老街 (西洋菜南街) (已結業)

本人妻陪小鮮肉老公去行下金魚街 經過一間食台灣野嘅餐廳！！ 見到入面嘅裝潢都幾古色古香～又見行到攰攰地就膽粗粗入去試下 本人妻一睇餐牌見到有最中意食嘅雞扒滷肉飯， 咁都唔洗點揀 就要呢個喇 試一試好唔好食～好食嘅就留低 變成本人妻嘅食堂～～小鮮肉老公就中意食湯麵類，所以叫左個紅燒牛肉牛筋麵！食得台灣野 點都要叫叫佢地嘅小食嘅 ～於是我地再點多個涼拌小黃瓜同埋台式滷味拼盤加多兩罐果汁首先黎到嘅係小黃瓜同滷味拼盤～小黃瓜每條都有成隻食指咁長都粗 ，食落口感好爽脆 ，味道好適合用嚟開胃 ～滷味拼盤包含曬牛筋、爽耳、大腸、滷蛋 所以非常抵食 ，每樣都滷得好夠味 ，當中本人妻覺得最好味嘅就係牛筋 ，唔會太韌～又唔會黏口蘋果汁同石榴汁都係台灣本土野 ～應該係專程運過嚟香港 ，所以香港飲到係非常之難得 ，味道方面唔會太重味 容易入口！！終於到主角登場 紅燒牛肉牛筋麵 ～賣相都幾靚，食落去牛肉唔會太韌 牛筋就好淋！！ 不過最值得讚嘅係佢地果個湯～小鮮肉老公話直頭係起台灣食果種味道， 咁以後唔洗再去台灣食牛肉麵喇😂 鐵路雞扒滷肉飯就明顯係非常用料十足！！！食個碗都係餸呀～上面仲淋左滿滿嘅滷汁！！！除左有

我有個小興趣，就係去金魚街睇不同小動物嘅瘾，望住啲狗仔貓仔半日都唔想走。 睇完之後就去醫肚，見到台灣嘢好耐無食，就去try try. 嘩，全店有種台灣懷舊風，而店員都很年輕 ,形成對比，有小蠻腰， 短褲仔睇！ 因為天氣太熱, 唔想食湯麵, 點左滿漢大塊牛肉撈麵. 乾麵有牛筋, 牛腩, 金錢展, 貢丸,花支丸, 伴有青瓜絲肉碎, 十分豐富. 牛筋質地幾好唔會好淋, 夠煙韌, 好有口感. 牛腩金錢展都好入味,今年嘅質地超級彈牙, 雖然分量都幾大但係咁好食實在忍唔住一啖又一啖咁食曬啲麵! 桂花烏梅茶, 雖然桂花味唔係濃烈, 係有啲淡淡然嘅感覺. 始終主角都係烏梅, 有少少似酸梅湯但係我們始終有佢獨特嘅味道十分解渴. 我覺得呢間嘢都幾好食~下次要再嚟過試埋其他嘢食嘅味道呢!

去咗台灣兩個月•天天食牛肉麵•一點也不膩•回到香港依舊掛念台灣嘅味道•轉角遇「老街」•同老公入去懷念一下先香滷滑牛筋牛筋炆得好淋好入味•大人細路無牙仔都咬到👍涼拌小黃瓜食落索索聲•夠冰凍夠新鮮紅燒牛肉麵主角出場啦牛肉比較淋•肉帶點筋•肉味濃厚•麵彈牙•有嚼口•台灣滷肉飯有大/ 細選擇•肉肥瘦比例係7:3•愛美人仕食咗都唔怕有罪惡感🤷🏻‍♀️•伴碟仲有粟米粒同蘿白粒•健康同美食原來係可以掛勾架•

之前去旺角的老街晚餐，好友話好食又抵食，當好友知道太子有分店，所以我們決定到此晚餐~~~呢間店跟旺角那間比較會細一點，但座位擺設有點不同~~~兩間店同樣有藝文青free的格調~~~~我們分別點咗蜂蜜柚子茶和胚芽奶茶來飲~~~木魚炸豆腐，感覺D汁酸酸地，幾特別，酥脆鹽酥雞真的好食，但油份倒不少，如果怕油最好拎吸油紙吸油滿漢大塊牛肉麵，好友上次見我食得咁開心，今次佢就叫呢個食，全程有讚冇彈~~~紅燒牛腩牛筋麵，喜歡食牛的我食咗感覺好正，牛腩牛筋夠軟熟，食晒感覺好飽肚~~~好友覺得呢間小店的麵CP值比較高，好過在某明星食果間麵店，得閒都可以再光顧食麵=]

