肥姐小食店

营业中

休息中

朋友帶我去呢間度食，話好好食，咁咪去試下囉~到我買果陣，因為第一次幫襯 咩都唔知所以慢左一兩秒之後就俾個呀姐碌大隻眼，勁大聲喝我我當場呆左即刻收番隻拎住十蚊紙幣停在半空既右手啤番佢 狠狠地拋下三個字 「我．唔．食」姐係咁食街邊野我無要求咩五星級酒店既service只係點解連對人既基本尊重都無???點解我要俾錢受氣先??而家已經不是談服務，而係基本既尊重都無！！！！！sorry 我無咩奴性的之後朋友就叫我試下試左一粒墨魚, 爽口, 但淨係得芥末味咋wor..無咩特別....

Lunch 時間, 打算搵位食飯!!肚仔餓!! 加上行經呢度...... 咦!! 咁多人排隊, 諗住買幾串充當"餐前小食"!!原來男友都叫我唔好等, 但我又堅持想試下!!等既期間, 睇下有咩好食啦....見到周圍好多人都食緊紅腸........ 好想食呀!!但男友只准我最多食3串!!於是, 可憐既我就叫左一串大墨魚 + 一串雞腎 + 一串生腸終於到我啦...... 男友俾$$, 我就好快手咁攞走d食物 (太肚餓啦)第一啖咬落去..... 好好味!!! 鹵水汁再加埋甜醬及芥辣, 簡直係絕配!!大墨魚, 生腸都非常爽脆, 但雞腎就差少少啦!!p.s. 懷疑係我肚餓既關係, 下次再幫襯, 試清楚d先得!!

今日去買大墨魚食果時，忽然加左條規矩「買大墨魚 要另加一款滷味」多口問句：可唔可以要2串大墨魚 唔要其他滷味 有個女人就已經好似欠左佢錢 不停BeLeeBaLa 咁講 唔理佢 話是旦要樣 咁算啦點之佢仲要唔停口 一路整個口不停講唉 我都唔明踩親你條尾咩 多口問下你 唔會有咩損失掛？駛唔駛係咁連珠炮講咁多唔相關既野幾好食都背脊骨落啦?Openrice成日呢樣唔得果樣，想點？刊登一篇你拖我成半個月？好，我講埋味道，墨魚口感依然唔差，最好味係d混醬今次件事後 強烈反感 好聲好氣咁問一下 得黎既係不耐煩、無禮貌既回答 令人厭惡 真係貼錢買難受 本人已黑名單此店 不會再幫襯奉勸一句：如果忍受得了店主/員的脾氣的話 儘管試試 最重要就係記住千祈唔好多嘴 問其他野

平時經過見到好多人排隊, 但都冇令我有衝動買返串來試下, 上網搜尋見到甘多人話好食, 今日就特登去試下, 去到見到好多人排隊, 但速度都算快, 好快就買左大生腸同墨魚, 未食之前, 我好期待食落去係咪好香的鹵水味, 可惜並没有想像中甘好食, 如果係想食鹵水味的, 就會好失望, 除左爽脆之外, 並没有咩特別之處, 一食完非常口渴, 真係利口不利身, 第一次亦係最後一次............

肥媽小食店......態度極度惡劣.........對顧客單單打打..我在買了串生腸,肥媽俾錯左紅腸我..我說俾錯左..去就一輪咀係咁鬧....又講嘛D單單打打說話...咁去都係俾左紅腸我,我就在去門口食,留左7-8分鐘,,我就睇到,又有其他顧客俾去鬧,原來去對其他顧客都係咁......我相信有無少,受害者............

個女人執錯野食比人.......同佢講番點知佢仲惡人先告狀........大聲夾惡侮辱罵人係咪傻...............態度極之惡劣囉..........好似唔憂做咁............我己經將佢列入黑名單唔會再幫襯.........唔駛買完受氣..............其實咪又係生腸...墨魚.........名過其實...........度度都有得食啦...........

