肉餅哥小炒料理 (已結業)

外出用膳原本想吃家常小菜原來家常小菜也可以充滿創意早已久仰肉餅哥大名今天有幸來一嚐他們的手藝翻開MENU一看把我嚇到了裡面竟有二十多款肉餅款式千奇百趣什麼配搭都有我被牆上的足三両花膠肉餅吸引了加二元轉了菜飯加五元再有飲品每人更敬送明火靚湯一碗肉餅終於上桌時我當堂傻了眼花膠超超超大SIZE把肉餅完全覆蓋著花膠上已混有鮮味的茨汁我再加一點甜豉油一口飯有花膠醬汁菜飯三種層次肉餅口感頗嫩滑花膠有種獨特的鮮味總的來說是一份質素很多的肉餅我已想好下次光臨要試他們的鵝肝肉餅

工作有多忙都好，始終離不開一個「食」字。傍晚時分，肚子不爭氣地咕咕叫，意味著又要覓食了，吃個肉餅也不錯。看到餐牌有不同口味的肉餅，我選擇了煎金莎蛋黃肉餅配菜飯。先來一碗熱騰騰的冬瓜老火湯，湯底鮮甜美味，拉開了一個美食之旅的序幕。點了一客小食，芝士炸薯波，即叫即炸，薯波混合了薯仔粒和芝士，是一道不錯的小食。主菜來了，煎香的肉餅有一種獨有的咸香味，外脆內軟的口感，加上炒至起沙的咸蛋黃更是我的最愛，令人想一吃再吃，配上菜飯更是一流。從來我心目中值得一提的肉餅，只有母親大人的肉餅，也是我心目中的標準。想不到，在這店可以找到如此好吃的肉餅，以後想吃肉餅的話，又可以多一個選擇。

想試好耐，今次特登搭車黎食！😍間舖擺滿晒枱，絕對唔適合一班朋友或者想嘆下嘅人黎食，實在太大壓逼感！💀六點左右黎都已經坐左一半人，到食完七點已經排哂隊！weekend要黎食就請早！🍳金沙蛋黃肉餅菜飯 $71 (送例湯) 叫左個煎金沙蛋黃肉餅飯，改叫菜飯加2蚊！上枱個陣真係嚇親，手掌咁大嘅肉餅，上面舖滿蛋黃😳😳😳膽固醇爆燈！但真係好好味，好香口，加上肉餅啖啖肉，肥瘦均勻！不過真係好大份同食落口幾膩😬最好兩個人分黎食🤔🤔🤔🤔🍚原隻龍蝦肉餅油飯 $101 (送例湯)反而玉餅哥人氣龍蝦肉餅飯無咩驚喜💀，拆晒龍蝦身整嘅肉餅，其實唔太食到龍蝦味😩油飯又唔太香，所以食其他味會更好😂

上次和女友試完這裡的金沙蛋黃肉餅，一直念念不忘，所以今日就決定來 encore 選擇過了午市時段接近三時才到，今天比上次好，只有大約50%坐滿，輕輕鬆鬆坐了張四人枱。 既然為金沙蛋黃肉餅而來，這當然是必叫的，另外一客就叫了老干媽煎肉餅。十分鐘內兩客肉餅就上枱，金沙蛋黃肉餅水準依舊，滿滿的咸蛋黃茸鋪在肉餅上面，雖然好油膩，但真是一食不能停口，煎肉餅有點燶邊，肥瘦肉mix 在一起，有口感有味道。另一個老干媽煎肉餅，肉餅其實一樣，只是換了老干媽醬（辣椒+豆豉）在上面，少辣幾惹味，送飯或粥一流。今次因為油飯沽清，所以叫了白飯，用了枱面上的甜豉油撈飯，另一驚喜。由於肉餅種類繁多，我們已定下日子下次再來試其他口味。

