老虎堂黑糖專売 (渣甸街)

营业中

休息中

去完台灣，好掛住個邊黑糖珍珠鮮奶。上網見到好多website都pub緊呢間嘢，所以決定去試下。排左成半個鐘，一飲，非常失望。最離譜嘅係，珍珠竟然唔係黑糖煮嘅！？？？杯嘢只不過係黑糖溝鮮奶加普通珍珠最重要個工序冇左仲敢自稱黑糖珍珠，真係荒謬。仲收成$30一杯？真心不了，$13我都可以諗下。而吹到大一大嘅所謂波霸珍珠又唔彈牙又冇味結果黑糖奶味仲甜過珍珠，好奇怪。總結：打手成風，名過其實，唔值得排，唔會再試。

※本文以用餐當日的環境、服務和食物質素為準，口味亦因人而異，文章只作參考之用。-超人氣既老虎堂令到香港既黑糖鮮奶熱潮更加瘋狂，周圍都開左唔少飲品店，仲愈賣愈貴，而家飲一杯台式飲品都食到一餐飯了，不過真係好飲既又有幾多？！來自台中既老虎堂，排隊熱潮就算證實左非手炒黑糖依然人潮不斷，而小妹就係較早前飲既，如果唔使排都係照樣幫襯，講真飲得台式飲品都唔會為左健康吧？小妹總共飲左兩次，第一次要謝謝友人免卻排隊之苦，第二次排左35分鐘到就有！不過第一次比第二次好飲，以下分享都係以第一次飲既感覺而寫的。黑糖波霸厚鮮奶 $30、波霸鮮奶 $30店家標榜用使用日本明治鮮奶，叫左波霸鮮奶、黑糖波霸厚鮮奶各一。分別在於後者多左層奶蓋，厚鮮奶既虎紋都較多少少，可能因為上面有層奶霜，所以黑糖落得慢少少。記得影完相要再搖15-20下先飲，咁先最完美。兩杯比較之下，「黑糖波霸厚鮮奶」既奶味同黑糖味，都會比「波霸鮮奶」既奶味更加濃厚同香甜；而且飲第一、二啖時，同男人都覺得厚鮮奶個杯，會有平時飲其他黑糖鮮奶係無既黑糖香甜幽香散發出黎。（頭一二啖會覺得好特別）再飲就係黑糖鮮甜交織出既甜蜜滋味，唔會甜到螞蟻咁，純香奶味，珍

不是想像中那麼好飲。可能比平常的珍珠奶茶多了點黑糖味，同椰奶味？但真心不值得這樣排隊。不外如是。不是那麼特別，亦沒太大驚喜可言。想像不到為什麼下雨天仍要冒雨一嘗？

今個夏天突然多左好多間台式飲品鋪頭，而老虎堂既黑糖牛奶最為吸引！作為黑糖迷既我一直想飲好耐喇，所以特登同朋友黎排隊試下佢～我地2點幾去到，人龍比想像中短，我地排左唔洗半個鐘就買完拎埋野飲我揀左黑糖波霸鮮奶d黑糖虎紋好靚啊！杯底黑糖暖暖地，要先搖均先飲～黑糖味好香濃，奶味好夠唔會淡到似奶水，兩樣野好夾！波霸非常有咬口，口感適中，連唔鍾意食珍珠既我都將全部波霸食曬哈哈～      比起其他店舖既黑糖鮮奶，個人認為老虎堂真係值得一試，等熱潮過後唔洗排咁耐隊更好！

食完晚飯大概8點左右，諗起仲未試既老虎堂，於是行入渣甸街睇吓排得耐唔耐啦。可能時間仲早，D人未食完飯，所以都唔算話太多人。因為呢日唔係太熱，所以男朋友同我都決定排隊買。雖然人唔多(得20幾個)，但唔知點解都要排成半個鐘，可能佢地特登拖慢尼做，先整到個人龍效果尼做話題。落單之後大概等左10分鐘就可以拎到杯飲品啦。左: 珍珠厚鮮奶 右: 波霸厚鮮奶珍珠係有黑糖味既，個人其實麻麻。飲品係冇得揀甜度同冰度，而出到尼杯野係甜到好似飲syrup 咁，係之後D冰融左少少先冇咁甜飲得落。

