老街 (西洋菜南街) (已結業)

星期一和朋友到太子逛街，突然下起大雨來，我們便打算到一間餐廳避雨順便吃東西，我們便選擇了這間台灣餐廳。我們叫了一個湯麵及一些小食。這是牛筋花枝丸麵，牛筋很煙韌，花枝丸也很爽口，湯底是濃濃的牛肉湯，充滿台灣的味道。這是炸鹽酥雞，是大份的。而且份量也挺多的，雞肉炸得很香脆，肉質也很結實。這是滷水蛋，十分入味，而且入面蛋黃也是半流心的，很吸引呢！來到台灣餐廳，當然不能不叫珍珠奶茶。分量也是跟一般的一樣，這裏的奶茶味比較香濃，珍珠也煙韌有彈性

前陣子去完台灣玩左轉, 番到黎香港始終都對台灣美食念念不忘, 上網 Search Search 台式食店, 大多數都係大集團經營, 終於都搵到呢間擬似新開嘅小店, 一於就去試下｡餐廳唔算好大, 但座位都幾多｡ 店內裝修都好特別,  牆上貼滿懷舊台式產品 Posters 望望餐牌, 俾佢封面碗牛肉麵吸引住 價錢算合理, 食物款式非常多｡紅燒牛肉麵湯底有淡淡嘅牛肉香, 味道雖然唔係好濃, 但勝在夠清, 應該係冇落味精 個麵嘅軟硬度煮得啱啱好, 好有咬口｡ 牛肉已經炆到非常淋身, 牛味好重 炸豆腐拼鹽酥雞食台式食物又點可以唔叫鹽酥雞呢 鹽酥雞細細粒, 炸到夠算脆身香口, 雞肉唔會好乾 炸豆腐外脆內滑, 配上少少甜酸汁一齊食, 非常匹配｡五味小茄子茄子面頭放左大量木魚碎, 連埋醬汁 & 木魚食, 味道都幾特別, 而且好開胃 珍珠奶茶跟餐 +$13 , 珍珠微 Q 彈, 冇咩黑糖味｡ 奶茶偏重奶味, 如果茶味再濃厚 D 會更好

今天下班後同個很久不見的朋友去到呢間充滿80年代風味既台灣風小店吃個晚飯內裡的紅磚牆上掛滿既係一張張復古海報同埋舊台灣既黑白相片...簡單不誇張既裝潢今人心情猶其放鬆亦感受到台灣的文化風情簡單的叫了一些東西。這裡有各式各樣的台式食物先黎🌟小香腸拼鹽酥雞 這款小食令我諗起小香腸感覺同台灣食嘅大致都冇乜分別！喜歡小香腸灑上一點芝麻令食起來更加香口！鹽酥雞炸得比外面香脆...入面亦很jυιcy...最重要的是鹽酥雞外表的炸粉非常薄不會令人食起來很油膩!抵讚鹽酥雞呈球狀，外皮不會很厚重，酥脆可口，不會太鹹，而且雞肉質感鮮嫩。香腸也不錯，也是外皮脆口的！🌟老街牛肉拼盤裏面包含三款食物：牛腩、金錢展、牛筋 牛腩較肥膩但吃起來好有牛嘅香味 金錢展同牛筋亦都炆得很淋！唔會覺得好難咀嚼整體重點系呢個滷水汁非常之入味感覺膠原蛋白非常豐富絕對無渣！！推薦!主食🌟蒜香豬軟骨肉燥乾拌麵 豬軟骨又係炆得好淋！又入味仲完全唔會癡牙！拌麵麵質非常彈牙配上青瓜絲芽菜食起上嚟好清爽又有口感 ！肉燥調味亦都好適合拌麵仲好適合依家天氣炎熱嘅時候食香酥排骨滷肉便當 排骨炸得啱啱好！排骨嘅炸粉同鹽酥雞嘅一樣咁薄！滷肉淋係飯嘅上面

