老街 (西洋菜南街) (已結業)

呢間台灣食店係正聯合廣場附近，所以行街之前就去左呢度醫肚先。去到既時候因爲都差唔多3點，所以有下午茶可以叫。呢個下午茶都幾抵食，可以揀一碗飯或麵，再配三個小食，仲有杯台式飲品tim，以三十呢蚊既價錢來講都叫抵食，但當然啦，唔好預計d食物會好大份。我朋友就叫左呢個tea set，小食方面佢就叫左鹽酥雞、木魚炸豆腐同滷蛋，再加個小碗肉燥乾麵。我自己就叫左碗鹽酥雞肉燥飯，價錢都係$4x左右，分量就適中。飯方面就正正常常，不過不失。至於佢既鹽酥雞最出色的位係佢的炸粉非常之薄，唔似其他既炸雞咁得塊皮，而且咬落口就知道呢隻雞平日有做開gym，肉質都比較結實。但係呢調味方面我就覺得佢可以再重手d，因為除左表面後灑的鹽之外，就唔係幾食到有雞味。總括而言，呢間台灣小店食物水準正正常常，但十分之抵食。

剛在太子老街食午飯，叫了碗三寶肉燥湯麺，麵端上枱後，覺得餐牌圖片與食物不太相符，向待應詢問，獲回覆是圖片只作參考，相片上6粒可以變成4粒餸，若早知會變得不夠飽，就不叫了。請問餐牌上是否加一句图片只供參考，就可以成為餐廳食物品質參差的䕶身符？

環境充滿懷舊感，當初都係環境吸引而進入。還有一點，台灣菜☺️☺️☺️我和朋友點了一個炸雞肉躁飯：份量蠻大，炸雞香脆.配菜搭配其他吃起來感覺蠻怪的；紅燒牛腩牛筋麵：牛筋滑而軟；牛腩太老硬，面條硬可以再煮熟一點；小食涼拌黃瓜口感脆而甜 豬耳朵口感脆爽；服務員態度還可以，就是手腳有點慢😂😂😂

一入到門口，見到啲裝飾都幾有心思，牆上面貼滿晒台灣風懷舊海報，非常吸睛可以比人影相打卡。另一吸引到我既地方係佢地既餐牌，色彩豐富，食物圖片都令人唾涎。唯一問題係店舖地理位置比較遜色，對正馬路旁邊，好幾次大門打開，射燈下清楚見到塵埃飛舞今次我地兩個人，叫左魯肉飯，豬軟骨拌麵，餐飲叫左香芋珍珠同胚芽奶茶。豬軟骨拌麵比較上係好少少，豬軟骨入味，但稍嫌醬汁過甜。另外，魯肉飯似肉燥飯，賣相唔吸引。啲魯肉唔係一粒粒，口感似肉餅，同係台灣真正魯肉飯真係好有出入。飲品方面都係偏淡，珍珠都冇乜味。價錢係相宜，但食物質素真係都好麻麻地，試過應該冇下次。

午飯來了這間台灣老街食。叫了一個香酥排骨滷肉便當。上菜速度算快，大約3分鐘左右，但明顯溫度不足，可能已經整好一段時間。香酥排骨係皮肉分離，味道不夠，排骨淡而無味，肉質好硬，咬緊柴咁。炸皮脆，但比較硬。如果多番啲汁會好啲，無咁dry。滷肉味道又係偏淡，汁唔夠多。唯一加分的是採用珍珠米和甜甜地既醃菜，好好味。現場有不少台灣的poster和風景照，座位較狹窄，但太子旺角呢帶黎講，坐得都算舒服，不能要求太多。

週未行經太子，大約點幾黎到呢個台式食品舖，試試台灣老街午餐。我叫了一個有星星推介的紅燒牛肉麵。等左不足2分鐘就上菜。一上菜即刻嗅到好香的牛肉湯味，食欲大振!(可能我太肚餓了)第一口試了牛肉，非常“淋”，咬落唔多渣，有2件真係咬兩咬就吞左落口。味道入晒肉，好濃味。份量唔算多，只有四小件，男士真係唔夠食。啲麵有啲粉，唔多彈牙，但又未至於黐牙。一路食，一路有隻蚊仔係咁係我面前飛，好討厭!不過整體環境都算乾淨。

