肥姐小食店

营业中

休息中

今日下午難得得閒，同好友到旺角血拼, 又係忍唔到口，隻腳好自然行到肥姐度lol皇牌套餐($23)有生腸、墨魚、火雞腎墨魚最好食!! 食過好多小食鋪，但肥姐係最爽口，而且咬得爛，食落無渣，like !!生腸份量少左d，得四粒細細舊；雞腎無乜特別。今次俾得太多醬，食落鹹左少少同埋搶走d味。下次可以叫姨姨少醬p.s. 你最好想好叫邊樣，       因爲D姨姨係super 快手

在open rice上看見有’得獎熱店’的肥姐小食店已經有一段時間了, 每次經過這間小店也會看到排了一條很長很長的隊, 看得出很受客人歡迎, 這更加激起我想試的慾望! 但每次也會因為時間緊迫而放棄,選擇吃其他附近的小食... 今天, 終於算是了了心願! 1:30pm左右經過發現店舖還未開, 上面寫著2pm才開賣, 難怪沒有隊伍呢!2:30pm 左右再次回來同一個位置, 這個時候已經有大概數十人在排隊了, 馬上跟著隊尾, 雖然不少人排隊, 但其實等待的時間不長, 速度很快, 排隊的同時也看到旁邊有不少人吃得津津有味!這間在遠處也能看到大大招牌寫著”肥姐”的小食店提供多款港式鹵味小食串， 小妹我點了一個很多人推介的皇牌套餐($23), 這個套餐有3款小食串, 包括生腸, 墨魚和雞腎,算是便宜了! 配上甜醬與芥辣醬, 簡直要說個讚! 整包接過手後可以聞到香噴噴的麻油味! 逐款試一試, 爽脆的生腸, 爽口煙靱的墨魚, 厚實而又爽口的雞腎, 縱使混上兩款醬料, 但食物依然保持有淡淡的滷水味! 口感又甜又帶有點辣, 冰涼入口吃不停, 相當滋味! 個人覺得雞腎比起生腸和墨魚略為遜色, 雖然口感不錯,

去旺角的指定動作 - 肥姐看到門口貼着這推介三串組合 - 大墨魚, 細生腸和火雞腎只售$23，抵!!!三款中，比利最愛的仍是生腸，配一點黃芥辣，爽口惹味不過，還是大生腸最能滿足~而大墨魚也很爽口，就是沒有生腸那一份帶羶香的味道，雞腎則次之~

昨天同朋友去左旺角, 佢話想食生腸,行到嚟我先知原來係呢度舖, 成日係OPENRICE睇到勁多LIKE,我未食過,第一次嚟炸,門口已經排緊一條隊,係轉了一圈呀,好誇張,朋友話套餐好似吸引及個個都好似叫套餐. 套餐23元入面有一串小生腸,一串大墨魚,一串卥水雞腎,加左少少黃介辣.我們行埋一邊食,賣相好吸引啊. 墨魚好爽口好味喎,雞腎又係好爽口,加埋D介辣好惹味,真的係大件,爽口,唔怪得咁多人幫襯啦. 我唔食生腸的,不過見到個樣都好似幾OK咁, 朋友話好好味,又爽口. 正喎.

經過ｍｋ想食下小食又有時間，就黎排下呢間肥姐，無論任何時間都好多人，排左接近１０分鐘，叫左豬耳，豬脷，魷魚，食物溫度剛好凍凍地，另外，豬耳同豬脷醃既汁吾太多，　但反而甘口感清新，全部食物新鮮爽口，尤其係魷魚。所以配合佢既芥辣同甜醬係幾好味若吾食得辣，記得同店員講好少好少芥辣

行行下旺角真係好餓好餓，所以就同my boy 去左排肥姐先諗住再行街~ 人龍依然係長，前面有成30個人....比著平時真係唔鬼排，但係我今日真係突然間好想食，同埋肥姐都快嘅，所以還是在等~我地叫左個皇牌，其實我平時真係唔會買，又係o個句真係好餓好餓~ 佢地嘅甜醬同芥辣都係自家製，所以店長好推介我地一定要2種一齊落先食到o個種鮮~! 所以照落(即使我平時真係唔食甜醬，但都覺得係咁樣落先好食，都係o個句只此一家)火雞腎其實係無乜特別，無腎味，普普通通~ 我好鍾意呢度嘅豬腸，真係好好食，好爽同埋夠凍，係真係要過冷河過都夠，先有o個種口感! 好彩唔係撞正休魚期，唔係就可能隨時無得食~! 大墨魚唔"un" 係呢度嘅最大賣點!!! 無"up"味一定係新鮮! 每一次都一定點呢個! 

