自助山

营业中

休息中

自助山呢個名對於香港人黎講一D都唔陌生, 我同老公都食過幾次, 不過對上一次已經係2年前, 難得去完AIA 玩完, 餓餓地就去自助山食番夠本.早2日老公打電話去book台, 記得初初自助山新開既時候真係要早幾個星期先BOOK到台, 宜家其實早1-2日, 唔係大時大節都無問題自助山係位於灣仔合和中心, 係以前旋轉餐廳既位, 所以需要係地下搭電梯上3樓, 之後再轉LIFT 上17樓, 到左17樓可以轉另一部可以望到外面景觀的LIFT 上56樓 (好似係….), 然後去到56樓再轉另一部LIFT 到62樓, 哈哈~真係好鬼麻煩整間自助山係會用龜速360度轉. 今次坐既位置正正係窗邊位, 之前2次都係坐入D. 點解我咁強調係窗邊位既原因係我地未試過, 但原來坐窗邊係真係會暈暈地=.=如果大家係容易暈車浪既話, 我強烈建議大家係BOOK台時要求唔好坐窗邊. 由於360度轉既時只係單向咁轉, 即係話一定有一位係坐緊倒頭位, 感覺其實仲辛苦, 基本上如果望出較外1-2分鐘, 真係會暈同唔舒服, 所以我地全程都無乜望過出面講番D 食物先, 我發現同我2年前黎食既食物無乜分別, 佢地唔似其他酒店自助餐咁

今日同同事嚟到灣仔合和中心上面嘅自助山食lunch buffet， 平日每人$328+10%，折實$360一位～一嚟到餐廳，就俾佢嘅景觀吸引，可以360度望住維港同埋半山嘅景色，有一種「君臨天下」嘅感覺，非常有氣勢，望住呢個景色食自助餐令人十分陶醉～午市自助餐嘅凍海鮮包括：凍蝦、蜆、蟹腳同青口，我個人推薦蟹腳，因為肉質新鮮，配埋番茄醬食超開胃，唯一比較遺憾嘅係冇生蠔供應，可能因為成本問題，相信如果有就唔係呢個價錢～刺身方面，呢度供應八爪魚、鰹魚、赤貝同埋三文魚四種刺身，個人認為刺身質素不錯，解雪技巧好，最推介嘅係赤貝，食落勁爽口！熱食方面，煎牛扒煎到約六成熟左右，肉質尚算鮮嫩，不過牛味唔太出，而且有少少筋位，所以我覺得質素普通～點心方面，蝦餃做得非常出色，蝦肉超級彈牙，比坊間既茶樓做得更加出色；但係自家製XO醬腸粉就有少少失望，味道唔係太出，可能期望太高啦～最後呢度供應嘅甜品款式尚算合理，有馬卡龍、雞蛋仔、窩夫、朱古力、雪糕同埋少量嘅精緻蛋糕～呢個馬卡龍做得好出色，但開心果味就有少少奇怪，唔建議大家食！個人認為日式芝士蛋糕唔錯，乳酪味好出，食完亦唔會太膩～總括而言，以呢個價錢來講，性價

結婚7周年，眼見仔女都大得好快，好有老懷安慰feel。而今年，我地繼續乘機吔個自助餐。今次揀咗「享負盛名」嘅自助山。正因為久仰其大名，今次都心存「期待」，雖然未致於失望，但亦未到極佳水準。不過，值得一提，佢嘅服務態度係超級好嘅。可能係午市關係，嘢食種類係算多，基本嘅凍蝦、螺同蟹腳都有嘅，但無乜貴少少食材，連魚生其實都淨係得三文魚(另外係有八爪魚、鰹魚(應該係熟嘅)同赤貝)，可以話一啲都唔吸引。熱葷呢，我就淨係食咗燒牛肉同大阪燒，牛肉係ok，唔太乾(去有啲地方真係以為食緊柴皮)。甜品看似都唔少，但睇真啲係所有蛋糕都係有兩盤以上，分開兩層放，驟眼望係好似好多；留意埋佢最上層嘅macaron，其實佢喺放朱古力溶漿嘅邊都有放，可能係扮多種類。佢啲曲奇好麻麻，雪糕又得四款，不過好彩有我鍾意食嘅雞蛋仔。食完甜品感覺太漏，又想咗碗喇沙辣辣地中和返，出奇地，碗喇沙喺自助餐嚟講都算係幾濃幾好味。(另，🐷隊友表示：♫燒雞翼我鍾意食♫)我食完都講唔出亦唔知有何突出嘅食物，好Las Vegas囉，反而係天氣由陰陰地天變成有太陽先係最重點，因為揀旋轉餐廳梗係想有「大便在我腳下」嘅感覺啦。所以為睇風景，呢度係一絕

