老虎堂黑糖專売 (渣甸街)

营业中

休息中

作為銅鑼灣扮工一族嘅我，雖然一早已經想試老虎堂，但無論Lunch Time定收工，總有幾十人排隊。今日食完飯經過竟然得十個人左右排隊，同同事一齊二話不說即刻排隊，排左大約15鐘左右就排到，向來鍾情大珍珠嘅我，叫左「波霸厚鮮奶」，真係好期待。買完就要搵個地方等拎，鋪頭嘅位置喺一條好多人嘅內街，加埋都幾曬，等嘅時候真係唔個企邊好，最後唯有企去後行等，好彩只係等15分鐘就有得拎。拎到杯野飲，當然要第一時間影返張相打下卡先，啲老虎紋真心係靚，外表100分。打完卡就要快啲搖勻佢黎飲，因為佢無得揀少冰，所以要喺啲冰溶令佢淡之前快啲試。一飲果然無令我失望，香濃奶味中滲透出陣陣黑糖香甜，兩者份量剛好，唔會搶走對方味道，珍珠size同其他鋪嘅大珍珠差唔多，但係出色嘅，因為珍珠中間係熟嘅，但又唔會煮到過淋，抵讚!老虎堂係近期飲過最好飲嘅台式飲品，下次要試埋佢嘅虎虎生風系列同鮮奶系列!

係香港一要排長龍，就咩都出晒名！雖然之前有報章澄清過唔係每日炒嘅珍珠！但係難得同事話去排隊買，梗係搭單買啦！嗌咗杯最多人嗌嘅珍珠奶茶，佢奶味唔重，但珍珠有大細唔同size兩種質感👍🏻但係啲珍珠真係好濃嘅焦糖味！d珍珠好好味🤤

老虎堂自從由台灣來到香港之後，城中人都趨之若鶩到來朝聖。任何時候經過都會見到一整條長龍。主打的黑糖波霸系列利用黑糖和打厚的奶霜營造了虎文的外觀，真是十分創新🐯🐯！甜度和冰度是固定的，用了黑糖感覺比較清甜和健康。茶味和奶霜的味道配合得剛剛好， 奶霜經過打發之後令到口感更加順滑，飲完又飽腹感。波霸口感彈牙煙韌，證明是水準之作。整體來說一杯十分不俗的珍珠奶茶。等了整整一個鐘可算沒有令我失望👍👍👍

最近有老虎堂係銅鑼灣開左鋪啦！一向中意飲珍珠奶茶既我緊係唔會放過啦，不過聽聞閒日至小要等一個鐘先飲到我真係有小小卻步。但係女朋友仔中意唯有硬住頭皮去馬啦。買左兩杯signature黑糖珍珠奶茶，提一提怕肥既你，甜度係定左既！d珍珠係幾煙un既，趙落同一般牌子係有分別。奶味濃到核爆，再加埋黑糖果種甜味，飲完食咩都唔覺有味。不過整體係幾好飲既，如果叫再排多次？哈哈

老虎堂自從在香港開幕以來，就一直引起極高的關注度及討論度。即使要在烈日炎炎之下排2個鐘頭隊，亦無損港人對黑糖飲品的熱情。老虎堂的黑糖飲品一向好出名，今天我跟朋友特意坐地鐵來到銅鑼灣，就是為了它的招牌黑糖波霸；我跟朋友去到的時候是中午1點半，當時人流還不很多，排隊大概只需要15-20分鐘便可以購買飲品。我為了它的波霸特地前來，所以當然毫不猶豫點選了 黑糖波霸系列的「波霸厚鮮奶」。波霸鮮奶的虎紋只能維持3分鐘，所以在快速打卡影相過後，店員指示要搖勻15下才飲用是最好的，但是我準備開始搖勻時，鮮奶會噴出來，所以最後決定用飲管攪勻xdd 輕啜第一口時鮮奶味道非常香，奶香在口腔中亦會維持一陣子，回味無窮；黑糖味道亦能與鮮奶的味道中和，飲到黑糖的甜味的同時，亦能飲到鮮奶的香味：波霸粉圓口感偏軟，適合喜歡偏軟身粉圓的人。整體不俗，值得一試。

