肉餅哥小炒料理 (已結業)

難得住係荃灣點可以唔試下肉餅哥，雖然唔屬於市中心，但食到好野都係值得！一坐落就有待應比碗暖笠笠既湯你，好貼心我地諗：專登黎緊係試佢成日上媒體、最出名果幾款啦我地2個人叫左足三兩花膠肉餅同原隻龍蝦煎肉餅！可以配油飯/菜飯/白飯/白粥/米粉，太多選擇...結果都係揀番白飯同米粉!2個肉餅一上台，我地都傻左眼，真係有原隻龍蝦？！花膠多到咁？！一揭開肉餅，原來龍蝦個身係冇野既...因為d肉混左入肉餅度！所以個肉餅好爽口！花膠一睇就知佢厚身，起碼有6塊，突然覺得自己好豪而煎肉餅方面，比龍蝦既軟身，但d肉亦都冇死實實同乾既感覺，唯一唔太鐘意既係佢太多肥豬肉，但由於好味既關係，我都一一食哂！食完花膠有d「漏」，要叫d清新d既野爽下，所以叫左芥末木耳！結果好驚喜，個木耳既多汁又多蒜，每一塊入口都有芥末既嗆鼻，好岩我呢d重口味人

今日特意同爸爸去荃灣買野做下孝順女，到晚餐時間就當然要找尋好地方開餐記得之前係大圍食過肉餅哥覺得好食又有創意，而附近又有一間，於是就提議爸爸一起去試下。同大圍店一樣，荃灣店內裡裝修都是簡簡單單幾塊黑板，寫菜牌同近期最受歡迎既菜色。之前係試過花膠肉餅同金沙肉餅，今次決定encore 花膠，再加多個芝士肉餅主菜未黎到先有碗湯，大大舊瓜幾清甜，無味精味。主角芝士肉餅來了，肉餅上下都煎到微焦，再舖半塊炙燒芝士，感覺好似漢堡調一調隻碟，突然中間一層流心芝士順勢一瀉而下！！怪不得叫做流心芝士肉餅啦，岩晒我呢d芝士怪油飯都好出色，鮮豔既黃色吸睛非常，食落有陣陣黃薑香味，和肉餅一起吃可以中和肉肉的油膩感，很有和諧的感覺。順帶一提，由於個肉餅沒有加上芡汁，所以食到最後都仲保持脆身最後當然唔少得重頭戲：足三両花膠肉餅！大大塊花膠，鋪起面度氣派十足，絕對不會讓人失望！！！花膠剛剛好熟透，所以口感剛好不會太硬又不會糊掉還微微帶有一點爽爽的口感。配上美味的肉餅後再和底層香軟的白餅一起吃，絕對是一絕。荃灣的肉餅哥同樣出色，絕對不會介紹錯！！期望你們將來在更多的地區開分店，那我就不用次次山長水遠來吃囉。

第一次去用肉餅作主題的餐廳，一進門感覺店內設計頗懷舊，全是木桌子、木板櫈，牆上都掛着黑板，寫有特色菜單和是日推介。驟眼一看餐牌，裡面介紹超過二十種肉餅。每一款看起來都很不錯，有些配搭還很新穎，肉餅可選蒸或煎，另飯底可選菜飯或油飯，選擇多得令人拿不下主意。最後我和朋友點了蟹粉肉餅菜飯（煎）和店內主打足三兩花膠肉餅（蒸）。點餐後，服務員馬上端上兩碗熱烘烘的例湯。雖是例湯，但能嘗出是老火靚湯，用料一點不馬虎，每啖都很鮮甜，不會像味精湯似的喝完感到口乾。過了數分鐘，兩款肉餅飯都上了。花膠肉餅飯真的是原隻花膠上，而且還有四隻！花膠很軟很入味，每啖花膠都黏住個口，感覺很滿足！而肉餅有嚼勁，味道適中。兩種主菜配上菜飯，剛好除去口腹滋膩感覺。過了數分鐘，兩款肉餅飯都上了。花膠肉餅飯真的是原隻花膠上，而且還有四隻！花膠很軟很入味，每啖花膠都黏住個口，感覺很滿足！而肉餅有嚼勁，味道適中。兩種主菜配上菜飯，剛好除去口腹滋膩感覺。另一蟹粉肉餅飯，單看肉餅面上的金黃色蟹粉和肉汁，已令人垂涎欲滴。這款比花膠肉餅味道較重，肉餅的鹹香於口內徘徊久久不散，加上帶有少許咖喱味的油飯，非常惹味。吃到一半，還追加了涼拌清瓜和