對於煮家飯有種情意結，可能人大左啦！而煮家餸中肉餅一直係心頭好之一，無論係咩配料既肉餅都可以用黎餸勁多飯之前聽過呢間肉餅哥有好多款肉餅，一直勁想黎試，今次終於的起心肝黎左雖然佢寫荃灣，但係大窩口出b出口似乎最近，向千色方向行，穿過天橋沿住直路就會揾到！兩點幾下午茶時間去，估唔到都有唔少人黎食一打開餐牌又係揀唔落手既時候傳統既又有，創新既例如芝士，三文魚等等都有，好佩服呢份創意呀！！見到門口寫最新既推介係呢個花膠肉餅，$99呢個價錢食肉餅唔平，但有埋花膠即刻成件事高貴左XD 呢到除左白飯仲有油飯或者菜飯，加兩蚊就得我揀左菜飯！而肉餅都有得揀蒸定煎，幾貼心！講返呢個花膠肉餅先！一上黎真係比佢海量既花膠嚇親總共有三大片花膠，而花膠攤開仲多過雙手攤開既面積花膠已經成為左主角。但因為太重夾都有困難，哈哈！而且除左多之餘黏口又具彈性，花膠都係啲要煮得耐既食材，呢個唔會過稔或過韌，而佢面鋪滿左濃郁芡汁，加埋一大塊肉餅，肯定飽！但可能有啲漏如果食哂成個，建議開心share！哈哈，食完咁多花膠感覺皮膚會好呢個真心性價比高！！另外見隔離枱叫左呢個龍蝦肉餅，我又試埋佢都係$99。擺盤都幾靚！原隻龍蝦但變左肉

同朋友去完圓玄學院 肚餓到一個點 咁岩佢話有個朋友試過呢間野話好食 就即管試下啦去到見到花膠蟲草花湯只系$28 決心要嗌一個黎試 但可惜佢地好好咁送試一碗老火湯（青紅蘿蔔煲雞腳！所以又打消左嗌呢個湯既念頭結果佢嗌左花膠肉餅 我嗌左黃金肉餅我果個先到 到自到心心眼又有d罪惡感肉餅好理想地煎晒d油脂出黎 上面d黃金好香 加埋個飯黎食吾會話咸呢個簡直系花膠扒 會有兩塊 廚師好細心地用pot上可以keep住個溫度但可惜底下塊肉餅系蒸既 食到吾小肥肉同埋冇咩特別！整體食物都吾錯 唯服務要改善 .....入到店內職員直行直過 其實我地吾個系自己搵位定系要等你地帶位ga .....同埋你邊度住ga 屋企制水制左好耐咩 塊面黑到咁既！

荃灣美食多就眾所周知，今次想同朋友搵間特色少少既網上搵到呢間肉餅哥，見到一大塊花膠已經心郁郁啦一開頭搵位置，第一個反應心諗：聯仁街？邊度黎係荃灣咁耐好似都未聽過，原來係較近民居既位置google map教由千色店方向行，但我地發覺係Citywalk行應該會近D門口大大個肉餅哥招牌，都幾有特色入到去覺得.. 都幾迫一坐低侍應好快就上湯比我地，是日老火湯係西洋菜煲唐排淡淡地不過就無落味精除左最出名既花膠肉餅，其實仲有其他平民D既選擇，但一場黎到緊係要試最正既野啦！我同朋友分別叫左原隻帆立貝黑松露肉餅同足三兩花膠肉餅，再叫個一口餃子，呢個就認真麻麻，應該叫半口餃子晚飯套餐可以配白飯/白粥/米粉，加$2配油飯/菜飯，我地兩個都配左菜飯，偏稔身，但未至於爛飯肉餅可以揀蒸/煎，我地都揀左煎既上台真係嘩一聲，肉餅同花膠都大執到蓋過左D飯，花膠有濃厚膠質感，煮得好林，但唔會太漿口，而且原塊上唔係花膠碎初頭以為流流地，得一粒咋？但撈勻左D黑松露就覺得不得了好香黑松露味，原來連D肉餅都係用黑松露做絕對值得一試呀 

又到星期三同媽媽一齊搵食之夜又係荃灣放工 媽媽提議去食肉餅哥勁多特別嘅肉餅 佢地推介新出嘅足三両唔係快餐店嘅漢堡 而係足三両嘅花膠❤️一聽個名就勁骨膠原 又係下係咪咁堅我㨂左煎肉餅配菜飯 其實重有油飯或者白飯上枱其實覺得勁誇張 舊花膠厚過肉餅😱入口勁漿口 勁多骨膠原 同面頭嘅汁好夾煎嘅肉餅入口香脆 配菜飯可以無咁膩套餐除左跟湯 重可以加錢飲果汁媽媽㨂左帆立貝黑松露蒸肉餅配米粉除左帆立貝上有黑松露外 肉餅中亦加入不少入口非常香濃 配飯簡直一流

