胡爐 (已結業)

尖沙咀厚福街的H8是一座 f&b building,餐廳大多都以中高價錢定位，在16樓的（胡爐）火鍋館，以宮廷式為題。店名謂胡爐，胡人-對外族的稱呼也，相信是蒙古一帶的少數民族。其裝潢風格似滿族的清朝，乃帝皇朝代，皇室氣派。碗碟餐具等器皿，皇室貴族專用。用古銅鍋打邊爐，高檔次的享受。四格鍋$198，芫茜馬蹄、番茄牛腩、沙嗲、及麻辣湯，每鍋的配料皆份量十足。餃子拼盤$98，有魚皮餃、雲吞、韭菜餃、水餃，全部自家製，皮薄滑肉餡爽彈。黑松露墨魚丸$47，黑松露鮮香味突出配合爽口彈牙的墨魚丸食落Refreshing。蔬菜拼盤大$78，份量十足且新鮮，有鮮紅的蕃茄、白菜等。厚切午餐肉$58，有心思的賣相。

有朋友仔生日，今晚提前收工，跟好友來一餐生日晚飯吧。地點就在尖沙咀，中間位置也方便大家回家。胡爐這火鍋店，環境氣氛很古色古鄉，而且還有中國音樂陪襯，在一個很中國風的環境用餐胡爐四格鍋清湯豆腐 茜 沙嗲 蕃茄牛肉 麻辣湯底就要多選擇，多口味，麻辣夠香夠麻，而蕃茄牛腩很淋，蕃茄湯十分香濃蕃茄味，沙嗲湯底就有豬皮，索晒沙嗲味，清湯有皮蛋豆腐，這就沒那麼上火招牌手工餃子拼盤$98(韭菜 ,鮮蝦帶子, 雲吞, 魚皮餃)雲吞比較來得出色，已xx 菜餃的皮比較厚身，沒有雲吞皮來得爽口手切牛頸脊 $288小牛肉點了牛頸脊，均勻分佈的油脂，入口溶化，且較軟身，很美味黑松露墨魚丸 $98 大很彈牙的墨魚丸，黑松露味道太過濃，沒蓋丟墨魚丸的鮮美，這配搭來得剛好皇帝菜 $48正常新鮮的皇帝菜，而且份量也很充足

好耐冇打過邊爐啦~ 打邊爐最緊要係個湯底同用料夠新鮮！今日食呢間胡爐兩樣都做得好出色呀醬料乾淨企理，抵讚鮮椰青雞鍋 $238鍋底首先上左半隻雞、同埋椰肉、杞子等配料；另外上左酒、雞湯同原個椰青備用影完相店員隨即開始炒雞炒到半熟狀態加入酒燒後變成一個火陷煮食表演，香氣隨酒精揮發曬出黎，好精彩呀原個椰青既汁倒曬入湯底度再加入雞湯煮到可以食得時店員好貼心咁埋黎勺走湯面既肥油成個湯底立刻清澈好多雞肉帶椰香湯底做好後可以飲左碗湯先，之後再開始打邊爐。成個湯好鮮甜，滿是椰子清香；雞味香濃，一飲就飲左兩碗啦手切牛頸脊(小) $288打邊爐又點少得肥牛呢！手切肥牛比起機切既多左一份厚度，而手功切可看清楚肉既紋理，切出既部份都係鬆化美味。最誇張係我撈撈吓發現有舊肥牛放左落去已經唔知幾耐，完全唔記得左！但咬落依然鬆化，全碟都無一塊係韌既。一等佳品呀~自家製炸魚皮 $68呢度既自家製炸魚皮又係有特色既，又薄又直，而且灑上一層薄薄既調味鹽。沾湯或單吃都同樣美味。芝心墨魚丸 $47手打墨魚丸又面有粒粒彈牙墨魚肉，有咬口，墨魚膠打得唔錯，可惜芝士少左啲，無爆醬既效果。冰豆腐 $48冰豆腐有兩大磚，蜂巢效果做得好，

