肉餅哥小炒料理 (已結業)

肉餅哥將由細食到大肉餅變出33種口味．肉餅．可以選擇蒸或者煎飯．可以選擇白飯．油飯．菜飯．白粥．米粉例湯．無味精幾好喝．龍蝦肉餅 (左上)＄100龍蝦肉混入肉餅龍蝦味唔算突出不過創意搭夠Rating: 7/ 10．黑松露帆立貝肉餅 (右下) ＄100煎過肉飯配上黑松𩃭露幾香口Rating: 7/10．芝士流心肉餅 (右上)＄70中間芝士唔算好多好流心反而肉餠面燒過芝士幾香Rating: 7/ 10．金沙蛋黃肉餠 (左下) ＄70成日都覺得咸蛋蒸肉餅蛋黃太少金沙蛋黃肉餠一定滿足到蛋黃怪金沙蛋黃厚厚鋪上肉餅味道好香Rating: 8/ 10

今日去朋友屋企慶中秋，就係附近搵野食，一搵就搵到間唔錯既小店，仲一睇個名就知道食咩架啦😂😂我地全部都嗌左煎肉餅，如果唔鍾意煎都可以揀蒸架🤘🏻我地分別嗌左原隻龍蝦肉餅，祕制金莎蛋黃肉餅，原隻凡立貝黑松露肉餅同埋流心芝士肉餅，黎到個樣都好吸引，食落其實全部口感都一樣，因為都係煎到出面趣卜卜又有咬口，味道都夠。先講下原隻龍蝦肉餅，佢d龍蝦肉會撈埋落去煎再可以拆殼食d龍蝦肉。味道都唔錯。原隻凡立貝黑松露就其實冇咩特別，都食到d黑松露味。流心芝士肉餅就面一塊芝士，再夾多塊係中間，都做到有少少流心，但係我覺得似d多士咁，不過我覺得好正👍🏻👍🏻👍🏻但係我就覺得祕制金莎蛋黃最正，雖然係普通d但係好入味又好香，食完係會膩dd，同一定夠飽😚😚😚👍🏻👍🏻👍🏻

曾經聽過好多人有好多唔同嘅方法去整肉餅，例如加啲油，加馬蹄又或者加d生粉，又話一定要用手剁，咁多個方法其實我都試過但係水準唔能夠保持，一時又好鞋，一時又好水，實在唔明白點先整得好食。點解d肉餅可以整得甘好食，直頭可以用出神入化嚟形容拒，將普通一個肉餅，加甘多新意落去。呢到嘅款式多達30幾款，剩係食肉餅都可以食足一個月哈哈。我選左比較特色嘅必食推薦--龍蝦肉餅，龍蝦肉拆肉與肉一起撈匀，蒸出嚟兩種肉夾埋一齊既有龍蝦味又有肉味，正！最厲害之處係拒係用原隻的龍蝦！絕對唔會吝嗇用小小唔用小小，原隻整，仲要係身嘅肉幫你拆唒，手腳可以自己慢慢剝，剝出嚟都超多肉！然後個肉餅我選左用煎，煎出嚟又香口，又好味。另外叫左個流沙黃金蛋黃肉餅--金沙蛋黃肉餅有冇聽過呢？我就未聽過我第一次喺呢度見到有，平時已經好鍾意食鹹蛋黃，所以點可以唔試下。蒸出嚟嘅肉餅雖然無煎出嚟咁香口，但係食落去就較為軟熟，同埋感覺會比較清新，冇咁肥。上面再加埋鹹蛋黃喺度，有d錦上添花嘅味道。呢到除左可以配白飯，菜飯之外，仲可以配撈面又或者湯面。估唔到選擇都幾多，配左個韓國辛辣面又幾好食喎，唔使甘乾身，有d湯飲下。嚟左呢到食之後，我發現點去