我FD話想食肉餅, 特登收工同佢去荃灣食 肉餅哥 一開始坐埋去好快有碗 青紅蘿蔔湯飲, 夠火喉, 又唔油^^ 野飲可惜無曬新鮮果汁, 最後叫左罐汽水 最緊要加碟菜,咁先夠健康,唔油又唔會淡而無味最出名必叫肉餅餐係( 足三兩花膠肉餅) 同FD兩個人去食,就可以叫兩個唔同既餐,SHARE食 花膠又大又滑,真係足料 LIKE 配埋油飯感覺都幾好, 但油飯飽D 另外一個餐就係(鮮味蟹粉肉餅) 碗粥我都無諗真係好清既白粥 突然一試覺得好特別.哈.. 因為太耐無食過白粥但係咁清既白粥配蟹粉先係一流, 蟹粉好夠味,少少撈埋落去已經有味肉餅蟹味不濃整體環境都好多人光顧,又唔貴, 一百蚊左右質素同價錢成正比 

早起的鳥蟲吃,早到的人有位坐,好彩一收工立即彭彭聲去,雖然地方有D僻,但只可以講好值得去試下地方都好大,好多位,一過七點係超多人呀唔該,坐就一般架啦,但姐食的是驚喜。一黎俾碗湯你飲飲佢先... 唔算太味精,都OKWOR!見個個成日都係試龍蝦(蒸)咁就試下啦再叫多個老干媽(煎)個賣相超好啦,我覺得.同埋真係好MATCH件事。一D都唔流,真係有蝦肉的!同埋真係要用手黎拆肉!正煎既好出色呀,香口到爆炸,送飯一流! 會再黎試其他味呀!!

我食肉餅本很喜歡到屏山的老地方食，但每次因為要待1小時以上，找車位又難，所以試一下這間標榜食肉餅的餐廳進行一試。每位一坐下，不是給茶，而是給湯，但我不太好那個例湯。所以叫了一個花膠湯先暖暖個胃。個湯好濃，花膠不算甚麼，只吃了少少便給了我的食物焚化爐。 可以說湯是濃的，但份量多，我還要留肚食肉餅。肉餅一到，嘩咗一聲，“乜咁大碗呀!” 份量比我想像還要大，我叫了花膠肉餅。我先吃一口，汁濃，肉餅煎得很香口，我多手加了點豉油，反而沒太好味，所以唔加豉油吃就可以好好食。再點了一份 黑松露帶子肉餅，真係後悔。我差點看不到帶子的存在，而且賣相很一般。而肉餅是不錯的，都帶有黑松露味，炒飯底，但....比粒帶子騙了咁。我食了幾口又再放入食物焚化爐了。我見大多數人都是吃花膠肉餅，好明顯，我也覺得這個花膠肉餅是有賣點的~值得一試!

早兩天跟朋友們分享去屏山老地方吃肉餅飯，有一個朋友好奇問我吃過荃灣有名的肉餅哥小炒料理沒有，我說沒有呢~ 因為朋友這一問，今天下班後衝去肉餅哥一嚐這馳名的肉餅飯，與老地方比拼一番。從店門外已經看見它介紹足三兩#花膠 肉餅飯，那肥美的花膠照已經深深吸引我，令我非它不點😂看看它是不是真的足兩。肉餅哥與老地方各有不同，肉餅哥不僅可配白飯，更可以選擇配白粥，米粉，甚至可加2元轉油飯或菜飯，這方面是肉餅哥完勝。至於肉餅嘛，它們各有千秋，老地方所賣的較中西fusion式，主力水果及其他西式食材，肉餅較厚身。肉餅哥則主打中式口味及海鮮為主， 少量其他風味，肉餅相對薄身，但配料相當彭湃，滿滿的一鍋。這個「足三兩」花膠肉餅果真童叟無欺，貨真價實，花膠夾起來十分重手，它的長度更是超過15cm的間尺😱加上太過滑溜溜，我花了好幾次九牛二虎之力才成功夾到。花膠紮實，呈現甜鮮醇厚膠質感，膠質咬起來非常順口鮮美，給食客以一百元有找但高級食材的享受。肉餅方面選擇了煎的口味，個人喜歡香口感。肉餅煎得金黃酥脆剛剛好，吃起來很有嚼勁，肥瘦比例亦佳，三肥七瘦，保持肉質的滑嫩但不致於油膩。不太愛白飯的我看見有油飯當然轉作油飯，

