肉餅哥小炒料理 (已結業)

上年曾經到訪肉餅哥品嚐原隻龍蝦肉餅飯，彈牙多汁的肉餅令我和同行哥哥都讚不絕口，可惜餐廳位置始終對我們而言不太方便，這次終於能夠抽空再次光顧。肉餅款式之多從來都是令人雙眼發亮的焦點之一，從傳統的家鄉鹹魚肉餅以至創新的流心芝士肉餅和矜貴的鵝肝肉餅都一應俱全，總共超過三十款。餐廳會貼心地奉上一碗老火湯，是日為西洋菜湯，配以肉餅這款家常料理，更見家的感覺。足三兩花膠肉餅菜飯 ($100)花膠肉餅與鮑魚肉餅相比之下更具霸氣，三大片厚厚的花膠安躺在肉餅之上，氣蓋山河。這次肉餅不如上次品嚐的龍蝦肉餅一樣爽口彈牙，反而肉質變得更為鬆軟，肥瘦適中，帶肉汁且肥而不膩。份量十足的花膠炆得軟腍入味，入口黏稠濕潤，充滿膠質。原隻鮑魚肉餅飯 ($98)肉餅上面有一隻已經拆殻的鮑魚，鮑魚肉質不韌。輝哥E級炸雞脾配飛機沙律 ($48)稱得上E級炸雞脾固然有一定份量，看到報道指出炸雞脾足足重六百克，另外更配上水果沙律，絕對是超值之選。上桌的時候雞脾之大的確使我們目瞪口呆，以我的iPhone6 Plus手機比較起來還長，起碼要用兩隻手才能遮蓋整隻炸雞脾。雞脾雖然形同龐然大物，但是絕非厚粉纍纍，炸皮薄脆。雞肉雖然稱不上嫩滑

第三次嚟食，貪佢肉餅多款式又好味，唔駛等位之餘又上菜快，龍蝦肉餅係我至愛，不過老公唔太欣賞，所以每次嚟都會試其他口味。爆香香蔥羊肉肉餅（煎）$79跟菜飯加 $2之前 lunch食過一次，就咁愛上咗呢個肉餅，羊肉煎得又香又羶，絶對唔係死食孜然粉，羊痴必試！鮮味蟹粉肉餅（蒸）$128跟菜飯加 $2蟹粉只得肉餅最中間先有，其餘位置完全食唔到有蟹粉味，最多只得黃油，味道同一般肉餅無異，完全唔值呢個價錢！花膠燉蟲草花 $28呢個湯真心推介！非常足料，花膠又大隻又膠，蟲草花都幾大條，杞子又大粒，成個湯清甜得嚟又帶點膠膠地，絶對物超所值！後記：希望編輯唔好再胡亂截真心寫食評既人，我第一次食肉餅哥既食評竟然唔比出！我keep住出post，點都唔會係打手呀！二人共消費：$239（免加一）

朋友話哩間幾出名 賣肉餅賣到咁出名係要試既😂 作為荃灣人 有時搭車經過都見到好似幾多人係出面排隊👯‍♂️👯 所以就穩陣咁簡晏就去試🤤 懶既吃貨最近係唔多願意排隊🙈出面有個好大既餐牌 唔睇唔知肉餅有咩整法 原來肉餅都有咁多款同口味😯😯入到去又有另一款餐牌 午餐係比較平既🤔 有$48 / $58 既肉餅 會包一碗飯同飲品同埋老火湯一碗 計落係抵食既🙆🏻 我就簡咗13號秘制蓮藕肉餅✌🏻 冷熱飲同價就嗌咗凍檸茶 再加咗$2 轉配菜飯🍚🥗是日既老火靚湯係 紅蘿蔔豬骨😂 飲落咸咗少少 無咩特別 同埋睇相見到 四碗入面得一碗有湯料☝🏻 朋友個碗有一舊紅蘿蔔🥕賣相一般 睇落無話特別吸引😶 不過要試過先知 菜飯偏濕 好黏身 無乜口感🙈 不過菜量係多既🤔 重點試既當然係肉餅 肉餅參雜蓮藕粒 兩者的確係幾融合 蓮藕夠大粒同爽脆🤤 肉餅成功鎖到肉汁 肉質係唔錯既👍🏻 今次簡咗煎肉餅 會比較油但又會比較香🙆🏻 總體黎講 肉餅哥👱🏻係值得一試既 肉餅係香口既 不過飯同湯就比較失色同埋略為扣分🤥

