肉餅哥小炒料理 (已結業)

今次去試肉餅哥，一去到不用等位就有得直入了，首先睇下餐廳內部地方都可以接受既，準備開始叫野食之前，侍應會送上例湯個例湯自家煲，飲得出無味精，好似係屋企飲既湯咁好味👍我倆分別叫左椒鹽肉餅配菜飯（+2蚊），蝦膏蟹蓋肉餅配白飯肉餅可選擇煎或蒸㗎呢2款都好好味，個蟹蓋真係有蟹肉👍味道仲啱啱，椒鹽肉餅很香，口感十足。食完之後都忍不住推介比朋友真。很飽。好味

山長水遠去荃灣區就係為咗肉餅哥大窩口地鐵站出，都行成15 mins不過都值回票價，我同肥仔成9:30pm先去到，入面都仲有九成滿，心諗應該無中伏一坐低有兩碗湯，唔錯，幾足料登登登登⋯⋯⋯最震撼一幕出現啦！原隻龍蝦肉餅同蟹蓋肉餅肉餅啖龍蝦肉，無呃秤加兩蚊要菜飯，lee個真係要俾個like 👍🏻未食過菜飯禁多菜總括黎講肉餅哥真係好足料💪🏻

平時行過見到好多人排隊，心想差不到那裡，昨晚又是節日又無煮飯咪同仔仔去試下，仔仔叫左果芝士肉餅菜飯，蝦膏蟹蓋肉餅菜飯，食下食下好似不對路，肉味不鮮有些另人有不想吃的感覺，真是要有吃不壞人的精神才可踏足的這店。這是我吃過最差的一間飯店，怪不得昨晚做節都有位，差評

(1) 地點好偏僻，係工業區入面。(2) 座位排到密密麻麻，座得好迫，極度唔舒服。(3) 裝修簡陋，可見範圍內堆放雜物。(4) 白飯太硬，肉餅偏鹹，連最基本的也做唔好，無咩特色可言。(5) 價錢與食物，不成正比，令人感覺係一間賺盡生客，不留熟客的快閃食店。

之前電視有做呢間廣告就平時都久唔久去荃灣..一於走去試下..晚飯時間去到諗住要等..點知9成滿岩岩好..點都有出有入唔洗點等..個條街比較人流小D同有D工業鋪..所以唔知挨到幾耐LA..首先坐低整碗湯你攤下..但完全無味..又唔熱的..一啖飲完有種飲杯水好過感覺..點左個蟹蓋蝦膏肉餅68,+2轉菜飯..佢地拎手機入單比想像中慢..好似要係你面前襟左幾秒先開始入得..同埋要左可樂..可以轉過頭無左回事..要吹先有..主角來了..有D菜酸酸地唔知咩黎..同埋一塊生菜..肉餅就食落無蟹味..亦無蝦膏味..如果唔係有個蓋..我真係以為黎錯左...個味同平時食開D肉餅無乜分別..係係個蓋上了下了下咁幾特別..份量都算係適中..不過不會有下次了..大圍金X大大塊好過它又平過它 講肉餅史的話

近期大熱的肉餅哥，不時在報章雜誌上都看到它的推介，令我也專程前往荃灣去試食。位置不太好找，從地鐵站或西鐵站走過去都有一段距離。小店以肉餅作招徠，由傳統以至創新口味多達三十款。店舖裝潢簡約平實，以木製傢具為主，牆上掛有舊香港的照片。<原隻新鮮龍蝦肉餅>一上檯已令人嘩然，原隻龍蝦斬件鋪在菜飯上，賣相滿分！肉餅使用新鮮波士頓龍蝦製作，先蒸熟後拆肉，再與肥瘦適中的豬肉打至起膠。那煎出來的肉餅不單香口有嚼勁，還嚐到粒粒鮮味的龍蝦肉。美中不足龍蝦鉗並未有拆開，吃起來有點狼狽。<黑松露帆立貝肉餅>另一賣相精美的招牌肉餅，同樣可選煎或蒸的烹調法。刺身級帶子煎至金黃色，加上毫不吝嗇的芳香黑松露醬配搭，吃罷令人滿足。白飯加少許甜豉油亦更添美味。食物方面固然出色，但絕對需要改善衛生情況。雜物到處擺放，還給我看到有一隻大蟑螂在我腳邊爬過！當時真的有衝動想立即離開呢！

