肉餅哥小炒料理 (已結業)

其實好耐之前我同我屋企人已經食過荃灣嘅肉餅哥係真係幾好食嘅！上個星期日，我同我老公又去咗食啦！我哋兩個都係叫咗佢熱賣名單入邊嘅其中兩位。老公就叫左黃金流沙煎肉餅配菜飯。呢個蛋黃， 再加埋蛋黃蓉，鹹鹹地，淋落塊煎肉餅度，撈飯食真係好好味而我呢就叫咗花膠肉餅飯，今次塊花膠勁大塊，對上一次來食好似冇咁大塊！花膠煎肉餅飯呢，味道就比較分開啲，花膠有花膠，肉餅有肉餅，冇乜融合嘅感覺。不過仍然都係好好食，但係我就略嫌佢嘅醬汁唔夠多，如果可以多啲醬汁撈飯就Perfect 啦其實呢店舖係可以揀蒸肉餅或者煎肉餅嘅， 我同我老公兩個都比較鍾意食煎嘅！另外老公仲叫咗一個小食，就係榴槤炸彈！由於本人唔食榴槤嘅關係，所以評語係轉述返老公嘅。老公話呢個榴槤炸彈，外脆內軟，仲有榴槤醬流心添！老公就讚幾好食！鍾意食榴槤嘅朋友不妨試吓啦！不過呢間店舖嘅服務方面有待改善，店舖入邊嘅侍應生都係年輕女仔，似乎剛踏入社會嘅佢哋唔係太懂禮貌，如果佢哋可以有返啲禮貌加番啲笑容咁就一百分啦

今次黎到荃灣專誠試試很有名氣的肉餅哥，每到晚飯時段都大排長龍以32款肉餅為主打，還有分煎肉餅和蒸肉餅，估唔到肉餅可以有咁多變化秘制金沙蛋黃肉餅($69)呢款肉餅上係鋪滿一層又一層滿滿的咸蛋黃，煎到金黃色兼起沙配飯食，口感是一流，很滋味，不過食到最後會有少少膩，但相當滋味--------------墨汁魷魚肉餅($69）肉餅用上墨魚汁令全個肉餅都烏黑黑的，但相當彈口有口感香香的魷魚味，師傅可謂用盡心思，這個用蒸的，相對沒這麼滯---------------**以上餐飯都配老火湯和白飯/粥等，還可加錢轉菜飯餐廳是小舖形式，晚飯時段都坐得相當擁擠，就是當個快飯是不錯的選擇

明明20:22 落單，成20:50 才送上，4 眼男waiter 遊暈。服務態度差，一定不會再光顧，先培訓員工先開店。追了二次仲唔跟單，第一次追又話要蒸好耐，跟住話我果個咁快係因為有客人落order 於是一併做，歪理

依間餐廳都開左一段日子，但直都無試過，晚上路經時，一般都見到有人排隊今次一行四人，大約等左十分鐘左右一坐底，店員就會攞碗湯比客人餐廳坐位唔算太迫都ok多款肉餅比你揀，超級花多眼亂可揀白飯或加錢要菜飯19. 流心芝士肉餅唔好睇少佢，以為得上面塊芝士我見朋友夾起時，肉餅係有拉絲的30.煙三文魚肉餅無試亦唔記得問味道如何25. 秘制金沙蛋黃肉餅嘩唔係講笑，上面首先有半粒蛋黃之後中間嗰層全部係蛋黃4. 麻辣香菇肉餅我試左一少啖，辣辣地朋友係食得辣嘅，佢都話少少辣一口餃子&青瓜無太大特別，但都係好味

一直喜歡食肉餅嘅我收到風有間叫肉餅哥嘅小店在荃灣山長水遠位置難找都係要來試一試店小小裝修卻整體來得舒服企理叫左個一口餃子及鎮店流沙肉餅送上枱卻有點失望叫得肉餅哥原來都只是機碎肉餅而不是手打肉餅其實可以收貴一點，來得吃肉餅應該不會介意貴多十蚊八蚊店員全是青春少艾，坐滿光顧的大部分是年輕九十後，似乎沒有太大要求吧，一心是做新一代生意而巳

