肉餅哥小炒料理 (已結業)

由細到大都對肉餅有份情意結見到有間舖頭主打肉餅 一直都想試今日見到得閒 專登搭車過黎try try佢入到去既時候係6點鬆啲 唔太多人因為對傳統肉餅既鐘愛 同埋見到有手指公推介我揀左食潮州肉餅再另外加菜飯等左一陣 個肉餅就上枱啦首先 我有啲好奇呢個份量男人到底食唔食得飽？咁就開始食啦食落去係爽口 食得出係有心機整但就淡味左啲我即刻落左(好多) 鼓油即刻好食左勁多 個鼓油幾甜 值得讚個菜飯就不過不失啦埋單要71蚊 呢個價食傳統肉餅 可以係其他地方食到同樣質素但大份好多既肉餅唔係唔好食 但食潮州肉餅性價比有啲低睇返食評 呢間應該都係食特色野我應該叫錯左Anyway呢到真係離我屋企同埋學校太遠應該唔會再黎

小弟我一向都好鐘意食肉餅, 聽聞係荃灣有一間專門做肉餅既餐廳,梗係要黎朝聖下啦!我地去到7點半已經坐滿晒人, 要等一陣位先可以入到去坐係門口有介紹下有邊幾款創意肉餅, 令我地越睇越餓....終於都入到去啦, 最估唔到係例湯係連埋MENU一齊上,  佢明白我地得十幾度係出面等既辛苦, 好貼心! 是日例湯係青紅蘿蔔煲豬肉湯, 幾清甜下, 唔咸, 應該冇落到味精蟹粉煎肉餅, 油飯-$99+$2個肉餅煎得外面好香脆, 但入面完全唔會因為煎完而流失晒D肉汁, 入面仲係好多汁嫩口, 做到外脆內嫩, 層次分明, 而上面都有唔少蟹粉, 蟹粉滲透入裡面, 令個肉餅更加香口, 而個油飯有黃疆味, 好味足三兩花膠肉餅, 菜飯-$99+$2係老麥就聽得多足三兩, 食肉餅聽到足三兩真係第一次聽到, D個係每枱叫既肉餅黎, 一上枱就比花膠既數量嚇親, 多到痴線, 食落花膠都好厚身下, 而且有D彈牙, 花膠既質素唔錯, 加埋煎香左既肉餅黎食既配搭係好MATCH的, 食一啖花膠肉餅, 然後食一啖菜飯, 人生一樂事也榴槤炸彈-$38去親食放題都必食D個, 估唔到係專食肉餅既鋪頭都會比我遇到佢, D個炸得好香脆, 而且入

肉餅哥在荃灣已開業有一段時間，每天晚上都有很多人在門口等位，所以一直都無幫襯。今晚六點已經肚子餓，碰巧晚市剛開，不用等位，於是今晚晚餐就此解決。雖然是街坊小炒，但店裏裝修有很用心。青紅蘿蔔南北杏湯，尚算夠火候足三両花膠煎肉餅煲仔飯，花膠有四條，滑溜鮮味，肉餅煎得外脆內軟，淋上醬汁䓤花，大滿足蟹粉煎肉餅煲仔飯，煲仔飯熱辣辣上枱，打開煲蓋，肉香及蟹粉的鮮香撲鼻而來，加上醬汁，整個煲仔飯吃得乾乾淨淨最後來個甜點，榴槤炸彈，外面炸得香脆可口，內裏流心榴槤，非常滿足的一頓晚餐，難怪天天這麼多人等位吃飯。

入得黎肉餅哥梗係為左食肉餅啦，全場爆滿一位難求，平日晚上都咁誇張㗎，等左好一陣先有位，係門口已諗定食咩，一坐座即叫。先飲個例湯，好清甜喎，湯夠熱好飲。跟餐可以要汽水，要左雀檸。難得黎到，叫個招牌名物先，足三兩花膠肉餅，真係好多花膠㗎，全個面都係。厚身花膠，好正好有咬口，食完會黏住個咀，超級正，全場好多人食呢款呀，識揀喎！塊肉餅好大塊，蒸熟再煎，香口又軟腍，唔會煎到硬邦邦。仲好厚身㗎！另外仲叫左蟹粉肉餅，賣相無花膠咁吸引，蟹粉鮮味，攞黎撈飯又幾好味喎。仲加左碟油菜，淨係食肉好似太齋，加番少少菜食下啦。圖片同實物相乎，難得！仲有記住用餐45分鐘好啦，見好多枱都食到夠哂鐘仲吹水打機，出面又多人等位喎，攪到店家要出聲提醒，仲有人話店員姐姐添加，食個飯攪到咁唔開心做咩啫。簡單又好味，飯大大碗好飽呀，真係會晚晚爆場喎。全場幾乎係男性客人，因為男人鍾意食肉多啲？哈哈～

