老鍋台式火鍋 (京都廣場) (已結業)

想打邊爐又唔想要排隊就尋覓咗哩間台式火鍋試吓見有白菜酸菜鍋 入面到有好多料粟米、白菜、五花腩、蕃茄、冬菇而五花腩同埋白菜都係醃製而成因此重酒味及酸味 湯底開胃同埋鍋入面都有薯粉 好滑易入口醬料方面 每位客人有一個碟仔去裝調味料一般要有嘅醬料都有提供另外叫咗一啲火鍋料魚皮餃、肉丸、美國梅花豬肉、響鈴等等響鈴即叫即炸 所以好香口如餐牌所示 只需3秒即可飲品叫咗抗菊露、冬瓜茶 正正常常整體黎講餐廳坐得好舒服 可能因為限聚令關係令到空間感好大

疫情期間夜晚要叫外賣食🥡，又想食下火鍋，咁啱見到一間台式火鍋做緊聖誕套餐優惠🇹🇼，就叫咗嚟試吓。 🎄聖誕二人外賣套餐優惠 $736 ❤️麻辣鍋 💚鹽酥一口豆腐 💙甜不辣 🤍特級美國安格斯雪花肥牛 💙嘉美農場雞肉 💚魚皮餃 ❤️皮蛋貢丸 💚鴨血 💙台灣王子麵 🤍冷泡白土烏龍茶x2 $56 麻辣湯有四大盒，一揭開就已經聞到辣油嘅麻辣味🥵，相當香濃。湯料有兩盒，兩盒均有鴨血、冷豆腐、花椒、八角。我哋首先落咗兩盒麻辣湯同一盒湯料，煲完之後食啲鴨血唔覺話好辣，不過食咗一陣，花椒嘅麻辣味先慢慢散發出嚟，越食越辣🌶。 最好食莫過於肥牛🥩，肉質好嫩滑又有香濃嘅牛味。雞肉大大嚿，高質嘅肉唔會榎。王子麵🍜、甜不辣、鹽酥豆腐等都係台灣嘅特色，皮蛋貢丸喺出邊都好少見🍡。 冇得去台灣，但又想食返台灣味嘅火鍋，呢間火鍋外賣係不二之選，而且就咁用google form/whatsapp落單🔖，好方便。溫馨一提，聖誕套餐做到月尾，外賣自取有四個袋，而且都幾重，二人餐最好兩個人一齊去拎。 📍老鍋台式火鍋 - 銅鑼灣京都廣場2樓 @laoguohotpot

老鍋最近推出期間限定聖誕外賣套餐，有齊四款老鍋特色鍋底、多款巧手小食、精選肉類以及多款任選配料，有2人、3人、4人套餐。而家仲有7折優惠，用google form或者whatsapp/電話落單就得，網上落單仲會有特別既優惠加購配料!!提供外賣自取或外送服務，夠哂方便快捷!聖誕節套餐至月尾，有興趣既快D訂購啦~鍋底揀左酸菜白肉鍋，甘甜酸香，入喉順口回甘，酸白菜脆爽，湯底材料豐富，有白肉、粟米、京蔥等，白肉肥瘦適中，有嚼勁，湯頭酸香醇厚。巧手小食：手拍小青瓜爽脆清甜，醒胃之選。鹽酥一口豆腐外層酥脆內軟嫩。精選肉類：美國梅花豬肉富含適量油花，肉味濃郁，鮮嫩多汁，爽口幼滑。涮鍋小羊肉片清淡鮮甜，軟嫩鮮香。配料：自家鮮做鮮蝦雲吞皮薄人餡多調味剛好、三秒響鈴卷酥中滑嫩，吸滿濃郁湯汁、皇室魚肚軟滑，膠質豐富，養顏滋補、台灣王子麵彈牙爽口，嚼勁十足。另二人餐贈送二支冷泡白桃烏龍茶，解膩一流。

