影片
更多
2018-07-19
2927 浏览
講起飲珍珠奶茶，我嘅資歷應該算係老土一輩😅，事關我仲停留係台北春水堂嗰一個batch嘅年代，現下流行嘅一大堆奶茶店其實我都冇乜幫趁過！今日適逢早左開完會，晚上約左人食飯未夠鐘，中間有啲時間，就俾朋友拉左去排呢間人氣黑糖珍珠奶茶店老虎堂😊。早排明明先仲興緊奶蓋茶，咁快一轉就轉左去黑糖珍珠奶茶😏。不過我其實好鍾意黑糖味嘅飲品，特別係嗰種好似煙燻嘅味道，之前去沖繩，試過佢地嘅黑糖咖啡，就立馬愛上，所以話就話朋友拉我去，其實我都係半推半就啫😝。呢啲人氣店要排隊就預左架啦，不過佢其實都唔算等好耐，我地前後等左大概二十分鐘。我買左最傳統嘅波霸厚鮮奶，朋友就要左虎虎生威，貪佢有大細珠喎。終於一杯在手喇，點都要影番張打咭相嘅😁。原來佢嘅飲法都有講究架：影完張虎紋相就要上下搖晃，等黑糖跟奶茶融和左先開動。好緊張，好驚佢唔好飲囉，試一啖，咦！好好飲喎，飲落好重奶cream味，質感好厚身，好香好滑，黑糖甜度剛好，同奶茶味好夾，啲珍珠好真，煙煙韌韌，一啲都唔膠。呢杯確係值得去排隊嘅😜。
今日適逢早左開完會，晚上約左人食飯未夠鐘，中間有啲時間，就俾朋友拉左去排呢間人氣黑糖珍珠奶茶店老虎堂😊。早排明明先仲興緊奶蓋茶，咁快一轉就轉左去黑糖珍珠奶茶😏。不過我其實好鍾意黑糖味嘅飲品，特別係嗰種好似煙燻嘅味道，之前去沖繩，試過佢地嘅黑糖咖啡，就立馬愛上，所以話就話朋友拉我去，其實我都係半推半就啫😝。
呢啲人氣店要排隊就預左架啦，不過佢其實都唔算等好耐，我地前後等左大概二十分鐘。我買左最傳統嘅波霸厚鮮奶，朋友就要左虎虎生威，貪佢有大細珠喎。
終於一杯在手喇，點都要影番張打咭相嘅😁。
原來佢嘅飲法都有講究架：
影完張虎紋相就要上下搖晃，等黑糖跟奶茶融和左先開動。
好緊張，好驚佢唔好飲囉，試一啖，咦！好好飲喎，飲落好重奶cream味，質感好厚身，好香好滑，黑糖甜度剛好，同奶茶味好夾，啲珍珠好真，煙煙韌韌，一啲都唔膠。呢杯確係值得去排隊嘅😜。
张贴
