肥姐小食店

营业中

休息中

每次路過肥姐都有一條長長的人龍，另人覺得好似食吾到便會『走寶啦』！今次我也加入了排隊的行列，要了2串大墨魚，1串腎，30秒都吾需要，便到了我手上。厚厚的醬汁淋在上面，在手上也是凍的，街頭小食來說個樣已好正！個醬好濃味，同黃芥醬混在一起，真的用好掂來形容。墨魚經過處理後變得很爽，喜歡爽口小食的人一定不能錯過，個腎有些失望，普遍是會有八角味，但佢冇。基本兩樣都是全靠個醬產生化學作用來變得美味。個醬真的好重要。

我一行經好景我一定買佢架墨魚，爽脆有口感，必食，生腸夠鮮，爽哧，紅腸也不能少、每次兩串，加埋豉油，食上引， 加上涷冰冰，夏天必食小食，可惜每次好長龍，但值得，因為都幾快可以買到！

旺角食完正餐路過呢頭，見到排哂長龍就跟住一齊排，佢地啲料好爽口，大概就係點解會排咁耐吧，啲芥辣真係好工鼻，可能因為我唔食得辣，以呢種料只係用$23我覺得都算幾便宜

尤其夏天，真係唔想食d熱辣辣嘅野又冇咩大食欲，揾肥姐就最啱，必食腎片4串，又平$5一串，又爽口又有口感，切得又唔太厚或太薄，朋友就鐘意食佢嘅墨魚，夠大串又冇腥味，肥姐係得嘅

大生腸及大墨魚真的比起一般小食店的好吃，很爽口，很彈牙。而雞腎也好好味，但就沒有生腸及墨魚咁大驚喜! 今次點了皇牌套餐，包括一串細生腸，一串大墨魚及一串雞腎，共約$23。如散買的話則每串$11，愛食鹵水的建議散買，因為大生腸比小生腸更好食! 排隊也是值得的!

肥姐小食店一向都係我既最愛,每次都要由姐姐買回家我先有得食,無計,遠呀麻生腸,腎,墨魚都係必食,但係最好味都係生腸同墨魚生腸仲有分大同細,大既口感更佳,大大碌,爽口,本身食材既味道不濃,但呢個汁真係無得頂,十分鮮味,咸度雖高但亦有層次.墨魚亦係十分爽身,都唔明點解可以咁爽彈.我認為最佳食法都係只配個汁,唔好再加其他醬.而且仲要雪下佢,隔一日食仲好味

去旺角必食!行完街專登去肥姐度食鹵味。真係好受歡迎，雖然好多人排隊，但其實都好快就會輪到。買咗兩份肥姐套餐，一人一份，三串之中我最鐘意係大生腸!乾淨冇臭味，好爽口，唔會韌。而大墨魚都好味，凍凍地又爽脆。雞腎又大塊，搭芥辣醬真係絕配!一份套餐份量我一個人食都覺得夠晒飽。講起都想食

每次出旺角，肥姐的大墨魚都是必吃之物。跟舊同事離開SPADE後，一起走到肥姐那裡排隊。人很多，不過很有效率，等了五分鐘左右，便從久違的肥姐手中接過三串大墨魚。(之前很多時都是肥姐女兒和女婿顧店)冰涼的墨魚片，爽脆不靭，加上甜醬、醬油和芥辣，實在是完美的配搭!今天能吃到久違的大墨魚，還有見到久違的肥姐，實在很開心!下次到旺角，一定要再來。

復活節去到last day，去旺角逛一逛買東西，兼去肥姐度食街頭小食，我地香港仔稱之為「掃街」。不知何時開始街頭小食已經比食環掃得一趕二淨。兒時吃過的好滋味已經冇得七七八八。換來集團式冇味道的所謂小食。幸好呢間仲係度。由佢手推車食到佢入到舖。好開心。近年再冇見肥姐親自賣。相信佢可能腳痛企不到咁耐。嗰啲應該係佢仔女幫手開檔。好在好味依舊！今次來在套餐賣。買了$23套餐（雞腎+細腸+八爪魚各一串）再追加一串推介$11大腸大腸真係very good，好彈牙淡淡肉好新鮮的！配上各式醬油真係好正！細腸就另一種風味，爽口香肉味。八爪魚我最愛彈牙又煙靵，口感豐富。雞腎比較冇咩特別，但都一樣彈牙，沒有overcooked。陫隊秩序良好，有自由行旅客陫隊但好守規舉。街邊小食做得出色有秩序又衛生，真係香港食客之福氣！總結食物👍💋環境👋不適用服務👋不適用價錢👍