 肉餅我諗係香港人好常出現既住家菜式但係要整得好都唔易估唔到呢間店可以勁到有超多款唔同既肉餅可以食除左肉餅材料有得揀之外, 仲可以揀係煎定係蒸, 超多選擇 我揀左食呢個叫做秘制金沙蛋黃肉餅揀呢個既原因係最近好hit個隻薯片都係咸蛋黃味哈哈 肉餅都算幾大塊, 一個人餸成碗飯都夠哂飽肚秘制金沙蛋黃肉餅味道就偏咸餸飯真係一流, 我諗如果無限添飯既話可以食到十碗八碗!!!佢既製法都幾特別, 上面既蛋黃係半固體咁係肉餅既上面用匙更一整就可以好輕易咁食到蛋黃mix肉餅勁爽口彈牙下次可以同朋友一齊食一齊share!!

叫得肉餅哥就知呢間野係食肉餅既但估唔到由細食到大既肉餅竟然有咁多新奇既配搭呢個亦係我想黎食既原因 打開個menu咩價位既肉餅都有平至到五十幾, 貴到100都有真係真正既豐儉由人 我點左既係$99既足三兩花膠肉餅配菜飯 足三兩花膠肉餅配菜飯一開始點既時候以為只係將花膠切粒再放入肉餅入面點知原來同我想像中完全唔一樣佢係將一底肉餅放係底然後上面鋪滿左花膠成個碗咁長既花膠真係估佢唔到仲要唔係得1,2條足足有6條咁多!!!食落好滿足我揀左既係蒸肉餅食落肉質好爽口彈牙睇得出係有心機之作99蚊價錢係有點貴但呢一個足三兩花膠肉餅我可以講係物超所值!!

上次我朋友因為ot 陪唔到我去大圍既肉餅哥食dinner，所以今次我就陪佢去荃灣既肉餅哥食 我今次都點左響上次係大圍分店定總店食過好好食既煎惹味鵝肝肉餅配米粉，另外我d fds 想叫蒸足三両花膠肉餅配菜飯同煎鮮味蟹粉肉餅配白粥。我覺得餐廳好體貼，可以比我地自己簡配白粥，白飯，菜飯or 米粉。因為我朋友夜晚都唔係甘想食飯，避免左不必要既浪費。 餐廳好細心， 老火湯都好足料 汽水另外我地叫左個小食，芝士炸薯波。裹面芝士份量岩岩好，唔會太多or 太少。推介温馨提示：大家食個陣小心熱 煎惹味鵝肝肉餅配米粉 (左)荃灣呢間都整得好好食，真心推介 連肉餅都好有鵝肝味，鐘意鵝肝既朋友必點。另外配埋清清既米粉岩岩好，一d都唔咸，大家鐘意可以試下呢個配搭 煎鮮味蟹粉肉餅配白粥 (右) 蟹粉好多 蟹粉同肉餅配搭又幾夾。 配埋清淡既白粥一齊食就唔怕會太濃味。煎惹味鵝肝肉餅配米粉煎鮮味蟹粉肉餅配白粥 蒸足三両花膠肉餅配菜飯花膠好足料，唔會太淋但又有口感推介！！

