肉餅哥小炒料理 (已結業)

最近，很想聽見這間位於荃灣的肉餅哥，很多人說排隊都要食，所以跟朋友又來看個究竟！7點前已入座，發現原來都真係幾多人個喎！而且看座位上寫著「繁忙時間 用餐時為45分鐘」就知平時應該座無虛席了....極速決定好餐單，好友點的是最出名的 足三兩花膠肉餅、另一位朋友則點了鮮味蟹粉肉餅、而我就點了原隻龍蝦肉餅！每個餐均為$99（包老火湯）飯方面可以自行選擇白飯、油飯或是菜飯喔！很幸運，我才剛下單不久，接著龍蝦就沽清了！我們還點了一口餃子，一口一粒很方便呢！朋友點的鮮味蟹粉肉餅 配 油飯肉餅可以選擇用蒸還是煎的烹調方法喔！由於朋友當天身體不適，所以選了蒸肉餅，蒸的話會比較健康而且沒那麼熱氣呢～足三兩花膠肉餅 配 菜飯不錯喔，花膠很足料很大片！而且花膠煮得很軟滑、有口感之餘又不會太過膩！重點是花膠是女士補物，食飯的同時仲可以補補骨膠原喔！最後，是我點的 原隻龍蝦煎肉餅配菜飯 $99選擇煎肉餅是因爲會比較香口和惹味～另外肉餅很結實而且也算是厚身，很足料！蟹鋏還有蟹肉可以食，不要以為只是裝飾品喔！但真心要說的是影相一定是它最好看啦一人一個食完真是好滿足好飽喔！其實除了以上我們所選的肉餅外，店裡還有二、三

昨天去了近期人氣大熱位於荃灣聯仁街的肉餅哥小炒料理，店裡地方細細，坐滿了食客，由於近來人氣大熱，經常排長人龍，可能店員已經忙了一整天，所以都比較嚴肅。店員招呼我們到店裡最角落的位置，我們可以自成一角，唯一是冷氣不太足夠，幸好我們亦有近期大熱的手提芭蕉扇，解決了店內冷氣不足的問題。我們一坐下，仍未點菜，店員已經為我們遞上各人一碗例湯，店員果然快手，原來我望到店內多個地方，張胋了在繁忙時間，限食45分鐘的提示，我估這裡繁忙時間，真是人山人海。所以我們都不敢怠慢，立即點餐，我們點了一個原隻龍蝦肉餅飯，足三兩花膠肉餅飯和鮮味蟹粉肉餅飯，和迷你一口炸餃子。迷你一口炸餃子，細細隻，一口一粒。原隻龍蝦肉餅飯果然輸人唔輸陣的氣勢，整隻龍蝦上碟，肉餅煎得好香，很惹味。足三兩花膠肉餅飯，大大塊花膠，保充骨膠原的妙品鮮味蟹粉肉餅飯配黃薑飯，因點餐時詣問了店員的意見，他是煎會油些，吃蒸吧！聽了後點了蒸，果係蒸會比較傳統，但試朋友的煎肉餅，我就後悔了，原來最好煎係好食好多，想不到最後最好味的，竟然是黃薑飯也。總結：肉餅哥小炒料理果然是近來人氣大熱的食店，人流很多，價錢方面約$99元一客特色的肉餅飯，也不妨來試啊

