老掌櫃東北菜館 (海之戀商場)

营业中

休息中

今天到海之戀辦點事，處理完已二時許⋯⋯之後找地方醫肚，在 Donki 附近看見有間火紅紅的食店，非常搶眼。開放式店舖，依個時候食客坐滿八成，一於入去研究一下⋯⋯由於飯市已過，可以選個心水位置，一於對住海景吃個午餐。餐牌雖然只得一張前後各一頁，但也頗多選擇:客飯餐，菜飯只加$2，相當合理；而湯麵餐改刀削麵就加$4; 燉菜餐; 餃子餐，還可追加小食，相當有彈性，難怪看見隔離枱，三五知己，點菜點得像晚餐一樣那樣豐富。排骨擔擔麵$44~只得一支公，簡單吃便算，排骨炸得香脆可口，一讚👍🏼至於這碗擔擔麵，份量足，酸度夠，稍嫌麻醬未夠濃，但也算味道豐富。配熱豆漿另加$4, 豆漿唔算太甜，而且夠杰身，以午餐這個價錢相當合理。

老掌櫃東北菜館位於海之戀商場2樓，即係DONKI 附近，位置比較隱蔽。可以選擇坐室內或者室外，呢間餐廳價錢比較相宜，而且仲要免加一服務費。近窗邊位置有落地大玻璃可以望到藍巴勒海峽，成間餐廳都好光猛丶整潔丶乾淨企理。今次黎試下呢度嘅餃子，餃子款式都有好多選擇，有素三鮮(白菜仔丶甘筍丶木耳丶冬菇)丶肉三鮮(豬肉丶韭菜丶蝦仁)丶白菜豬肉⋯⋯，餃子可以配麵或者淨餃子，如果淨餃子就有十隻，如果餃子配麵就有五隻。今次揀左上湯雲吞和肉三鮮餃子，仲加左$15 跟一份四喜烤麩。餃子好大隻和足料，不過四喜烤麩就麻麻地，味道比較清淡。服務方面一般。2021年5月19日

素三鮮🥟餃子刀🔪削麵中午於荃灣開餐，天氣悶熱選擇外賣🥡吃麵。走到海之戀商塲搵食，最後決定試試這間東北菜館，叫了一客素三鮮餃子刀削麵。湯及麵分開上，店子另收二元兩個外賣盒，共$46。素三鮮餃子5隻，主要餡料是切得碎碎的白菜仔🥬，微微吃到木耳、甘筍、冬菇碎但實在不顯眼。刀削麵條整齊算是淋滑，肯定非人工刀削，麵條欠缺刀削不規則寬條的Q彈之口感。湯🥣料味道可以接受亦夠熱。整體來說只是一般的餃子面。

老掌櫃係我地叫外賣嘅飯堂 好食之餘仲冇好似其他餐廳咁係外賣每樣野加$20-30午餐$4x 水煮牛/水煮魚都有晚市一半份量 再配飯真係好抵又好飽 仲好足料 牛肉或魚柳份量都好多架 仲有超甜娃娃菜、黑木耳、芽菜、粉條等配料 大滿足 不過魚柳有時有泥味/胡椒味好重溫馨提示：唔知近排係唔係生意太好 叫外賣晚市份量大減好似得番餸頭餸味 又冇乜肉/粉條外賣有時包裝唔係咁好 水煮餸嚟到通常都瀉晒

此店標榜東北菜，由於我並未去過東北，所以唔知佢似唔似東北菜，但係，平時食開辣嘅我，覺得個d辣味都似模似樣。雖然唔係話辣出煙，但有至少足夠椒味！1. 叫了小食，豬耳同粉皮都好味，豬耳夠入味係重點。2. 餃麵幾正，一般d酸辣湯麵落好多豆粉，食兩食個湯變到好熙。呢個好難得係少數唔係咁嘅。個湯唔係多豆粉果d，所以個味比較真材實料。唔會攪兩下變水狀。d餃足料大隻。隻辣味至少有椒味，好得我心。麵餐飯餐都抵，四十幾五十蚊都食飽飽。餐廳又寬敞，有自然光，幾舒服。會再去。

