮮咪,因為即開佢地搵水喉沖走表頭嘅殼, macaroon 淋得 , 榴槤雪糕好味但好快溶證明榴槤肉唔夠(icon 酒店的放好耐都唔溶😒),榴槤糯米糍又唔夠味!貴價些的食物唔夠兩小時就放個牌係度話完😤唔明點解要預早兩個月訂枱都話冇位,到晚都有幾枱冇人坐唔通一齊放飛機?總之就唔藉$698

真係一位難求，要早3個月book前先book到窗口位慶祝生日。去到望住靚夜景，享受美食，應該係好正，可能太近窗口，望到張枱一直轉，真係好暈。差唔多800蚊一位的旋轉餐廳，果然名不虛傳，夜景非常之靚。食物種類都有好多選擇，分為上下2層，上層主要係回本之選:有麵包蟹，龍蝦，即開生兆蠔……中式點心，燒味，乳豬……日式和牛，帶子，即煮大頭蝦，等等食物都好新鮮，選擇都多。下層下層有幾樣熟食，魚生，頭盤同大量甜品。推介大家試下食炒雪糕。總結，成餐飯好正，缺點係轉到頭暈！

食自助餐其實都唔會預好好食，咁之前吹到由澳門過黎香港就試一試，晚市成7百幾其實係可以食得好好，自助山就位於灣仔合和中心6x樓（高到唔記得幾樓），一坐低就緊係去搵食，我自己習慣食冷盤先，有刺身，生蠔，青口等基本野，生蠔比較細隻同瘦，刺身無咩特別，最記得係中式雞湯，好濃同顏色係金黃色，成晚最有驚喜就係個湯，至於其他咩黑松露炒蛋就比較淡味道，點心我試過食午市有隻烏蠅貼住係隻蝦餃皮，日式燒和牛肉就鞋口（預左食牛肉會有咁情況），未去過或者情侶食風景（會慢慢旋轉可以睇到山景同維港）試一次係可以接受，至於食物味道，可能我比較麻煩，覺得性價比唔高。

平時絕少吃自助餐和寫自助餐廳的食評，因為我大多數是眼寬肚窄，每樣吃一點點就已經飽到不行，700塊的自助餐目測大概只吃了200塊就已經投降了，戰鬥力完全不行（笑）！而這家自助餐卻例外，因為早在去年就已經聽說一位難求，電話打爆都沒人聽，而且看到新聞上說有個新鮮蝦的水缸可以讓我們挑好以後立刻拿去煮，聽起來都覺得好吸引，所以很早就已經想來了！訂座方面今年並沒有好點，還是打了幾百通電話都打不通，我們乾脆直接到合和大廈餐廳前台訂座，如果要週末並且靠窗的座位已經訂到兩個月以後的事哈哈。就這樣我們8月份訂位，等到10月份才有得食！餐廳晚市提供兩輪訂位，我建議大家訂5點45分開始到8點那場，因為可以同時看日落和夜景真的好美好幸福！餐廳位於合和中心62樓，前身同樣是經典的旋轉餐廳，相信是很多香港人的集體回憶（笑）。強勢回歸的自助山由葡京集團接手，提供全球美食，更有廚師在食客面前新鮮烹調！我們準時到達餐廳，已經有不少人入座了。我們去的那天天氣非常好，還能看到粉紅色的晚霞，好美！！在這邊可以不用害羞拍照，因為大家都在自拍想把這醉人的景色留作紀念呢哈哈。這邊的服務生很勤快，服務也很好，換碟子的速度還蠻快。在餐廳

又係張神cher食團介紹食物今晚係特別日子，所以就嚟自助山食飯同睇煙花慶祝。自助山係合和，早10年係好出名個r66旋轉餐廳，咁大家都應該知個景有幾靚，唔需求我再特別介紹。而食物方面就款色好多，生蠔海鮮類就基本，當然都係新鮮啦，而可能係因為食物總類多，反而平時要排隊嘅海鮮部，都唔洗排。係中菜方面竟然會有鮑魚花膠海參。然後又有冬陰公湯同鵝肝，鵝肝超厚超大夠！整體嚟講，我一定會再嚟。

這間餐廳食物質素很好，香港嚟講是很好的....有很多不同的款式選擇...環境衛生都很好...食物新鮮，所有食物都好美味，只是有一點頭暈的感覺..下次會再來光顧！

聽朋友及網上推介萬般期待同媽媽去食晚間自助餐，諗住有好多新鮮海鮮因為最多人讚話海鮮好得。除咗生蠔稍得外，其它龍蝦大蝦帶子貝類全部係急凍嘅，急凍都冇問題但咬落去係冇味道先係最大問題．其餘嘅熟食都係普普通通，甜品完全冇吸引力冇獨特之處？ 真係普通過普通。仲有服務生態度真係麻麻，本人的手包較大張枱無地方放，四五個服務生見到都無主動提供膠籃或者櫈仔之類比我放個袋，我真係無語只好放左張餐巾向地下放個手包向上面。七百幾蚊一位我隨便搵間酒店自助餐都好食過你，平過你, 服務好過你. 剩低啲錢仲可以留喺下一次. 我做乜要再嚟呢? 我媽話以後以後以後都唔會來囉？ 完。