肉餅哥小炒料理 (已結業)

肉餅由細食到大，是最家常的餸菜；偏偏這最尋常的家庭味是越大越少吃到，尤其是我們這等無飯夫妻！上次一支公過嚟，今次就和老婆前來開餐；七點鐘未夠已坐滿七成人，以佢都幾「吊腳」嘅位置嚟講，捧場客也真是不少！上次試過花膠蒸肉餅；質素相當不錯，當然要再Encore啦，這次依然選擇了蒸的做法 - 足三兩花膠肉餅~蒸（No:36)，另一款就揀了潮州家鄉肉餅～煎（No:23)，再加一味小吃 - 迷你一口炸餃子，汽水及柑桔檸檬果汁。等食期間，左顧右望，見到這個<<影靚相贏取一個月任食>>的「免費餐」推廣活動，咁着數；當然要了解了解，侍應姐姐叫我睇FB，原來只須在起筷前將食物照拍下，上載到肉餅哥FB專業的指定Post內；該月被評為照片拍得最靚的三位便可得到肉餅哥的招待 - 得到一個月免費任食的獎賞！每月2號就會公佈得獎名單；想參加，就要快手了；我當然也參加了，唔知會唔會被選中呢？肉餅未到，侍應便拿來兩碗例湯，大大片紅蘿蔔，湯底倒也清甜可口。迷你一口炸餃子（$28～8粒）酥脆可口，不會過份油膩，一口一粒剛剛好！足三兩花膠肉餅~蒸（$99）從上而望，都幾似火山噴發的造型，片片花

見open rice咁多評論，專登過去試下，由於地理位置比較偏遠，係啲私樓同車房工廠區附近，比較人少，但間野一到食飯都算旺場，再講下佢啲野食，肉餅全部都係肉餅，口味都算多，有啲鮑魚味，花膠味，不過就要99蚊，個人覺得貴，揀左最平49蚊既餐算，老干媽肉餅，以為係啲肉餅再混埋啲餸入去，原來只不過係肉餅再淋啲汁上去，肉餅就ok la, 唔會太硬/淋，而且係熟😂，不過唔知點解之後返到公司就要去廁所，可能因為辣？整體都可以既

上次食過大圍個間之後一直好想再食🙈今次拉埋係附近番工嘅朋友同我一齊再戰肉餅哥☺️☺️☺️.今次食左上次都好想食嘅招牌～足三兩花膠肉餅 ($99)講真我覺得係性價比最高嘅一款😳 上面真係舖住左厚厚三塊大花膠😍真係好岩女仔食! 感覺骨膠原好重😁😁我地揀左蒸 因為感覺好似岩啲咁🙈結果係岩嘅 因為仲有好香嘅花膠汁～～ 真係用黎撈飯一流啊😋肉餅蒸得非常香～ 肉質無半點乾 充滿肉汁☺️咬落有彈牙口感 而且無半點鬆散❤️.另外嗌嘅個款亦係推介之一金莎蛋黃肉餅 ($69)好鐘意上炒香左個層沙沙口感嘅蛋黃🤤真係滲出好重鹹香味～～～配埋個煎肉餅一齊食真係超級惹味🤣😚雖然膽固醇感覺超標 但真係太好味 會不禁一口接一口 超正💓果然肉餅哥又係從來無令我失望過🙈決定左下次要挑戰其他「特別」口味試試佢～～～不過個人認為大圍店真係坐得舒服好多😂😂

睇左好耐終於去試喇，依到有幾十種肉餅簡，完全係花多眼亂，全部都好有創意，覺得一次試唔晒 肉餅可以簡蒸/煎。其實本身想原隻試龍蝦肉餅，不過一點就話沽清☹️食物質素雖然唔錯，但係服務態度真係好唔得，執完枱唔識抹枱，入門口無招呼，落單又黑口黑面咁🌚問下佢食煎定蒸好，佢答您中意啦 完🌚介紹下都好丫。我個日去係全部靚妹黎，唔知其他會唔會好d啦。。-每個飯都送碗湯，咩都唔講咁放係枱架。足三兩花膠蒸肉餅配菜飯餐花膠真係好足料，有成三大塊，好養顏的感覺，煮得幾淋，茨汁調得好，都幾入味，簡左蒸肉餅，肉餅鬆化得黎有口感，食落無一粒粒肥肉。肉餅撈埋菜飯好有家的感覺哈哈，送飯不錯！-秘制金沙蛋黃煎肉餅配菜飯餐依個真係好好食😍不過真係一個人食會太漏，二個人share岩岩好！滿滿既蛋黃再配煎肉餅，好香口好惹味，不過真係好邪惡，一定要簡菜飯🤣🤣-希望服務態度有改善啦！