第二次食啦，今晚有點趕時間，食碗麵就最岩啦。新開不久，裝修新淨同坐得都okay，上次食左蕃茄牛麵，睇下今次食乜好。紅燒牛肉麵 $60八角黑椒味道好重，湯底濃但唔咸，都飲左一半！麵質好似粗麵，好實在同好彈牙，好鐘意依類既麵！牛肉配紅燒味就傳統力作，同食肥肉位比較易入口！蕃茄牛肉麵 $66都係鐘情蕃茄味。朋友將蕃茄湯飲哂，係飲哂！蕃茄肉同有小棠菜，岩女仔！蕃茄酸酸微甜，好味。牛肉半肥瘦得好靚，非常軟軟，連帶根既少少位都一咬就入口！肉燥青菜 $30青菜係生菜，估唔到有一碗份量，兩個人食都算夠健康標準！肉燥多配有少少肥肉，食哂菜都仲有好多肉燥。肉燥有點淡口，普通啦！份量加分！生菜係用水滾，好健康都保留菜既原汁。酥炸花枝丸 $28有微微鹽酥粉係花枝丸上，咸咸地，係吸引既味道！外貌炸得有d過左火，但好彩無焦味。入面仲白雪雪既，彈牙有d花枝既軟骨位，咬落帶一下勁！小鹽酥雞 $32鹽酥雞炸得就幾靚，淡黃外層內層都係白淨雞肉。外層多鹽酥粉微脆，雞肉多汁又嫩口，幾好！但喜歡重咸味既朋友，就可能會覺得普通。但想食得健康啲，就會覺得依個不錯啦！熱檸檬水就+$8 有4塊檸檬，影個時一塊係底。珍珠奶茶 +$12珍

收完工之後喺旺角附近行咗一陣，經過金魚街，唔覺意誤打誤撞見到呢一間台灣美食，驟眼望見入邊裝修幾靚，就沖左入去啦。入面啲裝修都係復古懷舊，打卡就一流。我同朋友都太肚餓嘅關係，每人叫咗一碗煮食，另外仲加左兩個小食、飲品。兩款都係乾拌麵，餸有牛筋、牛腩、貢丸、花枝丸，啲牛筋牛腩煮到好冧，易入口唔會似太硬，醬汁足夠，唔會太乾。另外小食方面仲帶咗魚酥皮蛋豆腐，係凍食嘅，皮蛋好入味，再加左啲肉鬆，脆脆地配豆腐嘅口感好特別。另外再嗌一份小嘅鹽酥雞，外面啲粉好充足，唔會太鹹，炸到岩岩好脆皮，係小食嘅必選。嘢飲方面帶咗兩杯胚芽珍珠奶茶，胚芽分量充足，珍珠口感彈牙，奶茶味都足夠，好有台灣嘅風味。

之前見佢間旺角分店好多人，今日經過佢間太子分店，可能因為夜，唔洗排隊，梗係即刻試試佢.🔹滿漢大塊牛雜乾拌麵 $70有牛腩，牛筋，金錢𦟌，貢丸，花枝丸.個汁唔油唔膩好濃味，配葱撈麵一流.配料款式夠多又舊舊都好大件，好抵食.牛腩痴住一舊大肥膏，襯熱食，成咀都牛脂味，岩晒中意脂肪味既人.意外地，粒貢丸好濃豬肉味菇味，成碗最驚喜.🔹麻辣豬軟骨面 $58辣就唔算好辣，不過夠麻夠香，食得幾過癮，食完果陣麻辣味會停係個口入面.豬軟骨夠大夠淋，唔用力都咬得開.面既軟硬度又適中.🔹鹽酥雞配炸豆腐 $44薄薄炸粉包裹住雞粒，炸得夠脆但有少少乾身，但起碼唔係肥淋淋.雞肉肉質幾結實.豆腐真心外脆內水嫩，加埋秘製醬汁，咸中帶微酸，好惹味.🔹台式滷味拼盤 $50睇落唔算好大碟，食食下都幾多.有牛筋，大腸，豬耳同滷蛋.牛筋幾淋，滷蛋好入味，兩隻完全唔夠喉

台菜多數會記得數字店 呢間新新地，即管試下。本來想試魚肉飯，但見到有我最，鍾意嘅蕃茄湯麵，當然要試下佢個茄味掂唔掂啦！朋友叫左牛肉蕃茄湯麵。我叫左豬軟骨湯麵。講真個麵算ok嘅 唔林身，個茄味唔夠濃，但尚算有蕃茄味我食過一些蕃茄湯係怪味，唔似茄，呢個係似蕃茄湯。豬軟骨同牛肉都可以。唔算好濃味，清清地嘅感覺。 仲叫左個雙併小食，鹽酥雞，加炸豆腐。個雞夠滑，豆腐真係得2舊，成40幾蚊，貴左少少。跟餐加飲品+10多元。。。忘記了，不過都抵嘅。雙Q綠菜，ok。珍珠奶茶都ok。雖然埋單都差不多二百蚊，不過口痕想食台灣嘢，都值得去。