只道荃灣開咗呢間專賣肉餅的餐廳，幾個朋友一齊來試吓，可以一次過試多幾款特色肉餅😍我哋分別叫咗老干媽肉餅、原隻龍蝦肉餅、黃金流沙肉餅、芝士肉餅等......除咗老干媽無乜特別之外，其他都各有特色，最正係龍蝦😋鹹蛋黃同埋流心芝士個肉餅都好夾好好味👍🏻不枉我專登嚟呢度試吓，很回味，下次嚟開荃灣都會再嚟食過，再試埋佢其他唔同口味的特色肉餅。老闆都好有心思，餐廳有成30款不同口味的肉餅，真係要來多幾次先可以試晒佢咁多款口味。

今日放8點老公接放工，所以就喺公司附近食晚飯，之前都嚟過好多次，但都係要等老公接放工先嚟，因為偏辟，唔揸車真係唔會嚟，平時都覺佢哋冇乜服務態度，但今日直頭係差！！話說我仲未食哂，仲有舊肉餅係碗入面，個伙計已經走嚟收，開頭以為佢睇唔到，點知老公一擺低對筷子佢就收嘢，跟住同我哋講出面有小朋友等緊位，因為我大肚，所以唔想同佢嘈，所以即刻走，出到去見到得幾個人喺度，d大人仲食緊煙，到我哋行到去攞車，佢哋都仲未入去，我唔明點解個侍應要咁急，要咁樣趕d客走，所以永遠唔會再嚟！

如果你唔係住荃灣, 肉餅哥既地理位置可能會有d偏僻, 但佢絕對值得一試好彩有荃灣朋友帶路, 都唔算行左好耐見到餐牌真係嚇一跳, 超多款既選擇, 但有好多都唔敢試, 我地就叫左三款聽落正正常常既肉餅試一試先芥香木耳$22; 少少wasabi加埋本身酸酸既木耳, 味道好夾好開胃流心芝士肉餅$68; 一上枱d芝士已經湧緊出黎, 侍應哥哥推介我地揀煎, 聞落好香好吸引一切開, d芝士係咁流出黎, 同肉餅味好夾而家唔算好膩秘制金蛋黃肉餅$68; 肉餅上面舖滿曬蛋黃, 超足料, 連埋肉餅一齊食, 唔太咸, 但好送飯足三兩花膠肉餅$98; 隆重介紹既花膠肉餅, 有三! 大! 條! 花膠, 每條都長過我隻手板!真係超級足料!

荃灣的「肉餅哥小炒料理」，看名字已知用肉餅作主打，menu中有很多古靈精怪的肉餅供應。不過，我對龍蝦及鵝肝肉餅這些有點浮誇的綽頭東西冇興趣，但這次選這個金沙蛋黃煎肉餅卻選對了，豬肉餅充滿鹹香，質感軟硬適中又有肉汁，賣相金黃色的十分誘人，配埋菜飯食簡真完美！這裏的肉餅可選擇蒸或煎，像我這種愛香口的建議選煎（反正價錢一樣），至於飯也可選普通、油飯或菜飯，所以即使菜單全是肉餅，其實也可說有頗多變化，唔會單調。

與友人相约荃湾西站，直入肉餅哥！一坐下便送上兩碗雞腳湯，很窩心，味道亦不錯！我们點了花膠肉餅配菜飯$100及流心芝士配菜飯$70。勁量花膠出現了，本以為有一塊大花膠，誰知我用筷子夾起，竟然有兩塊男人手掌大的花膠和兩塊較薄身花膠，共四塊，份量多到嚇死人。入口軟綿綿，炆得入味，比一些酒樓炆得更出色。肉餅份量亦很多，小妹子吃了一半已覺飽足！另外，芝士肉餅味亦配合得好，如愛吃芝士之人必選！菜心$12，沒有油，非常健康。蟲草花湯想試，但太飽，只好下次再吃吧！這裏的食物份量很足，有創意，是我們普羅大眾的良心飯店，我們香港人的心！

