老街 (西洋菜南街) (已結業)

昨天到了老街食午餐!!這裡環境唔錯，地方很乾淨，充滿懷舊的裝飾很有台灣小店的感覺餐牌很多元化，而且種類很多，而且指示很清晰點了一杯奶茶，味道唔錯，飲落很有奶香味，如果太怕太甜的話，可以點小甜小食方面，點了兩款不同的美食，這一款的味道不錯另外點了碟鹽酥雞，還有台灣腸仔可一同併上，鹽酥雞調味做得好好，雞肉很鲜嫰至於腸仔皮很薄，腸衣唔會過份厚皮，好好味最後當然唔少得要一碗牛肉麵，這碗麵好快就比我食晒，牛肉好多汁，咬下去有陣陣湯汁漏出，好好味!整體好好，小食同牛肉麵做得好出色，下次有空，我也要再黎食過!!

又到lunch 時間，今次同同事們食台式嘢，試下佢d鹽酥雞先黎個小食一碟［鹽酥雞］，佢唔係想像中咁多粉，所以值得一試到main course 就左個［香酥排骨乾拌麵］，個麵可以爾濃味少少，要加豆瓣醬撈先略為夠味另外叫左個［蕃茄豬軟骨麵］，個湯底夠味，豬軟骨份量可以多少少，咁就perfect 池啦呢排個個都燥燥地又要養生，所以特登叫左個熱［胚芽奶茶］，有胚芽就梗係健康，奶茶好有台式奶香味，令小編好想去台灣走一轉

老街呢間台灣牛肉麵店喺始創中心對面，位置非常方便，距離太子地鐵站只係幾分鐘嘅路程。小編有一段時間冇食台灣牛肉麵了，今日就同同事一齊嚟呢間小店試吓台灣野。午飯時間小店都幾多人幫襯,我哋都等咗十幾分鐘先入到去。小編今次就試咗招牌紅燒牛肉麵，仲同同事share左幾個小食。個紅燒牛肉麵d牛肉係筋腩煮得好腍，又好入味，個湯都好濃。牛肉份量都算多，我一個人都食唔晒。小食我哋試咗鹽酥雞、滷水豬耳同酥炸花枝丸。鹽酥雞有啲似麥當當嘅麥樂雞。

每年都去至少一次台灣，就係因為台灣野好好食！一見到呢間細細間，裝修又精緻的台灣餐廳老街，就立即想試下！望下個午市餐牌，覺得更加吸引，由$38至$59，仲可以加$20加我至愛的台式小食！我一睇就想吃H蒜香豬軟骨肉燥乾拌麵！豬軟骨份糧好多，好滿足！麵的質地好爽口，也好適合乾拌！醬汁有點甜，加少少辣醬更美味！友人叫左老街麻辣牛肉麵，個湯底好香喔！少少麻，少少辣！仲叫左蕃茄牛筋牛腩湯面！加左3個小食，全部都新鮮出爐，熱辣辣，加分！花技丸個皮有台灣的風味！鹽酥雞好鬆化！豬耳也好香好吃！反而珍珠奶茶就一般啦！

今日同事提議食台灣野，所以就行到黎呢間老街。午飯時間人多，一行七人大約等左15分鐘就有位，以寶貴o既午飯時間黎講尚可接受。午餐選擇多，飯、湯麵拌麵均可選擇，加$5便有珍珠奶茶好吸引啊，最後我點左蕃茄牛筋牛腩麵+珍珠奶茶(走甜走冰)。蕃茄味夠，麵身軟硬適中，牛腩牛筋都夠軟身入味但我份牛腩就比較多肥肉，同事就叫左紅燒牛肉麵。另外，我地仲加$20追加左小食- 酥炸花枝丸同鹽酥雞，香脆可口，亦不會太鹹太油膩，無追加錯啊😋唔記得影個充滿懷舊氣氛o既裝修，唯有下次再黎啦😆

放工同朋友喺旺角食飯，想試新野就隨便找這間台灣料理-老街但服務態度同食物質素都令我哋覺得好失望。一入到店內本身仲覺得裝修幾好同坐得幾舒服，點知野食一上枱即刻大失所望！點左涼拌小黃瓜，是到台式食店必選，準備起筷時見到有條人體毛髮喺上面，咩胃口都無晒！仲要店員無講過一句唔好意思或者對唔住，只係大聲嬉笑！服務態度差勁！至於冇service就唔係第一日嘅事。第一次去到以為可能啲人新乜都未熟就算啦，但隔咗幾星期之後再去，都係嗰幾個人，都係冇service。落單冇人理，埋單冇人理，一個二個喺後面吹水，啲客人等完再等...

