老掌櫃東北菜館 (海之戀商場)

营业中

休息中

平安夜去到海之戀商場想試下鮮選壽司，怎知人多到不得了，取票後要等100號，便在商場行一行，見到一家東北菜館有片皮鴨，小孩想吃便試一下，怎知中伏，片皮鸭送來是冷冰冰的，還有一個葱爆牛肉，的牛肉用梳打粉拿到都不能入口。

好耐都無食過片皮鴨，今次試下老掌櫃。餐廳位於海之戀商場入面但位置可能會偏啲。我地無book 位，去到walk in 見到都好多人，不過好在等十分鐘就okay. 仲有室外坐🥰。侍應會俾QR code, 要自行落單喔。⚫️片皮鴨 HKD168 半隻雖然都唔係即片但我覺得呢個價錢已經好唔錯，足料又好食，我地三個人食都覺得多。⚫️老醋海哲頭彈牙不過略嫌多左啲麻油⚫️酸辣湯麵呢個就覺得麻麻地⚫️東北酸菜餃本身以為會好酸但又食落味道又岩岩好，幾好食覺得呢間cp 都幾高，不錯！仲要唔加一呢～

一行三人一齊嚟咗海之戀專程幫襯呢間餐廳價錢同味道成正比。價錢同裝修相當貼地。同海之戀商場感覺風格不一。不過都幾特別嘅。我哋坐咗喺出邊。唯一唔好後邊嗰張枱有人食緊煙。帶住BB有少少唔係幾好。不過行可以有海景

🍽北京填鴨（半隻）$168當日大約6:00early dinner去食，落單之後大概5分鐘就有，所以基本上應該唔係即點即整，d鴨食唔到岩岩新鮮整好既感覺，但冇諗到配菜更加差⋯青瓜同京蔥絲望落去已經覺得好乾，好似整咗出嚟好耐風乾哂咁😅所以整體感覺呢道北京填鴨感覺都係好麻麻😟🍽紅油抄手正常，無咩特別。🍽炒四季豆終於食到熱辣辣新鮮既餸喇😀呢個唔錯，但其實只係正常水準姐😬💡成個最重點既片皮鴨真係好唔夠新鮮，所以整體黎講真係好麻麻⋯不了👋🏻💡戶外坐個日落就幾靚，幾舒服😌😋食物：️5/10🤵🏽‍♂️服務：7.5/10🍴環境：7.5/10💰人均消費：$140🤩性價比：5/10

去開附近探朋友，咁啱見到呢間東北菜餐廳，就比佢吸引咗入去，點知百驚喜我哋3個人叫咗3個餸同一碗麵。東北亂燉好有特色，糖醋魚片色香味俱全，魚香茄子夠惹味，羊肉家常湯麵個湯好濃郁，羊肉都好香總括黎講認真唔錯，cp值高，好有風味，但係多啲人黎就正啲，可以試多幾樣

最近荃灣西的海之戀商場愈做愈旺，特別是donki的全球首家迴轉壽司店在此開幕🍙引來大批狂迷排隊嚐鮮，但今天不是來吃壽司，而是來吃片皮鴨的🦆壽司留待晚些時刻熱潮稍過才試吧。 在商場左轉右轉才在donki旁邊找到紅噹噹的老掌櫃❤餐廳飽覽藍巴勒海峽的美景，單是這片景已經值回票價。從店名可知主打東北菜，特色就是量大用料廣泛，更以火喉足而滋味濃郁的各式大雜燴般的燉菜聞名🏞 .餐廳用qr code落單📲非常方便，不過不是很多菜式有圖片顯示，比較浪費了系統的功能和有點失望。 🦆北京填鴨 (半) $168 8/10從不少朋友口中得知，假如在晚市想吃片皮鴨一定要預訂，在午市就幸好沒有那麼搶手。甜麵醬、青瓜、大蔥和餅皮先於片皮鴨到達，不其然產生期待感。片皮鴨緊接著上菜，份量不錯，但老實說肉多於皮是有點失望😋不過吃下去有點反轉，因為肉的鴨油香也很充足，上面的小塊皮也有香脆，温熱的餅皮適當的減少了油膩感，下次先預訂的話可能會有更好的部份😝 🍝東北大拉皮 $72 7.5/10原來就是東北特色粉皮，有青瓜絲、紅蘿蔔絲、豆芽菜、青椒和肉絲，加上麻醬更順滑，口感勁柔爽口，味道鮮美😌 🥘東北亂燉 $88 6.5/10真