知道老虎堂已開業，剛好路過銅鑼灣便想去試試。閑日下午人也非常多，到的時候隊尾已經在小巷子裏。應該排了快差不多一個小時才拿到飲料。我點了他們的招牌 -老虎堂波霸厚鮮奶含奶霜。飲品看起來非常漂亮，看起來很好喝的樣子。急不及待打卡後立即試飲！奶茶底非常香濃好喝，波霸珍珠口感就比較軟，如果跟我一樣喜歡彈牙口感珍珠的話這個就不太合適。這是一杯好喝的珍珠奶茶啦~只是排隊真的要排很久，夏天排隊的話還真的是蠻辛苦的。

台式飲品系香港已經去到一個超級熱潮，一間又一間既台式飲品店分系吾同既地區開，但其實紅吾紅得起都好睇戈間店舖既造化，現今黎講我覺得最直接既因素就系戈間店舖系咪「過江龍」。「過江龍」系呢家既意思即系一間餐廳由第二個國家/ 城市傳到黎香港，通常呢種情況下，間店舖既食物吾系真系咁好食或者好飲，都會以「過江龍」呢個綽頭先聲奪人。由老虎堂系一間由台灣傳過黎香港既黑糖珍珠鮮奶專門店，聽聞呢間店舖系台灣已經系幾出名。我自己就未系台灣飲過就吾知佢應有既味道系點樣，不過呢d飲飲下就會知🤣就咁睇個門面寫住「黑糖專売」真系吾知佢系賣黑糖既乜東東？去到「過江龍」店舖，要排隊絕對系意料之內既事，但系要排咁耐都系我意料之外既事，由排隊去到落order，落order去到等拎野飲，竟然足足用左45分鐘😰為左飲杯野飲你可以去到幾盡？最令人覺得無奈既系排隊途中系條隊要左行右行咁樣，吾系一條直既人龍。餐牌有黑糖波霸系列、黑糖珍珠系列同埋茶系列，最特別嘅就一定係黑糖波霸系列，所謂既波霸即系大粒既珍珠。其次仲有黑糖珍珠系列，有一款叫虎虎生風厚鮮奶，即系有波霸+細粒既珍珠，都幾特別。叫得老虎堂，杯鮮奶入面又真系有好多虎紋呈現在眼前

珍珠奶茶唔係乜新鮮事，但今年舖頭、款式、味道都特別多繼之前紫薯 今期就潮食黑糖, 真係乜鬼都要加黑糖而最近被介紹得最多的珍珠奶茶，最多人洗版一定有老虎堂份呢個年代食好西要排隊係必然，值唔值得等成個鐘實在因人而異，今次係第二次排隊買，不過就等三號風球落住雨去排，咁少d 人又無咁熱嘛排左約40分鐘就見到「老虎」，員工雖然忙到high high，但都仲好有禮貌，照舊一杯波霸厚鮮奶和虎虎生風厚鮮奶上次即場搖勻，官方說要15下，主要黑糖和鮮奶溝好, 要欣賞虎紋打卡就倒轉慢流一陣今次就試下拎到返屋企先飲, 估唔到味道都仲keep到, 和現場飲無乜大分別波霸厚鮮奶波霸珍珠就如平常大小，個心唔會仲係硬或太軟, 好有咬口又不黏牙, 沒有傳說中的死甜，黑糖味濃郁突出，再加埋厚奶霜和茶味，就像平時珍珠奶茶double shot 版虎虎生風厚鮮奶是大細珍珠混合，細珍珠就西米咁上下大, 口感就一般般, 有時可能唔小心未咬就吞左, 都係波霸正D, 和波霸厚鮮奶相比, 虎虎生風的味道, 黑糖味無咁濃, 奶味會多返, 講真味道係好飲的, 只係排得太耐, 仲要烈日當空, 有人才覺得物非所值, 如果只係排30分鐘內, 又

