老虎堂黑糖專売 (渣甸街)

营业中

休息中

黑糖厚鮮奶 $35晚上近9點45分左右才開始排隊，可能是接近快收店的狀態，所以黑糖波霸已經售完，而排隊的人亦不算多，大概排了10分鐘多就輪到我下單。第一次飲老虎堂，雖然招牌嘅黑糖波霸已賣完，但只是飲厚鮮奶也好好飲！好飲到未行到落地鐵站就已經飲完，可能因為無珍珠咬嘅關係，好快就飲哂～黑糖掛杯，搖咗17下，但啲黑糖都未搖匀得哂。不過好似加咗價，之前啲menu都係30蚊。🙁希望下次再去的話，可以試到黑糖波霸啦～

見平日去到唔太長龍即管排下啦，排隊買連埋等攞，半小時內有得飲，叫了杯虎虎生風厚鮮奶，頭啖入口黑糖珍珠真係超滑好得，但反而鮮奶就冇奶味，有點失望，總括嚟講未試過，總要嚟朝聖一次嘅。^ ^ 😋😀👍

放工陪朋友去銅羅灣買野,經過老虎堂附近就已經聞到好香嘅黑糖味,呢排間店真喺好hit..雖然好多人排隊,見人流郁得都幾快,就同朋友一齊排下啦...我哋排左40分鐘~我哋叫左虎虎生風厚鮮奶,凍飲會有黑糖虎紋,虎紋真係幾特別,幾靚...飲之前要上下均勻搖15下先飲,有大粒&細粒嘅珍珠,大粒珍珠好煙韌,好有口感,細粒珍珠細細粒唔洗咬都可以吞,仲好香嘅黑糖味奶茶味又好香.因為唔可以少甜,就覺得甜左少少...

老虎堂雖說殺入香港已一段日子但熱潮彷如近日炎夏天氣，持續升溫朋友T於老虎堂尚未發跡時在台灣飲過一次，表示的確不錯晚上放工路經銅鑼灣，經過看到排隊人龍約十多人，不算太長便鼓起勇氣排隊一試這隻「過江虎」排了約十分鐘，於 21:05 抱著「終於到我啦!」的興奮心情到收銀台突然店員說「等一等」，便跑進廚房擾讓了一陣子，令本人相當忐忑不安最後店員跑出來說:「只剩最後一杯波霸厚鮮奶」本人便相當幸運地收歸是日最後一杯波霸厚鮮奶不到幾分鐘波霸厚鮮奶已在我手上黑糖和鮮奶所形成的虎紋相當吸睛黑糖入口味道相當濃厚，鮮奶味重，口感亦很順滑珍珠煙韌度十足為保持風味，不設冰度和甜度選擇本人起初仍擔心會否過甜，但個人認為可接受而且黑糖本身帶有天然焦香味道，比起砂糖不會這麼「死甜」但冰量確實有點兒多，飲完後還剩約半杯冰總括而言，本人認為味道的確不錯但如果在炎炎夏日下需輪候超過二十分鐘便不太值得排隊人數少的話，本人便會再訪這隻老虎

超級熱和曬的正午,見到得十餘人排隊而條隊又無轉圈.就把心一橫試吓排. 在又熱又焗途人經過暗笑我們百痴的眼老光下,打著傘排了20 分鐘可order. 嚟之前做了功課,知道虎虎生風厚鮮奶可試晒大小珍珠. Order 後只能企埋一邊等號碼. 自己都覺得自己阻街. Because the street is small and very busy. The order number will be displayed on the screen (no announcement). 實在太熱有D客人走過對面街等. 講返杯茶. I really don’t quite understand why people constantly queue for it (even in rainstorm!) It’s just normal bubble tea. There are many alternatives in cwb with the same (or better) standard. The fact that you cannot choose sweetness level i

好少去銅鑼灣上次經過夜晚超多人排但咁岩今日點半唔算多人排左三個字買等多兩個字就有得飲我排之前唔知佢係鮮奶加珍珠以為都係珍珠奶茶我自己本身都唔飲奶，排排下諗住走人不過既然咁多人排隊，評價又幾好咁照排咁岩新出左朱古力味波霸朱古力厚鮮奶咁就直接試新野....俾錢$38嘩......貴到呢！？俾完錢先諗起無走冰走甜果d叫....有少少驚....等果陣走左去行一陣....十分鐘返返去岩岩好下一個到我個樣真係幾靚個底暖暖地搖幾下就飲開頭d朱古力味好出...攪多兩野...平均返有d飲朱古力奶咁...但又有d黑糖味個奶又幾滑最中意係珍珠堅好食好咬估唔到真係咁好味仲驚無走甜會好走唯一唔好，我唔慣飲有冰..平時全走冰

黑糖珍珠奶茶依排係香港愈開愈多，唔少台灣代表好似老虎堂，珍煮丹同幸福堂都相繼進軍香港，平時條人龍真係閒閒地都要排成粒鐘！不過今日happy Friday，有同事去開銅鑼灣lunch完見到老虎堂竟然得十個人排緊，即刻去排埋一份，仲買埋外賣翻黎比我地一齊飲！🐯黑糖波霸厚鮮奶 ($30) 可能拎到翻公司都要差唔多成個鐘，黑糖珍珠已經開始變一舊舊，冇左黑糖掛杯，本身仲諗住可以影下相呃like嫁嘛😫搖勻飲落去，珍珠會比平時既Q啲同多左陣黑糖甜味，滿足😋另外鮮奶同黑糖都好夾，唔會過份地得個死甜，仲keep到奶香！不過由於送到翻公司都成粒鐘，攪到啲冰溶得七七八八沖淡左少少好可惜。下次都係自己去排再即場飲影翻張相打卡呃下like先✌🏾話是話，🍘👦🏻期待左好耐既珍煮丹今日都係銅鑼灣開左啦🤤唔知會唔會又有多條長長既人龍要排成粒鐘呢？🤔