同朋友相聚， 揀了一間交通方便，在西鐵站上蓋。東北菜，感覺惹味，而又有多正面食評。所以到此一試。 確實，朋友們吃飽飽後，都話可以再encore餐廳在大型Donki Donki隔離。位置闊落，而且出面都有露天位置，對住個海景坐得好舒服。餐牌上見到好多菜式都好吸引，我哋首先揀咗最出名嘅片皮鴨份量都多，三個人叫咗半隻。上菜好快，相信一早預備定。 口感雖然冇主打食片皮鴨嘅酒樓咁新鮮熱辣係你面前即片，但係味道都唔錯，價錢亦經濟實惠，可以一試。另外亦點了東北菜中出名嘅酸菜魚。份量同樣比想像多，也有薯粉、芽菜。不用另外加錢。味道真是惹味，不過食多二啖就感到很辣。如果唔食得辣嘅，可能要提前同廚房提出減辣。我哋再叫咗兩份前菜， 以為一小碟，但上菜時發現差不多是主菜份量。所以前後共叫咗2碟前菜2碟主菜已經很飽。

通常假日好多嘅餐廳都已經冇咗午市套餐，要以正價散叫食物。依間餐廳雖然位於商場，但星期六竟然都仲有午市套餐！而且價錢仲好抵！我叫咗口水雞 男朋友叫咕嚕肉，兩個小菜都跟咗白飯或者菜飯，咁就可以有兩個餸大家開心share啦～不過見到小食只係加$15，我哋就再叫咗一個雞絲粉皮～口水雞表面鋪滿醬汁，佢個辣汁唔係剩係得油嗰種，而係比較杰身嘅。亦都唔係得死辣而係好香嘅辣椒味，雞嘅份量都唔少，但係質素就正常質素啦，依個價錢都唔好期望會食到新鮮雞。雞髀位嗰啲相對來講就會好食啲，不過個汁係可以拉返分！下面仲鋪咗好多青瓜絲，索左辣汁之後好似多咗嗰凉拌小菜咁，撈飯一流。雞絲粉皮嘅雞絲唔係手撕嗰種質感，有少少失望。不過個味道係好好嘅，麻醬好香口，仲有爽口嘅青瓜粉皮，食到尾聲嘅時候我將口水雞嘅青瓜絲撈埋落去同粉皮一齊食～辣味粉皮又係另一種滋味呢！再重申一次，呢個小食只係$15～最後係男朋友嘅咕嚕肉，我覺得有傳統茶餐廳嘅質素。配料都多但係就相對冇乜驚喜嘅。我哋兩個人叫咗兩個餐，一個小食，兩個飲品。埋單都只不過係$120咋，而且佢嘅位置係交通方便又幾好坐，非常抵食呢！👍🏻 睇咗佢嘅餐牌，晚市食物選擇更多，而且價錢都好