人氣台灣飲品登陸香港，長期都要排長龍，有無真係咁好飲呀？今日路過銅鑼灣，可能時間尚早，未有好多人排隊，即管買黎試一試堅唔堅。排左半個鐘，終於到手。我揀左招牌虎虎生風，其實就係大黑糖珍珠加細珍珠配鮮奶。黑糖混合鮮奶造出了虎紋既外表，係有特色既。影完張相就搖一搖，跟住吸左一啖。味道唔錯喎，鮮奶溝了黑糖的味道好特別，好好味。大珠彈牙煙靭，小珠入口即溶，多層次既口感令人愛不釋手。30蚊一杯，係好飲嘅，但貴左d囉。如果大杯d會開心d

自夏季的來臨，香港多了很多形形式式的台式飲品店。索價太多$30，價錢快要追上連鎖的咖啡室了。來到老虎堂，付了錢後便可以等待飲品。是次點了一杯波霸鮮奶，味道不錯，黑糖味濃郁，而波霸則是加大版的珍珠。波霸吃下去，味道稍糖，口感還算彈牙，表現也算是同類型產品的中上。波霸鮮奶是沒有任何茶底，只有黑糖鮮奶及波霸。整體而言，三者的配合程度也很高，飲品亦可以體驗到奶香及黑糖甜蜜。唯一不足之處，便是店家出品速度有點慢。當天還未營業的時候已有大約30-40人排隊等候，直到飲品送到手上，全程大概一小時。大熱天時下，慢長的等待或許會令人卻步。

4點幾黎到，見到比錢既人多過等拎既人，覺得咁應該唔洗排太耐，所以就排左喇！大概排左１０分鐘，一買左飛就再等５分鐘，覺得佢地入面運作應該做得唔錯🤔起碼唔會好似其他鋪頭等多過買既人。買左杯波霸厚鮮奶 $30有跟足指示，搖返佢十幾廿下先飲！成杯野個賣相好飲就大家都知。內在美呢？🧐個人黎謂幾鍾意佢地波霸既口感，好有咬口，唔會太硬或太軟！奶味濃，果然係厚鮮奶！對於我黎講有點太甜，但對大部份人應該就唔會。我諗可能因為無得揀甜度冰度，所以佢地既出茶效率較高。下次都會再黎！😛

聽聞了很久的老虎堂鮮奶很好喝這次便來到了銅鑼灣新開的老虎堂喝一喝天氣炎熱但仍然有很多人來排隊這次我也不例外足足排了45分鐘才買到還是選擇招牌的喝吧排是排很久 但是喝完後覺得不是值得這次選擇的是波霸珍珠+小珍珠 口感層次很豐富黑糖味道很濃如果喜歡黑糖的你應該很覺得很不錯但是我覺得太甜這間店是不能小冰所以冰也是一定分量的多會有下次 但不是特門的去買而是經過才會再嘗一次吧而且最近新聞說這間的黑糖是機炒但它卻是以手炒而聞名 欺騙消費者真的不值得再光顧啦！

一直想試台灣既老虎堂，可惜上次去台灣未有機會！難得開黎香港，試下係咪傳說中咁厲害先！閒日既早上，前後用左20分鐘，虎虎生風厚鮮奶就到手喇！第一啖，失望！飲多幾啖，越飲越失望！！老虎堂既重點係黑糖珍珠，偏偏呢樣野做得好差！！珍珠食唔出黑糖味，部分好淋，部分又偏硬，完全無Q彈可言！！至於個奶，一開始飲係好重奶香味，可惜唔比少冰，當d冰溶左一半，成杯野變得好淡口好水！！朋友話淨係排20分鐘係好好彩！我就話莫講20分鐘，下次唔洗排隊都未必再買啊！！

諸葛亮都三顧草蘆， 我就來左第四次至狠心排隊， 之前三次都太多人而「無從」（不是武松）打虎⋯ 今日人流比之前少； 由排隊到到手只用了30分鐘！一到手， 視覺效果一流， 忍不住打一打咭； 「虎紋」是用黑糖漿吱在杯中造成「掛杯」效果。據店內介紹， 老虎堂喺黑糖虎紋創始店；飲前要上下搖晃15下， 令到杯內既珍珠及鮮奶溝勻； 筆者望到店內採用明治牛奶， 質素算是較有保證。拿到手， 杯底是暖乎乎， 頂部卻是冰的； 仔細看， 珍珠有大顆及細顆， 增加口感； 一入口， 牛奶拌和奶霜後一如所料地濃厚； 啜進黑糖珍珠後， 滿口都是濃濃的黑糖焦香⋯ 筆者比較喜歡較軟糯的珍珠（正後悔應該在搖晃前先試一下黑糖珍珠的味道）， 珍珠是恰如其份的Q彈， 一個牛奶黑糖成功融合的示範！轉眼間就喝剩不多， 冰開始融得七七八八， 珍珠也吃完了⋯ 剩下的鮮奶因溝了水既關係溝淡了而變得無味⋯ 所以建議各位盡快飲完～ 打虎成功， 下次可以再試試暖飲！

