自助山

营业中

休息中

旋轉餐廳其中一個賣點嘅係可以瀏覽好靚嘅景色，而且餐廳總會不斷慢慢地旋轉畀你睇多角度嘅景色。今日同朋友一場嚟到諗住試下呢度嘅buffet，食物種類非常多，而且好似好吸引！咁跟住就去拎食物啦！食物真係令人非常失望！魚生刺身完全唔新鮮，一啲都唔係酒店質素！蟹、蜆、蝦等海鮮亦都唔新鮮，螺好多沙，所以喺生野方面完全唔合格！！！食其他熟食稍為覺得好味少少嘅係點心同埋燒味。仲有天婦羅🍤最後再戰咗甜品，甜品睇落去好似好靚，但係全部質素都好差，基本上黎餐廳食嘢真係為咗個景，而唔係食物！

同朋友慶祝生日，佢話想食自助餐難得食一次就緊係食豪啲揀咗呢間 聽聞要排好耐隊 超越好食嘅自助山因為臨急臨忙先決定，朋友打去book枱時仲擔心冇位，順利預約到時覺得好好彩但點知係惡夢嘅開始話晒都成$700/800一位，食一餐來講算幾貴，大家都好期待，去之前仲諗一定要飽到嘔先停手我哋預先訂咗蛋糕，打電話去問比唔比帶，居然要收$100一位切餅費，係每位收！咁樣計法我哋五個人，切餅費仲貴過個蛋糕於是餐廳員工就話可以免費幫我地雪藏，仲可以拎出嚟影相，不過就唔可以切同食，哈哈真係多謝晒入返正題，間餐廳會旋轉，個人感覺唔太良好，有少少暈船浪感覺，又似坐倒頭車但最令我不滿嘅係，佢哋啲食物係完全唔OK，唔係話難食，但係絕對唔值收七舊水環境的確十分之靚上網見大家都食生蠔食得好過癮，我亦非常期待，點知原來轉左主題做海膽，唔緊要！海膽我都鍾意，諗住拎半板食下，點知原來冇刺身，咁我諗住軍艦/手卷應該都有掛，結果佢比啲咁嘅嘢我？？？搞緊笑？？諗住算啦，應該係靚野所以貴，先要咁上唔知食落口係腥，一啲甜都冇失望然後啲蟹腳海鮮唔新鮮，食落得海水鹹味，食嚟食去，我竟然覺得燒賣係最好食。。 我朋友就話係叉燒。。另一個就話係

聽講自助山嘅buffet好正咁岩有個朋友最近有外國返嚟就帶佢試吓食自助山嘅午餐自助餐十月份嘅時候去 已經早半個月前卜定位自助山最出名嘅就係食景因為它是62層高的旋轉餐廳 餐廳內地方寬敞帶外國朋友來吃自助餐是一個不錯的選擇 因為它能旋轉 能觀摩360度的香港景色當天的能見度還算高 還可以看到對面維多利亞港的景色接下來就睇吓有乜嘢食首先是前菜區 有沙律吧還有好多款嘅前菜仲有我最愛嘅煙鴨胸 同煙三文魚而凍海鮮方面就有蜆，雪場蟹，螺，青口同熟蝦雪場蟹很鮮甜都幾大隻但最鍾意嘅係呢度嘅大頭蝦 肉質彈牙好好味日式區熟食方面有一個中式區有很多蒸籠點心有蝦餃，燒賣，珍珠雞，奶皇包 仲有流韓牛芝士餃 仲有個中式燒味區 有叉燒、油雞、燒鴨等熟食嘅種類如下但甜品區方面就十分吸睛蛋糕做得好靚 款式好多仲有馬卡隆 不過有點太甜蛋糕這好好味我覺得帶外國朋友想食餐好又要睇靚景嘅話自助山係一個唔錯嘅選擇今餐平均每人$340 整體來講感覺不錯

今日帶咗啲梨旅行的朋友們去食自助餐，佢地話想話試旋轉餐廳，所以就book咗星期日晚去食自助山。可能太遲打去book，一日前打，無曬窗口位，不過坐入面有沙發位都不錯。啲野食圍住係中間，有分唔同corner,海鮮放係間間房仔，都算新鮮，不過麵包蟹有啲咸。今次無食好多熱食，因為太多選擇，見到想食咩就咩都試少少。有燒味，燒烤等...甜品有炒雪糕，棉花糖，朱古力噴泉，好多款！榴槤糯米池好食！價錢同質素成正比！👍🏻