虎虎生風厚鮮奶($30)拎到手時真係嘩左一聲，除左賣相一流，有昅晴既老虎紋，底既黑糖仲係微熱。黑糖同香濃既鮮奶相得益彰，而黑糖帶點炭燒香，似toffee既味道又唔會過甜，但黑糖波霸同珍珠唔算太煙韌。珍珠比較細粒冇乜口感，建議煙韌控order波霸厚鮮奶。

講起飲珍珠奶茶，我嘅資歷應該算係老土一輩😅，事關我仲停留係台北春水堂嗰一個batch嘅年代，現下流行嘅一大堆奶茶店其實我都冇乜幫趁過！今日適逢早左開完會，晚上約左人食飯未夠鐘，中間有啲時間，就俾朋友拉左去排呢間人氣黑糖珍珠奶茶店老虎堂😊。早排明明先仲興緊奶蓋茶，咁快一轉就轉左去黑糖珍珠奶茶😏。不過我其實好鍾意黑糖味嘅飲品，特別係嗰種好似煙燻嘅味道，之前去沖繩，試過佢地嘅黑糖咖啡，就立馬愛上，所以話就話朋友拉我去，其實我都係半推半就啫😝。呢啲人氣店要排隊就預左架啦，不過佢其實都唔算等好耐，我地前後等左大概二十分鐘。我買左最傳統嘅波霸厚鮮奶，朋友就要左虎虎生威，貪佢有大細珠喎。終於一杯在手喇，點都要影番張打咭相嘅😁。原來佢嘅飲法都有講究架：影完張虎紋相就要上下搖晃，等黑糖跟奶茶融和左先開動。好緊張，好驚佢唔好飲囉，試一啖，咦！好好飲喎，飲落好重奶cream味，質感好厚身，好香好滑，黑糖甜度剛好，同奶茶味好夾，啲珍珠好真，煙煙韌韌，一啲都唔膠。呢杯確係值得去排隊嘅😜。

終於排到老虎堂我諗排左20分鐘左右，不過拎到上手飲絕對唔會失望呀，所以等下都抵既👉🏿 黑糖波霸厚鮮奶 HKD30招牌之選呀每日用獨家炒製既黑糖小火熬既黑糖波霸真係冇得輸，超級QQ彈牙，而且仲超香呀，絕對唔膠🤤🤤同埋黑糖唔會話好甜，加上奶好香好有層次，唔會話淨係得個甜字🤟🏽記住飲之前要搖15下咁就冇哂虎紋同埋入口味道好均衡🤤

The most popular bubble tea in Hong Kong !!!!I tried it last week! Even there was the bad news of the shop, the queue still very long and need to wait over 1 hour ......I queued for 1 and a half hour for this bubbleTea.... the black sugar was sweet enough , but not over sweeten , that’s quite good actually ! The milk is smooth and good taste after mixed with the black sugar! The bubbles are soso , not tender enough , but overall it’s very nice but not worth for 1.5 hour queue .

It opened I think about a month ago. Lineups are forever long, yet people are willing to wait for this elusive drink that people's been instagraming a lot these days. Every ingredients of theirs are measured, you can't ask for less ice or more sugar like the other establishments. It's all fixed, no buts no coconuts. It just goes to show how finely detailed this company is.

放工時間去, 排左唔洗一個鐘!!落大雨, 都不減大家嘅熱情!試左虎虎生風~即係細珠加波霸!一拎上手, 底層熱, 上層凍!先打卡影相. 虎紋清晰可見!之後搖15下就飲得!飲嘅時候, d 黑糖珠已經俾d 冰整凍左!成杯飲品變到好冰!好味!唔會未飲d 冰出溶晒!好重黑糖味 有炒過嘅味道!口感好好, 珠好軟, 煙un唔會出現未熟嘅情況.奶味都適中, 唔會過濃~壞處係太細杯, 好快飲晒!!!有機場會再排!!👍🏻👍🏻希望之前人少d 啦~

又係朝聖嘅時候喇 10點9去到竟然做到隊頭 其實呢杯係難得我飲得晒嘅黑糖鮮奶😂😂黑糖味出得黎完全唔會覺得甜到飲唔到 鮮奶味都有定企～ 然後珍珠大同細都有 啱晒有選擇困難症嘅我 份量仲要幾多添👅