之前IG成日見有朋友食呢間肉餅哥 今日終於到我有得食地理位置的確比我想像中遠小小 但如果好食既都無所謂喇坐低睇MENU見到字即刻大笑左店鋪裝潢採用簡約風 俾人感覺乾乾淨淨吾食都吾知 原本肉餅係有咁多玩法有D果醬肉餅聽落都甜 都留番下次先叫最後我揀左最愛黃金肉餅 咸蛋My favorite 肉餅可以揀/ 蒸 咁黃金咸當然煎先perfect喇我吾慣肉餅配麪 都係揀左食飯 +$5有菜飯梗係要喇果然不負我望 煎過既黃金肉餅惹味到喊肥瘦肉比例剛好 入口吾會有un肉呢個時候點少得飲番罐飲品gur下佢有我最愛既巢檸 成件事好滿足除此之外我同朋友仔仲揀左個足三兩花膠肉餅share真係聽個名都夠霸氣 花膠我地覺得夾蒸肉餅多d 所以無再揀到煎一上菜俾佢個巨size 大到 面頭2層原塊大花膠叫佢足三兩真無吹大到 花膠入口夠”膠”一人食1塊都夠晒飽個人建議花膠比較配合蒸肉餅 食落無咁比煎會無咁膩口飯量都有足一碗飯既份量 細食既女仔絕對可以2個人share一花膠肉餅不過黑洞我應該比較難做到埋單人均$100有找 晚餐黎講算抵食之選

整體感覺一般吧。味道而然：一般，名過其實，不硬，老人可食；味道不會太咸，適中。但是，真的家庭菜，味道不太特別，家庭感覺。另外，我要的是白飯，比較硬，也比較dry，基本一定要配野飲，但一杯可樂都是$5。。環境：中下，坐在最入的位置，看見出餸的地方，混亂，但沒有小動物的。但最嚴重的問題是，有一陣肉檔的肉味傳出，不太好聞。。等待時間：OK，我假期去，約630，不用等位，可直接入座，而且有一半的位置是空的。。價錢：如果以茶餐廳的價錢計算，價錢適中。如果單以肉餅飯而言，卻一般般。

星期二去左試吓馳名已久嘅肉餅哥，之前經過幾次都要排長龍，好彩今日係唔使等不過入到去都幾乎滿座，佢哋好快手，每人上左碗例湯，有屋企嘅感覺睇下個Menu，我哋都揀咗三個肉餅同埋一個小食。我哋都想每樣都試吓，就揀左原隻帆立貝黑松肉餅、鮮味蟹粉肉餅、同埋足三兩花膠肉餅，小食就揀咗個一口炸餃子一口炸餃子，細細粒好得意，好香口足三兩花膠肉餅配油飯，花膠真係好足料，有些三大塊，煙韌有彈性，油飯就好香口原隻帆立貝黑松肉餅配出前一丁，食麵好易林，都係食飯好啲。不過黑松露好香，個肉餅煎過亦都香口，味道比較偏鹹滋味蟹粉肉餅，真係好鮮味。呢個就係配菜飯嘅，味道比較清淡爽口。呢個肉餅都係煎過嘅，比較香，而且蟹粉味道比較重。呢度真係有各式各樣唔同款式嘅肉餅，鍾意食肉餅嘅就唔好錯過啦！

