肉浦團火鍋放題 (已結業)

今天與媽媽，到旺角一間火鍋放題店，食火鍋放題，我哋喺街度見到呢間舖頭嘅名，好得意，佢叫肉蒲團火鍋放題，於是我哋就覺得好有趣，所以就入去食。呢度嘅價錢好抵食，喺旺角黎講呢個價錢算係好吸引。價錢平，仲可以食到咁多高質素嘅上等靚肉。佢呢度上碟，好得意，我哋叫咗唔同嘅肉類，有肥牛，五花腩等等，佢上碟，係放咗少少乾冰，令到成個碟，好有仙氣，好吸引人。呢啲肉，不僅色香味俱全，入口都好香好滑，有入口即溶嘅感覺，食得出係上等靚貨。佢嘅肥牛，顏色鮮紅，並非雪藏肉，食得出係好新鮮。佢嘅每種肉上面，都有一塊木牌介紹係咩肉，好得意好新鮮。呢度除咗有肥牛，五花腩等等，仲有海鮮做打邊爐嘅，有生蠔，蝦，全部都新鮮靚肉。真係好抵食。