又是一個人的浪漫時間, 今天來到老街午餐, 吃落去絕非平凡! 我點了一碗麻辣牛筋牛腩麵, 一份魚鬆皮蛋豆腐及一杯珍珠冬瓜茶, 滿足而走。牛筋超彈牙而滑, 質地夠膠, 牛腩軟而鬆化, 加上軟硬度剛好的麵條及麻辣湯, 絕不平凡, 想再吃一次! 豆腐超級冰凍, 又很嫩滑, 配合大大舊彈牙皮蛋, 濃郁醬汁和肉鬆木魚, 口感豐富, 滋味十足! 珍珠細粒而有咬口, 放進凍凍看清甜冬瓜茶, 一解麵的辣和身體的熱, 消暑滋潤之選! 大家不妨到店內一試! 一定會玥光臨!

在太子食得太多, 沒什麼好吃的了, 就試”新開”的老街, 裝修有特式, 但我是外賣自取享受不了, 要了個香酥排骨麵和一個肉燥飯, 香酥排骨麵麵拌得香, 不過就咸得過份, 而且份量超少, 你可見舖了排骨在面也沒有半碗滿, 但索價是五六十元。而那香酥排骨除了差！還是差！一整舊是炸粉, 排骨我差點找不着, 而且香酥當我才5分鐘回家的路程已變稔了……….. 肉燥飯不知是否台式風味, 但我就覺得很油, 一個碗底都是油, 吃不了~ 

今日途經太子一帶，見到一間裝修幾好的台灣野食，我同朋友一齊入去食午餐。牛肉麵一定是他們主打，必order!我要一碗滿漢大塊牛肉麵（$70）及朋友番茄牛肉麵（$66）。超大碗湯底又濃，再加上牛筋牛腩都有，滿足兩個願望。仲有花枝丸、貢丸、金錢展不會失望。另外蕃茄湯底非常多番茄及濃郁，酸甜甜好開胃。麵身軟硬適中。我一定番食。我加配珍珠奶茶都是（$12）,水準不錯。朋友仔飲青芭樂汁都不太甜。見到有好多小食，不妨試試。鹽酥雞大（$40），細細粒即場炸，有小小辣味，十分香口。另一個是魚酥皮蛋豆腐（$32），比較健康。肉鬆木魚皮蛋豆腐非常match!

去到已經滿座 要拎籌排隊 等等下 發現店員安排一個遲過我到又冇拎飛既人先入座 勁奇怪...我走去問店員 佢先話有位叫我入去 但係完全冇人安排坐邊 要自己搵位坐 再黎叫野食 啲侍應態度好似我欠左佢咁! 令人覺得好不自在 要睇佢地臉色 另外坐坐下出面落大雨 啲雨竟然可以吹到入鋪 頭髮都濕濕地 我坐最入面 都有置身戶外既感覺😛食物質素 普通過普通 我點了一碗台灣肉燥三寶麵 肉燥極少 湯底都比較淡。唔似台灣野 叫左一杯蜜桃QQ 紅茶....甜到呢.... 價錢黎講 大約$50-$60碗麵 自己覺得不值所以最後總結 依間老街絕對冇下次 唔會再幫襯！！

今日嚟咗老街，位於太子分店好多人啊，等左幾分鐘位就可以入去～牆上掛滿曬有台灣嘅相，例如台灣啤酒、台灣紅腸、風景叫咗個椒麻牛肚絲麻麻地幾正！我叫咗麻辣麵、鹽酥雞麻辣麵冇牛肉麵咁特別，但係都好食嘅鹽酥雞炸得好脆，不過炸粉略厚朋友食紅燒牛肉麵湯又真係幾好飲出外食野都要加翻碟菜唔多油，不過覺得份量可以再多啲另外叫咗杯珍珠奶茶 除咗珍珠奶茶仲有好多台式飲品幾鐘意呢度啲珍珠，一啲都唔膠，煙煙韌韌最後3個人賣單267～都算抵嘅！