是晚黎到荃灣搵食男友提議試下呢間全部都係食肉餅為食既我早有聽聞過呢間肉餅哥即管去試一試由荃灣地鐵行去都幾遠下 起碼行幾個字去到大概七點 店內仲有好多位溫馨提示係 最好唔好坐門口果幾枱經常開門 食曬風未食前睇下佢 fb 有咩新肉餅呢個幾吸引 我最愛金沙蛋黃乜乜乜一坐低 侍應遞黎兩碗例湯味道都可以 青紅羅白湯 唔算太味精感覺但就無湯渣既 皆因我岩岩睇過其他食評 係有湯渣架我叫既金沙蛋黃煎肉餅價值 68 平心而論 金沙蛋黃整既野食 好難會唔好食一定係好惹味同好送到飯呢個我會俾八十分但就感覺好 dry 全程一味肉餅做餸男友叫既黑松露帶子肉餅我地落單時間係 19:07直到我食完我果份19:30 問侍應佢話等多五分鐘最後係 19:40 先上感覺係 普通肉餅 加左黑松露係香既不過索價98就確實貴左 d 轉菜飯加兩蚊另外叫左罐汽水加五蚊 合理價舖名明明係小炒料理但無其他小炒可以點全程肉餅食到口寡真係 sell gimmick 而且舖位太隔涉附近又無其他食肆或商舖我地食完走 見到出面等既人食曬風咁等位

2017.02.05 😊肉餅相信係每個大人細路冇人唔Like😈啲間專食肉餅既小店就提供左三十幾款新穎的肉餅開左冇幾耐 就引起一眾食客的關注今次我地就專登走入荃灣 尋找媽媽的味道足三兩花膠肉餅 $99 配白飯改配油飯及菜飯加$2啲度既肉餅可以自己選擇煎or蒸由於係屋企食 多數都係蒸今次小妹就試試煎肉餅🍴早聞小店就係以龍蝦肉餅起家既但身為一個女士 一見到第2推介花膠肉餅就當然要會一會佢啦😀一上桌 嘩 俾我想像中我份量多而且花膠既份量一啲都唔吝嗇 一共有3塊多啲🤗 厚厚的口感 黏黏的嘴唇如果你食過咩叫靚花膠 就會知我講緊咩😆跟著下層就有第2主角大塊肉餅肉餅的豬肉標本著係每天由街市新鮮購入再經腕力驚人的肉餅哥平均舂打2萬6千8百幾次而成嘩勁呀 😂 佢既宣傳口號不過又真係幾正既 口感肥瘦均衡唯一就係想佢加少少馬蹄落去😃可以感覺冇咁膩 少啲罪惡感鮮味蟹粉肉餅 $99 配白飯改配油飯及菜飯加$2友人本身係個海鮮迷今次就叫左煎的蟹粉肉餅🦀配油飯不過呢 啲款既外表就冇我的花膠吸引啦而且有少少令人失望先講外型🤔 就係肉餅上沾著一堆蟹粉啦如果蟹粉可以mix埋落肉餅應該會更香更可口吧原盅花膠燉蟲草花 $28食

三文魚肉餅飯: 最初以為是肉餅上放2塊三文魚, 好彩唔係, 係D 三文魚混入肉餅入面, 咁先似樣GA MA。肉餅入面有煙三文魚GE 咸香, 有D 似咸魚肉餅,ＨＡＨＡ，　幾好食，但肥肉多左Ｄ。。。。芝士薯波：入面芝士唔算多, 得少少。薯波唔似係交來的貨, 似係自己整,因為有粒粒薯仔肉, 鮮炸出來係香口GE, 芝士多D 好D。另外每人送例湯一碗, 飲落唔似有味精, 有老火湯飲唔錯啊, 但繁忙時間食飯只限45分鐘, 太趕了吧。