荃灣常常去路德圍，新意都吃光了，於是尋找其他好食店子。聽說有間叫肉餅哥的創意肉餅店在citywalk 2 期附近，於是這天就與親友寶寶一起來試試。肉餅哥店子不算很大，但設計尚算有style，牆上有不少黑板寫上推介食品，並畫上插畫。餐廳真的全部都是肉餅！你想得出或想不出的創意料理都有！較特別的有：星洲咖哩肉餅，泰式冬蔭功汁肉餅、金沙蛋黃肉餅。其中金沙蛋黃肉餅真的整個都是金黃色，十分吸引。每款肉餅套餐均奉送老火湯，肉餅可選蒸或煎的，可配免費的白飯/白粥或米粉，+$2可選油飯或菜飯，+$3出前一丁或+5辛辣麵。飲品方面，+$5罐裝汽水或+$12新鮮果汁。這天來到，果汁已售罄，問店舖有沒有水也沒有，建議食客自備。筆者不喝有汽飲品，所以選了罐裝檸茶。時蔬可加$12選配。難得帶了親戚來吃，就吃豪一點，橫豎都很便宜。首先選了原隻龍蝦肉餅，配煎肉餅及油飯，龍蝦鉗子大大隻。煎肉餅非常香口，油飯香而甘，配合煎肉餅真的很好吃，小朋友一定喜歡。再叫了個足三兩花膠肉餅選了蒸肉餅配白飯，花膠足料，炆得很淋，配合白飯肉餅可以扒很多碗飯。筆者蒸肉餅及煎肉餅都試過後，教喜歡煎的，香口且味道更濃，如果喜歡清淡一點的，蒸肉

呢排食得幾油膩，係時候食D清淡餸菜，是日又係荃灣開餐，今次去咗食蒸肉餅，呢間食市係呢區都幾出名專食肉餅，而肉餅種類都有好款式。呢度午市有3款價錢套餐選擇，當然價錢越貴食材都有D分別，全部套餐都送老火湯同餐飲加埋碗白飯，再加多幾蚊可以升級飯底同飲品。咁我點咗墨汁魷魚肉餅要蒸嘅，先來一碗老火湯，飲落幾淸甜應該冇落味精再來係凍O茶一杯，唔算太甜。因為叫咗蒸，唔係煎，所以要等耐小小大約十分鐘鬆D終於等到主角出場墨汁魷魚肉餅同飯分開上，魷魚肉餅份量適中，整塊肉餅被墨汁變至黒色，咬咗一啖已見魷魚粒係肉裏凸出來，肉餅肉質亦廷身，本身肉餅已夠晒味道，如果覺得唔夠味可以加醬汁一齊食，話咁快又食完一餐清清淡淡午餐

好耐之前朋友已經高度推介肉餅哥今日放工趁得閒即刻過去試下!估唔到午市都咁多人 都差唔多滿座一坐低就有碗湯放係我面前 飲完冇好口渴既感覺 係咪即係冇味精?望望個MENU都係叫番我最LIKE既咸蛋肉餅加油飯等左十分鐘度就有野食喇肉餅上層真係鋪滿哂咸蛋黃 一D都唔孤寒中意食咸蛋黃既絕對唔可以錯過!!肉餅煎到外脆內軟而且好香口朋友真係冇介紹錯不過講真 一個人一次過食咁多咸蛋黃的確係有D漏建議2個人一齊去 SHARE再叫另外一款 咁又可以試多個口味

難得約咗朋友仔 出荃灣食飯， 之前見電視介紹已經好想試， 今日終於可以過去試下啦， 呢度係一間專食肉餅嘅小菜館，有好多不同款式嘅肉餅， 電視度見到個老闆都係一個後生仔創業， 都幾欣賞佢嘅精神， 佢哋有個99蚊嘅晚餐有好多款式嘅， 仲要有埋餐湯同埋嘢飲 ，好鬼抵。我揀咗鵝肝肉餅飯，肉餅可以選擇蒸或者煎嘅，而飯又有得選擇菜飯，黃飯或白飯， 感覺都幾唔錯唔使單一化比較變化多啲。煎過嘅肉餅好香口配埋鵝肝嘅油脂更加惹味， 而我揀咗黃油飯， 有少少覺得溜， 因為鵝肝都有啲肥油脂， 如果揀鵝脾肝肉餅我覺得應該配菜飯會好啲，肉餅口感質地比較厚實。朋友仔就點咗個 黑松露帶子煎肉餅配左米粉， 如果對比返我個鵝肝肉餅飯，我覺得黑松露肉餅更加出色，香口惹味，入口仲帶點鬆化。不過就始終覺得食肉餅都係配飯最正。