今日喺太子工作，同同事兩個人唔知食咩好，求其入左呢間台式餐廳食個午飯，質素都算唔錯我叫左個鹽酥雞肉燥飯+一杯台式凍奶茶，都只係$44咋😍😍奶茶味道不會太甜、不會太淡，好飲的🤩🤩下次可以再食😋

琴日同個friend出太子有野搞，佢話想食台灣野，話呢間正，咁咪試下囉。😂間野叫老街，係始創附近，唔難搵。我同個friend都叫左個蕃茄鹽酥雞麵（$57），好鬼正。 D麵食落好彈牙，湯底酸酸地好開胃。最尾我都忍唔住口飲左好多湯，我真係好鍾意蕃茄湯！正😊鹽穌雞我最怕就係皮太厚，但呢個又唔會太厚皮，唔會翻炸比你，係新鮮炸出黎。我覺得好正。份量岩岩好又唔算太少！總既黎講，呢間餐廳值得一試。佢唔算太貴，但都高質過好多連鎖餐廳呀！下次經過太子都會繼續食呢間野，又多個新選擇啦！😊😊

小編又嚟到太子搵食喇~ 行過見到間幾特別嘅台灣菜開咗，咁啱又想飲吓台灣蜂蜜綠茶加珍珠嘅QQ感覺，就走入去試吓喇~~ 一行入去就俾懷舊嘅台灣味裝修吸引住喇~ 叫咗個涼拌青瓜做前菜，味道好好又醒胃。另外，就叫咗紅燒牛腩牛筋麵，牛腩及牛筋味道好香好味，麵都煮得適中。而香酥排骨鹵肉便當，排骨鹵肉煮都唔錯，仲有粟米及紅蘿蔔粒，有少少蔬菜加分。之後，小編見到隔離檯兩位美女，叫咗個五味小茄子個賣相幾正，忍唔住就問佢哋好唔好食，於是就再加咗個五味小茄子，味道真係好好，不過，啲汁醬另上唔放喺茄子到會好啲…最後，飲埋杯蜂蜜綠茶加珍珠，同埋巨蜂QQ綠茶就完滿了~ 😋

香港有好多間台式飯店，要講到好食既當然有，但要講到有水準既，我會選擇近近地既老街😊可能比起其他台灣人主理既台店黎講，老街有多一份香港風，野食唔算台灣地道口味，但講到岩口味既，我就覺得真心唔錯，入流👍🏻今次叫左鹽酥雞鹵肉飯，飯來大大碟，好多料，有粟米紅蘿蔔粒伴碟，又有鹵肉仲有菜，賣相一流😁鹵肉汁撈埋落飯到食令到成個飯都好香，真係超級好味❗️鹽酥雞大大粒，炸粉唔算厚，食落外層夠脆，平民價錢，高汁享受😋

嚟太子做嘢，未食晏，路過呢間「老街」招牌幾有趣，懷舊嘅感覺，就入咗去試一試。兩點半啱啱有下午茶餐，$32可揀一款主食，3款小食，1款飲品。揀咗麻辣干拌麵，鹽酥炸雞，涼拌青瓜，夜市腸仔，所謂嘅特飲要加$5，珍珠等等亦要再加錢，以一家台灣食店嚟講有點兒小氣，所以就只試試佢熱嘅「台式奶茶」。細細碗嘅干拌麵好快上枱，但就得汁，麵同蔥&青瓜絲，無餸就咁食確係古怪，所以搭枱嘅姐姐亦係成碗肉燥飯擺喺度等埋啲餸嚟.... 其實我唔介意等埋啲餸一齊先上枱，起碼個麵唔會凍咗。麻辣拌麵嘅汁都可以，有麻麻嘴脣嘅感覺，但麵嘅質地就怪怪地，好黏牙🤨 鹽酥炸雞係好食嘅，夠熱，個脆漿係台式沙沙嘅感覺👍🏻 夜市腸仔就有蜜糖面，中和一下我個辣麵確唔錯😆 熱嘅台式奶茶都幾有趣，自己加糖就變咗街邊台式飲品嘅風味，但落幾多糖自己控制確不錯！職員有制服風褸，但有啲著裙有啲著褲，感覺唔整齊，有啲頭髮沒有完全束起，唔精神同驚啲頭髮會跌落啲食物度.... 所以整體就不過不失啦。