早幾日食午餐又去咗肉餅哥度開飯，上一次食過佢嘅蒸肉餅飯，今次就一於試吓煎肉餅質素又如何，咁當然係咁多種口味選擇都幾難唔知食邊款是好，諗咗一陣就點咗呢款惹味鵝肝肉餅而肉餅當然係煎咁先可以配合煎鵝肝味道，係等緊個飯時先飲番碗熱辣辣老火靚湯濕濕個口，係飲緊湯之際個鵝肝煎肉餅終於送到餐枱上，未食已見到肉餅煎得面層金黃香脆，而另一主角鵝肝一樣煎得咁出色閃閃零之餘，仲聞到陣好香嘅鵝肝味道，真係要趁熱食咁先最好味，先來梗係要食啖鵝肝先，厚厚肉質夠晒肥美飽滿，輕輕夾住鵝肝油已滲透出來，入口面層香脆内裏香嫩，油嘅甘香係口腔停留，真係食得好惹味再來就到肉餅本身已煎得非香脆又大塊，食落同蒸口感分別好大，蒸嘅肉質比較滑軟同冇咁油膩，而煎嘅肉質會比較乾身同食落會較香口，不過兩種做法各有不同自然食到口味差異，我就比較喜歡食煎嘅口味，記得食之前落埋醬汁一齊食再可提升味道食得更滋味最後飲番杯凍檸茶中和一下，又食完一餐好滿足午餐

放工同同事去試下有名的肉餅哥，想試好耐，但一直未約到fd去。是晚終於有人陪我去啦，哈哈，從公司行過去都要半個鐘，同事一邊行一邊媽媽叉叉，好彩天氣涼返啲，如果唔係佢應該仲炆。嘩，成八點半黎到都仲等緊位，平日晚都咁爆場，食物應該有保證啦等左一陣有枱，快快落單先，好肚餓呀～店員先送上例湯，是晚係老黃瓜煲豬骨，幾甜喎，無味精系列。西瓜汁（+$12）＆忌廉（+$5）點肉餅餐可跟餐飲，同事要左西瓜汁，佢話未飲過試下喎，不太甜，有零碎西瓜肉，幾好，自己穩陣啲要罐汽水算啦。足三兩花膠肉餅（$99）配菜飯（+$2）嘩，塊花膠真係好厚喎，芡汁調味不錯，花膠入哂味好正，有咬口又滑溜，蒸肉餅同樣都係好厚身，大大塊，同菜飯撈埋一齊食勁正流心芝士肉餅（$69）配白飯呢個試下煎肉餅，係三層芝士夾住兩層肉餅，面同底層的芝士煎到薄脆，中間流心，芝味十足，肉餅煎得香口，真因為呢款很濃味，配個白飯啱啱好飯好大碗，男人食都夠飽啦。肉餅可選蒸或煎，飯可加錢轉菜飯，油飯，公仔麵等，再加上肉餅款式有好幾十種，想試哂咁多配撘都要時間喎，餐牌上有款咖啡練奶肉餅唔知會係咩味呢？好難想像呀

旅行完先覺得香港嘅食物先啱自己食，今趟旅行真係無啖好食。趁夜機返到黎，一落巴士就見到肉餅哥，所以無咩點諗就入去了。蒸肉餅由細食到大，但都係黎黎去去都嗰兩三款，但呢度有成三十多款真係不得不佩服老細嘅大膽創意。記起早排食過餐花膠餐幾好食，所以就點左個花膠肉餅食，睇下呢度嘅做得好唔好過之前嗰間。而朋友就點左海膽肉餅，仲再柯打左個炸薯波黎食。炸薯波熱辣辣上枱，香脆得黎仲食到一粒粒薯蓉，唔會入口一團粉團咁，都係幾唔錯嘅小食。花膠肉餅份量十足，有成三大塊花膠鋪面而底下嘅肉餅都有成吋厚。花膠燘得好軟滑而且入口膠質非常重，每一啖都漿住漿住咁。而肉餅本身都做得好鬆軟，肥瘦肉均勻配白飯真係幾唔錯。可惜嘅係略嫌唔係幾夠味，要再加啲醬油調重少少味道。順帶一提，呢度嘅甜醬油真係幾好味，易入口得黎又咸甜啱啱好。而另一個蟹粉肉餅就轉左用煎肉餅去配。煎嘅肉餅飯風味比花膠嗰個更濃郁，除左多了一層香脆口感亦因為煎過令肉餅油香更突出。但同樣地都係覺得味道還是淡了一點，所以都加左啲醬油落去。我地諗可能係啱啱落機啲氣壓仲有少少影響先會咁樣。跟餐飲品揀左奇異果汁，一黎健康啲，二黎係清下旅行後嘅腸胃。另外呢度仲搞緊個影靚相就有得任