應該係我呢排食過最高質嘅自助餐利申唔好食自助餐 每次食完都好似搵命搏咁款多，又好食，有傳統嘢，又有啲新派嘢食。-我少食buffet, 但呢個係我暫時唯一會想再食既，真係好難得十樣有8-9樣都好食，講梗嘅好食係真係好食嘅好食，唔係求求其其中上就算。當然中間會有一兩樣嘢唔食好過食，但絕對都好食過之前。同埋食個數量都好，真係好多嘢揀，就算你乜都唔食好似好細佬咁，都有勁多嘢揀。-唯一壞處係比較貴，同埋嗰日serve 我哋嘅叔叔態度有啲啲麻麻，串串地，問佢嘢佢就話加錢咪得，我其實只係想問除咗西茶，會唔會有中茶，點解可以dull 頭就話，實有架，加錢囉，然後一副你係咪加錢吖嘅樣子。其實呢，我上次去grand hyatt 係真係有加錢要unlimited drinks, 叔叔，我真係想問有咩茶揀jar. 無得揀又好加錢又好，我都唔該前後啦，點解仲要兇我呢。佢愈係咁，我就愈係講哂唔該，更加有禮貌，但佢就更加得寸進尺😂-🙈我極度懷疑佢嗰朝畀人瞓話完🙈🙈😂😂希望下次去，佢變返做正常～btw, 真係個別例子，其他staff 都算幾helpful, 雖然我哋好多人，但都有不斷幫手refill 嘢同幫手。

黎到一年一度既老婆生日大日子，揀左食佢既至愛 - 自助山。為左坐到窗邊位置，特意預早左三個星期訂枱。唔知依家係咪取消左電話訂枱，電話打左幾日都無人傾，最後選擇左網上訂座。係remark果度要求窗邊位置。當日因為同時間入場人數太多，侍應未有因應我地既要求安排窗邊位置，後尾同番佢地講，最後都如願坐到窗邊位置。因為入座時間太夜，今次欣賞唔到入黑前既景色。因為佢既種類夠多，而且每樣都非常出色，所以稱佢為最出色既自助餐，鵝肝、花膠扣鮑魚、鵝掌、魚生係我既至愛。因為花膠扣鮑魚製作需時，有時需要等一陣先會出。

好食又有靚景既buffet 一定係揀自助山。今次黎食lunch buffet 選擇都好多，由冷盤熟食到甜品都好啱食。長腳蟹夠新鮮，亦有足夠份量唔會成日無得拎要等。熟食方面除左一般野食仲有點心，做得唔錯，不過經常比人拎曬要得耐少少。仲有個喇沙湯麵都好食架，夠味粉又唔會太林。仲有個中式雞湯都好好飲。而我最欣賞係佢既甜品，有waffle 同雞蛋仔，夠香脆，仲好食過街邊果啲呀！佢其他小蛋糕都好食，cheesecake 夠凍夠味。我最最最鍾意係佢個macaron！係我食過最好食既macaron呀，仲好食過出面幾十蚊粒既，呢到仲有得焦限食超滿足哈哈！紅色係rose，好香唔會假，白色vanilla 唔會太甜，最好食係綠色，初初見綠色唔太靚，幾次都無拎，後來甜品姐姐推薦我試下就即管試下，原來係袖子味，好清新好好食，可能因為顏色唔係最靚所以都見好少人拎。自助山既macaron 好食之處係佢夠脆，但中間夾心又啱啱好唔會成舊太乾，而味道都做得好好，唔會太甜，又唔會係藥水假味食十粒都唔會覺得太多。我都唔係啲好鍾意食馬卡龍既女仔，但佢既真係太出色，我覺得成個buffet 最好食就係佢HAHA！

今天老闆請吃飯，當然要吃好一點。這次選了自助山。餐廳在合和中心頂層，因為餐廳是可以轉動，可以360度觀看整個香港。坐久了會有點頭暈。餐廳是提供自助餐的，有很多款式的食物，有點心，墨西哥菜，扒類，日本餐等等。海鮮有長腳蟹，貝類。點心的尺寸都很大，味道比一般酒家好。而且很搶手，出來沒多久就沒有了。素食漢堡，尺寸很小，基本上是一口的份量。中間的漢堡扒廚師會即叫即弄，味道非常濃郁，跟肉類沒有太大分別。可惜的是牛扒比較乾，肉汁不多。卡邦尼意粉算不錯，沒有煮得太軟。

雖然已經唔係第一次食呢度ge自助餐, 但公眾假期+dinner食就真係第一次~ 呢間值得encore再encore, 因為每次都無令我失望! 紅日食好食ge dinner buffet一般都唔會平, 呢間當然都唔例外, 不過! 我會覺得值呢個價嘅! 食物質素整體都高, 款式多到無咩可能樣樣都試到一次, 個景靚到不得了, 靜係呢幾點就物有所值啦! 另外今次食仲有d配合復活節主題ge甜點! 如果要講有咩不足呢, 可能係飲品有限, 無得任斟, 壽司相對比較一般般, 部分海鮮鹹咗dd, 但呢啲都係見仁見智~ 我仍然都係比呢間好評, 希望有機會再食!