天氣又轉涼最啱就係打邊爐！不過疫情下6點🈲堂食，自己又懶得買同洗，好彩見到老鍋出咗聖誕外賣套餐，分別有2/3/4人份量，可以用google form/whatsapp落單就得，仲可以揀外送/自取，簡單方便，絕對係懶人福音呀！聖誕2人外賣自取套裝 ($736)有齊湯底、湯料、配料同小食，好豐富！雖然話係2人餐，但份量都好多，足夠3個人食！將湯底加入湯料再加熱，就可以輕輕鬆鬆喺屋企食到台式火鍋真係好正！老饕酸菜白肉鍋酸菜白肉鍋味道溫潤，夠味但唔會太酸，唔洗點任何醬汁都已經夠晒味！鹽酥一口豆腐外脆內嫩，豆腐好嫩滑，好香口。黃金半生瓜入口蛋黃香味濃郁，苦瓜嘅甘苦慢慢滲透出嚟，兩者味道好夾，味道有層次又惹味。鮮豬爽肉爽脆彈牙，入口有肉汁。嘉美農場雞唔肥膩，肉質細滑鮮嫩，有彈性。套餐做到月尾，嚟緊冬至、聖誕同除夕大家都可以嗌番屋企慢慢歎！

無得去旅行，台灣控只好去食台式火鍋止癮台式火鍋有好多種，吾一定麻辣，今次我揀左酸菜白肉鍋。鍋底少少酸，帶點甜，適合大眾口味，而且鍋底本身勁多料，除左酸白菜同蔬菜配料，亮點係啲豬肉係台灣山豬肉咁，好爽口彈牙，煮得耐就有膠質韌性，口感有變化，但吾係un，好食😋適合吾同人口味我地叫左蛋餃、梅花豬肉片、墨丸，千張豆頁紙。個豆頁紙吾係普通腐皮，薄而滑，又有豆香，吾係度度食到蛋角豬肉餡，出面少見，特別仲有特別推介，就係個薯粉，索晒湯汁，另一個亮點其實仲好想試其他食物，但得兩個人，飽到呢，唯有下次再試

近日天寒地凍, 忍唔住中午時分叫咗朋友同我一齊去打邊爐今次就試吓台式火鍋 呢間台式火鍋係用Apps自助點餐，方便又乾淨另外有醬料區 有唔同配料選擇～包括沙茶醬丶辣椒丶芫荽丶炸蒜丶豉油等等我哋叫咗個酸菜白肉鍋 ，好快就到左～呢個鍋真係配料充足～！ 有好多酸菜同肉另外亦有蘑菇 蕃茄 粟米 仲有好多寬粉 材料超級多，食完都飽咗一半鍋底酸酸的增添食慾兩個人簡單咁叫咗少少野蛋餃墨魚丸拼盤每樣有四件，墨魚丸新鮮好吃，蛋餃餡料十足美國梅花豬肉大概10件，賣相精美，彈牙好吃又不會過肥鹽酥一口豆腐作為小食好正，有成差唔多20粒，外脆內軟，新鮮炸起另外再叫咗烏梅汁同冷泡白桃烏龍茶，夠凍好正，一路吃火鍋一路飲，非常清爽！

台式火鍋唔一定下下麻辣嘅😂 XXG好耐之前喺呢度食過酸菜白肉鍋 突然好掛住台式火鍋 但又唔想食麻辣咁heavy 所以諗起佢🤪▪️7.5/10▫️<<老饕酸菜白肉鍋>> $158 酸控必叫‼️大白菜醃得好入味 好酸 越食越開胃😵 豬腩肉偏肥 寬粉條口感滑溜 配菜都比較健康 味道酸中帶甜~▪️7/10▫️<< 鹽酥一口豆腐 >> $48 炸得夠乾身 外皮酥脆 入面滑溜 一啖一粒 粒粒完整~ 好對版既香口小食✌🏻▪️7/10▫️<< 千張豆葉紙>> $48 其實係機切既豆腐皮 外表光滑 灼一秒就可以食 有淡淡豆味 口感似厚身嘅腐皮 索湯力強👍🏻▪️7/10▫️<< 老鍋丸餃井字盤 >> $98 墨魚丸好彈牙！而且幾新鮮 食得出係手打🤩 蛋餃皮薄包住豬肉餡 好夠味 但細舊左啲😶🌿環境古式古香 場地闊落 座位私隱度高 吊燈模仿台式天燈 幾有心思☺️🐽總括嚟講 呢度既酸菜白肉鍋好醒胃 推薦中意食酸/健康嘅朋友試試😋 另外加配嘅餸都幾新鮮 小食有台式嘅味道 冬瓜茶好飲！價錢唔算平 但質素味道都