又出太子食晚飯，行過西洋菜南街見到開左新野食，就諗住試一下!我地大概7點幾8點去到，可能新開所以唔駛等位就入得啦!兩個人睇完餐牌就叫左兩個麵同兩個小食!仲有叫左兩杯野飲，一杯酸梅湯，另一杯就冬瓜茶。麻辣排骨麵，個湯因為唔係牛肉湯，所以我覺得味道淡左少少!個排骨食落唔會好油，味道都幾好!麻辣牛筋牛腩麵，湯係平時台灣麵食既牛肉湯，加左少少辣，味道唔錯!牛筋牛腩就似平日食台灣麵既質地!小食，我地叫左細既鹽酥雞同豬耳，鹽酥雞既味道好似豪大大，所以我覺得幾好食。豬耳爽脆，味道都OK，但兩者如果要揀我會想食鹽酥雞多D!有機會可以再黎試下!

既然無假放，唯有在鬧市中尋找旅行的味道。今次來到老街尋覓遊台的回憶味道。餐廳裝飾型格中帶點老台灣的懷舊感覺。 滿漢大塊牛肉乾拌麵 $70 麵如其名，滿滿的，大大塊的。齊集花枝丸、貢丸、金錢𦟌 、牛腩、牛筋於一麵。滷水汁入味，肉質結實，瘦多肥少，有筋膜好有嚼勁。真係大滿足。香酥排骨肉燥湯麵(轉新竹米粉） $50 香酥排骨炸得外酥內嫩，肉排用咗多種調味料醃過，香濃惹味。 香噴噴的肉燥，不論拌飯抑或拌麵一樣好味。新竹米粉幼細又柔軟，份量相當多，對於普通食量的女仔嚟講食完會好飽。 湯頭清清的，不會太油太咸。 魚酥皮蛋豆腐 $32天氣炎熱，依個小食最正。面層係滿滿的木魚片，接著係魚酥，冰凍的皮蛋，最底層係嫩滑的豆腐。層次豐富，秘製醬油味道濃郁，仲有透心涼的感覺。台式滷味拼盤 $50　有牛筋、大腸、爽耳、滷蛋。份量絕不欺場，全部都好入味。豬耳爽口彈牙，有豐富的骨膠原。滷蛋最入味，有近鐵蛋的質感。 珍珠奶茶 (跟麵加$12)台灣咖啡 (跟麵加$10)

太子一向多食肆選擇，想食台式餐廳的話老街亦非常不錯店內裝潢頗有心思，一些復古牆畫，加上台灣歌曲作背景音樂，非常符合台灣風味見到圖片如此吸引，一直猶豫不決要麻辣或蕃茄湯底，後來問店員蕃茄湯底也可加辣，決定點蕃茄鹽酥雞麵！這裡的蕃茄湯底感覺頗真材實料，不是只用茄膏染色而已，辣度適中、麵身亦有質感咬口，不錯鹽酥雞與湯麵分開上，變相多了一道小食鹽酥雞夠份量而且非常香口，十分滿足每次只要見到青瓜就必點！$28價錢不算太便宜，但味道非常好！青瓜醃得入味，看似細細一碟，原來份量都頗多，鐘意食醃黃瓜的我完全收貨跟餐加飲品只是$12，百香果qq綠茶有珍珠及椰果，叫了少甜，清爽解渴，有咬口我喜歡

記得以前呢度係日料餐廳，點知今日行過見到轉左台灣小店，睇落唔錯，平平地。餐廳行懷舊風，牆上全部係舊台灣嘅風景民俗，幾得意。主打滷肉飯同牛肉麵，都有新竹米粉、撈麵，同埋台灣小食走唔甩。【鹽酥雞滷肉飯】推介！滷肉汁好入味，撈飯好正。鹽酥雞炸得外脆內軟，小小胡椒味，細細件易入口。炸過嘅雞皮又唔會太肥，送飯或當小食都好。【蒜香豬軟骨便當】好多飯豬軟骨都算入味，份量足，配有滷蛋、粟米粒同榨菜。如果啲汁可以再濃啲就更好。【魚酥皮蛋豆腐】又係好大份。魚酥舖滿豆腐，皮蛋軟糯，豆腐同肉鬆一同進食，清甜爽口一人一杯嘢飲，珍珠奶茶+$12，熱檸水+$8，埋單兩人$154，超飽，好抵食的台灣小店