排左1個鐘倒既老虎堂🐯 味道如何？🤔鮮奶過甜 奶香味並唔突出 不過珍珠幾煙韌 有好濃郁既黑糖味 拋開係咪係手炒 佢冇乜虎紋呢點小編頗為失望😞（說好的掛杯呢？）呢個價位 飲糖水feel kum 鮮奶又唔多好飲 醇滑又冇乜 大家想試可以慳返😐

最近打開所有介紹台式飲品的網站/雜誌，都一定見到老虎堂的大名。今晚約左人食飯，但友人又未放工，見仲有成個鐘時間，就走左去挑戰排老虎堂。去到揾唔龍尾，要行到好遠，之後又被指示排入後巷。建議大家排隊果陣唔好掛住打機，因為我排一個鐘，都有2個定3個人扮無知想係中間攝入黎。真係足足排左一個鐘，排到我果陣，收銀哥哥又要去準備D杯，其實見到都覺得佢地好辛苦。叫左呢度的招牌「虎虎生威厚鮮奶」，真係好好飲，係超香鮮奶加黑糖再加大細珍珠。飲品甜度無得揀，但甜度剛好，雖然網上話黑糖珍珠唔係手抄，但都好彈，最緊要係全部都熟。

今天路过铜锣湾，本来打算去希慎广场吃饭，因为大雨，所以发现老虎堂人不算多，大概就折一个来回，於是思索再三，那就去拍个试试咯，朋友都说我疯了那麽恶劣天气，不会速度确实很快，大约20分钟就拿到饮料了，味道还不错，比鹿角好喝呢，杯子不算大，每个珍珠包裹黑糖，很满足，食量大的可以点两杯

今日難得見無咩人排就去左買，因為我平時都成日經依條路，但都超多人lol😟😟如果要排成個鐘就太曬我時間🤷🏻‍♀️🤷🏻‍♀️🤷🏻‍♀️我係星期一 12.42pm排隊，12.52pm已經買左✌🏻然後等4分鐘就攞埋飲品☺️✨其實只係用左14分鐘🤣🤣飲落係好飲過台灣因為台灣太甜，而香港既就比較啱香港人口味雖然未至於超好飲，但都值得一試☺️（少人排隊的話）要排成個鐘然後買依個水準既飲品當然超不值😂🥛🥛黑糖波霸鮮奶🥛🥛

賣相吸引100分 虎紋明顯突出茶味黑糖味甘香濃郁、黑糖香氣愈嚼愈香、不甜不膩而且珍珠有光澤大粒，Q彈帶點韌度、質感有層次、有明顯嚼感，份量也多如果唔使排咁長時間隊就好了🙏

難得黎開銅鑼灣，真係想試一試大熱既老虎堂，閒日夜晚九點零去到，人唔算多，十零個啦，店員落單都算快，等野飲都唔耐啦。不過好彩行快一步，就黎到十點既時候，有個店員企係龍尾話截單啦，手快有手慢無。叫左呢度既招牌虎虎生威厚鮮奶，係好好飲，其實係鮮奶加黑糖再加大細兩種珍珠。鮮奶夠香，黑糖唔會死甜，甜度剛好，大珍珠就平時既倍半咁上下，好彈好q，細既就平時一半度，唔係好咬到就吞左了。其實出名真係唔係無原因，真係好好飲，排都抵。

台式珍珠奶茶風靡一時，我一定要湊下熱鬧，黎飲呢排大熱既—老虎堂啦之所以叫老虎堂，相信係因為佢地手搖出黎既厚鮮奶有特別既"老虎紋理"。一於排隊試試佢唔係講笑，夏日炎炎係銅鑼灣排隊真係會令人中暑，我當日排左將近一個鐘先落到order比到錢，你以為咁就有得飲??少年你太年輕了😂😂連攞野飲都要重新排隊啊，於是我又等多半個鐘…我點左虎虎生風厚鮮奶相機飲先，打個靚卡，再根據店家指示shake15下先飲。呢杯有齊波霸&小珍珠，o趙落大既波霸珍珠煙韌同Q彈，細既珍珠就冇乜o趙頭，但我更鐘意細珍珠，因為懶人唔想咬😂😂😂兩款珍珠mix埋一齊口感豐富有層次。由於鮮奶上面有一層厚厚既奶霜(即奶蓋)，飲落更香更滑。用黑糖炒過既珍珠特別香甜，黑糖香同鮮奶好夾啊！不過飲左十啖就飲哂，因為有3份2杯冰😅😅😅😅😅

是次假手於人，由朋友千辛萬苦，排了約20分鐘才買到的老虎堂。幸好是午間時段去買，聽說朋友在傍晚時份去，茶是有的，珍珠卻售罄。珍珠可是重點呢！是次揀選了綠茶拿鐵（$24）加珍珠（+$3）價格合理！我點了少甜少冰，台式飲品一般少甜或微甜都很夠甜了，這間也不例外。如圖所示，珍珠還不少呢！而且顆顆都是小小粒的，很容易吸到飲管裡。因此一杯喝到底，珍珠也吸光了。珍珠的口感很軟很容易咬，當然也會較大顆的容易消化。所以才說：珍珠是重點呢。總結：味道和價錢都值得再喝！