這間位於荃灣工廠區附近的小店將家常普通餸菜，平平無奇的家常肉餅，打造出令人感到驚喜的肉餅! 由普通的蒸肉餅，演變為煎肉餅，更可配搭龍蝦、鮑魚、鵝肝等不同材料! 店鋪位於工廠大廈附近，門面搶眼，內裡空間較為擠迫，但仍稱得上簡潔。甫坐下侍應即送上例湯，非常有自家炮製的感覺，充滿媽媽湯水的味道。然後遞上餐牌，都是以套餐形式為主，當中更有標明為店家推介款色，可選擇不同款式的肉餅，可蒸可煎，加錢更可將白飯轉為油飯或菜飯，飲品也有優惠價錢。我們先點了一碟開胃小吃蒜蓉萵筍，萵筍爽甜，微帶酸味頗醒胃。接著先來個蝦膏蟹蓋肉餅，當中肉餅外面香脆，內裡肉嫩鮮味，更有絲絲蟹肉，非常特別。再來個秘製金沙蛋黃肉餅，蛋香濃郁，肥而不膩，令人齒頰留香。由於是次揀選的肉餅都是煎的，較為香口，下次再來的話會選擇蒸的，更會試它的海鮮肉餅呢！

聽人就好吃，就朝勝下囉。去到，叫左兩個肉餅飯，龍蝦及芝士肉餅。落單好快就到了，這不錯。可是，d肉餅，基本上是7成肥肉，啖啖肥肉，好嘔心囉。好肉呀，係好肥肉先岩，我下次一定不會再來。

最近呢間店好似好hit，又話要排隊，係睇晒咁多位師兄師姐嘅食評後抱住無期望無失望，要排就即走嘅心態去食。。今晚六點半已到，未坐滿，所以入左去試。。環境方面，其實同茶餐廳無分別，好窄下，身位比較大件的話去食會有點辛苦。。話左睇晒大家好壞參半嘅意見，心目中大概知道邊個飯係伏，同埋大概知個量，所以四個人打算叫三個飯，剛好每個價錢揀一個，白飯油飯菜飯試晒。。湯就一坐低就有得飲，睇其他人comment都幾好奇，有人話好有住家湯健康果隻，有人話例湯，而我飲完絕對覺得係後者😑聽聞龍蝦係必叫，又見到隔離檯食，多嘴問一句，隔離個食緊嘅小姐話都不錯，建議蒸嘅。。所以叫左。。龍蝦蒸肉餠賣點應該係果份創意，龍蝦肉應該係整左入肉餅裡面，所以幾彈牙，但味道只屬非常一般，其實無話好香蝦味，反而淡淡地，呢個價位真係唔係好值，但話晒鎮店之寶試下ok.. 我都係鍾意食出面d 籠仔蒸蝦飯多d..咸旦黃煎肉餅呢個反而幾好味，因爲我地問左落單哥哥，佢話煎會惹味點，所以我地煎，都真係好香口，好多咸蛋黃，幾正，呢個推介土尤煎肉餅ehhhh..... 正常到不得了，無話超好味咁囉。。至於白飯，菜飯，油飯都偏硬，食到D米絕對係茶餐廳果

蟹蓋肉餅(如有蟹鉗，就更吸引)肉餅打得好滑(有煎或蒸，揀蒸肉餅)不過食唔到蟹膏和蝦味，肉餅口感不錯，肉很新鲜(蒸的時間剛好，keep 到肉的汁(無流失)飯軟硬度(適中)，可惜飯唔熱 登登登登……龍蝦肉餅好耀眼我揀蒸肉餅肉質同樣打得滑，足料龍蝦肉，好鲜味的蝦，用砵裝的菜飯，熱辣辣因為蝦肉鲜甜(不用加豉油食)有例湯飲(淡左d)蟹蓋肉餅(失色)，無蟹蝦味，飯唔夠熱，但肉餅口感出色！龍蝦肉餅外觀吸引，味道令人回味(多龍蝦肉)飯熱辣辣的p.s.不過桌上的鐵匙羹(有水漬，污漬)，待改善

