老鍋台式火鍋 (京都廣場) (已結業)

好多時講到食火鍋，就會想到一班人，但如果靜靜地兩個人傾訴心事，都可以嘅。我覺得呢度每枱有隔板，好似自成一格，感覺好好。老鍋皇牌(酸菜)養生湯配米線，入面好多料：雞肉、腩肉、香菇貢丸、台灣蛋餃、魚皮餃、鮮魚腐、松葉蟹棒、皇室魚肚、東菇。佢嘅魚肚好厚，唔怪之得係皇牌，另外蟹棒都大條(唔係有雪味)湯底唔係味精湯，飲左唔會頸渴。冷泡白桃烏龍茶，清清地飲落好舒服。鹽酥一口豆腐拼滷肉飯豆腐好鬆脆，炸得唔過火，滷肉夠多，好入味呀⋯⋯冲繩黑糖烏梅汁，係飲得出烏梅味，唔係得個甜字嗰啲嘢，就算係用黑糖，都唔係好甜，更加嘗到烏梅味，好好飲。甜不辣，熱辣辣，一定要沾酸甜醬食。