老街 (西洋菜南街) (已結業)

一入到門口，見到啲裝飾都幾有心思，牆上面貼滿晒台灣風懷舊海報，非常吸睛可以比人影相打卡。另一吸引到我既地方係佢地既餐牌，色彩豐富，食物圖片都令人唾涎。唯一問題係店舖地理位置比較遜色，對正馬路旁邊，好幾次大門打開，射燈下清楚見到塵埃飛舞今次我地兩個人，叫左魯肉飯，豬軟骨拌麵，餐飲叫左香芋珍珠同胚芽奶茶。豬軟骨拌麵比較上係好少少，豬軟骨入味，但稍嫌醬汁過甜。另外，魯肉飯似肉燥飯，賣相唔吸引。啲魯肉唔係一粒粒，口感似肉餅，同係台灣真正魯肉飯真係好有出入。飲品方面都係偏淡，珍珠都冇乜味。價錢係相宜，但食物質素真係都好麻麻地，試過應該冇下次。