同屋企人去咗荃灣試想食想咗好耐嘅肉餅哥！由於我地一家大細一齊去食，所以叫咗好多款唔同嘅肉餅，有d普通d嘅款for返老人家食，我地後生d嘅就食d新潮d嘅味。其中有幾款我都覺得好特別！包括有蟹蓋釀肉餅、黑椒雞腎粒煎肉餅、京蔥羊肉煎肉餅、芝士煎肉餅、墨魚汁蒸肉餅。蟹蓋釀肉餅個造型好好睇，成個肉餅放咗落蟹蓋到焗，個肉餅又有蟹味，好惹味。黑椒雞腎煎肉餅味道就唔算好突出，但口感一流，啖啖都有雞腎粒好過癮。京蔥羊肉煎肉餅都落得幾多羊肉，啖啖都好香羊味，京蔥切得好細同羊肉餅融為一體，我個人好鐘意呢款！芝士煎肉餅都好味，o岩芝士魔人食，但味道相對上無咁突出。另一款最好味嘅一定係墨魚汁蒸肉餅，TVB都有介紹。個肉餅有墨魚粒撈埋一齊之餘，肉餅啖啖都好鮮味。另外有咸魚蒸肉餅/金沙蒸肉餅等較普通嘅口味，都好o岩唔鐘意食新嘢嘅朋友選擇。下次會再嚟！

不停都在各大平台見到呢間餐廳的報導, 所以決定試一試啦點了XO醬蒸帶子肉餅, 其實都幾普通, 肉餅的肉是嫩口的, 好似家常便飯一樣, 但比較失望就是吃不出帶子在內, 而XO醬的味道亦唔算好特出, 結果用來拌飯就算了....但是飯量卻是十分足夠的, 甚至太多了, 可能是用這方法令顧客飽。不過也有貼心的服務, 就是一碗足料的例湯, 的確很窩心。在這餐廳吃飯很有家的感覺, 但價錢卻略貴了

朋友介紹，呢間餐廳有好多不同口味既肉餅，星期五晚就來試試。晚上七時半，餐廳外都幾多人等位，好彩等左唔使10分鐘就有位坐！一坐低，侍應就送上兩碗中湯，味道尚算清甜，但沒什麼特別。餐廳環境都算迫，惟店鋪樓底高，裝潢亦算舒適，舒緩了一點擁擠感。肉餅有好多花款，大多是fusion菜式，都幾難揀落手呢！我們叫了潮州家鄉肉餅、秘製金沙蛋黃肉餅，仲加左兩蚊轉菜飯。見店內好多人都揀咗煎肉餅，就跟住試吓啦！菜飯份量好大碗，一個女仔其實都唔係好食得哂，味道也不錯呢！潮洲肉餅有馬蹄、沙葛、花生、冬菇等材料， 口感彈牙，但味道就覺得好似食緊粉果咁金沙蛋黃肉餅的確做到流沙的感覺，但肉餅好油，所以都比較膩，最後滯到連咸蛋黃都冇食到。總結：欣賞店主花心思想出咁多fusion既口味，但覺得味道不是太突出，價錢亦稍貴呢！

13-8-2016(Sat)同老公去完銀行食個晏,大熱天時,唔去鱟地坊食熱狗住喇,要去有冷氣o既地方食,於是帶老公o黎區區開伙介紹過o既呢間食肉餅.呢間,果然之前係一間我幫趁過,兩次都係外賣咕嚕肉o既小廚.o黎到時唔多人,我o地坐低後,佢o地第一時間唔係俾茶水,而係一人一碗o既湯,我先睇menu,lunch由$48.00起至$98.00,款式多.老公揀$58.00o既爽彈黑椒雞腎粒肉餅(蒸),加$2.00要油飯,重要杯凍檸水.我要$98.00o既厚隻龍蝦肉餅(蒸),要米粉,餐飲未諗到,唔叫住.叫完就飲湯,係蘿蔔湯,味道o岩o岩好,唔太濃又唔太清,好味.老公o既凍檸水好快o黎.味道: 5分然後我o地等,等,等.等o左近20分鐘,老公o既爽彈黑椒雞腎粒肉餅油飯到o黎,我先舀幾湯匙油飯.然後我o既原隻龍蝦肉餅米粉都到.我o地先食老公o個份,侍應話油飯係有薑米,我有啲驚辣,但原來唔辣,佢重要係幾惹味,不過飯太乾身,濕返啲會好啲.味道: 4.8分之後先試爽彈黑椒雞腎粒肉餅,呢個辣辣地,雞腎粒冇想像中咁爽彈,而肉餅幾厚同juicy.味道: 4.5分食完油飯就食米粉,我知道我o既餐相對地清淡,所以我