今天約了友人晚飯, 一向是”食肉獸”的他無肉不歡, 一早鎖定一定要試在荃灣頗有人氣的”肉餅哥小炒料理”,在Facebook也曾見過很多人上傳肉餅照, 也真的蠻吸引的, 所以都很期待! 我們怕等候人龍太長, 所以很早大約6時半去到,不用等候便能入座, 慶幸早來, 內裹已經差不多滿座。 媽媽在家也會經常煮肉餅給我吃, 從來以為肉餅只有梅菜或鹹魚兩款, 一看他的menu,沒想到竟然有那麼多款的肉餅供選擇, 如有流心芝士肉餅, XO海皇醬帶子肉餅, 煙三文魚肉餅, 芥末沙律醬肉餅等等, 各具特色! 真的很難取捨! 最後我們決定選了足三兩花膠肉餅和墨汁魷魚肉餅。食客可按個人口味挑選肉餅的烹調方法，可蒸可煎; 可選白粥和米粉，或加錢改配油飯、菜飯、出前一丁或辛辣麵, 任君選擇。而套餐包一碗老火湯, 很美味!足三両花膠肉餅: 選了蒸肉餅和油飯。花膠份量十分足料!可真是足三両! 花膠鋪滿在砂鍋上, 炆得剛好, 口感滑溜軟腍,肉餅也蒸得很香滑Juicy! 與油飯很相配對味! 墨汁魷魚肉餅: 選了煎肉餅和菜飯。黑色的外型顯出型格XD, 魷魚粒的份量也很足, 啖啖肉餅也能吃到彈牙的魷魚粒, 煎肉餅比蒸肉餅更

終於見人少少去試下，五點半左右到左，點知六點先開，週圍行左陣，約六點返返去已經有人排緊隊，好彩入面唔算細，都好多位。排隊果時已經諗定食邊款，普通款肉餅都要$59，咁我地當然揀啲特別啲😆 個人比較中意鹹蛋黃，所以一見到金沙蛋黃就已經揀好。落完order 黎左兩小碗湯，餐牌就寫住老火湯，但味道偏鹹同似落左少少味精...唔係好得...送汽水好過...由於太早食野嘅關係，我揀左跟白粥，唔連肉餅食嘅話，個粥清到無味....本來想問侍應攞鹽加落去，不過到最後由於唔想食咁多鈉，所以每啖粥都加肉餅😅男朋友捨得啲，叫左個龍蝦肉餅試。不過佢就要蒸，蒸嘅肉餅肉汁多啲，蝦身啲肉撈響肉餅入面，蝦鉗就要自己拆肉。本身唔太愛好龍蝦嘅我，就食唔出好特別嘅味，但男朋友話幾好食，咁就得喇。呢間肉餅哥總算唔會令我地失望，如果平時無住家飯食又唔中意煮飯嘅人仕可以考慮下黎食，間唔中黎食肉餅飯都幾有家嘅味道😆

知道荃灣某處開左間以肉餅為主題既餐廳， mark低左間餐廳。終於係去開荃灣果陣，就急不待沖去試。位置唔算方便，6點鐘去到以為唔多人，點知已經差唔多坐滿。 由於店舖唔大，坐位唔闊落，除左中間果排位之外，其他都好似係冇"唉"既。好在早去到，唔駛等位，但係龍蝦肉餅同西瓜汁都已經賣晒!Menu頭幾頁都係傳統肉餅，最後一頁就係fusion d 既，有佢地最新既花膠肉餅。點左墨魚肉餅同黑松露帶子+2蚊要左菜飯， 1個煎1個蒸帶子果個好食d!!!幾有特色，下次會再黎

呢間放左係我的收藏到好耐，終於俾我去到啦💪7點前到未開始多人，環境唔逼，但當日坐得近廚房就有啲怪味入正題啦！ 一坐低就會每人俾一碗老火湯，好飲既👍仲有雞腳添肉餅既選擇超級多，可以選擇蒸或者煎。蒸會用砂鍋上，飯係底，肉餅係面。煎既肉餅會同飯分開上。晚市價格分為$59，$69，$99$69 煎秘制金沙蛋黃肉餅 配菜飯 - 好食，好岩送飯食。個肉餅聽個名都知有少少heavy，睇落仲勁 ，因為原來係肉餅上面鋪了一層滿滿既咸蛋黃加牛油炒成既金沙。$99 蒸足三兩花膠蒸肉餅 配白飯 - 本人無乜食過花膠，淨係知養顏，咁就嗌左啦 有3大塊花膠係面，上面有啲汁，下面係肉餅同飯。花膠好滑，食落一pat pat，會係口入面'張住張住'。一路淨係諗住可以養顏，先可以叫自己繼續食哂啲花膠🙈我唔知咩叫好食既花膠，但係食完呢次我諗我知自己唔鐘意食。肉餅同金沙個塊應該係一樣既，係好食既。但最低啲白飯好淋，好濕，唔好食。叫花膠肉餅個陣未諗掂蒸定煎，店員就建議蒸。但可能就係蒸，所以啲飯好濕。

