老掌櫃東北菜館 (海之戀商場)

营业中

休息中

因為成日行過大角咀個間都多人排隊 咁啱7月尾黎荃灣西諗住試下 聽講最出名片皮鴨 不過大爲失望我知道呢個價格唔會話十分好食 但片“皮”鴨 我認爲至少皮占到一半 而唔係得一條邊 而且d肉都幾“鞋”下第二 配料真係太少 得八條仔青瓜 我一舊包一條都仲有成一半冇得包(我同朋友都唔食京葱) 問個侍應先生佢話再要要加錢 我明白可能餐廳可能驚人借d依叫好多 但對於我地呢d真係有需要既人就完全忽略左第三 冇凍水 夏天咁熱衹有熱水 爲左令人俾錢叫凍飲居然連凍水或者常溫水都冇 一句到尾 應該都唔會食多次

假日諗住去荃灣Donki行一行，結果好多人呀！行都攰啦！就去隔離的老掌櫃食店醫肚，之前試過食晚飯片皮鴨，一句平靚正👍今次食lunch，見張點餐紙好抵食，不過不知味道如何？大家點了不同食品，有口水雞伴麵、欖菜肉鬆炒飯、紅燒排骨菜飯丶紅燒燉肉菜飯、菜肉雲吞，四個人食都飽晒！因為太肚餓的関係，有啲食品忘記影相📷各款食品味道不錯碟頭夠大超抵食不過不要要求有什麼服務，因為餐廳人手較少，人流又多，大家要體諒一下啦！

本身幾鍾意食呢間店既小菜😋 食到平時少食D既東北風味價錢又唔會太貴💰 今次一黎到見到有Outdoor座位即刻鎖定左🏖 絕對推薦唔熱既時候坐室外‼️ 望住荃灣海邊日落既景色☀️對我呢個外區黎既人感覺好Chill🍸 食物就一貫平時既質素有水準🥰⭐️ 北京填鴨 🦆每檯必點既招牌🤣 鴨皮烤得好香脆🔥鴨既脂肪好似唔夠多 唔夠油香 呢度既烤鴨醬唔算太重口味所以加上饃饃反而有點Kebab 的感覺🌯⭐️ 椒鹽小黃魚 🐟酥炸的口感好香口😋椒鹽口味點到為止唔過火食完都唔會太口乾🧊⭐️ 肉三鮮 🥟粒粒餃子都好飽滿😚餡料豐富有豬肉同蝦仁🦐鮮味十足⭐️ 四喜烤麩 🥨稍微有點失望😅 醬汁太甜而且口感太濕 唔係好吸引

本人非常幸運在某小x書見到呢間野就馬上喺某平台訂咗個位本人不是什麼識食人有幸見識到片皮鴨首先唔撚使講嘢青瓜刀工非常重要嘅嘢講三次青瓜刀工非常難得一件手指咁粗都算撚數肉梅過梅菜都算招數加上嗰碟味精羊肉真心令你流連忘返去完記得寫好評食得味精多笑呵呵但係都唔洗咁柒多

職員勁西面 叫佢落單超西面話自己掃QR code啦 鬼知咩第一次食 咁掃囉三部手機掃咗幾次一直出現錯誤同經理講 佢竟然拎安心出行俾我哋掃食片皮鴨 送得5條切咗嘅青瓜條（細條問個職員可唔可以俾多少少 唔得啊 十蚊一碟？？？叫羊骨 又真係俾一大條骨我哋架喎炒飯 凍上 👍🏻👍🏻成間餐廳大家態度好hea架 唔得啊 十蚊一碟？？？叫羊骨 又真係俾一大條骨我哋架喎炒飯 凍上 👍🏻👍🏻成間餐廳大家態度好hea架 👍🏻👍🏻

荃灣店第一次惠顧，以後食鴨也在大角咀店，因為今次帶埋姨甥女，荃灣該坐得舒服啲☺️☺️☺️叫片皮鴨是常識，好食就必然，刀工勁，每件均勻，有肉有皮，不肥膩👍🏻👍🏻👍🏻酸辣湯係我既至愛，必叫.....酸酸辣辣味道尚可，標🌶一隻，比紅油抄手🌶🌶還要辣🤣😂🤣😂紅抽抄手口感好，皮不夠，但味道普通........重頭戲出場啦，桂花魚✌🏻✌🏻✌🏻太好味啦，魚炸得好，肉不散，整條魚的肉也可吃，必再叫👍🏻👍🏻👍🏻

今晚我們叫了個水煮魚，在点餐app，可選魚種類，我們簡單要了便宜一点的龍鯏魚及2款餃子和京燒羊肉。我們食完後，埋單時，要成＄5XX，跟在app上預算的＄3XX有不同，故問了一下...点知個Cashier那位即時話，你們係食咗桂花魚喎...我話我哋係点龍鯏的，你哋嚟錯咗，点解要收我們貴D呢？佢只一路話我哋係食咗桂花，都係果句...其實我自己係不懂怎分別什麼魚的，但佢俾我的感覺係：佢查都冇查，点解佢咁快知道我們係食桂花魚呢？是否她們已知道冇平D嘅魚，所以照出“貴D”果條魚，又冇話我們知，到時客戶埋單就瞞天過海呢？講真，“貴魚”其實唔值，因為水煮個湯底及材料，好似煲咗好耐唔新鮮，而且魚份量很少。這裏真的冇下次了。完！

