老鍋台式火鍋 (京都廣場) (已結業)

銅鑼灣食肆競爭真係好大，我喺網上面見到依間評價唔錯嘅台式火鍋，但係嗰陣食午餐，唔想食咁Heavy，決定嗌佢嘅午餐試吓。麻辣養生湯＋白飯麻辣養生湯，除咗可以食到麻辣香味之外，入面配料仲好豐富，有杞子、紅棗、豬紅，冬菇等等，真係好啱女仔滋補，但又唔會有苦味好難飲，仲可以撈飯一齊食！好味！冷泡白桃烏龍茶佢貼心嘅位係，佢係預先有個膠樽裝好，就算飲唔晒都可以拎走，而且泡茶泡得好香，有甜甜的白桃味，茶味都唔錯。手拍小青瓜醬汁有蒜頭，豉油，麻辣味。啱晒夏天食嘅一個前菜。青瓜很爽口，配上麻辣汁，令到青瓜更上一層樓。鹽酥雞拼滷肉飯嘅鹽酥雞超級脆口，仲要拼埋唔係特別肥嘅滷肉飯。成個感覺就冇咁肥膩。真係想一試再試！食完啲炸嘢之後，飲番杯杞子杭菊露就真係啱晒。菊花味勁重飲得出佢勁足料。仲要杯嘢唔係特別甜。啱晒怕熱氣嘅朋友