呢日又入荃灣搵朋友～我本身好鍾意食肉餅嘅，所以係openrice見到肉餅哥係specialize in肉餅嘅時候就即刻話想去食荃灣出名多好嘢食，只不過我就覺得唔係好方便～因為佢個地鐵站距離啲餐廳都ok遠。好似肉餅哥咁，如果我無住荃灣嘅朋友帶都未必搵到xp肉餅哥唔易搵，但行到去附近嘅時候周圍望下就會見到架喇，都幾顯眼～我哋去到嘅時候好似大約六點幾，都已經坐咗幾多客喇～一坐低，店員就會俾碗湯你先。因為好熱，所以揀完食乜再飲就啱啱好喇～雖然唔知係咩湯，但飲落去都幾好味～我哋兩個人，每人叫咗一個肉餅飯，再加多個小食。嗌肉餅+$5就可以配罐裝汽水，唔算貴～芝士炸薯波（$28）首先嚟嘅係小食，芝士薯波。一上枱已經聞到好香嘅炸物味。咬落去雖然無隱世拉絲，但係芝士味都算濃。而且有一粒粒薯仔，好有口感。因為佢唔heavy，所以會係想一食再食嘅小食～我哋兩個人都差啲唔夠食呀跟住就上肉餅飯喇～佢呢到除咗肉餅多選擇之外，原來肉餅點整都可以揀～可以揀蒸或者煎嘅煮法。肉餅配啲咩都有好多選擇喎～可以配白飯、白粥、米粉；加兩蚊仲可以配油飯或者菜飯添。足三兩花膠肉餅（$99）知道呢個係肉餅哥最出名同埋熱烈推介嘅，所以一

久仰大名的肉餅哥，今天終於有機會食了 !一進去，環境裝修很漂亮，播放著輕音樂，令人很放鬆。安頓好做下後，還未下單，店員便馬上拿了西洋菜湯，很熱情很好服務。西洋菜湯的味道很濃郁，而且不是放了很多味精。很好喝。然後我們主菜點了 煎足三兩花膠肉餅 和芝士流心肉餅。煎足三兩花膠肉餅 $99 一來到，很香的煎肉餅味。 而它的花膠有三大片，很多的! 味道上花膠不會煮得很爛，它煮得煙煙韌韌，咬落口十分彈牙， 口感有點像吃牛筋時，很爽。必試!而它的煎肉餅煎得十分香， 不會煎得太熟或者燶 ，中間保留了肉汁。 所以會咬一啖也不會乾，能真正吃到肉的鮮味。芝士流心蒸肉餅 $69因為花膠已經選了煎肉餅， 所以我們變想試試蒸肉餅。 芝士流心蒸肉餅，芝士味很香濃!可見芝士有大量，並會有很多拉斯，一點也不寒酸。 而蒸肉餅較健康，不會像煎的一樣較重味。我們小食點了芝士炸薯波 $28。很重薯仔未，好像在吃薯餅一樣。 可能因為我們剛剛吃完了流心芝士肉餅，所以味道遮蓋了這個炸薯波的芝士味。最後我們點了新鮮水果汁芒果和番石榴味， 原價18元，配上肉餅套餐，加12元便可以了。番石榴味沒有番石榴本身的結味，反之比較甜， 但也很好喝