一直都想試肉餅哥，但荃灣對我來說太遠了。知道它在大圍開了分店，趁有時間就來試試。 餐廳位於美林邨的冬菇亭。不太熟這邊，走了一個圈才找到，原來就在巴士站附近。 裝修走工業風。只看裝修還以爲是吃美式burger什麼的，怎麼也想不到是港式餐廳呢。 肉餅款式多達40款，價錢$58-99，可配白飯／南瓜粥／米粉。還可選蒸／煎，選擇困難症又發作⋯⋯ XD 黑板上推介了幾款肉餅和建議食法，想不到吃什麼的話，可以參考。 甫坐下，店員便送上老火湯一碗，蠻有份量呢。 大圍店限定，Asahi生啤$28杯，没理由不喝。 原隻龍蝦肉餅 $99 每日限定的龍蝦肉餅，當然要試一試。原隻龍蝦蓋著肉餅，賣相特別，更讓我想起小魚仙的Sebastian呢！XD 龍蝦肉餅煎得金黃，十分香口，不用外加調味已夠惹味。每一口都充滿龍蝦肉，超猛料。配上菜飯(+$2)，口感更爽脆。 鮮味蟹粉肉餅 $99 蟹粉肉餅選了蒸，油份迫了出來，香氣四溢。肉餅結實、有咬口，肉與脂肪勻稱。滿滿蟹肉加肉汁，用來撈飯趣perfect。 肉餅餐份量不少，加埋老火湯，大男人也夠飽。能夠把家常菜玩得出神入化，難怪咁受歡迎。

陪成班朋友喺荃灣行左成日街，班女仔話要食清清地，唔好食d肥野咁，諗左好耐最後決定去試吓肉餅哥。去到見到個場都好旺，都等左一陣。一睇個Menu就覺得不得了！居然肉餅可以用花膠配！諗都唔諗就即刻叫咗來試下！一上台個花膠仲大過個肉餅，絕對用料十足！絕對可以art like!即刻相機食先!食落個花膠都問得好味又軟熟，唔錯唔錯！個菜飯都幾好食，幾夾個花膠肉餅。再嚟多個蟹黃肉餅，蟹黃真係好香！加埋d油飯食好正！以後去荃灣又多一個健康美味選擇！

又係食肉餅哥嘅時間，其實我自己成日都整肉餅，但整極都冇肉餅哥整得咁好食....所以就唯有約班朋友出嚟叫多幾種不同的肉餅，一於等自己有口福！今次就叫咗鹹蛋黃煎肉餅，啲鹹蛋黃真係多到流出黎！！！食落d肉餅真係勁野味！再嚟再嚟多個新產品！試吓個馬介休煎肉餅，聽落個名都幾特別，馬介休呢有種香料香香辣辣，加埋肉餅食都幾夾！今次有叫菜飯同埋油飯，菜飯都幾清甜，又感覺好健康，油飯都幾香，淨係食肉餅同埋食飯都可以食得咁開心，肉餅哥都真係又平又正！