平時係太子行街，通過都會係始創中心食埋晚餐，但原來始中對面條街都有好多風味料理，超級就腳，一望過去好易就見到老街大大個招牌！我同朋友就分別點左招牌牛肉麵（麻辣）同埋紅燒牛腩牛筋麵，未上碟已經聞到香噴噴，當堂流晒口水，牛腩入口即溶，令人想一再回味！老街呢一間牛肉麵以台式的牛肉麵風味，用另一番的感覺像牛肉麵呈現，抵讚！食完當然唔夠喉，所以加點左個椒麻牛肚絲，估唔到都想當有驚喜，椒麻汁好入味，令人倍感滋味！牛肉麵的精髓是在於牛肉的入口時的口感，第一啖就其實知道龍與鳳，除此之外，湯頭亦都不可忽視，皆因小弟亦都中過不少大伏，反而呢度既湯頭好濃郁，牛味十足，正！

吃的是古早台灣味(*¯︶¯*)環境寬敞舒適，佈置也很有台灣風格，播放的音樂都是台灣曲目。招牌紅燒牛肉麵$53湯底味道不算太濃，面頭好油，吃起來不會稱讚的湯底。湯麵的湯頭實在太重要了！但很一般。麵稍微硬了一點。牛肉好像炆得太腍，入口就溶了，沒有了肉質的感覺。另外，配有一些酸菜香葱。提升了成碗麵的味道⋯⋯唔知點解個匙子咁大隻。熱珍珠奶茶(跟餐）奶茶味不濃，而且不太甜。珍珠比較細小，沒有口感，不太煙韌。

今日同媽媽行完始創中心同聯合廣場行到好攰， 唔想行咁遠揾嘢食，所以去左對面馬路食。 店舖好有舊台灣風， 未食已經如身在台灣小店中。 招牌花枝丸牛肉麵 $62 嚟到個湯好夠熱，肉有成三大條好夠份量，湯底十分十分正，夠矖濃，花枝丸有啲過軟，口感欠奉,好在個新竹米粉搭夠，好夠煙韌每條都吸到濃湯，好夠味道！ (轉新竹米粉另加$3) 媽媽的桂花冰梅汁同我的微甜香芋珍珠奶茶， 真係沖到一啲都唔甜之餘都夠矖香濃！(跟餐$12和$23) 媽媽點的盬酥雞肉燥乾拌麵 $52 酥雞同麵係分開的，雞係做成雞粒，炸粉夠薄，雞肉好juicy， 味道剛剛好， 忍不住食完一粒又一粒！ 黄金脆薯 $38脆薯外面脆到一個點，剛剛好，完全無燶，蕃薯好靚，小小甜，配答大量梅子粉食,微微酸，好正，其實都好飽都忍唔住食矖！ 依間食店方便，味道又好，出餐算快，想講價錢微微高左少少，但如質素有返咁上吓，就樂意俾的😉！ 太子西洋菜南街240號地舖聲明：此文純屬自費性質，並無廣告成份，如不相信，可問店員拿取閉路電視觀看俾錢情況！謝謝！

收工想食啲有特色嘅嘢，所以黎左食台灣嘢哩度裝修幾有特色店內食物價錢喺太子區黎講，算係咁，中等價錢~ 先黎拍青瓜小食，醃得幾入味，食落幾爽口嗌左招牌鹽酥雞，大舊得黎，炸得皮薄之餘，雞肉亦好軟熟仲有加到濃味嘅鹽，正！珍珠奶茶嘅珍珠亦煮得夠淋夠軟，奶茶香皮蛋豆腐份量好多，面頭加左肉鬆，皮蛋好有蛋香，配埋滑嘅豆腐，好味佢叫左牛筋腩麵，湯底充滿牛骨味道，牛腩牛筋軟熟，麵底粗身爽口，好味豬軟骨撈麵好足料，雖然豬軟骨唔係咁淋，不過味道特別，份量亦好夠麵身都係粗嘅，煙韌彈牙兩人食3個小食，一人一碗麵加埋一杯珍珠奶茶，200幾蚊，不錯