今日行過銅鑼灣，緊係要試下呢期最hit既老虎堂。行到去見到條人龍都唔係太長，最後排左30mins，佢個menu有d奇怪，中英文又唔係太岩，有d混淆。一次過叫左波霸厚鮮奶同虎虎生風厚鮮奶。其實兩者分別只係前者只有大細珠，而後者大細都有...如果唔要珍珠，淨係要黑糖厚奶反而貴5蚊（係個收錢姐姐講既，menu唔係好搵到）...好奇怪👀 等左10mins終於到手啦，比想像中細杯，係其他台式飲品既細杯裝，但就賣30蚊。影出黎都幾靚，同之前網上見到既一樣。 珍珠有咬口，但大細珠同時出現好奇怪。黑糖夠味但亦略蓋過厚奶味。厚奶飲落係平時整蛋糕未雪實個個味，好多cream、糖同奶...真係好普通... 如果真係想飲，可以等熱潮過左，唔洗再排先試都唔遲。

今日只有一個工作，就係打老虎！！大爺尋日話想飲黑糖鮮奶佢竟然話想飲，估佢唔到為左老公，當然要嘗試打老虎啦，不成功不成仁但係最近老虎堂太火紅喇，真係驚要排兩個鐘先飲到本身諗住一早辦完私事，係大爺放工前一個鐘去排，但我既拖延症又發作，慢吞吞先去。結果早10分鐘先去到由希慎一路行去渣甸街，望到舖頭無耐見到有人排隊，由於只有我一人，只問了隊尾的是否排老虎堂就直接排了。無辦法再走上前確認。驚返黎又多幾個人。由於落雨（幸好不算超大雨），排隊的人比我想像中少，因為我都看到舖頭係對面，前面最多40人左右啦。不過落雨排隊始終比較狼狽，又要顧及行人，雨水。。。渣甸街人流又多店面小小，入面有超過6位少女店員工作最後，始終唔可以係大爺到來前入手。但已經誇了一大步，很快就可以order，之前上網有做過功課，大概已經決定要order 那一款。招牌有兩款，波霸厚鮮奶及虎虎生風厚鮮奶兩款都含奶霜，大爺話想試大小珍珠，所以我們點了虎虎生風厚鮮奶（$30）真的很幸運，由排隊到虎虎生風厚鮮奶入手只用了30分鐘，天助我也！終於入手了，店員很細心的提醒我飲之前要先搖15下才飲。顏色好靚，黑糖配上鮮奶這美美的顏色，打卡呃Like

最近各大社交平台📱都被老虎洗版🐯，經歷了多次打老虎都失敗了😭，這天下午經過銅鑼灣📍，特意再來一次💪🏻。標榜人手製作黑糖🙌🏻，加上全天然的食材🍃，雖然最近被揭出他們以機器代替人手🖥及添加物疑雲🌩，但都阻止不了人妻🐷打老虎的決心！可能因為天雨關係🌧，今天的人龍🐉不算太長。不過看到原來有很多人是買10杯外賣的😱，等候時間有點長😥。餐單📜與一般珍珠奶茶店差不多，款式也不算多🤔，價錢是偏貴的💸。虎虎生風厚鮮奶🐯：等了20分鐘左右，老虎終於成功入手😍！根據店員建議，先為老虎拍照打卡📸，再搖晃把黑糖混合👏🏻。黑糖味尚算濃郁🤔，鮮奶亦頗香滑🍼，不會太甜，煙韌的波霸與珍珠的組合為口感增加了不少層次感👍🏻。可惜冰的份量太多❄️，佔了大半杯😰，大大沖淡了本身應有的黑糖香味😢。總結：時間、價錢跟味道上不成正比❌，喝完後還有半杯的冰😡，可算是試了就算系列之一😩。

老虎堂近排最輕最潮嘅珍珠奶茶莫過於老虎糖莫熟！星期六嘅早上我同女朋友一早就已經嚟到銅鑼灣嘅老虎堂排隊啦！比想像中快我哋只係排咗30分鐘，二力嘢飲都係等左10分鐘到就有啦所以都唔係傳聞中嘅排一粒鐘咁耐！幾經辛苦杯嘢飲終於到手，甜而不膩，濃濃嘅黑糖味深入我每一個毛孔！叫我呢個珍珠奶茶控，點樣抗拒！