荃灣區真係臥虎藏龍，區內有好多間食肆，即使係小店，質素大多數都不俗。最近工作比較彈性，成日周圍去，咁啱呢排就去荃灣區。男朋友本身都係荃灣區工作，順理成章有幾日放工都可以約埋一齊食飯。兩個人想食餐簡單晚飯，見到附近有一間肉餅哥係Openrice好多好評，仲有好多得意肉餅任君選擇。行到黎餐廳，無論店舖嘅裝修，又或者菜式選擇，都十分新潮。門面有一個大大肉餅排行榜。望一望餐牌，單單係肉餅，已經有三十幾款，可以揀煎或蒸，仲可以配搭各式飯麵。款式之多，連芫茜肉餅都有，總有一款合大家心意。難怪咁受歡迎，座無虛席。坐低後侍應馬上送上例湯。我揀左女生至愛 - 足三両花膠肉餅(煎)，配菜飯($99, 菜飯+$2)。男朋友揀左流心芝士肉餅(煎)，配米粉($69)。花膠肉餅，意想不到真係有多塊花膠鋪面。而且煮得入味，口感煙韌。記住要襯熱食，如果唔係本身充滿膠質嘅花膠同埋啲醬汁就會變得杰身漿口。肉餅煎得香脆，肥瘦比例適中。厚厚嘅肉餅食落啖啖肉，送飯一流。流心芝士肉餅。兩層肉餅之間夾住流心芝士，面層仲有一大塊芝士，輕易做到拉絲效果。呢個肉餅就相對較濃味，不過亦非常香脆可口。呢個新穎配搭，十分成功。

肉餅做主打菜式嘅肉餅哥雖然位置唔係人流旺盛嘅地方，但係晚市都有好多附近居民幫襯入到店內已經有好多客人了跟餐仲跟埋老火湯同飯，晚市嚟講呢個價錢抵食晚市有好多款肉餅可以選擇傳統嘅定係自家創嘅，啱曬一家大細嚟食蟹粉肉餅配菜飯呢份我揀左煎肉餅，煎得外脆內軟，而且肉質唔會太硬太林菜飯更係我的最愛花膠肉餅更加係呢到嘅主打肉餅花膠炆得好林，食落啲膠質出曬嚟飯底叫左印尼飯，配搭幾新鮮唔夠仲可以叫啲小菜，拍青瓜同木耳用蒜頭、醋醃制

諗左好耐想試呢間肉餅哥,話晒都算係第一間肉餅專門店。首先地點唔太就腳，搭完車仲要行10幾分鐘先到。舖面亦不算大，繁忙時間應該要排好耐。一入去啲侍應毫無感情地即刻放低碗例湯就走開。睇睇餐牌都算多新款嘅肉餅選擇，最後揀咗人氣嘅秘製金沙蛋黃肉餅，等候時間一般，嚟到時個底盤同似乎太細裝唔哂碟肉餅同碗飯，成日走位，攞嗰時好驚佢跌出嚟。肉餅太乾冇乜特別，不過佢除咗有全個蛋黃外，旁邊都灑咗啲蛋黃碎但同樣好乾。好多其他茶餐廳整得仲好食。不過好在可以揀菜飯不過要加錢。整體來講價錢偏貴，唔太值。

