肥姐小食店

营业中

休息中

有事要辦特意到旺角走一轉，搞妥後心中就是記掛著「肥姐」，於是步行二十分鐘來到其攤檔。幸好今午不見蛇餅只有約十人等候，立即一個箭步飆到龍尾排隊。兩名店員阿姐效率其高，一邊問「要乜？辣唔辣？」，一邊已動手執拾食物及收錢，轉眼間已把滷味放在吸油紙上，令人驚訝是吸油紙其中一角已摺疊好，成為較易提取的碟子，阿姐手腳之快真叫人讚嘆！今次一口氣叫齊肥姐三寶：大生腸、大墨魚、雞腎，前兩者價錢稍貴每串$10，至於其餘食物則每串$5。大生腸足足有六件之多，滷成螢光橙的顏色，拿上手則看到其非常肥厚，但內裏又不藏丁點脂肪，可見清潔功夫做得很好。的而且確，它沒有叫人厭惡的異味，入口彈牙又帶點柔韌，嚐第一片時真搞不清這種有趣的口感，好像有種魔力般叫你多試幾啖。大墨魚當然亦是份量十足，件件切得大片且厚身，其溫度較室溫凍又不至於冰冷，而且沒有雪藏的味道。論質感而言，它絕不似一塊擦膠物體，且比生腸更加爽脆有嚼勁，入口咬時會發出「嗦嗦聲」，特別在墨魚觸鬚吸盤位置，情況更加明顯，有點像吃豬軟骨的感覺。價錢相對便宜的雞腎倒又不賴，同樣是新鮮爽口之物，然而其鹵水味不太突出，反而要靠甜醬和芥末添香。這兒的芥末比外面的貨色濃，少少

姐姐買回來比我,太感動!最正既食法仍然係先雪一晚,O個個汁入哂味,令到爽口既墨魚更美味甜醬咩醬都不用了生腸也是不錯既選擇,味汁一流真係唔明白,點解墨魚可以咁爽咁脆佢地個汁又係甜咸比例一流,配咩都好食

成日都見到好多人排隊，所以一直都無食過。同埋鹵味小食係其他地方都有，本人又唔係超鍾意鹵味小食，所以一直無非排隊不可既理由。不過我成日問我老公係咪好好食，佢又話都okay, 今晚行過不如等我親自試食啦差唔多8點，都有成20幾人排隊，排左兩三個舖位。不過唔駛10分鐘就到。一串大墨魚，生腸同兩串雞腎加上甜醬同芥辣，原來發現真係好好食。雞腎好爽又唔太硬，墨魚好軟又有咬口，加埋個醬真係無得頂終於明白點解咁多人排隊，下次經過一定要再食，再試直d 個味道

每次黎到肥姐，人龍都係咁長，不過今次唔使排好耐就有得食。 今次我要了一串生腸，一串墨魚，齊醬！ 他地整得非常入味，爽口，醬料：甜醬和芥辣醬一流，生腸同墨魚凍得來又不會有雪味，簡直無得彈。每串都係十元，每次我都會encore！

事隔一年，再度黎到肥姐，人龍依舊咁長，不過唔使排好耐已有得食。要了一串生腸，一串墨魚，齊醬！依然十分入味，爽口，醬料一流，唔怪得年月日都咁多人。不過阿姐態度都仲係好惡，無計，就算再惡都會繼續幫襯，太好食了。

去旺角10次，10次都會食佢嘅野，因為呢檔野真係超正！一試就愛上左！我最愛食既係大腸，雞腎！呢兩樣都爽脆超正，加上我最愛既甜醬同黃芥辣，無得彈其他食物味道都5錯！

假日去旺角，從來都係考驗身體健康程度的旅程！人多到呢！加上旅客眾多，幾時都要打醒十二份精神！一場來到，我梗行去"肥姐"都篤返兩串先過癮！好誇張，條籠打蛇餅，轉埋彎排左30個人！全部係買"肥姐" 篤篤野食！排左15分鐘，終於都到，當然排隊時一早想好吃什麼，否則就會比店員串串貢！ "大生腸、小生腸、墨魚、雞腎" $35樣樣都好食，最正係凍得來又不會有朕雪味，解凍just fit，大小生腸一如以往好爽，好乾淨，墨魚都處理得好好，有咬口又不會太硬咬不開，加埋少少黃芥末同少少辣醬，真係好想encore！少吃多滋味，這個超高膽固醇系列一年幾次，好在肥姐沒有分店，如果唔係都幾難忍口！

Though the queue seemed long (8 - 10 people in the queue), but it only took around 5 minutes for my turn.The food quality remained good after take away back home for dinner at night (after around 3 hours). All food was put in skewers (each skewer costs around $10), they were 爽, 入味 and the taste was just appropriate (not too salty and even with a taste of sweetness). They went with very well with their sauces (秘製豉油, 甜醤及芥茉) The service was good with the people there very professional and quick. Th