當日大約下午5點鐘就walk-in入去 好好彩有北京填鴨嗌 唔使預訂。 入座後店員就幫我哋落咗半隻鴨，我哋再嗌多個擔擔麵，肉三鮮煎餃，同拔絲地瓜。先說填鴨，鴨與包皮的温度沒有想像中的熱，鴨又沒有想像中的嫩。或者是臨時下單才有這種質素。煎餃有驚喜，肉汁爆滿、肉味十足，可以一戰。拔絲地瓜只能說是失望，皆因下枱時地瓜上的糖醬已凍，顧客很難把它夾起。用餐的體驗也十分狼狽。可是擔擔麵可謂全餐之最，辣味十足，花生醬濃郁，麵質掛湯。幾好幾好。總體而言，地方環境比大角咀店更好，但論食物質素，大角咀分店各類食物都被這荃灣海景老掌櫃更佳。

【環境】個日好好彩地同職員講想坐出面好快地已經入座係露天位置望住夜晚既海景吹住少少風好有feel❤️❤️❤️【片皮鴨】🌟點左半隻片皮鴨❤️好好好好食👍平時好少食東北菜感覺好神奇皮薄饀靚😆鴨既肥瘦適中肉質都幾好❤️配上青瓜，大蔥同醬汁👍👍重點價錢都幾抵食！😝3個人去食，份量好足夠！【糖醋排骨】🌟味道好驚喜❤️第一次食見到個賣相諗起韓國料理糖醋肉！食落去好香❤️❤️甜甜地雖然油炸過但係食落口又唔會覺得太油膩脆脆地既外皮咬落去滿滿既肉❤️❤️好食好食位置係donki 隔離下次如果再去donki 都會再食依間：）值得再黎❤️

CP值高，人均大約130元已經有四個菜式加一個炒飯再加酸梅湯！正！環境也是乾淨衛生，服務員態度非常好，很勤快，上菜速度也很快，值得推薦！食完仲可以去旁邊的Donki 行吓，非常方便

用網上點餐，手機不能顯示圖片，叫伙記協助竟然講幫你唔到！老人家如何點菜？伙記態度差，兩個女的還可以！開始唔知點了片皮鴨要開聲叫伙記起菜才送上，要問伙記伙記才說，之後叫上菜伙記又冇幫我落單，再等一排問第二個才知冇幫我落單！片皮鴨霉而冇味，燒羊還可以，豆沙窩餅味道同個皮怪怪的！小黃魚太咸！最後竟然只收現金，失敗中的失敗！

📍 【老掌櫃-抵食北京填鴨🦆】唔知有冇人同我一樣好鍾意食北京填鴨👀 我細細個試過一次之後就返唔到轉頭😂🤣 見親都會嗌黎食😋😋海之戀商場開咗之後多咗好多食肆，又多咗個選擇比荃灣人，本身住開真係諗唔到有咩好食🥲 宜家商場入面既食肆好多性價比都高😎 而呢間我都介紹咗好多身邊既fd子去食，佢地一致都覺得唔錯又抵食🤘🏻🤘🏻講翻我醉薆既北京填鴨先🤪 💰168半隻半隻已經夠2-3人食，如果係星期六日夜晚食，最好早啲打個電話去book位同留定隻鴨😂 佢weekend都full 。 隻鴨佢都燒得算靚，而且啲鴨唔肥，唔會食到成口肥膏嗰種🥵 配料佢亦比好多🤩 食到最後仲有配料剩，唔係兩條蔥比你就算嗰啲。 不過個皮就厚咗小小，個人覺得如果再薄小小做到皮薄餡靚就perfect，令個口感唔會太full，全部都係好厚既感覺。多人食既就可以嗌埋啲小食share😎雞絲粉皮 呢個個醬都幾好食，不過味道唔夠濃郁，麻醬味再重啲會更加正🤘🏻另外，lunch都試過佢個啖啖麵，個湯底都幾濃唔會好稀，而且好多肉碎係底，就咁食一碗已經好有滿足感回鍋肉 💰$78呢係都幾惹味，雖然有啲油但配飯一流🤪🤪麻辣豬耳同湯餃都唔錯，個湯幾好飲😂🤣