今日同朋友去尖沙咀行街，顺便過去厚福街H8揾野食，落雨濕濕悶悶哋，想搵啲辣嘅嘢食，刺激下味蕾，立即上openrice揾到胡爐火煱，食物嘅相片同埋中國風嘅裝修，咁就吸引咗我地上去。多種配料作調味四格鍋$198四川麻辣，芫茜皮蛋，秘製沙爹番茄薯仔牛腩，四式湯底，一次過滿足多心嘅我。極上手切肥牛(小)$298牛肉味濃有咬口，烚幾秒就食得。Xo 鮑魚蝦餃皇$98皮薄餡靚,真材實料 ,食到粒粒鮑魚。薑汁豬肉丸$78豬肉丸入面有辣味薑汁，味道好夾，食時小心爆汁。手打蝦滑$98用鮮蝦手打而成，十分爽彈。自家製響鈴$68即叫即炸，香脆而不油膩。紅薯粉$48红薯粉放落麻辣湯底淥，特别夾。出前一丁$18公仔麵放落蕃茄濃湯淥，好正呀。

打電話提醒留枱10分鐘，booking 情況比高級餐廳和酒店還緊張。環境普通，兩枱之間的通道非常小，一貫H8 的擠逼作風。在等朋友之時，鄰枱客人同waitress 講：「本地手切牛無上次食咁林，比較un」，waitress 排除他煮過久後，解釋了要食林應該食牛頸脊，之後客人再沒有追問。過了一會，waitress(不知是同一個還是更高級的）問他如果唔鍾意可以換牛頸脊，客人們欣然接受。我就很驚訝🙀。食咗四份一碟牛，又沒有變壞，竟然可以換。我就會想像那碟手切牛的去向如何。所以我叫了牛頸脊，不想食人食過既食物。湯底選擇十款以上，我選了胡椒豬肚+花膠豆腐，🤦‍♀️忘記了選擇較清湯底煮海鮮。湯底足料，夠味。海鮮正常。手打丸不錯。不需要再光顧

收工約左幾個朋友出尖沙咀行街食飯，行行落雨又無咩心機行，就行左去厚福街果邊睇雨有咩好食。咁就去左打邊爐多種調味料四格鍋$198有番茄薯仔、四川麻辣，芫茜皮蛋，秘製沙爹四式湯底，可以滿足各位朋友的需要XO鮑魚蝦餃皇$98有粒粒鮑魚係入面，皮又薄入面的料都很多。薑汁豬肉丸$78豬肉丸裡充滿著薑汁，相當美味，咬落去時仲爆晒汁，要小心食！極上手切肥牛(小)$298牛肉都很新鮮，牛肉的味道都很濃，不錯呢。自家製響鈴$68食落去香脆可口，而且即叫即炸稻庭烏冬$38打邊爐食烏冬是很配搭，烏冬吸收了湯底的精華，是不能缺少的。

首先點解會認識到呢間火鍋店？係有幾位同事之前去過，強烈推介所以係好奇心驅使之下就嘗試搏一搏！首先我哋叫左個極品和牛，價錢一啲都唔平但係食落個質素真係普通，牛味好淡同埋有少少鞋口。比得呢個價錢真係唔expected 一個咁既質素另外我地因為網上book 所以以優惠價叫左幾粒丸，係出奇的鮮味

姊妹飯局，難得有朋友提意試新野，梗係好啦！唔洗我諗丫嘛自從迷上左九龍城街市既牛，就好少出街喇！第一次見到呢種兩用湯殼，真係好方便啊！經openrice訂枱送既龍蝦湯底，有半隻龍蝦架！湯一滾，職員叫我地飲左碗湯先，“龍蝦湯有龍蝦味咁啦”，再每人分少少龍蝦肉，留返隻龍蝦鉗繼續煲！手切肥牛肥牛雪花唔靚仔，牛味唔重(可以關湯底事)，亦都偏鞋！深明唔可以同街市買既肥牛比較，但係開得$388呢個價錢，都幾失望架！西班牙黑毛豬豚肉好過食肥牛。 (無其他喇，因為本人麻麻地豚肉片)牛汁芝士丸入面超多芝士！睇個樣以為好乾，意外地好juicy！芝士味好濃，要分開食先食到牛味！炸響鈴跟埋碟甜酸汁！可惜每件響鈴除左頭尾係脆，中間部分都係未炸透！老友鬼鬼、炸魚皮呢兩款又炸得幾香口喎！未開始打邊爐已經掃哂，用黎當餐前小食都唔錯！另外仲叫左2款餃，個餃皮淋到爭d成隻餃喺個鍋到散哂！總結！個湯底係送，埋單每人$355！如果齋睇食物，我覺得唔抵食！以呢個價錢黎睇，食物真係一般！好彩今晚入座率得7成，坐得舒舒服服，客人少，服務跟得足！今次都滿意既，但係再黎就唔會喇！