肉餅絕對係香港人家常便飯中重要既一個菜色，肉餅配飯點都係令人回味既一道菜。今次就聽住荃灣既朋友推薦肉餅哥，肉餅餐仲會送埋老火濃湯，做晚餐健康又飽肚。放工後決定同埋男友去試下呢間以肉餅聞名既肉餅哥，畢竟以肉餅可以做出咁多款唔同味既肉餅，絕對值得一試，雖然地方唔近地鐵站，不過都唔算難搵，附近都好多餐廳。睇到menu咁多款肉餅都真係幾佩服，黎到梗係要試佢最出名主打既足三兩花膠肉餅，$99個餐有老火湯仲食到肥美既花膠，好抵食肉餅有得簡蒸或者煎。咁自己就覺得花膠就好似簡蒸既配搭會好d老火濃湯同雲耳小吃例湯聽說是足料牛蒡老火湯，沒有很多味精 雲耳爽脆可口開胃菜肉餅上面既花膠有成五六塊，塊塊都好肥美，好粘稠好有口感，似食緊好多骨膠原落肚，美顏養生之選肉餅口感都好好，味道剛剛好，鐘意出街食清淡d既一定要試下飽肚感Up我就無簡到配白飯，想試下肉餅配米粉，有湯入口 感覺好舒服男友就叫左個鮮味蟹粉肉餅飯，一上黎就已經聞到好香既煎肉餅味試左幾啖，果然不錯配飯係正確既選擇，肉餅入面夾雜左蟹皇同蟹膏，好重既蟹香味，煎得剛剛好 外脆大合照👇🏻👇🏻👇🏻晚市7點半開始已經多人，八點已經滿座，睇黎好受街坊歡迎

同女友放工經開荃灣大鴻輝果邊，偶遇經過肉餅哥，肚餓又想食肉餅就揀左呢間食晚飯。首先講環境，有大概十幾張枱，舖面偏啡色既間隔，都幾舒服坐低之後就同女友叫左煎蟹粉肉餅同蒸花膠肉餅，肉餅可以揀蒸戓者煎既，肉餅之後可以跟白飯，米粉戓菜飯，我地就叫左一飯同米粉。湯一叫要就即刻上左，係牛蒡湯，好清，飲完喉嚨好舒服我地仲加左個木耳小食，佢地啲木耳偏淋，好好入口同開胃 。主菜終於上埋，個蟹餅一上，香到不得了，上層都舖左層蟹粉！一食之下，好香濃蟹味，連肉餅入面都有溝埋蟹膏蟹粉，一口肉餅一口飯正，唔會太咸值得說讚女友點既花膠肉餅一上，我地四隻眼碌到大一大，座底六七條花膠係面！下面仲有肉餅！啲花膠好正，骨膠原多到用匙更食都一大堆粘左上去。下面個肉餅都好味，唔會一夾就散。自問我地兩個都大食，差啲都食唔哂，好飽又好味既一餐，遲啲應該會再幫襯過既店！

_之前我女朋友想話去食肉餅哥....咁我見成日食黎食去都係果幾間...於是我今日就約左佢去食晚飯了....不過間野離地鐵站都幾遠下....算幾僻下...要試既話就要飯前運動下_一入到去..就有個職員就比左兩碗湯我地.....個中湯唔錯...唔太油膩...味道都唔錯...._我女朋友點左同花膠肉餅飯...而我就點左個芝士肉餅飯...因為我比較鐘意食芝士..而怕唔夠食...所以就點多左個小食.._芝士炸薯波_咬落去...唔太熱...好好入口...幾好食....芝士味好重....所以都幾岩我口味.....有D薯波味道..但比芝士味搶左味...但唔影響到我既喜愛_足三兩花膠肉餅配油食_我女朋友一睇就知太多食唔晒....即時分左一半比我食....蒸肉餅食黎...其實本身諗住花膠唔會好多...應該得個兩三舊....但不愧為足三兩....真係好多..多到鋪晒係面唔見飯....分一半比我都有兩三舊....仲要勁大塊...可能份量太足...就算分左一半比我....我女朋友都食唔晒...要我食埋佢...._流心芝士肉餅配白飯d芝士真係多....我分一小塊比我女朋友食時....佢D芝士漏左出黎....望見都