天氣轉涼最好係食D熱騰騰的食物, 肉餅哥係荃灣開左幾年, 個個FD食過都讚好,今次終於到我地去試下啦!個位其實離地鐵站有少少遠, 離荃灣站, 荃灣西站同埋大窩口站都有10分鐘左右既路程, 但我估因為唔係太市中心既位, 先可以做到比較親民既價錢, 我寧願行多兩步平D啦全部肉餅飯, 不論有花膠, 龍蝦, 鮑魚等等貴價食材, 都係$100樓下, 可以平食扮有錢人!是日例湯- 我地都未揀好食咩, 餐廳已經送上熱騰騰的例湯, 為岩岩比風吹完既我地雪中送炭, 今次個湯係青紅蘿蔔湯, 幾清甜, 飲完唔覺得口渴一口炸餃子(8粒)-$28: 有成8粒都係$28算幾抵, 食落炸得幾香炸, 韭菜味幾香濃足三兩花膠煎肉餅菜飯-$99: 花膠多到好似唔洗錢咁放落黎, 食落花膠幾厚肉, 煮得剛剛好唔好太硬又唔會糊掉, 肉餅係煎的, 個肉餅彈牙香口, 外脆內嫩, 夾埋花膠食落感層次極多, 好好味, 我地係叫菜飯, 菜飯煮得夠乾身, 岩我, 我唔鐘意食軟飯帆立貝黑松露煎肉餅菜飯-$99: 隻帆立貝大大隻, 幾鮮甜, 而當D黑松露遇到熱騰騰的煎肉餅, 個熱力逼到黑松露既香氣出晒黎, 當堂令到食慾大增, 令到個肉餅有少少

肉餅哥的食店人氣不是浪得虛名，果然係貨真價實，肉餅做得好味不在話下，款式新穎，實在不是一般茶餐廳可媲美約在一個星期前便約了朋友到這間肉餅哥試一試他們的菜式，因為實在不明白，何以單憑一個肉餅便可做得街知巷聞？今日一試實在覺得驚為天人單是肉餅的菜色便有幾十款選擇，有鎮店精選，老干媽豆豉煎肉餅，流心芝士煎肉餅，金沙蛋黃鮮肉餅，原隻波士頓龍蝦煎肉餅，惹味鵝肝煎肉餅，吉列肉餅，足三兩花膠煎肉餅而肉餅哥推介有肉餅哥秘製沙嗲牛肉飯，XO醬帶子煎肉餅，原隻帆立貝黑松露煎肉餅，黑糕蟹棒煎肉餅，鮮蝦蟹粉鮮肉餅其他款式太多未能盡錄，肉餅哥的特點是能將平平無奇的肉餅變化至那麼多的款式，我原本只以為普通的肉餅只有鹹蛋、土魷、梅菜及鹹魚的選擇今日去肉餅哥才知道肉餅也可以變化萬千，打破了傳統的規限，實在感謝有肉餅哥這麼好的一間店舖到了坐低，第一件便是侍應很貼心的送上一碗愛心明火靚湯，飲下去是不加味精很有濃濃的家庭感覺，真想叫多一碗因為實在太好味今日叫了足三兩花膠煎肉餅及惹味鵝肝煎肉餅花膠真是一達很厚的靚花膠，再配肉餅及菜飯味道冇得頂之後來了鵝肝煎肉餅，一樣是舉手讚好，冇得彈，一個字好味我們也叫了一碟油菜及可樂及雪梨