很喜歡吃台灣料理，於是朋友就介紹我嚟旺角的老街，說這間的台灣料理做得非常出色可媲美台北市的餐廳。大熱天時一坐下就先來一杯洛神花茶，酸酸甜甜冰鎮的洛神花茶健康又開胃。和一杯冰鎮的香芋珍珠奶茶紅燒牛肉乾伴麵，大大塊的牛展、牛腩和牛筋都做得夠軟稔入味，牛筋啖啖骨膠原。番茄牛肉麵，紅艷艷的番茄湯，內裏有新鮮的番茄和軟稔入味的大大塊牛肉，配上彈牙的面，這樣的出品，以後也不用再去台灣了。這個滷肉飯明顯用了十足，滷肉鋪滿整個飯面，還有菜脯和滷水蛋，最後加上滷水汁，真是大滿足。炸豆腐拼鹽酥雞，鹽酥雞一啖一粒，酥香無比。炸豆腐外脆內軟，一口接一口地吃。

西洋菜南街的確是一條老街， 在這一條老街裡有一所「老街」， 我聯同三個老友在這裡食老台灣風味。有人說， 食麵最重要先嘗一口湯便知功架； 牛肉麵一上桌， 筆者急不及待勺一口湯喝；細嘗之下， 喜出望外的是， 牛肉湯沒有嗆喉酸味， 而是清爽不油膩（不是賣洗頭水廣告啦）， 帶有陣陣的牛骨肉香伴和醬油香。咬一口牛肉， 不得了，筋肉相間， 肉質軟嫩， 牛肉香撲鼻而來， 足以証明燜燉時間足夠⋯ 講多無謂， 試一試便知了之後是肉碎豬軟骨拌麵； 豬軟骨與牛肉一樣軟腍入味； 軟骨部分雖未炆至全部軟身，但照樣嚼得不亦樂乎； 未知是否落有果醋去煮， 味道帶有點甜味氣息， 正適合於這個炎熱口淡淡既時候吃。這個拌麵的湯汁也是充滿濃濃的醬油味。點睛之選是椒麻牛肚絲。 坊間稱自己為「麻」辣的餸菜多， 但真正又麻又辣的卻不多； 這道牛肚絲小食， 牛肚爽而沒有羶味， 舌頭亦感到因花椒而來的麻痺。多謝友人眼光獨到， 帶我來這所餐廳食飯； 老懷安慰地喺老街食到老台灣既滷肉😝

老街是一間地道台式餐廳，今日約咗朋友一起試佢哋嘅出品，我哋叫咗百香果QQ綠茶，顏色鮮艷加上百香果的香甜和QQ果，夏天十分啱飲。番茄牛肉麵，用上新鮮的蕃茄及茄膏的上湯，湯底酸酸甜甜的十分開胃。牛肉炆得剛剛好，入口滿滿的牛肉味，麵條亦很有咬勁。台式滷肉飯，大大碗的滷肉飯，分量十足。滷肉香甜肉滑，五花腩肥瘦相間不油膩。入口油香滿溢，配上鹹菜及滷蛋，真是大滿足。涼拌小黃瓜，這個跟我平常吃的麻辣涼拌青瓜有點不一樣，這個比較清淡爽口，是一個開胃的前菜。

今日自己去到太子食嘢見到有一間台灣餐廳 又突然好掛住台灣菜所以就決定入去食啦我兩點幾去到以為過咗午飯時間會小人啲點知原來鋪頭入邊都坐滿人成朝冇食早餐所以就決定嗌多啲嘢食🍜麻醬乾拌面乾拌面嘅面質最有驚喜 似系有比廚師過咗冷河之後先撈麻醬所以面質非常彈牙而且好香蛋味而且佢嘅粗又啱啱好有啲似沾面嘅闊度不過麻醬方面對我來講就多咗少少 但系味道就會更加濃😽😻🍤酥炸花枝丸呢度嘅花枝丸入邊有埋一粒粒嘅花枝令到成個感覺更加實在而且炸得啱啱好唔會話仲有好多油系粒花枝丸上面佢再落咗小小調味粉系花枝丸上面 簡直系畫龍點睛嘅效果🦑🥚魚穌皮蛋豆腐喺夏日炎炎既時候要食返個冷盤幫你降降溫依度嘅豆腐對我來講好抵食因為佢有成磚豆腐🤣其他鋪頭得4分1嘅話就會變得好少而且皮蛋都會系糖心嗰一種 好出色😻🍫香濃朱古力加珍珠加杯芽最後仲叫咗杯野飲珍珠本身冇乜甜味但系就夠曬彈牙就算珍珠冇乜甜味啲朱古力都搭夠曬😗