有事要辦所以要到旺角一轉， 一想到去旺角便立即想到要去「肥姐小食」， 較好時間二時半到達。 大概肥姐應該是一開舖便有人光顧， 排隊， 源源不絕， 直至食物全都售完為止， 沒有顧客在檔口面前的時間大概只得1分鐘， 以前還沒有那麼多遊客的時候， 繁忙時間是由放學後開始， 現在的繁忙時間是由開舖開始。 肥姐賣的是港式滷水食物，橙色的墨魚， 橙色的生腸， 雞腎， 豬耳， 豬肺，豬脷、 紅腸、有時也有豬頭肉，款式很多， 看到那滿滿的滷味箱真的令人興奮， 很想每樣也要一串。可惜， 每次都只能在大墨魚， 雞腎， 大生腸之間周旋。肥姐的大墨魚， 大生腸是名物， ＄10一串， 那大墨魚足有5， 6件， 爽口新鮮，切得厚厚的， 入口索索聲， 還有墨魚味；雞腎滷得十分入味， 有咬口但不硬， 有些雞腎吃完是會胃痛的。 每次阿姐都是問要不要甜醬和芥辣，一定要加的， 一黃一紅兩條幼幼的醬料畫在滷味上， 快樂就是這樣。 來肥姐的不乏拿著旅遊書的遊客， 每一個買完之後都面容笑容， 拿著滷味自拍， 合照， 找著美食是一件快樂的事情來的。況且除了墨魚和大生腸外， 其他的都是每串＄5，哪裡找？在小食這個環節上， 肥姐真是為

去旺角10次會食7次，因為呢檔野真係超正！一試就愛上！我最愛既係小腸，雞腎同墨魚！呢3樣都爽脆超正，加上我最愛既甜醬！無得彈！其他味道都5錯！有一次我去買左3串再去脫毛，脫完再特燈行去買多2串！好難忍住5食lol！ 食完呢間，我5想食第2間lu!

次次行過,都大排長龍,不過唔會比條隊嚇親,因為佢地做客速度真係好快!!!雖然呢d街頭小食,好多地方都有,但係可以做到肥姐咁凍咁彈,同埋個咁正既汁,真係唔係到到做到!!大墨魚---好鬼正彈呀!又夠凍!!撞埋d汁料到,真係好鬼正腎--都係果句好彈牙!!!!生腸---又彈又好味!!!!紅腸--就普通左D.同埋同個汁唔係咁夾~

住在旺角的朋友對此店大舉拇指讚好食,但之前周末來過,點知休息,今日終於等到佢開門啦~~~!!門口寫住大腸,墨魚HK$10外,其餘全部HK$5串,最低消費HK$10...但幾乎個個客都買3串以上呢...

以前在旺角區工作，覺得附近小食店雖然多，但能以味道俘虜愛食之人的，只有「肥姐」一檔。上星期重回旺角區，一心想回味肥姐的鹵水大生腸和墨魚。誰知道，居然大排長龍，在我們前面，有近四十人在排隊，當中不乏說國語和英語的遊客慕名而至。生意這麼好，難怪姐姐們做到無停手都應付不來，店面更貼了招聘人手的告示。　　排了近十分鐘，終於買到一串大生腸以及一串墨魚，每串十元。超爽口彈牙，超有嚼勁，超級入味。另外，每次食肥姐小食，我都一定要加甜醬和芥辣醬。其中，芥辣醬更加是我的至愛，配生腸、墨魚來食，簡直無得彈。　　好好食，好滿足。十元食到好東西，排隊都值得。

每次去到肥姐，都是大排長龍。如果不是有事做和趕時間，我一定會買幾串咬下。為何？無他既，肥姐小食和其他不般的小吃的鹵水汁不同，呢個就係我成日講既 "老味"。我相信佢D貨都係由其他公司交貨來的。最住要係佢地肯在鹵水汁芥末和甜醬下功夫，D食物不見得和其他地方分別很大。每次去吃都有返小時候在街邊吃的感覺。一絲絲既記憶，十分回味。所以話 "一切都係懷舊既好"。

每次經過，只要唔太多人排隊（基本上無可能無人排）今次由同事幫我買（唔該曬）我食大墨魚,大生腸各一串！大墨魚+大生腸（各$10）比好多魷魚鬚，正！爽口唔黏牙！唔同平時硬邦邦又無味！大生腸無臭味，好爽好彈，易咬唔韌（有啲鋪頭嘅真係咬唔郁架）呢間嘅汁夠味（但唔會死鹹）加上上面芥辣好濃好攻鼻，食得好過癮！