環境似canteen也不緊要，但碗碟污糟、每碟餸都唔夠熱、味道差（包括片皮鴨），真係不能接受！ 要限時都算，好多地方也是，但叫了個豬手，夠鐘前15分鐘才來，跟住有個阿姐走來講：夠鐘啦！ 火都來！ 我一行八人，全部人有彈冇讚，話過不會再幫襯！ 簡直貼錢買難受😣

上年12月寫過哩間食評，今日再食，可以對比上次同一款菜，有進步亦有進步- 小進步系菜飯D菜比上次份量正常，但可惜始終無味，真系可以去一X麵比較下-另外一個值得繼續支持佢係佢地系會睇同回覆食評同改進。-小退步系咕咾肉整蝶份量好似一樣，但肉起碼少左1/4，吾系好夠盡興。今日另外叫一個水煮魚，好在可以選擇辣度。來到一大碗，上面果層都系厚厚的魚柳，下面系芽菜，粉絲同菜，魚算系幾滑，魚份量絕對夠，味道系比較辣，哩個系個人感覺，但如果多D麻或者香就更好啦！努力啊！繼續撐。（openrice 今日吾可以upload照片，所以無得睇）

 之前食過一次，掛住佢個北京填鴨，專登再黎食過🤤不過今次出左北京填鴨之外，嗌左其他冇食過既嘢食試，啲嘢食份量真係好大，食到勁飽🤰同埋今次係午餐去食，有午市套餐，都幾抵食。不過今次食既嘢就冇上次咁驚喜。 1️⃣北京填鴨（半隻）（$168）好好味好滿足，同上次黎食一樣，半隻都極大碟。包起塊鴨、青瓜同蔥一齊食，正呀！  2⃣️排骨擔擔麵（$48）個擔擔麵花生味好濃好香，有少少辣味，個湯偏杰身少少，令到啲麵好掛湯，好好味。  個排骨就好普通，啲骨有啲多，同埋層炸衣有少少甩皮甩骨咁😂  3⃣️水煮魚客飯（$49）魚既份量幾多，入面仲有啲芽菜、酸菜，同埋魚塊都幾嫩滑。  不過我覺得佢既味道以水煮魚黎講太淡，唔夠辣，亦都唔夠濃味，個水煮汁太稀。  4⃣️肉三鮮（$42）42蚊有十粒餃子🥟好多😳  肉三鮮即係包左豬肉、韭菜同埋蝦仁三款材料既餃子。每粒都包到好飽滿，食落啖啖肉。不過我就覺得佢既皮太厚。 

隔左好耐冇嚟嘅老掌櫃食飯，除左每次必食北京填鴨高力豆沙之外，今次又試左幾款新菜，唔講太多廢話，直接去相～～～保持水準，百吃不厭。。。唔叫飯又叫個抄手，不過今次個汁唔太夠辣。。。今晚重點菜式，先講口感，成條桂花魚去骨，瑤柱蛋白連埋桂花魚大大啖入口，唔怕有骨，完全放心享受到桂花魚嘅香滑，不論就咁食定送飯都咁好味，食完一啖就停唔到要繼續食落去，嚴重啲講，呢個白龍王絕對有條件成為老掌櫃最好味嘅菜式（無之一）。。。：Ｄ今次嚟第一次試呢個「草捆牛骨」，啲牛肉好林，入口即溶，不過覺得醬汁比較多左啲，味道比較濃啲，比較少見嘅菜式，都值得大家一試。。。餸如其名，家常小菜一碟，清清地足料夠火候，送飯實成碟清哂無得剩。。。熱辣辣大件夾抵食極力推薦白龍王。。。

食物種類不算十分「東北菜」感覺是由小小上海菜加少少北方人再加少少北京烤鴨的「雜」菜澆了一隻烤鴨,價錢不算貴298一隻,如果喜歡烤鴨吃肉的朋友就會喜歡！烤鴨配菜只有傳統的青瓜和蔥,包烤鴨的皮普通也沒有什麼驚喜不過不失松鼠魚應使用雪藏龍脷柳,價錢88不算貴,味道可以,當然不及新鮮魚做的松鼠魚好吃,沒有什麼驚喜也是不過不失叫了一個羊肉x面,羊肉很多麵也不錯46蚊不算貴抵食叫了一個大蔥羊肉味道不錯,略嫌水多寫開食評才發現,原本叫了個拔絲地瓜,沒有上但收了我錢😒