見客要到荃灣, 路過見到肉餅哥,肉餅哥大名就聽得耐,搵黎搵去 終於俾我撞到!!! 即刻坐低叫左個肉餅飯今日叫左個芝心肉餅, 岩曬我呢個芝士王!!整個肉餅滿滿的 填入了芝士 入口香甜 芝味滿腔 口中全是芝士的味道, 濃郁的,又不會太濃。 送既老火湯 火候十足 絕不欺場。

聽朋友同屋企人講話荃灣新開好好食，同朋友去左試新野！叫左個金莎蛋黃蒸肉餅($68) 加左 $2轉左個菜飯，佢有得簡蒸同煎，我就簡左蒸黎試試，一心期待可惜同朋友都覺得無想像中好食。肉餅有點油同膩，不過未食過可以一試。🙈

位於荃灣嘅肉餅哥位置比較偏僻，但憑住32款唔同口味嘅肉餅，吸引到餓底們去朝聖！原隻新鮮龍蝦肉餅配菜飯: 霸氣之選！原隻龍蝦夾住大大塊肉餅，肉餅可選擇煎或蒸，前者比較香口惹味，肉餅煎得外脆內軟，厚身又彈牙，啖啖龍蝦肉，認真足料！

在肉餅哥上電視之前，窩夫已經多次叫蝦子餅帶窩夫去吃，看完電視介紹，更加想去。機會來了，離開屯門黃金海岸後，乘巴士往荃灣，到達肉餅哥時大約下午5時40分，原來晚市要下午6時才開始營業，便在門外等開門。邊等邊看餐牌，肉餅哥有差不多30款肉餅，每款肉餅都可選煎或蒸。一坐下來便可以落單，點了兩款肉餅哥推介的肉餅，分別是原隻帆立貝黑松露肉餅($98)，以及原隻龍蝦肉餅($98)。原隻龍蝦肉餅先上桌，當然要相機食先。肉餅是煎的，很香口但不免有點油膩。飯底加2元改要加了黃薑的油飯，正合蝦子餅的胃口。肉餅裡混入了龍蝦肉，特別鮮味，值得一試。原隻帆立貝黑松露肉餅上桌時，已經聞到黑松露的香味，黑松露份量十足，但似乎蓋過了帆立具的味道。除了肉餅上的原隻帆立貝，肉餅裡還有很多小元貝。試過兩款推介肉餅，窩夫與蝦子餅都比較喜歡原隻龍蝦肉餅，有機會的話要再試其他口味。

