肉餅哥小炒料理 (已結業)

諗左好耐想試呢間肉餅哥,話晒都算係第一間肉餅專門店。首先地點唔太就腳，搭完車仲要行10幾分鐘先到。舖面亦不算大，繁忙時間應該要排好耐。一入去啲侍應毫無感情地即刻放低碗例湯就走開。睇睇餐牌都算多新款嘅肉餅選擇，最後揀咗人氣嘅秘製金沙蛋黃肉餅，等候時間一般，嚟到時個底盤同似乎太細裝唔哂碟肉餅同碗飯，成日走位，攞嗰時好驚佢跌出嚟。肉餅太乾冇乜特別，不過佢除咗有全個蛋黃外，旁邊都灑咗啲蛋黃碎但同樣好乾。好多其他茶餐廳整得仲好食。不過好在可以揀菜飯不過要加錢。整體來講價錢偏貴，唔太值。