荃灣是商場的聚集地，一個商場連結一個商場，美食雲集，掃街、日式、台式、多國菜都應有盡有。肉餅哥是我在網上無意中找到的，今天就特地帶上最愛吃肉餅的媽咪來試一試啦。這件餐廳有超過30款肉餅可供選擇，當中絕對有一款適合你的味蕾，除了選擇多，口味都十分特別，有傳統口味跟創新口味，例如咖啡煉奶煎肉、蝦膏蟹棒煎肉餅、原隻鮑魚煎肉餅等等，餐單我已經備附在頁未供大家參考參考。這裡【部分一】先跟大家介紹兩款煎肉餅：足三兩花膠肉餅（HK$99）& 惹味鵝肝煎肉餅（HK$99），想看看餐廳環境、服務、細節的可以跳到【部分二】😊【部分一】足三兩花膠肉餅（HK$99）用上1天的時間浸花膠-冰封-加上調味、紅燒汁慢燜45分鐘。熱騰騰的花膠配上肉餅端上，搭上香蔥的點綴，賣相滿分。若你絕得HK$99有點貴的話，這絕對讓你超額回本，三四塊大大的花膠幾乎蓋滿了整個大碗公，而且厚度十足。看著這碗飯，你第一口放進嘴巴的一定是花膠。一開始，花膠放到口中並沒有什麼味道, 有點失望。但是後來發現餐廳別有用心，這個花膠【必須】搭配上蠔油跟肉餅一同放到口中，那個口感鮮度鹹度都控制的剛剛好。經過慢燜45分鐘，花膠表面鋪滿膠質，黏黏的花膠

第一次食肉餅哥係大圍，今次黎到荃灣店，試下食其款式先。荃灣既位置同大圍一樣，都有點稍嫌隔涉，但始終人氣小店幾隔涉都好，一樣坐無虛席。呢度既肉餅好多款特別既配搭，除外仲有一啲小食可以揀。套餐包括老火湯，白飯/南瓜粥/米粉。點好菜後，送上一碗老火例湯，清清地味道唔錯。🍴足三兩花膠肉餅 $99花膠肉餅上次都食過，今次再食因為真係好足料。上次簡左飯，分量真係太多，太飽所以今次簡左清清地既米粉。花膠好厚好大舊，煮得軟滑，咬落全不費勁。滿滿骨膠原外，又唔會太過膩。肉餅肉質新鮮，鹹度剛好，仍保留肉汁，啖啖肉。🍴秘制鮮味蟹粉肉餅 $99肉餅呈鮮橙色，賣相吸引，表面仲放有唔少既蟹粉蟹膏。肉餅內有黃金粒似係咸蛋黃，令肉餅更香口好食。配埋蟹粉一齊食，鮮味相輔相成。

肉餅哥 就講得好明食肉餅啦岩岩坐低七點鐘但都已經好多人🐒本身想食龍蝦肉餅 不過無晒啦😞咁就叫左黃金同花膠餐廳唔理你三七二十一俾左碗熱騰騰既湯俾每一枱。不是餐廳不提供水 碗湯一係慢慢飲，一係就俾3蚊雞買枝水。肉餅好快就上菜啦黃金份量剛剛好，超級香呀❤️同埋菜飯好食啵 清清地同濃濃肉餅剛剛好配合個花膠好誇張咁大大舊放係個飯度不過叫左個油飯好似唔係好襯 可能叫番花飯好d 同埋同朋友吹水吹得耐個膠凍鬼晒🤔 大家記得襯熱食

係荃灣廣場睇完正義聯盟之後,煩惱緊晚餐食啲咩好,就諗起肉餅哥啦又近又平靚正,即刻行過去先上次試左個流心芝士肉餅覺得好好食今次就試秘制金沙蛋黃肉餅啦一如以往,一坐低就有湯飲,暖暖地,又開胃本身想食油飯既,但係又好想食菜喎,都係叫菜飯啦秘制金沙蛋黃肉餅 $69秘制金沙蛋黃肉餅既定位係中價既$69肉餅係煎既,一出黎都聞到佢啲香味食落口有好濃既蛋黃味,好足料,係幾滋味既只不過係食到一半咁上下覺得有啲濟...比較之下都係上次個流心芝士肉餅好食啲下次再黎試下其他先

見標題，點解咁講呢？因為今次再次光臨，係屋企人見上次我食左個花膠肉餅啲相好正所以指定要黎試，其實一啲都唔近屋企⋯既然佢地遠道而來，當然要食返個花膠肉餅啦～記得上次有得揀蒸或者煎，今次得返煎揀，那很好因為我覺得煎好味啲～花膠的滑滑質感同煎肉餅的香脆口感，加埋一齊真係好正～唔使一陣就成個清左～仲叫左個蟹粉肉餅配油飯，蟹粉同肉餅真係好夾，佢煎到個邊脆脆的又唔會太油，好惹味～我初頭以為個油飯係海南雞果種，點知原來係黃薑飯，好清新的感覺，又係好快清左我覺得我呀媽咁中意食真係會黎第三次囉

