肉餅哥小炒料理 (已結業)

因為經常係荃灣食飯，有日上網見到介紹肉餅哥，當晚即刻去試我叫左流心芝士肉餅，以我認知，唔流心都應該要有芝士，莫講話芝士丫，連芝士味都無。我男人叫左個爽彈黑椒雞腎粒肉餅，無黑椒味，無雞腎粒

今日下就去左食肉餅哥本身滿懷希望，我就叫左26號菜浦蝦米煎肉餅（$60)朋友就叫左16號糖醋煎肉餅($50)一入去放底左2碗好似水，但好多油冇味既湯之前飯就到了，速度系幾快我地加左錢轉菜飯，但冇菜飯味同白飯原全一樣肉餅肥肉太多，粉都好多，一d都吾好食，太喊，太多味精搞到我飲水飲左成日想試可以去試，但吾好抱甘大期望可一不可再不好

從面書見到朋友極力推介荃灣新店肉餅哥，我本身又好愛食肉餅，呢日出黎做野，就走去食啦！之前見朋食係可以揀撈麵/烏冬，點知咁快就轉左menu,只有白飯，菜飯，油飯幾十款肉餅中我揀左蝦膏蟹殼煎肉餅，真係無揀錯呀！蝦膏本身已經好香，煎過後就更香更出味，睇落好似好細舊，其實好厚，釀入蟹蓋入面係睇唔出。飯揀左菜飯，比較乾身，反而覺得飯份量太少，唔夠送嗮成份肉餅，肉餅屬重口味，就咁食會漏，送飯就一流另外加錢要左罐可樂

今天滿心歡喜去試試 星期日下午人不太多 等1會就可進餐廳 4個人叫了4個口味 肉餅味道一般還ok 肉餅不會硬不會乾 但豬肉太肥 成口肥肉肥油 吃多一兩啖就覺得膩了 不想再吃 也不想再光顧

其實隊長由細到大都唔鍾意食蒸豬肉餅的，但睇完雜誌既創業版介紹肉餅哥，好似好多款，仲有香口的煎肉餅食，好！即管試下。7點去到都已經好多人等位，不過因為舖頭細，唔坐得耐，都好快有位。如果有決擇障礙就大獲，從十幾廿款中，揀完肉餅，再揀蒸/煎，再揀白飯/油飯/菜飯（油飯/菜飯都要加錢）⋯⋯最後我揀左個中價既煎xo醬帶子肉餅+油飯，肉餅打得夠膠，帶子都多，而且粒粒都有半粒，唔係帶子絲，至於個油飯乾身左少少，但整體都唔錯！雖然叫小炒料理，不過其實都係以肉餅為主，人少少就可以，人多就好迫同無甘多位比你坐。

被「蛋黃哥」的朋友「肉餅哥」的名字所誘惑，這天拉了爸爸去試試午餐～～雖然不是流行人氣位置，但真的不少人慕名而來，約1時多，已有許多人輪候；幸好只是2人同行，不用花多餘時間便直搗黃龍不用特別考慮，試試特色/招牌菜 ——煎潮州肉餅油飯，非常香口～～但除了炸花生外，嚐不出肉餡材料的特色另一道蒸龍蝦肉餅菜飯也見不少蝦肉，個人覺得不過不失（因盛惠$100大元）飯再添上甜豉油的確惹味可能人手不足，例湯也忘了奉上幸好對面的婆婆姨姨好心提點（臨走時聞到她的蟹蓋蝦膏肉餅飯香氣撲鼻得很可以再來的