一早就已經係OPENRICE到訂左位早左大約10分鐘去到 點知人山人海 心諗好彩訂左位點知果堆人山人海全部都係訂左位既然後安排極混亂 得一個呀姐係到處理仲要極求其 我見有人行埋黎係餐廳mark booking record果張紙到求其指話呢個係佢就入到 連問電話姓咩都唔洗理..問極都話執緊就黎有 最後等左成個鐘先有得入去坐露天都唔緊要 問題呢到海之戀黎 望住個海感覺幾chill 但聞落去就成陣垃圾臭味 影響食慾野食方面 價錢唔貴 份量亦都唔會太少 但味道全部都好一般片皮鴨幾抵食 招牌野係有番d水準但其他野都好一般特別係螞蟻上樹直頭係難食叫左拔絲地瓜 上到黎凍哂硬哂都算 問題佢仲放低一兜水 係到 但完全唔講有乜用 成台人食呢個野果陣成個傻仔咁好在大家都飽既情況下人均唔洗150蚊 但咁既質素加埋咁既服務態度 book左慘過未book位咁 唔太建議去食 平既片皮鴨有好多選擇

係疫情下食一餐晚餐要同時間競賽BOOK左8點，睇住幾枱WALK IN的都入座，等到8：15左右終於到我地了。好彩仲有片皮鴨（最後一隻），我地係為左片皮鴨而黎的今次仲試叫餃子，啲餃子唔錯，粒粒都飽滿當中糖醋魚柳塊個汁好正，配飯一流。上湯娃娃菜就偏咸了其他菜式就不過不失

同朋友食生日飯留半隻鴨四個人食原來都已經好飽肚啲皮偏厚，有啲難咬但鴨肉相對都厚肉唔係出面果種薄片超值🥰之後配埋蔥同青瓜加啲醬食正🥰不過係啲皮真係厚左啲但係食材感覺新鮮之後仲叫個蒜泥茄子雖然賣相唔討好但蒜味十足好多蒜泥之後叫多左個豆沙餅啲皮同片皮鴨一樣但就煎得林身啲易入口好多，正常水準忘記拍照最後因朋友生日加左50$切餅Total 33X都算抵食😙片皮鴨必叫之後仲要送左幾張30$coupon滿200可以用之前係大角咀食過店面有風味但荃灣西就相對闊落同光猛坐得舒服啲睇大家中意邊種

其實平時兩個人搵嘢食真係有點困難，又唔想食太飽，又想試多啲菜式和新餐廳。一直都好鍾意食北京填鴨，但礙於害怕份量太多，終於搵到一間東北菜可以2個人食，而且價錢又優惠。今晚點了主菜北京填鴨半隻$168，配上清脆嘅青瓜和甜醬，食得非常滿足，再點了10隻京蔥羊肉餃子和涼伴小食（忘記了名字，但記得影相），京蔥羊肉餃子，肉質鮮嫩有肉汁，好好味呀，涼拌小食酸酸味味，絕對適合炎炎熱熱🔥夏天的美食，而且份量剛剛好！

之前喺大角咀食過而間餐廳，覺得唔錯！今次見到喺荃灣開左分店就黎試下。今次試左水煮牛肉，非常足料抵食，味道有少少偏鹹，勝左夠大份。片皮鴨叫左半隻，$168，唔算差，有少少酥味。所有野食都偏鹹，超大份，價錢平，好抵食

荃灣老掌櫃位於海之戀，Donki隔離，地點好方便而且對住無敵大海景一餐好舒適既晚餐就係咁開始但要留意，呢到係只收現金。餐應採用QR code落單，但如果要叫北京填鴨，就需要叫店員親自過黎落單。白菜豬肉餃(10隻)，餃皮微厚，但內裹多汁，一咬開就見到好多豬肉，夠晒足料麻醬冷麵，原來一d都唔簡單，麻醬香濃而且配菜有好多，青瓜絲，紅蘿蔔絲，仲有豬肉係上面。香口既配菜加上麻醬一齊食，混合埋豬肉既鹹味，令成個冷麵增添風味五香牛肉麵，牛肉軟腍，鹹香十足但唔會有油膩感終於輪到主角，北京填鴨見到鴨肉幾咁粉嫩已經流晒口水，外皮鬆脆，滿滿既鴨油而且份量都唔少，差d包唔晒

因為有可靠朋友介紹，所以係冇訂位情況而又打極電話冇人聽，我同埋屋企人係假期最後一日嘅5:40去咗荃灣海之戀嘅老掌櫃搵位食晚飯！你冇睇錯！5:40就去攞位食晚飯！唔係淨係我呀，見到其他客人同我一樣未夠六點就搵位坐低。老掌櫃係Donki隔離，位置好方便但個個掛住睇DONKI好容易miss咗間餐廳。餐廳格局比較簡潔，落單服務係用QR code自助落單嘅！要求靚裝修、有服務員服侍嘅顧客，呢間可能就唔啱你啦！淨係知道可以叫半份北京田鴨，半份價錢$168都算正常合理！餐牌好厚，好多餸揀！終於叫咗4個小菜、半份北京田鴨、3個甜品，埋單只係$480！碟碟餸清曬，唔會唔好味啦！如果鍾意食東北菜、又唔必須睇/坐靚裝修、要求有服務員服侍嘅話，我會叫你去試老掌櫃。老掌櫃係近期難得全家一致同意可以再去食嘅餐廳。

一早打咗去book位，去到先臨時執好張擺滿曬雜物嘅枱比我哋坐，呢下已經覺得間野唔多掂。到要嗌野，啲staff會係咁扮見唔到你。咁終於嗌到個staff嚟，又會話唔得閒幫你落單，叫我寫喺張紙到比佢，然後又急急腳走左。寫完又揮咗一輪手先終於落到單。我哋嗌咗5樣嘢食，唔計個涼皮，3樣都係凍嘅，剩低個樣都只係暖炸😅😅😅得個白飯係熱😅😅😅😅一心嚟食片皮雞，見咁多人推介，又凍，個鴨皮又唔脆，個肉又鞋🤮總結 好差 唔會再食