美食哥倫布今次去咗尖咀搵野食!有乜好野食？一齊睇下啦!哇！因乜解究火光紅紅？原來係餐廳放火燒人個煲！究竟乜事咁激動呢？之唔係為咗炮製呢個火焰龍蝦鍋！入面有成隻龍蝦同其他海鮮，仲會加一埋牛油同洋蔥落去一齊炒等佢香啲～下一步就係放火燒！哇！個火都幾大下！之後一路炒到啲海鮮熟為止，炒嘅時候真係好香！將海鮮炒熟晒就加龍蝦湯，再到啲湯滾嘅時候就食得！因為依個鍋係可以飲完湯再食埋啲料，之後先再加湯打邊爐！鍋入面本身啲料巳經夠多，所以飲完之後其實都唔洗加太多野食巳經夠飽！自家制炸響鈴叫完即炸！拎上手真係辣手㗎！即刻咬啖先！好脆好脆！好香口！所以即時叫返杯麒麟啤嚟送！響鈴就咁食會有少少油，所以食兩啖飲返啖啤酒，即時爽返晒！最後好似都無乜放落湯到食，俾我地食下食下就食晒！巨型大水餃！就咁睇巳經覺得好吸引！入面真係好足料！所以食落好有口感！仲好飽肚添！連住啲湯食就變成龍蝦湯水餃喇！牛舌芯係薄切嘅，啲色水好靚！落湯之後冇幾耐就食得，牛舌有咬口之外但又唔會太un，而且好香果然係牛舌心！白鱔片睇落份量唔係好多，但係其實每件鱔片每件都好厚身。你見熟咗之後都有咁大舊！食落好肥美！令人好滿足！最後食完野會有椰汁糕送返

晚上九點接完老婆收工行過厚福街搵東西吃，我見到胡爐推出左二人套餐， 之前吃過一次他們的火鍋都感覺不錯👍，兩個人最好就是吃套餐。湯底已經非常好一鍋裏有四款（皮蛋芫荽 ，蕃茄牛腩，麻辣，沙嗲。有個小食手拍青瓜，牛頸脊一碟，牛肉靚好新鮮入口即溶，西班牙黑毛豬簡直係十級推介肉味鮮甜彈牙不似本地豬肉有蘇味，手打四寶丸（牛、墨魚、蝦、鯪魚）、再嚟一碟什餃，迷你海鮮拼盤，菜，紅薯粉.....真係食唔晒，總之必須推介超值，抵食。但店員話星期五六沒有做套餐，就算早都會夜一點所以要注意，訂枱時最好問有冇套餐

尋日睇完show,同男朋友同朋友去尖沙咀打邊爐，之前都去過呢間餐廳但係食飯時間都幾多人，今次就試吓11點去啦。今次食得好舒服因為可能閒日加上咁夜，店員好積極介紹嘢食俾我哋。我哋一嚟到就帶咗個泰式生蝦。 唔好以為係泰國餐廳先食到好食嘅泰式生蝦呀，一放入口好彈牙好新鮮原來佢哋嘅生蝦係即嗌即整唔怪得啦四格湯底每款都好入味，食完麻辣又可以食下芫荽豆腐湯底降下火手打黑松露墨魚丸同芝士蝦丸睇得出係誠意之作，芝士係流心嘅店員仲主動俾咗九折我地添下次一定再嚟過

距離上一次光臨已是半年前的事，對上一次是食火焰龍蝦鍋，已經回味無窮，勁足料龍蝦湯濃郁龍蝦味，今次職員介紹我們新推介冬陰功鍋。除了湯底香味濃郁隔幾張枱也聞到，酸辣未到剛剛好，不是行貨，完全是選用泰式香料。鍋內更有一隻新鮮蟹、新鮮生蝦、大大隻的花甲等海鮮、及菇菌。定必要試。小食多了很大驚喜。涼拌薑蔥魚皮必食配埋酸薑夾在一起吃，令一種味道，超正，魚皮夠厚夠爽，醉鴨舌酒味香濃，手打蝦滑誠意十足超彈牙，爽口，濃厚鮮蝦味。