今個月放假次數較多，可以在不同地區食午飯，就像今日去過荃灣，食個午飯。肉餅哥餐廳小炒是荃灣近期新開的餐廳，以肉餅為主打，除了用上豬肉做的肉餅外，還有用上牛肉做的肉餅吧。翻查餐牌，肉餅哥點只做肉餅咁簡單，而是在肉餅上加上小菜類的小炒，令肉餅變得不平凡，使食客除了吃餅之外，還可食到其他小炒菜式吧。麻婆豆腐肉餅飯。在肉餅上加上麻婆豆腐，連同其他的肉餅是新潮的配搭，肉餅翠用上新鮮的半肥瘦豬肉，打好後切成長方形，故有勁嚼口感，而且麻婆豆腐亦具辛辣味道，故與肉餅一起吃，當然有辛辣的味道吧，而豆腐亦有滑溜的口感吧。熱奶茶是今餐的餐飲，奶茶具備了茶香和醇厚的茶味，順滑而澀吧。今餐以肉餅做主題，實是少有，而且平時午餐也很少食到肉餅呢！

今天在荃灣工作，到了晚飯時間還未收工，於是決定先到人氣肉餅店吃個晚飯。人氣店就是人氣店，7:00未到已排隊， 毫不猶豫，我們開始排隊，雖然人很多，大約30分鐘我們便能入座。人氣店分為$58 $68$98的種類，我們點了98元的龍蝦肉餅飯及鮑魚煎肉餅飯。飯一到，我們就知道等是值得的，龍蝦(何其壯觀)啊，兩隻大 龍蝦鉗，加上頭及尾，肉就放在肉餅内，煎的，超香口，並帶肉汁，不用豉油汁也超惹味。 鮑魚肉餅也不遜色，原隻鮑魚放在肉餅上，十分香口， 鮑魚也入味，有咬口。 我們把整個煲仔的飯，全部吃掉， 飯比較硬，一粒一粒的，很喜歡，朋友說大硬， 我卻很喜歡這種較硬的口感。我很少會排隊吃東西，但這一次等了30分鐘，也應為相當值得， 回頭機會相當高。1

我本身好鍾意食肉餅飯，所以一定會去試肉餅專門店。🌟呢度仲有得唔使加錢轉菜飯或者油飯，我諗住健康啲揀咗菜飯，不過其實菜飯都有啲油，但我覺得有少少油係飯到係會開胃啲好食啲。👍👍👍首先叫咗個龍蝦肉餅飯（轉左菜飯），好大隻好靚影相都好上鏡好靚。最重要係，食落去真係有啖啖龍蝦肉，加埋豬肉幾香，足料龍蝦其實都唔係貴。💯仲叫左個黃金沙肉餅飯（轉左菜飯），啲蛋黃真係炸到金黃色好靚。真係好開心，因為個蛋黃好大個，就算咁大碗飯都可以送得晒。📢📢📢啲蛋黃真係好香脆好好食！本身我都食到已經好飽，但係因為呢個黃金沙蛋黃肉餅飯太惹味啦，我飽都照食咗好多飯落去。😍😍😍仲可以有一碗中湯飲，今次飲嘅係紅蘿蔔瘦肉粟米湯，唔似出面啲餐廳咁多味精，感覺似住家湯幾健康幾好飲，仲好大碗。👏🏻👏🏻👏🏻👏🏻如果唔係特別大食或者係女仔去食，建議叫兩個飯三個人食都得。

知道有呢間野都係一次無意之中行過見到...所以搵左晚決定去試試，原本打算收工去自家飯堂"銀龍"，但突然諗起呢間，所以行過去look吓多唔多人，去到見到唔係太人就拎左張飛，等都幾個字就有位，地方唔大，坐得唔係太舒服(算吧，食物好食冇問題)，叫左兩個肉飯，一個11號同13號(好似桂花蜜糖肉飯同蓮藕肉餅)，一坐底就一人一紙杯例湯，湯味道ok!之後黎左兩個肉餅(煎)，肉餅個size本人覺得太細，比去酒樓叫個d中頭肉餅飯大少少，兩個肉餅一個要左個白飯，另一個要左個油飯，油飯味道可以，唔油，但略為乾身少少，而肉餅既味道尚算可以，只係比平時食開個d普餅特別左d! 唯一唔好好佢太油，肉餅size太細...講真，$58蚊呢個價錢，相對個set既份糧係貴..!試過後真係未必有下次!