老公生日食咩好？每年都要諗，諗好耐先揀到食咩！咁岩今次就想食自助餐，但又想特別啲，就諗起「自助山」。因為可以360度咁慢慢轉住黎睇成個景，可以飽覽成個銅鑼灣至金鐘，維多利亞風景，就個景已經夠特別啦。今次揀咗食午餐自助餐，價錢3百幾蚊都算係抵食。蟹腳夠新鮮，蟹味夠濃，夠鮮甜👍🏻大蝦、螺、大蜆都係一樣咁新鮮👍🏻個人就好欣賞蟹腳，真係好好食呀🥰熱食都好吸引，燒牛肉👍🏻讚呀！肉質鮮嫩，牛味好夠👍🏻其他熱食都係咁出色👍🏻仲有即場出爐點心👍🏻燒賣大大粒，餡料十足蝦餃皮薄👍🏻熱食仲有原盅迷你海南雞飯、即燒油甘魚餃👍🏻油甘魚餃好好味😋！夠肥美👍🏻👍🏻👍🏻🥰刺身都係新鮮，每次份量亦不少甜品勁高水準焦糖海鹽蛋糕係我必食推介👍🏻👍🏻👍🏻一出就好快比人拎晒，蛋糕唔太甜再配少少海鹽焦糖味一流👍🏻蛋糕鬆軟😋其他甜品都好有高質酒店質素👍🏻當然主角好滿意是日安排啦！

每月一飯局活動今次相約食自助餐，好友提意去睇到香港漂亮景色的地方，而位於灣仔合和大廈頂樓的自助山，不論食物種類繁多環境優美，而長蟹腳不會過於太咸有鮮甜味直得一食再食，而涷東風螺肉及涷蝦都非常鮮甜肉質彈牙，而其他熟食做型都非常精緻，海南雞飯雞肉味濃飯非常有雞油香味，而甜品種類極多選擇絕對係甜品控的女士門至愛。

一心一意諗住訂位同朋友慶祝食生日飯就訂自助山、市道差度度buffet減價、唯獨自助山仲加價、仲要同你講沒有生蠔提供了、只提供廣島焗蠔、收咁嘅價錢仲要冇生蠔點搞呀

The taste of food doesn't worth the price, but the variety is ok.  I felt a little uncomfortable and dizzy because of the turning, so I guess it is not suitable for people who's usually car sick.  The worst experience of the meal is how rude I was treated by the waiter when paying the bill. 

自從我個契B仔出世後，可以話同好好好姊妹都無試過開懷暢食一餐，適逢我準備壽星，佢今晚撇低心肝B一晚咁多啦。海鮮呀～多種類選擇有麵包蟹、龍蝦、即開生蠔、蟹鉗、長腳蟹腳⋯⋯多不勝數，鮮味十足，要食多幾round。花膠炆鮑魚冬菇，夠入味，大了一歲要養養顏至得。小籠包皮夠且薄肉汁豐富。甜品都好出色，軟心朱古力、濃厚榛子朱古力蛋糕、至爆燈嘅焦糖榴槤布甸，根本就係榴槤肉焦糖蓋，榴槤控必選無疑。即煎鵝肝多士，外脆內香，口感味覺超享受。絕對係食質素嘅自助餐首選。

週年紀念揀左有靚景又有得食既自助餐慶祝一下！Lunch $328+10%午餐來講價格算合理當日平日，人流唔多，可以坐窗口位，一邊食一邊轉，個景不斷變，相當過癮講返食物，冷盤得4款，蟹腳，蝦，螺，蜆，款式少，但算新鮮。熟食方面選擇多而且質素亦唔錯最後仲有甜品，甜品選擇唔多但都有質素。服務態度好好，有禮貌有笑容唯一缺點係食物擺位有點习鑽，分上下兩層，指示唔清晰，一開始都無留意到有上層，見到有食客由上層拎食物先知。食左個半鐘已經滿足，其餘時間欣賞下高居臨下既景觀，值得一到！

今日有個friend生日，就約埋幾個friends一起去食自助餐，揀左好耐，覺得呢間最合適。點解呢，咁緊系因為距系個觀景噶靚位啦，生日最緊要氣氛同環境噶嘛。餐廳位於62樓層，一眼望出去，有種俯視呢個城市噶感覺。最盞鬼噶就系呢間餐廳一路都喺度轉緊，可以體到好多景，有時見到維港，有時見到馬場。滴食物都系無得彈噶，新鮮，品種又多，味道真系等你食過返尋味。滴friends都食得好開心。

成日聽人講好食，當然要親身試下啦🥰預早一星期網上訂位，最好request近窗位，咁就可以睇到靚靚既維多利亞景❤️👍🏼👍🏼👍🏼去到七點左右，好彩天未黑！好靚啊個黃昏🌇刺身好新鮮！帶子三文魚甜蝦！仲有池魚！燒烤區有焗蠔，羊架，仲有！熊本黑毛和牛！🤩海鮮都唔差！青口，蝦🦐，龍蝦🦞，長腳蟹，蟹鉗👍🏼👍🏼👍🏼熱盤方面都唔差，有西班牙🇪🇸炒飯，印度🇮🇳咖哩，fusion既海膽餃子🥟🤩👍🏼👍🏼全部都好好味甜品區！嘩！應有盡有，馬卡龍，芝士蛋糕🍰呢個甜品中意榴槤既人一定要食！超級好食🤩差不多九百蚊一個人，係有d貴，但個景真係好靚🥰🥰🥰記住走既時候搭觀光電梯，咁就可以睇埋個靚靚夜景🥰🥰🥰

