肥姐小食店

营业中

休息中

這天和媽媽吃過晚飯，想起這間在OPENRICE獲極多笑哈哈的小食店便拉媽媽走過來一看。來到的時候九時多，人龍不短但見店員手不停的，客流又是相當的快，心想應該不用等很久吧便排隊來看看。到我們的時候便叫了一串生腸($5)和豬潤($5)，這是我頭一次吃生腸呢!生腸的味道爽爽的，質感不錯，但好像有少少我不太喜歡的豬味，可對我來說仍是新鮮事，而豬潤則不甚特別。 邊吃時見很多人叫了大生腸，原來是這裡的特色之一，沒甚麼小店有賣的，便又來了一串大生腸($10)和一串雞腎($5) 大生腸的味道比其他的更好! 爽口非常而沒有了那股豬味! 十分喜歡!而雞腎亦是爽爽的!吃過一次後，每次來旺角也會口癮起的，好像上回又買來了雞腎($5)和豬潤($5)，水準仍舊的好!其實相信很多人也和我一樣，最愛的是塗在串串上的那些惹味的芥末醬吧!

黎到附近等睇戲，仲有半個鐘既時間，唔知食咩好男人提議吃甜品，哈哈我暫無吃甜點的意欲呢在亂行亂逛之際，忽然想起肥姐小食店，既然二人也沒吃正餐的意欲就來點小吃吧！看到有十多人的人龍，男人已經有點想打退堂鼓店員的效率是好高的，多說幾句便已經差不多輪到我們買了店員們一個負責問定要買咩，收錢和找錢，另一個便已在負責執貨，不要期望笑容會出現在他們的臉上，連一句多謝也不會奉上大概是長期要應付人龍，工作都變得麻目了。如常地叫了腎和墨魚。肥姐賣的腎是無特別，正常的質感和咬口，這次鹵汁的味道不太突出但墨魚則是無比的爽口新鮮，配以甜醬和芥末醬，好味，正！就我以言，吃過很多不同的墨魚串，肥姐賣既確實真係最好味最爽口的！而且肥姐賣的除了墨魚外，通通也是$5串，抵食，過口癮一流！男人吃後也覺得我是次推介不錯

大約在小學年代，曾經在街邊，見到小販拿著個竹蘿，內裡是各式的鹵味，待客人買的時候，徒手將生腸，紅腸，墨魚等等，插在竹籤上，沒有任何安全措施。再塗些甜醬辣醬便奉客，回想起，果然很不衛生。今時今日，這類賣鹵味的小販已絕跡，取以代之，是入舖，堂堂正正，不怕走鬼，旺角好景對面的肥姐，是賣鹵味的表表者。每一次經過肥姐，等候的人龍永遠不間斷，每人只限一款買一份，兼不可以拍照，非常之塵，的而且確，我見過有遊客在不知情之下舉機拍照，換來店員責罵，服務差？肥姐根本不在意這些批評，店大欺客，你不光顧，還有大把人在後面排隊。我也有數年沒到過肥姐了，難得女友想吃，這晚一共要了腎，生腸，墨魚三味。多人排隊即是代表好吃？不盡然，味道還不錯，生腸很爽脆，墨魚也一樣，但不是好吃得天上有地下無的級別，純粹過口癮而已。與吃豬腸粉一樣的心態，吃這類鹵味，目的是為了吃醬，甜醬芥辣，往往比鹵味更滋味。時代，科技越進步，舊物逐漸地淘汰，但街頭小吃是無可取代，之所以對面好景門口，四樓有四級的阿叔，已不知那裡去，對面的肥姐，依舊笑春風。

今日行過旺角食飯食完唔夠飽行過肥姐當然要加料啦去到又係見到成條人龍.......但係我同自已講過今日點都要買到紅腸同墨魚先會收手肥姐呢當野真係食過叫人難忘,d墨魚真係好新鮮好好味,我見太多人係門口食,外賣拿到返屋企先食

九月十六日 (星期日)剛從日本回來，在七日之間吃了多次的拉麵,壽司和日式甜品不過，在旅程中，我倆也不期然掛念香港的地道小吃呢是日來到旺角波鞋街，"順道"也要到肥姐買兩串久違了的地道小吃大腸｜雞腎大腸一如以往，滷水很入味，十分香濃咬起來既有爽口嚼勁，味道依舊保持水準拌上甜醬黃芥辣醬更加惹味今次吃的雞腎則略嫌軟腍，欠一點咬口味道仍是沒問題的，就是在質感上可以提升一點兩串美味的小吃只索價十五元，真是物超所值相比日本的物價指數，香港雖受通脹影響，但食物價格仍算非常相宜了同等的日元，在日本只能買到一支細的礦泉水呢

幾乎次次行過肥媽都見到一大條人龍排緊隊等我又加入先雖然話好多人幫襯，但其實唔洗排好耐就到自己店面寫明每串五蚊，大生腸或者墨魚就要十蚊我地要咗雞腎ｘ３，生腸ｘ２，墨魚ｘ１　要甜醬同芥末醬店員好快手，睇黎係不斷重複咁做呢個動作，我諗合埋眼都識佢先將一串串放入類似油？咁既醬汁入面，再拎起擺入紙度加醬，ｄ醬真係一ｄ都唔留手正常佢係盲咁用紙包比你，你想拎走既話記得要膠袋！雞腎$5：好爽口食落都幾新鮮，而且份量都算多，有大舊有細舊生腸$5：生腸痴得好埋，份量好多:ｄ　好好咬口　　　 最唔鐘意出面ｄ生腸入面有白色膏，呢間冇墨丸$10：唔un幾易咬　不過十蚊串既話我寧願一串換兩串咬出來既時候容易淺到ｄ醬係身，食果陣要好小心！其實果度滿地都係其他人滴底既醬，都幾污糟架多數賣呢ｄ既鋪頭都會整自己既醬汁，但呢間就咁用甜醬同芥末就取勝　簡單就是美