第一次見有餐廳係以肉餅做主題有趣到我都忍唔到住黎試下佢地有好多款肉餅選擇, 我叫左個花膠肉餅同原隻龍蝦肉餅試下花膠肉餅食評：我本身就好中意食花膠,花膠加肉餅,哇真係好創新。肉餅再加有兩塊都幾厚的花膠,見到都個樣就唔算太吸引,但係咬落去好爽而且好煙韌原隻龍蝦肉餅食評：個樣都幾嚇人下,但係呢個就係呢間舖頭最出名的原隻龍蝦肉餅, 原隻龍蝦斬件再合番埋咁鋪係菜飯上面,咁都比佢諗到, 食落都食到佢肉餅入面仲有粒粒的龍蝦肉,喜歡食龍蝦肉既都可以試下既,不過個菜飯的確唔錯,吸哂d精華食飯仲有例湯送既, 紅蘿蔔雞腳煲排骨, 好似係無落味精 唔錯唔錯

2017年第一日第一次出街食飯，山長水遠走到荃灣，準備迎接下一輪的節目。難得來到這裏，當然不會去商場內的連鎖式集團餐廳。記得某個飲食節目曾經介紹過一間親民街坊餐廳，以各款特色肉餅作為主打，就去試試。餐廳位於荃灣及荃灣西兩個港鐵站之間，又在荃灣區的邊緣地帶，去到餐廳門口，更覺得位置甚為偏僻，遠離旺區、人流很少。餐牌非常簡單，就張貼在餐廳的玻璃外牆，一目了然。睇完整張餐牌，原來並不是以肉餅作為主打這樣簡單，根本就是一間肉餅專門店餐廳；總共有30多款肉餅，分為三個不同檔次的價錢。最吸引之處、也是做生意的正常手法，午市、晚市收取不同價錢，午市甚至乎包送一杯奶茶或咖啡。心裏一直有個疑問，到底晚市時段食同一款肉餅，會否大個啲？至於最貴的肉餅類別，也可以稱之為豪華版肉餅，則是午、晚市劃一價錢（一律特價 $98）。所謂豪華版肉餅，只不過在普通肉餅上面加添貴價食材，例如龍蝦、帆立貝、鮑魚、花膠、蟹粉或鵝肝，其實沒有太大特色，不在考慮之列。典型茶餐廳格局，地方細小、空間狹窄；但搞了一些新意思，刻意用上仿工業風的設計，四邊牆壁是水泥牆身批盪，再加上石英射燈。本來可以為餐廳添加一些特色，只不過四周牆壁掛了多塊

肉餅並唔係特別好食，個湯勁多味精，喝完好口乾。最離譜係叫佢比杯水都唔肯，仲同伙計打晒眼色話水機壞左，當人三歲小朋友咩！以後都唔會再幫襯😡😡😡😡😡😡😡

依排差不多日日都要自己煮飯，真係幾累。咁岩老公陪唔到我，自己一個去完 supermarket shopping,行唔到10分鐘有間餐廳，就入去試下！入到去，野都未叫，已經送上湯！真係幾好服務👍🏻青紅蘿蔔湯好有住家feel😘依排咁辛苦，梗係要對自己好d,食返d好野!先黎個餃子，外面脆，裡面啖啖韮菜香和肉味😁😁再黎個花膠肉餅，待應問要蒸定煎？原來依度有得食煎肉餅😎仲有白飯、油飯、菜飯，好多配搭😁花膠梗係蒸好啦，哈哈😆😆上枱勒！份量好大呀！而且花膠起碼有3、4塊👍🏻肉餅的肥瘦差不多4:6，正，因為有d肥既肉餅先夠香夠滑！再食啖菜飯，飯的軟硬度適中，而且菜一d都冇黃。做得好好！再黎啖花膠, 好滑，而且砲製入味，啖啖骨膠原😋另外，我仲點左個西柚汁！其實依度好多款唔同既肉餅揀，如果下次同老公黎就可以試多d野😆

