聯邦皇宮 (已結業)

一早到青衣飲去、等左30分鍾才有位、入到去原来未執枱、於是企左一陣先可坐低飲杯茶 呢區好多人、飲茶食飯往往要等位……睇睇点心纸、大部份十一点先有、就簡單咁劃左幾個……小籠包~賣相唔多靚、皮硬冇彈性……肉餡冇汁死實實、肉質“鞋拾拾“！鮮竹滑雞扎……賣相正常料足、魚肚夠鬆滑、唔覺腥味、豬肚爽口唔韌、鷄肉滑、珍珠鷄……荷葉香味欠奉、糯米夠軟熟、饀料易足、調味適中、好食！糯米麥粥……粥底稀“杰“適中、好绵、麥米軟硬啱啱好、花生咬落鬆化！