和舊同事吃飯，吃火鍋最方便，因為先來者可以先吃，不用等遲收工的人才起菜。職員送上先送上一盤調味醬料，除了平常我們會吃到的醬料外，它有一個麻辣醬，很好吃！先叫湯底，叫了一個卜卜蜆蟹鍋，看來有很多很多蜆,還有兩隻花蟹。吃火鍋最重要就是吃肥牛，我們叫了一碟手切本地牛，中size，送來的感覺非常像樣，放在鍋裏淥5秒就可以吃。這個牛肉非常有肉味，就像送久了也不會鞋，很好吃！另外，我們還叫了一碟豬肉，我平常是不會吃火鍋時吃豬肉的，因為覺得它通常都有豬臭味而且很鞋，但這個豬肉竟然很滑很滑，難得！我們四個女仔，還叫了一碟雙拼餃子，有菜肉雲吞，和黑松露帶子餃。黑松露帶子餃子很香，不過收差不多＄100真的有點貴。蔬菜拼盤反而很抵吃，有生菜、油麥菜、皇帝菜等，足夠四人份量！香菇拼盤係有很多不同種類的菇，適合三心兩意的我們。我們還叫了一些豆卜、冰豆腐、烏冬蛋蛋。值得一提的是這裏的服務很好，雖然枱面面積比較少，但職員很勤快，我們每吃完一樣東西，不用我們提出，他便會立即收走空置的碗碟。

冬天朋友相聚梗係要打邊爐啦.大家一齊圍住個暖笠笠既火鍋, 係好温暖既事黎今次朋友Book左胡爐, 佢話衣間既牛係好味到不得了碗碟好靚, 黃色花紋好有中國皇朝味道胡爐四格鍋$238有15 款湯底揀, 有選擇困難症既我地, 最後湯底揀左有4款不同味道又可以試唔同味道沙嗲, 皮蛋莞茜, 麻辣, 蕃茄我主攻麻辣, 超多配料拗出黎, 超正!!!蕃茄湯都好濃, 沙嗲味都好正, 淥牛肉超正花膠筒 $128衣個花膠筒超正, 花膠超靚, 唔係平價既野,滾熟左之後好軟滑, 花膠味好重, 又滋潤紅薯粉 $38有麻辣湯梗係要叫個紅薯粉食啦. 好爽口好彈牙!手打墨魚滑 & 手打蝦滑好鮮味, 食得出啖啖既墨魚 & 蝦肉既味道唔係平價酒樓禁溝左好多粉, 無鮮味.自家製炸魚皮 $68衣個都係超好味, 即叫即炸.脆卜卜. 唔滾熟佢就禁吃, 手工雲吞  & 手工魚皮餃雲吞皮薄餡靚, 魚皮餃肉質新鮮 自家製炸響鈴 $68又係即叫即炸, 每層都好薄, 好鬆脆.淖一淖, 半秒中食得. 沾上左湯汁. 好味非常胡爐牛拼盆 (小) $388牛舌芯, 金錢展, 極上手切肥牛, 日本和牛, 禾粒.顏色鮮豔, 肉質嫩滑, 超新鮮, 一d都

一再令人回味的冬瓜花膠雞翅鍋，同事介紹下首次去到胡爐，同事叫我必吃的鍋底，真係沒有令我失望，湯底濃郁浸浸雞湯及金華火腿香味，同所有肉類及海鮮都超夾....特別要提及到海鮮， 沒想到出街食火鍋亦可以食到咁鮮甜新鮮及價錢公道。必食推介聖子、象拔蚌仔、貴蚌蜆。黑松露蟹肉餃必食，脆鯇魚片新鮮鮮甜，完全沒有泥腥味，唯一就是坐得比較迫少少。但店員服務態度好好，當天完全爆場，但他們亦很快出餐。亦沒有限時我們七點鐘坐到10點半，叫埋單店員還說慢慢坐吧不趕的，等會兒上埋椰汁糕甜品給你，很窩心體貼定必會再次光臨