平時都唔係太係街邊食野, 每次去旺角都見到肥姐果度好鬼多人,今次同朋友一齊去旺角,佢就走左埋去食,同我講話一定要食呀你,咁好食既你都唔食哂左,叫左一個肥姐套餐,估唔到街邊都有套餐,佢有小腸喇雞腎同魷魚鬚,原來睇來都幾吸引,食落又真係幾新鮮, 不過真係好多人排隊買,原來依D係要凍食,不過睇到串野既橙色,雖然係人造色素,不過又唔係太影響胃口,因為真係太好味喇,而且個小腸好爽口, 無出面既怪味,雞腎做得夠多汁,有咬口,又唔會太難咬,魷魚鬚幾彈牙夠爽口,三樣野食有三種唔同口味,朋友話一定要落醬,落甜醬同芥辣, 佢話個芥辣係唔辣既,係好香嫁, 不過我點都唔鍾意芥辣,所以只係加甜醬,不過都幾好食。

Mk甘多野食旦肥姐係必食甘就可以想像到佢有幾好食每次黎都有人龍排緊隊今次黎就嗌左2墨魚 1小生腸 1鴨腎墨魚係我最愛 每次都會叫因為佢夠爽 夠彈牙 小生腸又夠平5$串 生腸夠乾淨冇異味鴨腎口感吾靱吾林 岩岩好而佢啲滷味加上芥末甜醬個味好好勁推介👍👍👍

次次行旺角經過肥姐都超多人, 間中見條龍無咁長先會食! 今次竟然少有地無打蛇餅, 即刻上前排隊! order肥姐的鹵味最緊要快! 排隊時就要諗定食咩! 到時先諗就太遲喇! 今次食肥姐皇牌套餐, 細生腸, 火雞腎及八爪魚! "甜醬" >要, "芥辣">要, 廿三蚊! 唔好奢求態度好, 但你會享有超快捷的服務! 每串5舊左右, 都算合理! 雖然是街頭小食, 但肥姐的鹵味整得好乾淨, 真係好爽口, 唔會太韌, 正!!

近日雖然冷得只有9度, 正常人都會想吃些熱騰騰的美食不過宅女一向思想不太正常, 有時天氣越凍就越想吃些冷食例如這期每次來旺角就最愛去肥姐食幾串才走肥姐每天的店前例必都會有人龍, 但排隊時間其實很短, 一般排5分鐘左右就會到.吃的例牌一定要大生腸跟大墨魚 (各HK$10)大生腸簡單加點甜醬和芥末, 每舊都十分粗壯, 咬下去口感非常爽! 再加上芥末的刺激, 吃完一串其實不夠喉而大墨魚的鬚都比一般的來得粗大, 入口果然是啖啖肉, 質地亦十分彈牙雖然HK$10一串聽起來好像有點貴, 但吃過後必定會番尋味!

好鍾意食街邊野, 而每次去旺角都心思思走咗去肥姐果度.今次去旺角時同自已講唔好食勒, 要忍心, 要keep fit.點知都係行咗去果頭, 係咁同自已講唔好買, 唔好買. 結果...... 唔咳肥姐套餐, 20蚊, 抵! 有小腸, 雞腎和魷魚鬚.首先點解佢咁好食, 係因為新鮮, 勁多人買, 又點會唔新鮮. 其次依D係要凍食, 唔係放入去魚旦汁果度滾下. 最緊要係佢上的橙色, 大家都知係人造色素, 但係唔會令你覺得假, 反而係好味.小腸爽口, 沒有異味, 雞腎多汁冇渣, 魷魚鬚幾彈牙. 三種食物三種口味, 但重點係醬, must 落既係甜醬和芥辣, 佢既芥辣係唔辣既, 但好香, 加埋甜醬係一絶. 超超超好味, YEAH!好勒食完就安心回家了.

早前有朋自遠方來，北京及上海朋友來港，皆大讚肥姐啲鹵水好味！其實行過咁多次都未食過，友人反應超大，更謂沒吃過肥姐等於沒來過香港！你是不是香港人???心諗：有冇咁誇呀〜〜肥姐變香港景點？？？今日行過，又諗起友人果句「沒吃過肥姐等於沒來過香港！」一於試下先！一如平常，超多人排隊，但姐姐快手快腳，好快食得！大生腸$10大墨魚$10姐姐就咁用兩張紙包起，方便食又唔怕滴汁又環保好過用膠袋！快靚正大生腸夠凍夠爽夠滑！一啲異味都冇，加埋個汁先係重點！連平時少食大腸啲我都食唔停口大墨魚爽口彈牙有咬口，仲食到墨魚味，連埋個汁真係無得頂！唔怪得次次行過都咁多人啦〜！肥姐仲有個皇牌套餐$20一串大墨魚+一串細生腸+一串雞腎一次滿足你三個願望又係抵嘅！「沒吃過肥姐等於沒來過香港?!」你當佢是太浮誇吧〜不過促進香港旅遊業帶動經濟，都幾好丫〜