與友人行到登打士街，看見涼茶鋪旁的一間平時有長長人龍的肥姐小食店，居然現在沒人，就去過一下口癮。阿姐爽手就街知巷聞，所以急性子的你光顧這裡就不用擔心。即使人龍長，等候時間都合理。我點了墨魚，腎，牛筋。嗱! 就是這裡出事了。阿姐問: 你要豬脷? 我答: 唔係呀! 我要牛筋唔該!阿姐看似明白，但原來給了我墨魚，腎和牛脷!我驚愕地問: 唔好意思呀，但我係叫咗牛筋…… 阿姐: 咩事呀! 呢度邊有咩牛筋呀! 牛脷咪啱囉!! …還贈了我一番白眼。我知道錢給了，她也不存歉意,爭持下去也沒意思，我可不想被拍片。我話: 得! 完結了這宗慘案。態度我本不奢望太多，但基本待客態度還是要有吧? 這是禮貌，知道嗎阿姐?說回食物，墨魚和腎味道不錯，配上甜醬，芥辣令其惹味。所以推介一定要醬呀!!份量也令人滿意，墨魚$10, 腎$5，脷$5。價位也不高，撇開服務，車來車往的惡劣環境，這裡確是解饞的不錯選擇!

經常在旺角出沒的人想必認識肥姐小食店吧! 縱使禮貌欠奉，仍舊客似雲來，一條長龍將隔鄰的涼茶舖封得水洩不通，店員要提醒顧客移往另一邊診所門前排隊。成功的原因就如我和Shirley這次吃的雞腎、雞心和生腸一樣，賣相整齊清潔，肉質爽、潤又不含雜質，味道夠又不太鹹，加甜醬和芥辣才是終極的享受....不用說，評分以80分為起點，減5分禮貌和環境，總體有75分，好此道者的必然之選。

呢間肥姐小食店相當有名氣，每日任何時段都大排長龍，天氣熱又人多，阿姐態度有番咁上下惡劣。買左滿滿一盒返屋企加餸，有腸，墨魚，潤，腎等。爽！入味！！配上甜醬同芥辣超好味！只可惜排隊時間太長，加上路邊衛生情況欠佳，有點怕怕。

次次行過都咁多人排隊本來都唔食呢D串串既我都買左黎試試先墨魚串好好味 食落爽爽聲 唔似出面咁洗唔乾淨D汁料又好夾 食落好涼好正不過環境真係好差 係路邊車來車往D人又就咁企係一邊食 地下都好污穢而且D阿姐態度唔太好 可能實在太多客人啦如果食既話 都係打包拎去第二D地方食好但都要注意環境衛生啦~~

食完dinner, 見仲餓餓地, 諗住向街邊搵d野食下...成日都見肥姐排晒長龍咁, 應該都唔差, 所以就買左幾串食下~~ 其實好少食鹵味, 都唔知d野叫乜名....hehe求其指左幾款....樣樣都凍冰冰, 好爽口$5-$10/串都幾抵食早知要求多d甜醬, 芥醬, 因為好似唔多夠咁

買了日式Q餅，橫過馬路，在花園街邊吃邊逛，開始有飽肚感，又看見另一小食店，店前有一條人龍，當然要把握機會試食，排隊買了三串，分別是生腸、豬潤和鴨腎。生腸夠爽脆，豬潤粉嫩無渣，鴨腎亦新鮮有彈性，加上甜醬和芥醬，真的很吸引，不到十分鐘便吃清光，真是人間美食。不過此類食品膽固醇高，買來分甘同味比較好。

肥姐小食店是我每次到旺角其中一間必食店舖每次都會被人龍嚇一跳，幸好速度很快。所以最好在排隊時就想好了要吃什麼，不然店員態度有時會差一點。不過我沒這個煩惱，生腸墨魚雞腎，不變的三寶XDD夠爽脆入味，配上甜醬～又想吃了

肥姐小食店真係唔簡單,次次行過都有好長既人龍但人龍都去得好快,店員都好快手原因係真係好好食! 成日都忍唔住行過要買返一串食下, 佢會加甜豉油, 甜醬同芥辣!大墨魚:超好食!佢整得好爽口,好有咬口, 加埋甜醬,PERFECT MATCH!大生腸: 都係好爽口,略嫌有一點點內臟既味道

幫襯左咁耐,keep住咁多人排隊，keep住平靚正，未就係肥姐 d 老味囉除左大墨魚係 $ 10 之外 , 其他全部都係 $ 5 串 , 真係好抵食佢地 d 阿姐手腳好快 , 你一路講佢一路執 , 兩三下就包好比你快到你諗遲左食乜 , 佢就會 skip 你比左後面先不過總算態度良好o既 , 唔係咁快又點做咁多生意o者基本上樣樣野都咁好食 , 皆因佢 d 老水汁好食丫嘛輕輕浸一浸己經好好味 , 可想而知佢 d 汁係幾濃味甜醬同芥辣似乎都比一般貨色係正o既 , 成個組合都特別好食個人推介有 : 生腸食落好爽 , 一 d 都唔臭 腎無筋但比較薄 墨魚肥美 , 好在唔會韌另外牛舌食過都唔錯 , 不過有 d 膩 , 紅腸都幾好食喎 , 比較咸左少少因為佢本身都有味## 掃街離不開熱氣香口野 , 肥姐o既凍食老味串 , 簡直係一道清泉 , 用以中和下滿口油膩感 =) 謝謝肥姐