路經荃灣，不會放過任何揾好野食的機會。之前係網上見過一個造型得意的肉餅飯，今日就專登記去食佢。餐廳唔近西鐵亦唔近地鐵，近工廠大廈嗰邊，應該都係主要做街坊生意。夜晚大概8:15分到，門口有二堆人等緊，但好彩我地都好快入去。座位唔大，其實都幾迫，餐廳裝修簡單，沒什麼特別。但肉餅飯選擇都頗多。我點了招牌的龍蝦肉餅飯，朋友點了蟹蓋肉餅飯。等了大概10分鐘，2個飯都先後上枱。蟹蓋肉餅飯係將啲蟹肉肉餅，放左入蟹蓋度，裝滿個蟹蓋，但飯同碟分開上，造型就差啲。相反，龍蝦肉餅飯個造型好有趣，霸氣十足，紅噹噹的龍蝦加上大大的龍蝦蚶，砌到成隻龍蝦咁上枱，造型上真係一百分。味道方面，其實龍蝦肉餅同蟹肉肉餅口感差不多，有啲咬口，但肉質都硬下，而且感覺好乾。如果鬆化啲，加啲馬蹄落去增加口感會好好多。雞油飯不錯，幾惹味，但又係乾左啲，好在有碗湯送，如果唔係成餐飯都幾dry下。這裡以肉餅作賣點，幾特別，坊間都少有，鍾意食肉餅可以一試，而且價錢也頗實惠，不過肉餅質感尚有進步空間，希望下次再去時，會有改善。

落單時間大概lunch12:00等待時間25分鐘土魷肉餅係最普通ge肉餅飯但係個人就食唔到有土魷味，肉餅大概3cm厚，唔會油膩。飲品係凍奶茶，比較可惜係用紙杯裝，d冰未等到飯到已經溶曬。餐牌提到午餐送飲品以及例湯，油飯菜飯+2直到離開都未有湯。服務實在有待改善

女朋友曾經到訪過肉餅哥，之後一直擾攘著要帶我嘗試，原本對肉餅無太大興趣的我，跟佢去過後竟然對肉餅有改觀肉餅哥顧名思義是吃肉餅，但最估唔到簡簡單單既一碟肉餅 ，原來可以有這麼多配搭環境方面，餐廳裝潢同一般茶餐廳大同小異，但燈光非常光猛，加上冷氣不夠大，令到我們一路吃一路流汗一坐底，店員送上例湯（青紅蘿蔔湯）夠哂清熱氣屋企如果冇乜湯水，可以滋潤下由於多肉少菜，追求味道同健康既我，點多了一碟生菜同木耳木耳用蒜蓉炒，爽口得黎又有少少辣，真正做到健康又好味主角黑松露帶子煎肉飯黎到已經香氣四溢，一陣陣黑松露香味撲入鼻腔，一顆大帶子置中放左大肉餅上點綴，色香俱全，味道方面都沒令我失望，除了黑松露味外，肉餅內亦佈滿帶子，煎後香脆可口，配菜飯後，唔會覺油膩，而且份量十足，女朋友果然無介紹錯

小妹向來都係食肉獸，每餐都無肉不歡，近日家附近竟然發現有間食肆專門食肉餅，小妹當然要試下啦！去到餐廳門口已經見到各式各樣肉餅選擇，當中部分選擇小妹都感到有d驚訝添！餐廳主是是肉餅套餐，套餐包括有一道煎或蒸肉餅，白飯一碗及老火湯一碗。套餐仲可以加錢轉或加其他食品，包括菜飯、果汁、罐裝飲品。而且亦都有幾款開胃小食可以選擇添！首先來老火湯，湯料算是足料，味道濃淡適宜，老火湯又飲唔出有味精！之後就到開胃小食，由於小妹一家都唔嚐辣，所以就點了蒜香青瓜。青瓜爽脆，而蒜香味濃，醬汁帶有醋香味，酸酸味味，非常開胃。肉餅出場啦！首先就係照機先食必選肉餅－蒸原隻龍蝦肉餅。原隻龍蝦上場，煎香肉餅金黃，賣相不錯。味道都不差，有龍蝦肉味，而且蝦鉗位置啖啖肉，小妹幾喜歡。第二道肉餅就是蒸蝦膏蟹蓋肉餅。切開肉餅就見到絲絲蟹肉，而入口蝦膏味不算太濃，但口感就幾彈牙。最後上場的就係小妹最愛蒸爆香京蔥羊肉肉餅！肉餅非常厚，而且入口羊味極濃，如果喜歡羊肉的朋友一定喜歡。而肉餅彈牙，有口感，和菜飯一濃一淡非常Match！