創意肉餅選擇多星期六晚7點左右, 人山人海, 肉餅哥呢個名真係唔嘢少! 啅頭十足!! 門口有幾張板凳坐, 仲有貼滿有關肉餅製法, 食法及其他相關資料.一入去見到幾張舊荃灣相, 叫做簡單裝潢中的特色.肉餅種類很多，有36款, 而且可以選擇煎/蒸更可選白飯 / 白粥 / 米粉 /菜飯/ 油飯 / 麵 未叫飯, 每人一個例水. 足三兩花膠肉餅(蒸)+菜飯, $99, 價錢唔太貴.份量十足, 花膠一片片咁覆蓋住肉餅, 入口軟腍黏糯，煮得好入味。 一入口, 膠質感覺非常重.而肉餅成寸厚的,  仲有彈牙嘅口感 !! 肉汁亦十足!! 秘製金沙蛋黃肉餅(煎)+菜飯, $69, 價錢大眾化!呢個係金沙蛋黃汁, 加上肉餅面, 煎得香脆可口. 非常惹味!!肉餅風味更濃郁, 送飯一流!! ​​菜飯亦做到不油不鹹不濕, 仲幾清新!! 兩個人來食, 一煎一蒸,  share 來食, 又好食又飽肚. 

今日難得男朋友黎荃灣搵我食飯，就同佢去食一間朋友推介我去食既餐廳食晚飯。其實我地好少出去食，大多數食黎食去都係果幾間餐廳，雖然唔會嫌悶，但都想試下其他菜式。睇個名就知道係專食肉餅既餐廳（好廢話🙈），平時都好少食哩啲，今次就去試下。搵餐廳既時候覺得有少少路途遙遠，加上覺得有啲僻，不過條街附近有幾間酒吧，我諗夜晚應該會幾旺下。一入座就黎左兩碗老火湯先，味道幾濃唔錯👍🏼因為朋友介紹話一定要試下個花膠肉餅飯，仲話會有意外驚喜，咁我就點左花膠肉餅飯啦，男朋友就點左個芝士肉餅飯。我地驚唔夠飽，再叫多個小食添。芝士炸薯波第一啖咬落去，有少少熱，但又未去到會辣咀既程度。幾好食，芝士味幾重，但反而有少少搶左薯波既味道，食到第三粒既時候就覺得有啲咸啦足三兩花膠肉餅配油飯 （蒸肉餅）本身想配白粥（好少見到有哩個選擇哈哈），但因為見到隔離枱既客人點左油飯，心郁郁搞到我都點左油飯🤣肉餅方面我揀左蒸，個人覺得花膠好似配蒸肉餅會好食啲🤔一上枱，哇！真係有驚喜喎！基本上成個飯都被花膠鋪滿，分左一半花膠畀男朋友，每人都分到兩三塊，仲要唔細塊喎！勁正！下面塊蒸肉飯配油飯都一流！好食喎！唯一唔好處係分量太多啦🤣或者係花膠太

媽媽身子弱，最適合帶她去肉餅哥吃足三兩花膠肉餅飯進補不過，加上我也想念肉餅哥的煎肉餅飯，趁著萬聖節大家去慶祝的空檔時吃也較少人，可不用等候入座。媽媽一喝了蘿蔔湯，原本她面色蒼白，整個人都精神起來，果然熱騰騰的無味精老火湯非常暖胃，同時滋潤乾燥的喉嚨。涼芥木耳口感清脆又爽口，微酸的風味讓人一吃就胃口大開，而且讓平常很喜歡吃木耳的媽媽吃得津津有味，由此可知它的厲害之處。足三兩花膠肉餅飯一如以往真材實料，每塊花膠都十分豐厚，擁有豐富的膠質及膠原蛋白，媽媽的嘴巴充滿黏黏的膠質。用熱油香煎過的肉餅，外酥內軟，肉香味四溢，加上滋味十足的油飯，吃完後完全大滿足。至於我的Xo海皇醬帶子肉餅飯也不錯，肉餅聞到Xo海皇醬帶子的香氣，一絲一絲很好咀嚼，馬上嚐一口試試，Xo醬還滿香醇，微微的辣還不錯吃，伴香煎肉餅和菜飯吃可謂一流。還有來瓶新鮮西柚與奇異果果汁，酸酸甜甜，消除飯後的飽膩感。