近來沉迷煲劇, 放LUNCH都唔例外。為左可以舒舒服服煲劇, 我會搵D可以好好地坐到夠鐘既地方食野。呢間就係我近來周不時都會去嘅一間。午飯時間, 人其實都多。 店面細細, 但好彩我1個人, 通常都唔洗等。LUNCH SET嘅選擇其實都唔少, 但我咁多次都係叫招牌紅燒牛肉麵, 因為我中意食牛肉麵招牌紅燒牛肉麵呢個牛肉麵, 通常有3-4舊牛展, 味道很好的! 係間唔時可以再淋DD!但味道好! 我中意食!佢仲有D酸菜! 我好中意! 每啖麵, 連住D酸菜同湯一齊入口, 好味!肧芽奶茶餐飲我揀左呢個. 之前我飲過一次呢度嘅珍珠奶茶, 一般般。反而呢個, 我中意飲, 我覺我味道好好! 之後我次次都叫呢個牛肉都肉同根間住間住, 好味!湯底濃厚! 唔肥!埋單$53, 我覺得很不錯, 牛肉麵來講, 佢算平了。 雖然我食過比仍好食的, 但呢個價$, 呢個味道, 值得去食!

一向鍾意食牛肉麵，今日食lunch時行過好似好吸引，就入去食再幫同事買外賣。午餐款式都算多，有牛肉麵、肉燥飯等。牛肉麵控嘅我當然食牛肉麵。平時牛肉麵我鍾意食粗麵，因為比較有咬口，彈牙，點知呢間嘅幼麵都幾有驚喜，都幾彈牙，牛肉湯底亦都好濃郁，牛肉亦都林滑，但可能我比較大食，分量唔算多，都啱啱好飽，但好快又餓。另外配一杯餐飲，可以加錢轉特飲，我加$5轉左珍珠奶茶，都算抵。朋友食咗豬軟骨肉燥麵，都話味道不錯之後幫同事叫咗個外賣，鹽酥雞肉燥面，偷食佢一舊炸雞，都幾驚喜，好少餐廳做到炸粉好薄，雞肉好嫩嘅效果，下次再試下整體黎講，呢間味道不錯，價錢中等，都可一試

其實旺角太子區嘅食肆真係變得好快, 可能租金貴、又或者生意好唔好。一排冇去, 嗰就會發現有一啲新嘅食肆開咗, 而係自己未食過嘅。 今次呢間老街麵店, 就係無意中嘅發現。市咗個主題先: 真係好味, 而且價錢合理, 分量非常充足。( 食一碗麵, 飽住走, 今時今日好難㗎啦。)午市可謂「高朋滿座」, 都要等咗2分鐘。被編排嘅座位可以話係全店最差嘅, 不過唔緊要啦。<香酥排骨肉燥拌麵>香酥排骨好味, 肉夠厚, 好嫩好多汁, 烹調時間啱啱好。麵是主角, 麵質好好, 拌麵嘅汁味道剛剛好, 而且「質感」好好: 剛剛好包圍住每一條麵條嘅每一個部分, 碗底唔會太多汁剩餘落嚟。配料嘅份量控制得恰到好處。<鹽酥雞肉燥拌麵>鹽酥雞肉做得幾地道, 亦都是烹調時間控制得啱啱好。唯一少少缺點就係淡咗啲。<熱台灣奶茶> 冇得彈。<凍台灣奶茶> 非常好, 而且夠曬大杯。一定會再來幫襯。我依家已經有少少掛住個拌麵喇!

一開始睇佢個場幾旺，就入左去試，點知就試出一團火黎。明明一開頭都覺得佢幾好服務。 一黎到帶我坐左落位，叫佢比杯水我，比足十分鐘都比吾到，我明你忙啊，你做吾到可以叫人攞，但吾好miss左客人需求囉。我自己都系做飲食，我吾相信野食黎哂而你杯水仲未到囉。分享呢樣已經夠死，我系到發洩完就算，只系我吾會再過黎食姐麻酱干拌面干拌面嘅麵系最有惊喜，干到撈吾到完全系同我男朋友煮d野一模一樣食吾落口...似系有比厨師無過冷河之后直接撈醬所以面質真系食吾落口，見佢忙到成隻蟹甘我都吾想多講你野食吾好，幾平都無用；你服務吾好，請我都吾會再黎。