之前睇過介紹呢間好出名加上細佬力推👶🏼，就趁佢喺大圍分店未開之時試下佢總店先啦！對荃灣路唔太熟，睇google map以為好近但原來都有段距離⋯行到身水身汗終於到⋯滿懷期待的走入去☠️⋯⋯入到去成間店都幾多香港特式的裝飾，例如舊香港嘅相等🌃，都幾有本土風味～ 雖說座無虛席，但必須講真係好逼好逼⋯坐嘅卡位同後面嘅人完全背貼背⋯尤其全身大汗嘅時候真係有啲唔太舒服🌚🌚⋯-------------------既然嚟到呢度，坐定左之後梗係開始睇餐牌👻！晚市套餐有三個價錢選擇，最貴$99最平$59，全部都配老火靚湯+白飯/白粥/米粉～可以再加錢叫嘢飲同埋小食🙆🏻～ 肉餅選擇極多，足足有36款，仲可以揀煎同埋蒸，同細佬選擇困難底下終於叫左「足三兩花膠肉餅（蒸）」$99同「秘製金沙蛋黃肉餅（煎）」$69🤤～講下個煎金沙蛋黃肉餅先，幾香鹹蛋味，不過略嫌太乾身，🤔鹹蛋幾乎係佈滿成塊肉餅，仲有隻咸蛋黃喺面，但肉餅入面無其他料，所以有點dry⋯ 至於個花膠肉餅，小鍋上非常熱，花膠堅係足三兩😳😳，好厚好大舊絕對唔係花膠碎，呢樣係抵讚嘅👍，食落非常有滿足感～好滑口～不過最好都加豉油，因為比較淡口⋯可能係唔加

肉餅很削，味道一般，不會像網上介紹得那麼美味，只是配搭方面吸引食客而已。且職員態度一般，女的會黑面，男的常說：等等...等了一世紀也不會幫你。所以不要抱太大期望～

早一輪又有很多人排隊來吃，終於這一排人少了，有天晚上的起心肝來試試肉餅哥，其實也和元朗、天水圍那間肉餅餐廳差不多。肉餅可選煎或蒸，配老火湯，現場看到不少人點墨汁魷魚肉餅及秘制金沙蛋黃肉餅。長檯，二人對著坐，這樣的窄型長檯，剛可放下兩個托盤，騰出兩端的空間，不會與兩旁客人坐得太近，設計一流。因很多時我也不喜歡到極擠迫的餐廳，兩旁食客非常靠近，難以談心。老火湯，沒甚味精，味道還好，不會口渴，未點餐先端來一碗湯也抵讚。其實蛋黃我向來不太喜，這個是用蒸的，旁邊男子的肉餅，看來包着外皮尤如芙蓉蛋，原來煎的蛋黃肉餅就是這樣。雖其稱煎的較蒸的好吃，而我卻確信蒸肉餅也有其韻味，況且，看來煎的也挺油膩的😏爆香京荵，這個名不符實，沒有爆香，京荵間中幾絲，羊肉沒羶香，成份成疑。肉餅的質地不錯，真材實料，比較結實的肉餅，與三餸飯的鬆弛肉餅非常不同。菜飯不太多，一碗子小小的，又要省著吃才能送完肉餅，雖然叫做菜飯，但菜粒不多，而且非常細粒。旁邊有瓶豉油，但環顧四周沒人使用，其實豉油味道不錯，甜甜的微咸。因座位不錯寬闊，肉餅還算特色，可以考慮再來，一試咖啡煉奶或墨魚汁肉餅😏