今日黎到好高分既肉餅哥，預左佢會勁多人架啦，6:45黎到已經要等20個 拎完飛就走圍行一陣再番黎啦，45分鐘之後終於入到去啦～勁多唔同種類既肉餅～ 真係佩服佢咁有創意，將呢樣每個家庭都煮過既菜玩到咁出神入化 原隻新鮮龍蝦肉餅 （$98）你睇下佢幾霸氣，真係原隻龍蝦咁上架，肉餅有得揀蒸或者煎，龍蝦呢個揀左蒸，$98有成隻龍蝦俾你仲想點 真係自己去街市買都唔只！ 肉餅食得出係手打過既，唔會淋淋咁，有咬口，龍蝦都夠新鮮，話晒間鋪咁近街市，要拎新鮮貨話都無咁易啦 蝦膏蟹蓋肉餅 （$58 + $10）今次呢個揀左煎既肉餅，呀～唔記得講，其實飯加左$10之後就有得揀架啦，呢個揀左油飯，另外有菜飯，油飯唔算好香，個蝦膏肉餅就好正啦！由於呢個肉餅係用煎既，蝦膏既香味就更加出，肉餅將整個蟹蓋填得滿滿的 每個飯都會連一碗無味精湯，以呢個價錢，俾到呢個質素，真係抵佢成功

秘制金沙蛋黃肉餅, Lunch set $58因為已經有金沙蛋黃,所以冇轉做油飯當減輕少少罪惡感金沙蛋黃做得好好, 個種油香就連而家打緊字都記得!如果D飯可以多少少就好, 因為太好送飯, 到最後係要淨食肉餅下次有機會會試火焰鵝肝肉餅, 愈高危嘅食物愈係好味, 好似係真理,除非唔係

中午到店，座位比较窄，味道不過不失呢个98元的肉饼唔好吃，有阵臭青味呢个58元的肉饼有芝士，芝士普通而且唔多靓还吃了一个58元潮州味道的肉饼，用料無咩新意。总的感觉係煎的比蒸的好吃

肉餅飯係我最喜歡的！荃灣對我來說一點也不近！今日經過開所以特登叫老公帶我來吃！位置一點也不方便！來到立即有人拿一碗湯來！一入口覺得無咩特別！好似水！真的不是老火湯！雖然也覺得味精不多！但不好喝！失望！之後叫左個咸蛋黃煎肉餅菜飯！好香但啖啖油！咸蛋黃好實！一般貨！再叫左個潮洲家鄉蒸肉餅菜飯！唔明白點解個潮州肉餅完全無汁！但你可以自己加煲仔飯豉油！凈係賣飯同肉餅既店！理論上要米飯靚要上等、肉餅要新鮮肉才可以成為招牌！平均60蚊不平也不貴！但我仍為可以做得更好！其實我對呢間肉餅好失望！我非常喜歡吃肉餅才去！但完全不是我所想的！

蒸肉餅這個家常小菜相信係屋企都有食過肉餅既專賣店，都真係好少見依間肉餅哥入面餐牌有33款肉餅揀有特式果醬肉餅、泰式冬陰公汁肉餅、流心芝士肉餅............好多選擇，結果揀住依兩個試住先👄上圖：秘制金沙蛋黃肉餅 $48肉餅好腍，完全唔乾身，入面仲有馬蹄，送飯一流👄下圖：墨汁魷魚肉餅 $48肉餅一樣都係咁腍，有魷魚粒係入面，不過唔算好多粒。佢$48係配埋白飯同例湯既，如果要熱飲加$2另外我都加左$2轉油飯試試佢😌今次真係大滿足下次去開依頭試下佢個流心芝士肉餅先.