次次揸車經過見到門口都人山人海，終於鼓起勇氣去排排隊等位，星期五晚约八點半到埗，等了廿五分鐘就有枱，装修時尚簡潔，枱與枱之間有點迫, 但見枱枱攞起手機，相機📷📷📷食先的氣氛帶動底下，真係好期待啊❕❕❕近乎枱枱都有叫原隻龍蝦肉餅飯，我當然也不例外，另外點了個凡立貝松露肉餅飯，支装芒果汁，蕃石柳汁🍈🍊🍐🍎🍏個龍蝦肉餅飯單是賣相已令我心花怒放💮🍀🌺，同女友人狂影狂影😂😂龍蝦肉新鮮弹牙，大大隻鉗，肉餅煎得非常香口，肉饼肉還有大大粒龍蝦肉，忘記了一提，我們轉了菜餅，有肉又有菜，真是驚喜一浪接一接👏👏👏👏凡立貝松露肉餅飯，賣相亦精美，未食已經聞到陣陣松露香噴噴，肉餅煎得同樣香口不會太乾，肉餅肉亦有點點點點松露，用料絕不馬呼👍👍凡立貝大大粒，鮮甜不乾身，支装果汁refresh口腔味蕾，整餐都是令人滿意的，下次一定要試試那個秘製黃金蛋王煎肉餅飯😁😁

點樣食肉餅先夠霸氣？😎一定係食原隻龍蝦肉餅！😏賣相超奢侈豪華～😳仲引黎好多艷羨目光添😍『原隻新鮮龍蝦肉餅』🐉🍤🍖雜誌隆重推介❗️霸氣肉餅哥駕到🙇🏻上枱果刻的確好吸精！👀原隻龍蝦放係鐵鍋上誘惑你💃🏻望見真係口水都流呀🤑好難唔比相機食先📸賣相夠晒誇張！😍重點係霸氣龍蝦哥睇得又食得👀😛肉餅係用鮮嫩龍蝦肉整成👏🏻堅。係有龍蝦肉架😳真材實料。無花無假💯啖啖龍蝦肉超彈牙有嚼感😚即刻令肉餅口感升呢🌟👍🏻識食緊係嘆下兩隻龍蝦鉗先啦🍤🍤一拆開就啖啖肉好驚喜呀！😍龍蝦頭仲有豐富的龍蝦膏🐲撈飯食簡直係殿堂級享受👸🏼真係霸氣的表現！👨🏻龍蝦肉餅煎得金黃香脆👏🏻外層香脆爽口😛內層肉質鮮嫩彈牙👄即時鎖住左肉汁同海水鮮味🔒嫩滑可口！鮮味無窮！👻仲加左馬蹄令肉餅食落又爽又有咬口🤘🏻龍蝦膏同肉汁流哂落個油飯度🙀嘩！索哂日月精華😻連個油飯都好好味呀！😋賣相滿分。用料上乘💯不愧為荃灣肉餅哥呀！👨🏻🙇🏻

今日下雨，所以不用等位就可以食到肉餅哥。和媽媽姐姐三人安排中間面對面坐。未落order，已經奉上每人一碗例湯。媽媽說是合掌瓜湯，味道淡淡的，沒有味精。我叫蒸龍蝦肉餅，配油飯。每個飯餐可以選油飯、白飯或菜飯。(油飯和菜飯要加$2)龍蝦肉十足，兩隻龍蝦箝亦有好多肉。肉餅還有些蟹子，好滿足。而個油飯仲好熱辣辣。媽咪叫了煎椒鹽肉餅，配菜飯。由於是煎的關係，十分香口，送飯一流。可惜個菜飯不夠熱，好似放了一陣子一樣。姐姐叫了蒸麻辣香菇肉飯，配白飯。輕輕的麻辣味，十分惹味，送飯一絕。

從來沒有想過，媽咪經常在家裏烹調的 一道家常小菜“蒸肉餅“,能夠變成那麼多的種類，今天特地前來一試。從來沒有想過，鵝肝能配合肉餅吧，意想不到的，就是完美的配搭，鵝肝油落在肉餅，再到白飯上， 那一種色香味俱全的味道，實在回味。而肉餅本身肉質也很好，比起媽咪的，有過之而無不及。流心芝士又何曾發現能夠配合肉餅呢？ 外面香脆內裏嫩滑，再配合芝士“將口"的感覺， 用中西合璧來形容這兩款肉餅，真是一個不錯的形容詞。必定會再到來，試試其他口味。

LUNCH TIME 爆棚好正常, 呢間肉餅哥有唔同口味既肉餅選擇, 幾吸引! 飯仲可以選擇白飯或菜飯!一嘗"黃金沙肉餅飯", 金沙香氣陣陣飄香, 顏色金黃, 金沙滿鋪肉餅面, 流口水~~~咸蛋黃好香好惹味, 撈飯一流. 肉餅煎得香脆, 唔好睇少佢只有一塊肉餅, 絕對夠飽, 仲有D 滯, 哈哈~