點了個三寶，價格比以前好像更便宜了有生腸、火雞腎及墨魚，淋上了我愛的芥末跟甜醬爽爽脆脆的生腸，偏厚實的火雞腎 以及 腍滑的墨魚都值得每次路過都來排隊一下，難怪長龍永遠都在

每次去都有很多人排隊，但好彩店舖賣的速度也很快我這次叫了一串八爪魚、一串大腸,我最愛加甜醬+芥末醬,加在一起吃真的很好味這店食材很新鮮,墨魚口感很脆很有嚼勁，生腸處理得很乾淨,爽口無腥味食完第一件之後, 便著了魔般不停地吃下餘下幾件

大皇套餐28，生腸超級脆也不會有腥味，大墨魚嚐到，但是醬汁和芥末絕對大加分，雞腎相比之下就有點遜色。位置很好找，旁邊有奶茶有甜品還有個好好茶餐廳的煲仔飯好正！超級多人排隊！但是服務態度很好速度也很快。

以前係何文田個邊番學，成日番學都會落油麻地食肥姐，肥姐就係我的那些年。今日剛arm落開旺角，緊係要懷念下我的那些年啦。一如以往，總有一條長長的人龍，但員工手腳超快，所以大概等5分鐘就ok! 生腸 $5 (my all time favorite) 爽口無腥味，而且細細粒，方便咬。大墨魚 $10 (新寵兒) 爽口唔會趙唔爛，有種淡淡的咸水鮮味，正。肥姐最正的就係佢d獨門醬汁，甜甜地帶出食物的鮮味又唔會太搶，加上mustard，果然係我的那些年!!

肥姐在我心中的地位, 經過今次, 可以話係香港人的代表, 事關我買完企埋一邊食時, 不斷聽到隔離的強人說 : 真姣痴 當然, 我唔係幫佢賣廣告, 而係我自己食完都覺得真係好好味 , 墨魚肉好滑, 如果放耐左, d肉係鞋口的, 即係證明墨魚只係鹵好了一陣, 而且好爽口, 配以甜醬同芥辣食, 加層麻油, 噢, 好正啊加油, 讓強人更佩服我們香港製造吧

一生人難得來到旺角掃街，居然下起大雨來。但為了一嘗我慕名已久的肥姐，即使弄得全身濕瀌，滿腳都是污水，我也在所不計。到達時肥姐才剛開鋪，未有傳說中的人龍，但我才於一旁整理污積不過五分鐘，已經有幾個人在排隊了，幸好，肥姐手腳快，不出兩三分鐘已經處理好前面客人的需要，嘻嘻，輪到我！豬頭肉$11雞腎$6小生腸$10果然名不虛傳！小生腸鮮味十足，爽口得頂呱呱；雞腎同樣爽彈，毫無腥味；豬頭肉骨膠原重，富有嚼勁，口感好極！配上甜醬跟芥末更是不得了，又甜又辣又攻鼻，味道層次豐富得很，而且全部冷冰冰的，夏日炎炎吃一流！

試食大墨魚大墨魚有墨魚味，爽口彈牙，也有一陣濃濃鹵味，加上甜醬和芥辣醬，與原來鹵汁的配合，三相之力的平衝，各有味道。味道十分清新，不錯，會推薦朋友。06/10。

早兩晚經過肥姐, 回味在此食過的大墨魚, 就算長龍都要食雖然物價昂貴, 但兩串鹵水賣到廿蚊, 算得上係名牌價, 所以期望當然高, 不過今次食過之後, 睇怕都唔會再掛住佢, 皆因味道大不如前墨魚雖然爽口, 不過鹵水味唔入肉, 或者鹵得唔夠耐, 仲有之前好香的麻油味都蕩然無存, 如果全靠甜醬同芥辣, 跟一般街邊車仔又有何分別?希望改善下, 始終你係一檔出色的香港小食代表

肥姐真係好勁! 檔口排哂長龍, 打哂蛇餅, 小第要食一串大生腸都要排成十幾分鐘隊先有得食。大生腸好夠份量, 有成五件, 每件生腸都幾大而且肥厚, 外面顏色是螢光橙的，入口彈牙, 口感好煙韌, 生腸的溫度是微微凍, 所以特別爽口, 加上甜醬和芥末的味道, 是非常夾, 食完第一件之後, 便不停地吃了餘下幾件。