早排見電視介紹完肉餅哥 睇見都覺得好吸引 於是拿拿林 搭車過嚟荃灣， 簡簡單單嘅裝修坐落都幾舒服 餐廳嘅食物款式唔會太多，不過貴精不貴多 。呢度係一間專食肉餅嘅小店， 淨係乜乜肉餅乜乜肉餅都十幾款， 估唔到原來肉餅都可以咁多花巧足三両花膠肉餅痴線嘅三大塊成個碗咁大塊既花胶， 就咁睇都覺得好漏呀， 又淋又胶個口食完黐實曬。不過真係好抵食嗰套餐98蚊畀咁貴多花膠你食， 仲可以點白飯，油飯，菜飯或者米粉都幾好。不過我個人就有少少建議如果真係要點呢一個花膠肉餅飯 最好 就同朋友share 食會比較好啲， 因為到最後我哋都食唔曬呀😓套餐仲有一碗例湯跟埋另外可以加錢點新鮮果汁添。

今日在荃灣見到這間食店，幾特別喎，食餅專門店，入去試下先，睇下餐牌，嘩！款式特多，好吸引！估唔到肉餅都可以咁多口味，果醬肉餅、咖啡煉奶肉餅、冬蔭公汁肉餅......，真係聽都未聽過。更有D貴價的，野味鵝肝、原隻龍蝦肉餅、鮑魚肉餅、花膠肉餅都有，真特別。更有煎同蒸選擇，又有白飯、粥、米粉、油飯和菜飯揀，淨係揀食乜都有排睇。最後揀左個平價的秘制蓮藕肉餅，肉質唔錯，再加爽口蓮藕，口感十足，新鮮熱辣，味道一流，直得再去。

位於荃灣的肉餅哥早已聽聞經常大排長龍，前幾日終於同朋友一齊系晚飯時間試左!!!整體來講覺得都幾好食!!!位置有少少難搵，不過都裝修得幾靚詳細餐單無影低，但肉餅款式真系有好多!!!!!!午餐同晚餐既款式大致相同 (未知份量有冇分別),但睇落午餐比較抵食~睇完餐單，經過一番選擇困難(ಥ_ಥ)後我地點左一款蟹粉肉餅($99)，一款花膠肉餅($99)再加左小食系芝士薯波~($28)野飲可樂(+$5) - 加野飲比想像中平，唔算貴一黎上左細細碗湯比我地先，雖然細細碗，但有湯飲系幾正之後系小食 芝士薯波，系幾好食，不過如果再熱少少就更好中意食薯餅(如我)既都應該中意食我地兩人share都覺得有少少唔夠喉~~之後終於到主食 蟹粉肉餅!!!我就嗌左配油飯，成個飯既份量好夠！肉餅嗌左用煎的煮法，如圖，肉餅上面連住蟹粉個肉餅真系好食可能因為用煎，所以更加香，有外脆效果🤤肉質方面帶有少少肥，所以食落都好軟好好食，絕對唔會硬梆梆！呢個份量夠我岩岩好朋友嗌既花膠肉餅～嗌左配菜飯，肉餅用蒸的方法花膠超～大一塊~~佢呢個飯既份量仲誇張過我個個成個飯既配搭都幾夾肉餅上既sauce 餸飯都好夠好足!!肉餅都系一樣軟熟但

聽人介紹話好好食，去到試，食到一半已經想嘔，芝士肉餅本身肉又唔夠味，但芝士又膩，簡直係味覺衝擊。店員服務態度差，講晒粗口又掟碗，落錯單、收錯錢，仲俾面色我睇，山長水遠去試，真係後悔......朋友叫咗個金沙蛋黃肉餅，出名食肉獸嘅佢，食咗3分1已經停晒手，唔會翻兜！