今日同PAPA食完LUNCH之後,行去登打士街附近,見E間好耐無食過,就去買返串啦!買左一串大生腸, 一串小生腸, 兩串大墨魚大生腸好好食呀!!!爽爽脆脆的,配合甜醬同芥末,好好食呀!!!而大墨魚和小生腸相對地就有DD失色啦!!!總括來說, $10/一串大生腸 係抵食兼好食,如果老闆娘多D笑容就好啦!!!如果俾錢你賺仲要睇你黑面,咁就NOT GOOD LA~~~

食了雞腎, 大墨魚同生腸唔會話好好食, 但係平$5 , $10 串好多人排!~!!!!男朋友鍾意食墨魚生腸個D 可以再食! !!/........................

Finally, I tried 大生腸,腎,豬心 today, because it was only 3 or 4 customers waiting.HK$5 for 腎 and 豬心, which is cheaper than most of the store now. And HK$10 for 大生腸 but bigger serving than other stores which selling the same item for HK$6.Taste is only as average, nothing special. But the store is not that mess and only single item, so I believe that the price and the store is the reason for people to fall into the line to buy from them.

學完化妝已過10PM, 經過"肥姐", 見到百年難得一見, 唔洗排隊, 我和妹妹跑過去買來吃~腎: 妹妹覺得最好味, 但我個人覺得太腍, 不夠爽~生腸: 很爽脆, 加埋甜醬芥辣, 又甜又刺激, 超好味啊~ 後來, 再追加了一串大腸, 肉較厚較實, 都爽, 但不夠生腸好吃~ 下次想吃墨魚

那一肥一瘦的女士因錯聽我跟朋友的落單而單單打打，人身攻擊。此食店己被本人打入黑名單，永不幫襯!事緣我跟朋友很大聲的說要細墨魚，可能店舖位置處於人多車多地方，很嘈吵，兩位女士聽不清楚我們的落單而拿了大墨魚給我們。到付錢時我們說不，要的是細墨魚不是大墨魚啊! 她們便跟我們理論起來，最後那肥女士更說，「算啦佢地冇錢食大墨魚呀，你俾返細墨魚佢啦!」如果這兩位女士聽不清楚客人的要求，大可問清楚，就算真的搞錯了，換給客人又如何? 人身攻擊的說話要不得。那區區十元八塊有誰打算去掃街的會拿不出來? 別被所謂的虛名蒙蔽吧。

我成日同fd講：喂,我地去食肥媽鹵味啦已經去左好幾次,直到上個禮拜我個fd先更正我,係肥姐= =再上黎睇先知,原來...開飯介紹 肥媽小食店已易名為肥姐小食店。提供多款港式小食，推介有生腸和墨魚，很受客人歡迎 的確，我原是沒錯的。話說已食好多次上次食細生腸、腎 ， 加左甜醬和芥辣god.....超正爽口...鮮味依然係$5串!!!!!!重點：比煎炸的健康

呢間一定係全旺角最多人食ge小食店！每次經過都超多人！不過又真係抵佢多人！因為佢d野食真係好味道！配埋個芥辣正！同埋最緊要佢夠新鮮同乾淨！所以每次我經過旺角，都會買返幾串！正得推介！

在旺角食晚飯，講起在登打士街有檔鹵水小食，是我們小時候食的生腸、墨魚、腎，食完晚飯都忍唔住行一大段路去覓食。張貼了休魚期墨魚停售的告示，顯示了老闆對食材的認真。是晚只剩下大生腸、生腸和紅腸，每款要了一串，有昔日檔口的味道。生腸沒有異味，鹵水汁亦不會太咸，配上甜醬和芥辣，口中滿是美食，腦內泛起着兒時的回憶。再到旺角，一定要試勻所有款式。

依然如故鹵水汁又香又甜, 所有鹵味都鹵得入味並且無刺痛神經的味道。價錢無加價, 一樣是$5串, 大腸、大墨魚就$10串大腸、大墨魚、心、肝、腎, 全都軟淋淋, 凍冰冰加埋甜醬及芥辣醬都沒有蓋過鹵水味