呢間餐廳食過幾次 今次都係第一次去荃灣呢間食🙈🙈行完donki 有啲餓 見到呢間 又起了想食片皮鴨的心癮😆❤️ 兩個人食 費時叫太多就咁叫左兩個菜同一個甜品🙈 -🦆 北京填鴨（半隻）$168（要預先打電話預留先有或預先問有冇🙈）鴨肉份量好多 青瓜同配料都好足夠包住黎食😋😋 餡皮仲係暖笠笠鴨肉無咩肥膏 肉質有啲鞋 夾埋配料同我鍾意的醬汁 一齊食 口感好豐富 🤩🤩 好滿足啲鴨肉多到 唔夠皮包 要一個皮包1-2塊肉😋😋以$168 價錢就食到的片皮鴨 真係好抵食😆 食到有啲飽🙈-🌶 酸辣湯麵 $46之前食過其他小炒 今次第一次叫呢個 🙈一碗好杰好杰的湯羹 加上有好多肉絲同麵線 真心飽🙈🙈 味道有啲偏辣 但唔夠酸 有啲失望🙈🙈 -🍞 高力豆沙 $12 雖然食到好飽 但隔離枱叫左呢個 我都忍唔住叫黎食下先🙈🙈 第一次食 好特別🥰🥰 好似沙翁咁熱辣辣送上枱 一食落入口好香蛋味 同紅豆味 紅豆餡好綿滑 包而且好煙韌😋 個人覺得唔夠甜 好在表面沾有砂糖 🥰 🍴餐廳環境🍽荃灣呢間有露天座位 但因為個日落雨就無得坐 🙈 整間餐廳好大 但座位仍然放得好埋 感覺好逼迫 明明有其他位 但侍應都安排我哋同夾枱😑😑😮‍

假日要提前一星期訂位先穩陣d, 如果唔係要排好耐隊， 特別商場內有donki. 攞完位可以行陣再返去食，食身質數幾好，大大碟夠抵食，雲吞雞同片皮鴨都好食！好多人叫呢兩味餸～另外，仲有水煮魚，就覺得有d 唔夠辣，但整體都覺得性價比好高，值得推薦！

老掌櫃東北菜館排骨擔擔麵酸辣湯底肉三鮮水餃千層醬豬耳價錢💲: $44/ $47/ $15好味程度😋: 4/5服務🍴: 3.5/5環境🗾: 3.7/5性價比🥢: 4.5/5🥰回頭率😚: 4.3/5-而家食個晏好多時都要超過60蚊，日日食真係好肉痛。但呢間老掌櫃好抵食！好多午市套餐都只需要四丁幾至五十幾，份量仲要超多。又有海景望住，完全冇嘢挑剔😍-✅排骨擔擔麵。排骨有6舊，粉漿厚薄正常，入面肉質小小乾，味道尚可以😬 擔擔麵幾有驚喜，花生同肉碎份量好多，令成碗麵香氣十足🤤 湯底濃郁較杰身，飲落有濃厚的花生醬味，辣味都幾出😚 麵的份量好多，女仔一定好飽。-✅酸辣湯底肉三鮮水餃。呢到的整水餃一份有10隻，都幾大隻，但皮就係北方d個啲的厚皮🤭 入面個餡有我最中意的韮菜，同埋豬肉+蝦。韮菜的香氣加埋其他兩樣材料好豐富😆 酸辣湯好多料，係正常有小小一patpat的感覺。酸辣味道幾平衡，有齊冬菇、荀、木耳同肉絲☺️-✅千層醬豬耳。用d黑醋麻油調味的涼菜，幾開胃。同埋因為係千層的關係，比平時的豬耳更有咬口😙-豆漿都只係加$4，呢個價錢絕對收貨。係會有啲太飽同太heavy，但味道好ok🤩唔知一樣抵食的片皮鴨質

滿懷希望去食 真係好失望丫 ，除左片皮鴨 其他野麻麻哋 兩個人點左4碟菜 1碗麵 ！有兩道菜基本無食！難食到…… 仲有個位真係好細呀 ！麻煩你接唔到咁多客人 服務跟唔上 就唔好接咁多客人啦 比d客大小小位可以坐 舒服點！太失望啦 特別蕃薯 同茼蒿菜！仲有個唔知邊個黎既係收銀 好似遊神咁 問佢d野 9唔搭8