之前黎係食美人鍋，今次點左個老鍋秘製麻辣鍋嘉美農場雞肉肉質鮮嫩清甜而且份量都幾多😋我發現台灣嘅餐廳火鍋湯底呢通常都百零蚊但係個湯底入面係好多配料嘅，有台式既蜂巢豆腐，配埋個麻辣湯底，豆腐超級入味，個人比較鍾意食辣所以感覺呢個鍋底好正😋老鍋丸餃井字盤其實基本上每次打邊爐我都會點蛋餃👍🏻配埋麻辣蛋餃顯得更加好食，再加埋有墨魚丸鹹蛋黃炸魚皮一想碟已經聞到好香，相機未食先我就已經食咗舊😂 因為係啱啱炸起，熱辣辣入口，浸浸個湯底都好好食，呢個私心推薦大家👍🏻雪花一口牛粒不過不失，雪花比例尚算均勻，下次打邊爐都係叫返切片嘅牛會比較好牛舌心~食完想encore系列😋冬瓜茶&杞子杭菊露

下晝3:00喺銅鑼灣行街行到好攰見天氣凍凍地就去咗打邊爐，幾款湯底入面簡左老鍋秘製麻辣鍋而今次呢個鍋入面呢有好多配菜老鍋丸餃井字盤，呢款除咗有蛋餃之外仲有埋墨魚丸，佢嘅墨魚丸偏爽口彈牙👍🏻最值得讚嘅係嘉美農場雞肉，冇諗過佢嘅雞肉份量咁多，呢一款嘅雞肉係來自本地農場，雞肉嘅肉質口感都特別鮮嫩😋響鈴卷 一碟有四舊好似係即刻炸起幾香脆😍冬瓜茶好清甜杞子杭菊露，菊花嘅味道清香濃郁，淡淡地中和返湯底嘅辣味

老鍋嘅老饕酸菜白肉鍋已經食過一次，一食難忘所以今日再走去食多次😜佢地嘅秘制酸菜大白菜真係好好好食😋湯底調教得好好味，加埋極品花腩同d配菜，最最最正係寬粉條吸晒d湯汁食唔停口好醒胃，其實個鍋材料已經好豐富。我地仲點左小小野加埋落去打，千張豆葉紙，一片片薄薄的一放落湯已經吸晒正正正👍🏻老鍋丸餃井字盤A（梅菜豬肉丸+魚皮餃）兩樣都好得，彈牙.... 王子麵就唔使介紹啦，台灣都已經咁出名，有酸菜湯底邊有得輸。小食點左個鹽酥一口豆腐，細細粒一啖一口皮脆內嫩。點左兩支冷泡白桃烏龍茶，茶味好清香，打邊爐啱晒。

天氣開始凍，打個邊爐就最啱。酸菜白肉鍋佢個鍋底入邊已經有好多配料，有蕃茄冬菇燉蔬菜，仲有豬肉片、寬粉同酸菜。豬肉片吸收晒湯底嘅酸菜味，好好食。佢入邊嘅豬肉片同寬粉份量都唔少，值得一讚。墨魚丸同蛋餃墨魚丸食落好彈牙，食落就知係足料手工丸，呢個蛋餃味道都不錯，呢個平時係普通火鍋店比較少見。刷鍋小羊肉片羊肉片數量唔少，而羊味都好濃郁，食落好有羊味。鹽酥一口豆腐呢個一口豆腐size啱啱好，炸到脆卜卜，好香口，調味亦啱啱好。冬瓜茶同烏梅湯 烏梅湯飲落去就係似係平時火鍋店飲開嘅酸梅湯，佢呢個烏梅湯都好夠味，酸酸甜甜打邊爐就啱晒。

超級鍾意來老鍋吃台式火鍋，今次下午茶又來老鍋，這次是來銅鑼灣的分店，感覺也會不一樣。銅鑼灣這邊的老鍋地方寬闊，座位坐得也很舒適 ，這次播放的是臺灣流行音樂，特有一番風味。服務員的服務態度也是不錯哦，我們叫服務員幫我們拍照他們也很樂意拍，有賓至如歸的感覺。我們二人愛吃辣，點了麻辣鍋底，這個鍋底好多配料的，有豆腐和鴨血，所以不用刻意再點別的。豆腐好吃，我喜歡鴨血，份量還挺多的，不錯喔。另外點了魚皮餃，梅菜丸，這兩款丸都是自家製，做得大大顆餡有多，真係超好吃哦。還有響鈴片，是新鮮炸的所以特別鬆脆，沾一點湯底就可以了，好有口感的呢。肉的話點了美國梅花豬肉，這款豬肉切片卷成一座山一樣，好有賣相，而且很快熟，配上麻辣鍋底超級入味，肉質口感也是十分好的。最後點了兩瓶泡白桃烏龍茶，吃了火鍋可以用來解渴和消脂，真的很棒的選擇。