這間店的人氣真旺盛，想不到9點10點都還要等位撘枱。店子小小，又是懷舊格局， 和老街這店名很撘配，就像在台灣老街裏的一間小店。台灣滷肉飯（小碗），$30。在台灣旅遊行一吃就愛上，記得都是小小一碗。這裏也有大小碗之分。熱騰騰很好味，不太油膩，微鹹帶甜，還有一小件一小件的滷肉很軟諗。加配酸菜，$6。不會很酸的，就是爽囗。拌飯一流。麻辣牛筋牛腩麵，少辣，$64。對比起小碗滷肉飯，這個是很巨形。麻辣沒什麼辣度但很有麻辣香。所以吃得辣的就不要叫少辣了。材料豐富。牛腩軟嫩有口感，蘿蔔吸晒麻辣香。麵也彈牙滑嫩，很不錯。酥炸花枝丸，$28。很香口，味道似椒鹽魷魚鬚。涼拌小黃瓜，$28。醃製得超好昩。不是酸酸辣辣的那種，口感清脆，同樣開胃。黑松沙士，$12。原來是台灣本土生產出名的碳酸飲料。喝時沒覺得怎樣，吞入喉嚨那一下很大薄荷味，好清涼，像喉嚨塗了跌打藥油。味道有點怪。但喝久了就習慣，但我還是喜歡可樂。冬瓜茶，$10。比較甜。但吃麻辣喝這個感覺很清熱。如果未聽過黑松沙士或是蘋果西打，來到才發現是罐裝飲料可能會失望。所以不明白大可放心問店員。我見搭枱的有問，店員還專登拿來給她們看哩。而我本著大無畏精神，

終於捱到星期五，心血來潮想食台灣菜，於是去左旺角西洋菜南街既老街吃晚飯！未夠七點黎到已經有不少客人，餐廳內既裝修同餐牌設計富懷舊台灣味道豬軟骨便當(另加左滷肉)豬軟骨不夠軟林，味道尚可。滷肉肥瘦適中，佐飯吃一流酥炸花枝丸味道不錯，吃到裏面有花枝粒酥炸椒鹽地瓜條切成粗條狀的地瓜很粉糯，配上惹味鹹香的椒鹽粉，非常邪惡滷水拼盤分別有豬耳、大腸、滷蛋、牛筋，滷得幾入味！個人最喜愛既係牛筋同滷蛋，欣賞佢地既牛筋煮得好軟林，充滿膠質環境挺舒適，食物質素不錯，台式晚餐好選擇

台灣餐廳都會讓人感覺就是懷舊，今天旺角逛街後在西洋菜街有新店開張，即使是晚上九時也佈滿人群！環境很懷舊、有特式佈置！ 牆上菜單用了木塊製作紅燒牛𦟌牛筋麵 HKD 60 轉新竹米粉 + 3牛湯底很清，沒有味精。肉質很嫩，易咬不黏牙，有肉味又彈牙，牛筋很有膠質， 不得不推薦。看見餐牌原來加HKD 3還可轉竹米粉，很幼身（比米粉更甚）口感不錯木魚炸豆腐 HKD 28 選擇了小份，共有兩大舊。木耳重重包圍著豆腐，外層又有甜醬，整個配搭口味不錯餐牌上有很多台式飲酒料，也不貴！留待下次試試 ！ 整體來說，我會再返嚟！

好鬼肚餓、咁啱行過見到呢度新開，就一於試新野有午餐，加小食只係 $20（點解我話「只係$20」呢，請繼續睇落去）我要左麻辣牛肉麵（其實又好想試紅燒牛肉麵、話晒第一次食、硬係好似要試下原味咁，但今日忽然好想好想食辣）跟住加 $20 要左個鹽酥雞（小）同凍珍珠奶茶叫完之後再望下個 menu、再追加個椒麻牛肚絲嘩！呢個鹽酥雞（小）一啲都唔小，有6件、每件都有兩啖咁嘅 size，我本來預 $20 都係得兩三粒丁屎咁大嘅雞肉架啫鹽酥雞即炸起、脆得黎唔油、啲雞仲好嫩唔會鞋十十椒麻牛肚絲好好味、好入味（早知個鹽酥雞咁抵食，就唔叫牛肚絲，食晒啲野之後飽到撐住、大滿足）到重頭戲：牛肉麵聞落已經好麻辣先試一試個湯，個湯好濃、好有台灣嘅感覺，重點係我食完唔覺得口乾牛肉好淋，有少許牛筋位，煮得好入味，好正食台灣野又可以無杯珍珠奶茶呢啲珍珠勁有咬口你可能會覺得佢用呢種杯唔環保（佢一拎黎果陣我有咁諗）但後來我發現咁樣剛好畀我呢啲人、食完好飽、飲唔晒杯珍珠奶茶，但可以拎住走，再行住飲臨走差不多 2:30，呢度都有下午茶仲要勁平，一個飯+小食、三款呀+野飲 $32起