餐廳裝修好有特色，充滿住60年代嘅氣氛，牆上貼晒所有以前嘅舊街景相同海報。雖然鋪頭細細， 但唔會好侷促 因為座位分布得幾好， 感覺都幾舒適。去嗰日係星期四嚟嘅但係都勁多人， 所以呢間店都好受歡迎。服務員態度好好，上菜快 價錢合理，都幾適合同啲朋友一齊嚟聚餐。小食方面，我哋叫咗炸豆腐拼鹽酥雞。淡淡既豆香味。鹽酥雞都炸得幾好 ，等到凍左之後再食都一樣咁脆口。我地仲叫咗個魚酥皮蛋豆腐，呢個好適合夏天食因為喺涼拌小食黎。佢上面落左好多日式嘅木糠魚，再加上啲肉鬆、皮蛋同醬油真係好鬼正！😋😋主食我地叫左鐵路雞排肉肉操飯，個肉操做得唔錯！ 份量都幾大，如果係細食啲嘅女仔其實一碗可以分到兩個人、低食！💰 另外再叫咗一個滿漢大塊牛肉湯麵 同一個撈麵。  裏面有牛筋、牛腩，同一啲肉丸。個麵處理得好好，保持到爽口，唔會話㝝晒。而牛筋同牛腩"蚊"到好㝝 ，同好入味，加分。❤❤ 如果湯麵同撈麵要揀嘅話，撈麵會比較好啲。 因為撈麵啲汁可以掛到喺啲麵度，同夏天熱辣辣，撈麵會比較容易入口啲。☀嘢飲跟餐會平D，所以我哋叫咗杯台式奶茶  。茶味唔會話好濃郁，但佢嘅奶味比較香濃幼滑。另外叫咗杯蜂蜜綠茶，蜂蜜味 甜甜地，凍凍

係花墟行完街後，搵野食，見到呢間門面都唔錯不如入去試下 !! 門口都好舊式既台灣食店 ~~ 好多裝飾都好台灣 ~~ 熱愛台灣既我，梗係要試下 !!臨住同隻佬試多D唔同既野，今日唔放係主食道 ~~ 我地叫左鹵肉飯 (細)，唔知係咪個衰佬食哂D肉 !! 到我食果陣剩番好少...咁唔駛講都知道碗野好唔好味啦  ... 我覺得個菜莆好正 !! 個肉你地要自己試喇 紅燒牛肉麵，個麵好彈牙，個湯好好味亦好夠味 !! 牛肉同蔬菜都應該好足料，飲完都唔會覺得口喝，牛肉好夠淋，我食食下...又俾人拎左成碗去 ...珍珠奶茶，我地兩個都叫左微甜，茶味好夠，反而個奶味唔夠 ~~ 要壇一壇個珠冇咩味 ~~ 如果呢道可以改善下就好喇 !!蔥油青菜，我以為會係 A菜，但黎左既係生菜，口味重既人應該會好鍾意 !!豆腐拼鹽酥雞，個豆腐好好好好味呀 !!! 個醬同佢好夾，又唔係酸甜醬，有少少沙茶既感覺 !! 唔知點形容佢 !! 總之就好食啦 !! 哈哈哈 ~~ 至於個雞我覺得乾左少少 ~~ 但味道都唔錯 !!成晚最驚喜係呢個牛筋 ~~ 好淋好入味 !! 呢碟野個份量仲好大 !! 個豬耳同大腸都好入味 !! 但係隻雞蛋就