肉餅真係食得多，花膠肉餅真係第一次食！我見個店員推介花膠肉餅，同埋上網見到唔少人都話花膠肉餅好正，一於就叫左一個黎試，女仔食其實份量有啲多！啲花膠真係超級大塊俾我地食！$99一個花膠肉餅其實都抵玩！肉餅口感一流，一邊食一邊聞到香噴噴既煎香左既肉餅味！！上肉餅前，飲左個例湯，有住在風味！飲完又想飲多碗！呢間野野真係太好生意，一入黎都已經無咩位，仲要搭台坐，證明好野係多啲人黎幫襯既！下次要試下其他口味肉餅呀！

天氣轉冷了，突然再食熱辣辣大碗飯，就帶個未食過肉餅哥既朋友黎光顧一下。有新人黎當然再次推介個花膠肉餅，今次配上菜飯。肉餅變左煎，配上花膠，一軟一硬既豐富口感，同之前食蒸既好唔同，個人更加喜歡呢個組合。朋友亦大讚花膠好多好抵食鮮味蟹粉煎肉餅飯。前排無食到大閘蟹，食個蟹粉肉餅補番數。一黎到見到有蟹粉係肉餅上面，估唔到蟹粉味會咁濃，超鮮既蟹味完全無俾肉餅搶走主角既位置，反而兩種味道好夾。而今晚驚喜既係個油飯，係果種泰式黃薑飯，因為本身個飯有啲味，唔會令到成餐飯都係肉餅果種油膩既味道。

晨早流流就入去荃灣行街啦,亦都決定左午餐要黎食肉餅哥之前睇開飯熱店,見到一間整肉餅既食店可以得獎都有啲驚訝第一個反應係肉餅咁普通都拎到獎!?後尾發覺又真係抵佢拎到獎既總共有36種唔同口味既肉餅飯普通平價59去到特別貴價99都有呢種做法可以吸引回頭客返黎再試其他一坐低就有碗老火湯飲啦,味道唔錯,開飯前飲黎開下胃就最岩啦唔想要白飯咁單調,所以叫左菜飯,有幾條菜食下會好啲啲菜都唔少,可以見到好多綠色佔既比例不過碗飯就細左啲囉PS.另外仲有油飯,白粥,米粉可供選擇,正所謂有得揀,你先係老闆流心芝士肉餅 $59登登登登!第一次就叫個中價既流心芝士肉餅肉餅可以揀煎或蒸,又係一個吸引回頭客既地方我就揀左煎既,香口啲,下次先試清啖啲既蒸啦一黎到,個賣相已經好吸引,新鮮煎起,好香吃第一啖已經覺得不得了,真係好正芝士足料,堅流心,肉餅入味~用黎送飯真係完美配搭美中不足既都係碗飯太少啦加碗飯都要$10,貴左啲囉雪梨茶 +$2就有啦本身想飲果汁但無貨喎...整體黎講係好好食既,一定會返黎再試其他

嘩😱😱成八點半黎到都要等位，平日晚上都咁爆，看來呢間店真係係風麾全港!! 等左30MIN先有枱，快快落單先，好肚餓呀～一睇個Menu就覺得: WOW!! 不得了！好多款式嘅肉餅，而且每款都好有特色！ 未正式開餐，職員就比左碗中湯我地，個湯味道都唔錯! 足三両花膠肉餅(蒸)配菜飯 😁一上菜個花膠仲大過個肉餅，絕對用料十足！賣相真係當堂嘩一聲!意想不到真係有多塊花膠鋪，份量好大份 ，物超所值! ✌花膠燘得好軟滑、膠質非常重，煮得入味，口感煙韌，味道濃郁而不會太鹹。每一啖都漿住漿住咁。 而肉餅厚度適中，好鬆軟，肥瘦肉均勻配白飯 。😀 煎惹味鵝肝肉餅 😁鐘意鵝肝既朋友必點，同肉餅配搭又幾夾!!鵝肝煎得好出色，厚厚肉質夠晒肥美飽滿，輕輕夾住鵝肝油已滲透出來，入口面層香脆内裏香嫩，鵝肝嘅甘香係口腔停留，真係好惹味 💘肉餅煎得金黃香脆，肉質會比較乾身同食落會較香口，記得食之前落埋醬汁一齊食再可提升味道食得更滋味 😛鮮味蟹粉肉餅 😁煎過後的肉餅，做到外面香脆內裏嫩滑既口感，豬肉味濃，肉質亦不會太乾，蟹粉分量也不少，大滿足😛。 另外我地叫左個小食:芝士炸薯波。😁 咬落去~細細粒易入口~好食!! 😎芝