胡爐 (已結業)

湯底十分足料及野味，每款湯底都有唔同既配料。首先濃郁既沙爹湯底有豆卜同豬皮，當豬皮吸收湯底既精華係好加分。而清湯係芫茜皮蛋，清甜既味道可以減少食物既油膩感，食完罪惡感都冇咁重。西班牙黑毛豬豚肉首先個價錢對我來講有啲貴，但係佢嘅份量都係正常，重點係佢隻豬係切得比出面嘅厚，所以食落去口感好好，肉汁好多，配合埋啲湯底一流，個人認為唔點醬更加可以食得到啲豬既鮮味同肉味。黑松露蟹肉餃呢碟野會有張紙仔教你點樣煮呢個黑松露餃，跟住佢煮就啱啱好，咬落去會聞到好濃烈嘅黑松露香味，入面會有好多冬菇粒好有口感！鍾意松露香嘅朋友可以試吓。