前兩日夜晚放夜班, 唔想番到屋企再攪一大輪先食到野,故就係出面街食埋先番屋企。老街係太子始創中心對面，餐廳不算太大，但裝潢帶有台灣的古早風，背景播著一首首台灣歌星的歌曲，有少少似置身老台灣一樣！既然今晚得自己一條友食飯，只係叫左一碗麵同一個小食。紅燒牛腩牛筋麵紅燒牛腩牛筋麵比我想像中大碗, 牛腩吃起來軟嫩帶q而不爛，肥瘦均等，而牛筋都算有嚼勁，湯頭呈深啡色，面層油份不算很多，有牛肉的甜味同濃郁，有中藥材的味道而不會過苦。幼麵不算煮得過淋，不算糊口。而且也附有小量酸菜，惹味之餘也夠開胃。跟餐可加12元配台式特飲: 珍珠奶茶，正正常常，是典型台式餐廳的味道！魚酥皮蛋豆腐最後還叫了一道小食，魚酥皮蛋豆腐，係凍豆腐上放上皮蛋，魚鬆和木魚，醬汁帶點微甜，皮蛋q彈，豆腐帶有豆香，木魚皮蛋和豆腐看似無相關原來可以這麼Match!! 總括黎講, 呢餐大概食左一百蚊鬆D, 係旺角黎講唔算好貴, 對於未能放假去旅行的我黎講都算搵到D心靈慰藉。

上個月啱啱去完台灣，就好想食返台灣嘅滷肉飯，啱啱同朋友咁講，佢就話睇太子有間新開嘅台灣野，可以帶我去試吓。睇吓個餐牌，呢度都有好多台灣嘅特色小食，仲有我最鍾意食嘅酥炸排骨同埋台灣腸。呢個就係黃金脆薯，我哋就揀咗梅子粉，呢個比我想像中大，每塊都炸得好大舊，梅子粉味道酸酸甜甜咁，炸得好脆。呢個係台灣腸拼鹽酥雞，台灣腸每片都切得好薄，味道好香，仲有啲芝麻喺面頭，俺素雞炸得好香脆終於到咗我最鍾意嘅香酥排骨拼肉燥湯麵，排骨半肥瘦好甘香，炸得好香脆，湯麵煙韌有彈牙，肉燥都係半肥瘦好甘香咁

單看賣相其實唔差，大大件切腩，麻辣湯底都幾夠味，麵條都算彈牙，可惜牛腩一啖咬落去，完全咬唔入，之前向旺角試過中午食過一次，以為太早未夠火喉，今晚試完太子明白硬+韌係佢地style~~ sign哂啲牛腩！酥炸排骨伴麵，排骨皮唔夠香脆，炸皮仲要甩埋！仲未夠班⋯⋯

今天到金魚街幫魚仔上糧，順道在太子食街食個晚飯，隨意選了一間麵店光顧。價錢便宜的關係，喪點了一大堆 😂😂紅燒牛腩牛筋麵 $60湯底是蘿蔔牛腩湯的濃味版，清甜美味；麵條彈牙；牛腩散發濃濃的牛酥味，夠腍夠鬆化。牛筋軟腍滑漏，美味無比。台灣滷肉飯 $30蓋滿滷肉汁的白飯，混有幾片肥美滷汁豬腩肉，要是能多點滷肉就更好。酥脆鹽酥雞 $40 （大）酥皮香脆，肉質鬆化帶少許肉汁，咬開有熱氣飄出，夠熱不 “鞋” 口，比起街邊的台式炸雞，味道較淡口。魚酥皮蛋豆腐 $32皮蛋雖不是糖心，但味道還可以。豆腐不會水浠浠的，軟中帶點質感，可用筷子夾起來，有點誠意。蔥油青菜 $25簡簡單單的蠔油生菜配點乾蔥，驟眼看餐牌還以為是點油雞那種蔥油😅；果真充斥著文化差異……😂😂😂桂花冰梅汁 $12 （跟餐）甜甜酸酸的桂花冰梅汁，味道清涼醒胃，炎炎夏日解喝佳品。香濃朱古力 $12 （跟餐）跟預期的朱古力味有點出入，有幾分像阿華田……😅，倒還是桂花冰梅汁比較吸引。

係太子行行下肚餓 見到呢間野未收就入去啦 當時十點四，店員係入座時都好貼心提我地十一點截單，十一點半要離開。望望下我哋發覺呢度好熟口面，先諗起我哋上次去旺角嗰間原來就係同一間😯破例比阿熊嗌咗杯珍珠奶茶紅燒牛肉麵-比起旺角嗰間更加少油👍🏻牛肉都好淋滷肉飯（細）- 有肉燥再加埋大大粒嘅肥豬肉👍🏻鹽酥雞加炸豆腐-豆腐汁酸酸甜甜幾開胃蔥油青菜-略嫌鹹咗啲不過對於呢一個消夜我哋都好滿意☺️嗌咗咁多嘢都唔使＄200