星期日嘅下午嚟食，比想像中少人，我諗疫情都有少少影響!! 酸菜白肉鍋，裏面嘅材料非常多，食完個鍋我覺得都有七八成飽，有大量五花豬肉、粟米、冬菇、大蔥、蕃茄、寬薯粉等等...成個鍋都酸酸地幾開胃!! 魚皮餃拼梅菜丸，擺盤幾有趣，每樣各有四粒，呢款魚皮餃幾好食，個皮煙煙韌韌，梅菜丸係第一次食， 好食到梅菜嘅香味!! 羊肉片，望落已經覺得幾靚，羊肉片有少少 羊騷嘅味道，每片有少少脂肪食落一啲都唔韌，啱晒冬天食!! 另外叫咗臭豆腐呢個小食，店員有提醒要趁熱食，因為凍咗會硬晒，臭豆腐炸得幾鬆脆，點甜醬食一流，但我怕太熱氣只食咗一舊!! 飲品就點咗烏梅汁同冬瓜茶，清熱又消滯!!

睇情況有一段時間都冇得去外地旅行，又掛住臺式火鍋，今日就去咗銅鑼灣老鍋食飯。鍋底揀咗酸菜白肉鍋，火鍋料叫咗蛋餃、墨魚丸、精選手切牛肩肉、涮鍋小羊肉片、稻庭烏冬、脆鯇魚腩 。熟食揀咗台灣蒜香腸。飲品叫咗杭菊露同埋冷泡白桃烏龍茶。酸菜白肉湯底嘅酸菜帶出陣陣酸辣味令到個湯底層次提升，而且白肉亦都好爽好冧，加埋入面有啲透明嘅薯粉，果然好足料。手切牛肩肉就有濃濃嘅牛肉味而且有趙口，打邊爐一流。脆肉鯇魚腩就係我嘅至愛，最緊要係冇骨同埋鯇魚腩夠新鮮。羊肉片就薄薄地焯兩下就好快熟，最緊要羊味濃但唔騷。蛋餃就係用蛋做皮包住豬肉做嘅餡， 蒜香腸就外面炸過有少少脆 ，兩樣都好有台灣特色，墨魚丸就鮮甜彈牙，正！最後用湯底襯埋個烏冬食，呢餐飽曬！兩杯飲品亦都好有台灣特色，而且感覺消滯解熱，下次有機會我一定會再去老鍋食台式 火鍋。

呢排天氣轉涼，又係打邊爐既時候！今日去左銅鑼灣一間好多明星幫襯過既台式火鍋店，食完覺得好正，食物有質素兼服務態度滿分 湯底主要有四款，我今次要左老饕酸菜白肉鍋($158)鍋物都算豐富，飲落有濃濃酸菜味，格外醒胃，如果平時食雲南米線中意多加酸菜既朋友一定會好欣賞呢個湯式！除左秘製酸菜，鍋內仲有極品豬王花腩，配上透明既寬粉條、新鮮蕃茄、蘑菇等，味道鮮美濃郁但唔會太膩 不過全餐最愛既一定係嘉美農場雞件，媽媽話街市入裡嘉美雞來自本地農場，一向最靚最貴，今次試完果然有驚喜！平時打邊爐通常配肥牛／梅花豬肉，但估唔到配新鮮雞件先係最正！一放落去淥30秒左右就熟透白滑，入口肉質鮮嫩軟滑，加上嘉美雞通常脂肪較少非常健康，一試難忘！ 另加既蛋餃同墨魚丸味道都唔錯，墨魚丸雖然細細粒但食得出係誠意手打，唔係一般超市雪藏貨，非常彈牙！炸豆腐就一般般，並非特別出色 食到8成飽既時候侍應姐姐話餐廳最近準備推出新甜品-黑糖花生麻糬($48)我地就要左一份，沾滿黑糖粉既外皮麻糬煙煙韌韌，入面就充滿花生醬餡，媽媽同細妹都大讚好食唔甜   飲品方面我地要左冷泡桂花烏龍茶同酸梅湯，打邊爐解膩一流