仲記得細細個媽媽成日煮餸總有一道菜係蒸肉餅，因為夠哂簡單又好味，而家雖然工作忙少左返屋企食飯，但一返屋企食飯都會有肉餅食，所以數數手指我一個月最少有十日都食肉餅，好似離不開我既三餐一樣。而家愈開愈多專賣一味既餐廳，我成日覺得一間餐廳要做得好又出色，只賣一樣野再加少少創意想法就可吸客，依開餐廳開正係我公司附近，有我最愛既肉餅做賣點，如何叫我不去吃？今日同同事夜左收工黎左依度食晚飯，等左一陣就有位啦，一入店內，已全場坐滿，枱櫈之間都有少許迫，我地叫左兩款唔同口味既肉餅，而飯就叫左菜飯同油飯，飲碗湯暖下胃先先送上老干媽肉餅，好香既炒豆豉放左係肉餅上，食落鹹香味濃，夾一塊肉餅配住菜飯食好滋味，肉餅肥瘦適中，煎過後入口好香脆，肉脆邊位係咬緊都聽到脆口聲，菜飯份量多，每啖飯都有菜絲，食落無菜青苦味，有肉有菜夠哂均衡食食下就送上足三兩花膠肉餅，賣相真係當堂嘩一聲，好大塊花膠鋪滿煲仔面頭，份量好大份，食落軟熟膠質豐富，味道濃郁而不會太鹹，蒸肉餅厚度適中，入口啖啖肉帶少話肥肉，有陣陣油香味，送住油飯大啖食正啊，物超所值!

約荃灣人入荃灣食飯，佢地叫我試肉餅哥，話d肉餅幾好食，雖然離地鐵話都幾遠，不過同朋友一邊傾計一邊行話咁快就到。裝修好有小店feel。打開餐牌先發現原來有勁多款肉餅揀？我心大心細揀唔落手，所以決定同朋友share晒！先黎蟹黃肉餅配薑黃飯，蟹黃相當香，撈飯一流！而肉餅調味恰當，質感結實都好好食。花膠肉餅亦相當滋補鹹蛋黃肉餅最好食，充滿鹹香，好快比人清晒跟菜飯幾好食。黑松露肉餅配薑黃飯，都唔錯餐飯好抵食，埋單一百有找，價錢親民！

入黎個陣龍蝦已經賣！晒！超嬲，怪就怪自己遲黎啦～黎到都已經要排成起碼9個字，基於香港人真係好鍾意排隊，睇住d人愈黎愈多，我期待值就愈高，睇住個個入。坐低左之後，其實d位就坐得麻麻地舒服，始終多人，同埋d台比較細張，同隔離要坐得好埋，我唔太鍾意。叫左一個秘制金沙蛋黃肉餅，芝士薯波（好似係），仲有個鮮味蟹粉肉餅，無乜wow factor。其實兩個女仔真係叫一份肉餅加飯都夠，因為金沙真係好膩，我食左半個已經就黎食唔落咁滯，始終係咸食，都唔食得太咸。野飲就有果汁，偏貴。

帶嫲嫲出街食嘢嫲嫲冇牙，好多嘢都食唔到，諗諗下就帶咗佢嚟肉餅哥食飯午餐叫咗個花膠肉餅，貪啲花膠嫲嫲都咬到肉餅揀咗蒸嘅，覺得肉質都幾嫩，調亦都唔太鹹，不過切開中間有啲粉粉哋色，唔知係咪逢親肉餅都係咁上面兩大舊花膠好重手好足料，應該係有充足浸發嘅時間，撈埋啲醬食飯幾好食本身個餐都有跟湯，不過冇為意，另外叫多咗個湯，又有花膠，同埋一啲蟲草花湯好甜，亦好足料，好飲唯一美中不足嘅應該係啲凳，好窄坐得唔舒服，張檯都偏細，我哋兩個人坐四人檯都唔太舒服

肉餅普通、服務態度差，無下次。星期六晚約了兄弟們去試這間新發現的食店，雖然荃灣好大雨都無放棄，8點到，都仍要等20分鐘。第一次來，先試下傳統口味，叫左土魷肉餅、咸蛋金沙肉餅，因為無潮式肉餅，叫埋蓮藕肉餅，加兩個跟餐的$12菜心。土魷和蓮藕肉餅味道很普通，說不上有何特別，咸蛋肉餅味道較為特出，都算幾好味，老實講3人分3個餸但都係肉餅，真係好沉悶下！菜芯好细碟，叫做有條菜食下啫。最不滿係某女侍應嘅服務態度，每碟餸每碗飯都係掉上檯面的，嘭嘭聲，第一下俾佢嚇到彈起，聽到後面執碗碟都係好嘈吵的，胆小者坐係度真係會嚇親！因為味道比不上我樓下，價錢又貴20%，去試一次已經好足夠，以後拜拜喇！