肉餅係我地廣東菜中的家常餸用刀剁碎豬肉餅加入調味料, 隔水蒸熟咁就可以造出一味簡單而好食既餸肉餅既款式本身已經不少, 加入唔同配料又做唔其他款式例如鹹蛋蒸肉餅、鹹魚蒸肉餅、梅菜蒸肉餅及土魷馬蹄蒸肉餅等等..之前係FACEBOOK, IG 瘋傳花膠肉餅, 賣相相當吸引今日我就特意帶母親去到肉餅哥一試肉餅哥位置我自己就覺得有點遠近大窩口那邊的工業區而店內有十幾張枱裝潢格局比一般港式茶餐廳型而晚餐就有三款價錢種類的肉餅供選擇一落完order 即奉上例湯蓮藕煲唐排無味精既住家湯另外, 加$28 就可以飲到花膠燉蟲草花湯最岩女士養一養顏先黎一個芥香木耳木耳爽口  但無芥辣味但好重醋味、蒜味及麻油味好開胃既一個前菜足三両花膠肉餅一上枱就比佢的份量嚇到花膠鋪滿係砂鍋上 花膠炆得剛好  口感軟腍滑溜而呢款我選左蒸肉餅比起煎肉餅, 口感juicy 及滑一點 但就不及煎的那麼香原隻帆立貝黑松露肉餅首先講吓個肉餅肉餅肥瘦適中這款我簡了煎肉餅佢嘅表層脆口外味道更香而肉質實d帆立貝上塗上一層黑松露醬將醬與飯及肉餅撈在一起~每口都食到黑松露既陣陣香味而平時出去食既菜飯比較油呢到就比較乾身讚呢個款西瓜汁, 平時出街

老公睇openrice 找到這間飯店，有好多品種的肉餅飯。因為兒時記憶（外婆帶大的他，最愛吃肉餅）所以在荃灣也要去試一試。今日去食，未夠7點就爆滿，好彩早些去到。原來呢間的肉餅會打好多次，所以用肉餅做招牌我叫了廚司推介的花膠蒸肉餅菜飯。花膠竟然是超級厚身及大塊的。如果將花膠放平，就是一級靚既花膠公品種，唔係一件係兩件咁多，只係收你99元，低食到飛起。😋😋😋而味道仲係好重花膠味，肯定對皮膚好好。老公叫了蟹粉煎肉餅飯。也是99元，金黃色的蟹粉充滿肉餅，一定要同菜飯一齊放入口中，你就會感受到蟹粉的咸香味四溢於口腔，這個不能錯過。好鬼簡單分煎及蒸兩種肉餅，上面放不同的食材。價錢有三種，$59，$69，$99店內張貼了頭號食物冠軍是黃金肉餅飯。下次一定再來試一試。

食肉餅飯原來都可以有好多選擇，之前其實已經慕名嚟過肉餅哥呢一間專門整肉餅嘅店舖，聽講話肉餅哥自己一個人日做夜做，年薪賺到8,000,000！點樣由一塊看似簡單的肉餅，轉個手就可以賺到過百萬嘅營業額呢？呢一日我就去咗試一試佢新出又特別既肉餅飯口味。店員有推介我哋食一個叫做花膠肉餅飯，花膠肉餅飯用料非常豐盛，佢唔係淨係一舊花膠，係成個肉餅上面都鋪滿花膠。一見到就令人垂涎欲滴，上面仲有幾粒蔥花調下味都幾過癮。我哋兩個人食當然係唔夠飽啦，之後就嗌埋個帆立貝肉餅飯，帆立貝個貝殼一嚟到係有我成塊面咁大，上面嘅肉餅大過帆立貝舊肉。不過佢嘅用了就完全將佢嘅飯覆蓋。順帶一提，我兩個飯都係叫咗菜飯，菜飯感覺上冇咁肥膩，襯返塊肉餅，感覺就會更加清新健康，而且唔係好多都地方有得食菜飯，所以我都堅持會叫返菜飯。兩個人食真係啱啱好啊，唔使再叫其他小食都好飽啦。結帳仲要唔使＄100，晚餐又想食好啲又想食飽啲既朋友就可以來肉餅哥啦。下次我一定要再點其他口味嘅肉餅！