講咗好耐要食嘅自助餐，終於都去食啦！就趁着我哋嘅周年紀念，揀咗呢間出名高質仲有靚景嘅自助山食餐勁既！當初訂位嘅時候話左窗景位已full booking，但上到去好意外地安排左一個窗邊位俾我哋！真係開心到暈，，望住出邊嗰幾日黃昏轉到夜晚，你睇吓個景幾靚！開始前首先要就係行一圈了解下食物嘅位置，不過由於間餐廳一路都喺度轉緊（雖然係好慢），不過都係暈暈地⋯開頭行路都唔係好慣⋯最後行到刺身檔位，見無咩人就食咗呢樣先啦！我自己點咗帶子同油甘魚，帶子好大粒㗎而且好鮮甜，老公就拎咗好多蝦，非常新鮮彈牙，臨返埋位前見到隔離有好多精緻小碟，即刻攞咗碟好海膽魚生飯，雖然細細碟但係啲料好豐富架食完冷盤，習慣要擺番啲熱野落肚，跟住就行咗去點心房，見到好靚一盅盅排好喺俾客人自己拎好似燉品咁既，係花膠炆鮑魚啊，當然要拎一盅黎試吓啦，鮑魚唔算好大隻， 但係都好煙靱，仲有海參、花膠同冬菇， 食完都覺得好滋補！行前兩步又有海鮮凍盤房，剩係蟹都已經有好幾款，個人就覺得佢個阿拉斯加係特別好食，而且值得一讚嘅地方就係基本上已經幫你開晒啲殻，只要輕輕一摵已經可以起到肉出嚟，實在係非常貼心！講到凍盤，，又點可以冇生蠔，好在都唔使

自助山，以前就係澳門食過，對比下香港的自助山不夠大間，但是佢無敵旋轉餐廳加維港景色，冇得輸。整體來講嘢食都好好食嘅甜品款式都唔差,凍海鮮品種多，有即開生蠔，長腳蟹，皇帝蟹，麵包蟹，龍蝦等等，我地帶左小朋友去熱食都好合適，自已特別喜歡食佢地奶茶味雪糕。因賞佢地的酒吧自己總評分4.5分值得推介

因為有coupon既關係，所以先去食。星期日buffet lunch千三兩個人，如果無coupon都幾肉痛！佢既景觀真係靚既！仲會不時旋轉，等係望下唔同野。食物選擇都幾多，亦放得好靚！開心！揀啲精選同大家分享！刺身厚身，呑拿魚油脂勁，正！凍鵝肝漢堡，Parma ham，芝士，焗蠔等一應俱全。燒牛肉出奇地有驚喜！入面燒到生生地，好腍。外面脆口又有肉味。鵝肝多士亦絕對係超級回本位！即叫既grill，入口即溶！佢好可愛地有好多一盅一件既點心。個人認為佢既甜品係特別用心。有傳統甜品，好似馬仔，雞蛋仔，糯米糍等。亦有一大個精品櫃可以叫員工夾。不過個macaron好麻麻。柚子芝士蛋糕就幾正。仲有朱古力噴泉，炒雪糕，小朋友好開心既棉花糖等等。大小朋友都開心死！

今日係歡送會，我同同事去咗食自助餐，同事話呢間自助餐性價比高，食物種類多，環境好，價錢唔太貴，所以就去咗啦。我哋早左到，所以有Window side嘅位，可以見到成個維港同埋中西區嘅景色。最特別嘅係而家係旋轉餐廳，一到食嘢，成層樓會轉，你定焦望住啲景，你會見到啲枱燈喺度郁，好得意。成程食左兩個半鐘頭，轉左兩次，啲view好靚。另外，成層62樓分開兩層，一層主要係攞嘢食，下低嗰層就係食客區。攞野食果層有唔同既房仔，有熟食（日式/中式/東南亞）、亦有個海鮮區（有蟹腳、螺、蜆、蝦），下低果層都有甜品、熟葷！食物種類非常多，總有一款會岩食！海鮮區食物：有熟蜆、熟蝦、蝦沙律、蟹腳，超級高質，蟹腳好多肉，又易剪！無限refill!!另外佢炸物都好食，即炸，粉薄，好食！甜品方面有好多種類，例如精緻既cake, macaron ，有傳統既中式甜品，如涼粉、月餅，有港式既馬仔、雞蛋仔，有西式既蛋糕、雪糕等等！ 好多種類！總結，自助山食物種類極多，食物高質，環境好好，環境好好坐，服務態度好！ 依個價錢（$4xx)係尖沙咀既酒店食，都食唔到咁好質素同環境，強烈建議黎依間食！！