肥姐小食店

营业中

休息中

記得我第一次吃這裏的墨魚已是好幾年前了,. 那時我因為肚子餓便隨手買一串來吃吃, 老實說起初真是有點擔心衛生問題, 不過見到都有人幚襯,, 沒想到竟然會一試難忘!! 之后每次去旺角, 這都是我必吃之選!!有過好一段日子, 這小小的攤檔消失了!! 所以當我有天無意間發現它竟然重現旺角, 真的很開心, 也急不及代買串墨魚來吃吃, 唔.....味道和口感仍然依舊, , 加上醬汁, 真的很棒!! 但相對下, 這裏的腎就比較遜色, 味道偏淡而且比較硬, 不過看見很多人買, 應該也不錯吧!! 此外, 還有很多其他鹵味食品也不錯.$5便可以品嚐到這樣可口新鮮的墨魚刺身, 真是超抵!! 相對其它小檔的那些霉霉墨魚串, 就會明白為甚麼這裏總是人頭湧湧, 難得是到這刻還沒有因為名氣而漲價, 水準也沒下降, 我會繼續支持, 值得推介!!

行過旺角,肥姐檔口總會有一條龍,少則都有三四個,多則十三四個。人流多,但流程亦快,前面有十個人,等了約五分鐘就到了。生腸,爽口非常,咬落真係有DD「爆汁」既感覺。墨魚,其實比較普通,只有微微的香味豬潤,唔「起筋」唔會「爛」,係爽同嫩既混合體豬潤其實無咩香味,但內臟呢家野要除異味都有難度,肥姐就做得到要試豬潤既味道,落少少芥醬,先至突出到。「茶」醬慢左少少,影響進度,比伙記X左幾句,唔緊要,我下次會快手D

由鰂魚涌放工後特地過來幫襯, 可見本人對生腸的喜愛.肥姐是少有獨沽一味只賣凍食鹵味的小食店, 不過勝在看上去較其他店舖衛生, 用料也夠新鮮肥美這晚要了大生腸跟大墨魚, 前者不是很多地方都有得賣, 吃上去絕無異味, 比正常的生腸爽口彈牙的, 鹵汁也夠味, 好吃大墨魚就失色了點, 跟生腸比起來沒什麼味道, 不過加上例牌的紅黃兩醬也是不錯的.炎炎夏日在旺角街頭吃一兩串, 實在透心涼!

每當行過旺角登打士街個頭，見到肥媽鹵味時，我都忍不住要排隊整番２串來食，雖然大排長龍，都覺得唔緊要，因我為食嘛！有好多唔同選擇，例如生腸大墨魚夠爽，腎夠淋，每款基本都夠凍，再加ｄ芥辣甜槳，簡直絕配好味！

我每次行過旺角登打士街肥姐,都見人龍10-20人排隊,人氣可謂旺盛, 所以我都專登用幾分鐘排隊試下,我買左小生腸,大墨魚同腎每串5蚊,大墨魚就10蚊真係好味! 凍凍地, 好鬼爽, 不過就無咩鹵水味...夏季食一流,加埋芥末醬, 完美!

經開旺角,見到好多人排隊便決定一試食左一串雞腎 同墨魚每串10蚊 爽口又新鮮雖然冷冷的 不過有別一番風味其實平日的街頭小食 大多都是熱食為主這絕對是口感新嘗試^V^另外醬汁不得不提 滷水香濃入味不怕辣的朋友 絕對要加黃芥辣 因為這絕對是精髓所在黃芥辣加滷水汁加 甜醬 perfect

旺角街頭小食有好多店舖選擇，各式各樣各款式的都有。但我就比較欣賞近於家樂商場依間肥姐小食店！大部份平均每串都只係5蚊至10蚊不等。價錢唔貴唔在講，食物質素有番咁上下。每次嚟親都會必食既腎片、生腸和墨魚！佢哋爽口不油口感佳，配合特製既甜醬、芥辣和醬油，味道相當不錯，必會食過番尋味！

見呢度人氣咁旺盛, 專登走黎試下嗌左大生腸+大墨魚每串10蚊真係好味! 凍凍地, 又爽, 感覺唔似食緊內臟 (平時唔係好食呢D野) 加埋芥末醬, 幾夾, ENCORE! 我會再黎GA!

跟朋友行街，之後去左掃街…遠處已經見到一大條長龍-皿-…排左唔係好耐，買左墨魚、生腸同雞腎墨魚正! (聞說每天都有QUOTA?)生腸一般啦, 唔係太特別~而雞腎就真係唔係MY CUP OF TEA啦;是朋友喜歡吃的=3=大致上都OK, 不過你排隊之前/果時 就要想好買什麼;因為買的時候都好趕, 冇咩時間想吃什麼@@

每次去MK一定會食肥媽的...食左咁多年,仍然好好好好味~~~~魷魚+生腸+ 雞腎+黃芥末,絕配!!!!食落口D野好新鮮好JUICY,唔會好似擺左好多日咁.而且好味又唔貴!值得推介^^

三月十日 (星期六)行過旺角的登打士街，就自然會想起肥姐，就像有股魔力般把我們吸了過去是次也不由自由地走了過去排隊期間還遇到幾位老外排隊幫襯，多口問一句，他們都愛這裡的Small Intestine今日買了三串，分別是小生腸，雞腎以及墨魚墨魚味道較普通，但十分爽口彈牙最喜歡吃的是小生腸和雞腎，滷水很入味，而且十分香濃咬起來既有爽口嚼勁，每次的味道依舊保持水準最初怕辣不加黃芥辣，但加了後會更惹味可口期待肥姐也在港島或新界區開分店

食完拉麵，再行去旺角掃街。掃街又怎能少了肥姐鹵味，我自己已吃過不下數十次，但友人第一次試。好多人排隊，打蛇餅。買咗生腸、腎、心同脷各一。生腸同腎依舊爽口；心同脷未必人人受，始終如果處理唔好會有異味。但肥姐嘅就絕對無異味，處理妥當。再加上芥辣同甜醬，味道一絕。

旺角的肥姐小食店經常大排人龍，這天也來湊個熱鬧，買了大墨魚及生腸各一串。但說句老實話，除了爽脆之外，大墨魚及生腸的口感與味道差不多沒有分別。吃這些街頭小食，當然不能奢求甚麼鮮味，靠的是滷水汁、甜醬及芥辣來調味。肥姐這方面就做得不錯，甜醬及芥辣的味道也沒有掩蓋滷水味。另外，人流多，去貨快，給我的感覺是頗衛生，買一串過過口癮無妨。

肥姐今日無咩人排隊, 我同細佬就要左幾串墨魚同雞腎.墨魚好好食, 入口爽脆唔會咬唔入, 真係唔可以唔服佢!!雞腎.凍凍地.鮮甜好咬口.....食物又夠衛生做得好好...一日要招乎咁多人都做倒咁真係唔容易，難怪咁多人幫襯

旺角滿街小食店，但吃過很多間凍鹵味後還是覺得肥姐的最好吃﹗$10串，價錢在這區算較貴，但佢用的是大隻墨魚，隻爪有手臂咁粗﹗夠厚切，肉質鬆軟，彈牙有咬口﹗我鍾意加少少甜醬多多芥辣，惹味好吃﹗肥姐應已成為旺角的小吃景點，天天都大排長龍，係佢做得咁好真係抵佢發達﹗