今晚同左四個朋友離食晚飯。因為係紅日，我地係門口都等左半個鐘左右先入座。我地安排左坐出面， 環境幾好，係對海既，而且仲有大風扇吹住，唔會熱。我地四大一小叫口水雞、紅油抄手、上湯娃娃菜、水煮牛肉、雞絲粉皮、半隻片皮鴨、酸菜餃子同幾罐飲品。好明顯最後係變左大曬鬼紅油炒手唔算辣，面頭有好多蒜蓉，夾埋一齊食夠曬香，但係個皮就稍為有少少厚。我地叫左水煮牛肉 ，但係佢地比錯左水煮魚我地， 同佢地講番都好快換番我地。個牛夠香夠辣，仲有薯粉同芽菜、娃娃菜係底。$168 就食到片皮鴨 ，其實都算抵。 呢個價錢算係咁上下，雖然佢稱唔上係出色，但係都可以滿足下想食既慾望。鴨係厚切，比較足料飽肚，但係皮就唔係脆。至於果塊皮就正常，拎上手仲暖既，夾埋京蔥同青瓜一齊食，係幾香口雞絲粉皮我唔太推介，唔知點解個粉皮好碎，係夾唔到，要用匙羹先得，呢到有點失望。成晚我見到員工都好忙， 除左片皮鴨係要同員工落單，其他都用手機掃QR code 落單，大大減輕佢地工作量。可能係咁，呢到係免加一服務費。埋單之後，仲有$20 coupon 送。

又係荃灣搵食時間講起荃灣西 大家都一定會諗起必經之地---Don Don Don Donki但係血拼之前 首先緊係要醫飽自己個肚 咁先有力氣去同人逼 去爭最靚既海膽同拖羅架嘛😂就係Donki foodcourt 個出口 直行第一個路口轉左個到就有一個好地方可以靜靜地同朋友享受個午餐最重要係咩呀？間餐廳望海架！！今天有幸可以坐邊邊位 一邊食 一邊望住個海 食咩都覺得好食啲😂Lunch時間有套餐可以揀套餐包一碟餸 一碗飯 +$4-6 有野飲碗飯可以加$2轉🥬飯 健康之選個菜飯真係見到好多菜 突然覺得自己好健康😌我地兩個人叫左兩款唔同小菜share食秘製杭洲骨轉菜飯👑好大既一碟杭州排骨呀超足料 啲排骨有肉架 唔會真係得骨 又唔會剩係得肥肉仲有洋蔥 菠蘿 薯仔做配菜甜甜地 好惹味 餸飯一流👍🏻水煮魚轉菜飯魚夠滑 份量多 個底仲有好多配菜同薯粉睇落好多辣椒 但其實只係小小辣唔食得辣既都可以試下今日係飲可樂既心情 所以加左$5要左罐可樂 埋單$110呢到既份量真係好多 我地兩個人都飽到食唔落....唔大食既朋友 我覺得3個人叫兩款小菜再加小食都應該好足夠

這家餐廳位於海之戀Donki出口的轉角位，很多時經過但沒有特別留意，晚上約了朋友在這裡晚飯，發現菜式質素不錯，價錢也相宜。北京片皮鴨必點，在訂座時可以和餐廳預訂片皮鴨，但當天可能是閒日，即場向侍應落單也可。2人吃了半隻片皮鴨份量剛好，片皮鴨入味而且鴨肉結實少肥，吃進口不會太油膩，點醬料和配料一同吃味道不錯！羊肉餃子應該是東北菜其中一道特色菜吧！吃到羊肉味，不會很騷，好吃卻不會特別出眾。另外點了一份烤麩，也是不過不失吧。食物整體是不錯的，價錢算很經濟，唯一是人比較多難以靜靜用餐，加上檯子的空間不足，放不下太多菜，而四人檯搭兩檯客，4人一起坐得很擠，還好侍應主動提供椅子給我們放包包，因此這裡應該吃完便走。