昨日經過荃灣探朋友。樓下就見到呢間餐廳。。好似之前無記飲食節目訪問過既。肉餅哥呢個名好有國內feel。好啦。就姑且試下。的確無令人失望喎我叫左個流心芝士肉餅。。其實老闆知唔知流心既意思？隨時放一塊蒙士係肉餅上就叫流心？勁肉餅就更加出色。應該前面加多個肥字。叫肥肉餅。我念肥豬肉佔左7成了。。而塊肉餅好明顯係一早整定。因為睇到廚房入面。幾十塊蒸好既肉餅放晒係張枱度。失望。食物唔得就算啦。問店員攞張餐紙又話無。不過可以比2元買包tempo。攞杯水又話無。咁姑寒既餐廳真係荃灣第一間囉。陰公。。仲有最不可思議係想落單叫餐飲時。一個後生女店員仲厲害到企係度一路傾電話一路用電話玩自拍。另外門口個個男店員就係門口出面食煙。收緊錢個個阿姐就去左水吧飲緊東西。咁既服務。咁既食物質素。難怪之前要穩電視台幫佢做宣傳了。救命。仲差過茶記

早前朋友說起近期大熱的肉餅哥有多好味道，心已有想一試的衝動，可惜地點唔多就腳；今日約了朋友在大窩口地鐵站等，交收完後朋友便怱怱的走了，正好在附近，今晚就決定一個人來試試吧。這裡在荃灣站和大窩口站之間，兩邊行來也要走一段路程，而且附近沒有什麼食店；我由大窩口地鐵站B出口，經過行人天橋過到對面街，再經過公園就會見到悅來酒店，經過酒店後由「關門口街」繼續直落，在不遠處就會見到今晚的目的地。門外正介紹新口味「足三兩花膠肉餅」，看外貎又真係幾吸引。食店裝修有點似台灣的小店，懷舊的大時鐘，大大張相介紹唔同的肉餅飯，木製的枱椅，感覺也幾舒服。今晚所見，未到七時，已坐滿一半人客，真是不能少看。冬瓜湯～一坐下，侍應便立刻拿來一碗湯，味道清甜，一飲就知是真材實料，冬瓜煲得好淋，但湯水分量真係比較少，有點到喉唔到肺的感覺。😅看過餐牌，實在有點眼花撩亂，選擇太多（36種），還是叫門外介紹的新口味，花膠肉餅菜飯吧。足三兩花膠肉餅$98（菜飯+$2）～肉餅可選擇用煎的或是用蒸的，本來煎的一定更好味，奈何最近有點熱氣，還是選擇了用蒸的吧；朋友曾說菜飯好味，當然是不二之選啦；等了大約十五分鐘，終於見到我的肉餅飯了；花

朋友帶路去了一間肉餅飯的食店，超多肉餅口味，好似配咩都得，配咩都有，十分有創意，也很新奇。等了一陣就入得，比想像中快。一坐底就有老火湯送，有紅蘿蔔同冬瓜，個湯都幾好飲。叫個小食開胃一下，芥香木耳$22，幾大碟，食食下先影相，木耳好脆口，薄身木耳充滿蒜香味，有芥末的辣，幾惹味。我加$5要可樂，呢度飲品價都算抵，不過飲汽水會好飽，下次都食叫果汁。朋友加$12要西柚汁，最後一支，睇黎果汁都好受歡迎。朋友的足三兩花膠肉餅$98，用砂窩上菜，蒸肉餅幾夾花膠，夠濕潤夠嫩滑感，份量十足好抵食。花膠超大塊，可以大口大口食花膠，感覺好豐貴，而且還有三塊，緊係叫朋友俾塊我食啦。個汁好夠味好濃，令肉餅同花膠更夾，又滑又彈質感豐富，好有創意的肉餅。我就點左 鮮味蟹粉肉餅$98，呢個肉餅選擇煎香，的確香口很多，也很搭蟹粉的濃厚味道。蟹膏味唔算好突出，反而有種香味，令肉餅較惹味。肉餅肥瘦平均，彈牙又爽口，不是很厚身，但都做到肉感很豐富，食完有點膩。個飯轉成菜飯，要讚個菜飯不油而清爽，幾健康。