第三次食自助山但今次終於肯寫食評😂自助山係我寫過算香港最高質，款式亦算係最好，even洲際既dinner buffet 都只係一般；the market 就比較好，拍得住。相比其他，自助山有幾樣我覺得特別值得食。嗰度既牛扒，燒得成數剛好，肉質嫩，牛味重，我唔會落黑汁食，只會加鹽食，呢度淨係鹽都有好幾隻俾人選擇。另推介生蠔，鵝肝都，長腳蟹都係貴價之中佢比其他buffet 餐廳都好食既。鵝肝我仲意佢可以加塊蘋果肉一齊食，少許酸味配搭上黎令鵝肝食起上黎唔會太漏，攪到我食左好多件🤦🏼‍♂️🤦🏼‍♂️

星期日下午，我4大人2小孩到自助山食中午自助餐，一個大人要6百至7百元。環境：環境是這裏的賣點，360度迴旋餐廳，可以環顧到港島區一帶景色，可惜我下午去，我相信夜景應該一絕，坐位亦寬敞。服務方面：無特別，正常自助餐水準，食物refill好快。食物：自助午餐有生蠔，夠新鮮，是最特別的，但應該是星期日才有供應。種類都好豐富，代表作有中式點心的鮑魚燒賣、西式的鵝肝多士。最差的是甜品，款式少，味道差，完全失望。總結：雖然偏貴，但仍然是不錯的。

老公生日， 不知道吃什麼， 最後選了自助山， 因為嫌佢夠貴，哈哈 這天是星期日， 我們選了吃brunch， 598加一， 果汁 任飲。 一去到， 二話不說看看有沒有自己愛吃的海鮮， 果然 貴得有道理， 生蠔夠大隻， 連蟹都有四款畀你選， 青口、蜆、蝦唔使講都有大量供應啦， 其他熟食都不過不失啦， 好多款， 甜品就弱了一些， 蛋糕的幾款選擇， 不過賣點不在此， 不要緊。 再講環境， 位於合和中心的頂層旋轉餐廳，高居林下，可欣賞四周山景，海景， 原來這個價錢就係食個環境， 我們還拍了很多照片呢！

🙋🏻‍♀️我來自助山已經有好多次,晚上buffet 及brunch buffet 都有來過,晩上buffet 黃昏🌆時段來到👀到日落景色🌄巧浪漫💕而日間brunch清晰可見全港外景🏙旋轉效果餐廳,座於62樓咁高🤭加上360度旋轉景觀🥰看得清楚美麗,每次來必坐窗邊落地玻璃位,食物質數加餐廳環境及外面境觀都是一流水準它收這高價嘅收費,我覺得係值得,比反這質數及效果本人去過很多名牌酒店🏨buffet,還未有一間可以及得上自助山更好的👍食物由凍盤至熱食再至甜品的都應有盡有,食唔曬😑我在圖片介紹食物給大家🙋🏻‍♀️

情人節朋友仔約我來這裏食自助餐， 當知道後超級開心呀！因為這裏的中午自助餐各式各樣好豐富，如果每樣吃一口都未必吃得完呀！情人節有小小飾物佈置未開始時我行了一圈影影相。日式壽司同小吃Parma Ham 我至愛各款芝士燒牛肉XO醬炒年糕長腳蟹 、大蜆、 大蝦、燒賣 蝦餃 魚翅餃士多啤梨芝士蛋糕、芒果熱情果慕絲蛋糕、意大利芝士咖啡蛋糕、啤梨慕絲蛋糕，每樣都食了一件 YUMMY。各樣菓凍，取了少少淺嚐芝士蛋糕、士多啤梨草餅燒味這裡都有得食，叉燒 烤鴨 豉油雞 鹵水紅腸柚子雪葩 也 好吸引   天婦羅 即炸即食     今日實在太滿足太豐富了。

今日上午要去港島做野大約十二點做完了工作，下午唔需要返公司難得可以放半日假不如去搵間坐得舒服既餐廳食飯先。行到合和中心附近對腳自然行咗上去搭電梯。平日唔訂位都還有少許位可以入座， 居高臨下望住風景食飯特別有feel。食個前菜先，大蝦沙律哈密瓜清爽大蝦新鮮。跟住行去拎牛扒，食肉獸的我取了兩片燒牛扒、薯餅、牛柳粒炒四季豆同西蘭花，之後點心時間，每人每次只限拎兩籠所以我走了幾轉，蝦餃一籠兩粒皮薄餡靚燒賣一籠一粒不過就好大粒。這裡連魚翅餃都有得食洋蔥湯煲得幾濃郁好飲。到甜品時間，取了幾粒馬卡龍一件芝士蛋糕同忌廉蛋糕。最後食埋雪葩真的好豐富好滿足啊！