老掌櫃東北菜館 (富達廣場)

营业中

休息中

東北天氣寒冷，所以東北菜份量大，湯料足而滋補，亦以燉菜為主難得元朗開了這種比較偏門的菜系，當然要來試試意想不到規模滿大的，餐廳也大間，不過座無虛席選擇很豐富，連出名濃味的京川滬菜都有，我們就點了２個菜色，想不到就這樣飽了！砂鍋雲吞雞 半隻 ＄１３８這個鍋幾乎佔了整個桌子的一半，意想不到竟然沒有必開，整整半隻的上！文火炆至軟稔但沒有失去味道，湯底咸香十足，還有大量的黃芽白跟小棠菜，另外還有雲吞！竟然有十顆皮薄餡靚的雲吞，餡料豐富，味道濃香細膩，是滿好吃的，而且也很飽！因為份量絕對是大！螞蟻上樹＄６８這個份量也不算少，辣中帶肉碎的咸香，是滿惹味的，只是粉絲略略有點碎，不然就更佳！

依間老掌櫃我聽好多朋友介紹過，一直都好想試，今日終於比我有機會黎試吓！見到佢長期都好多人，今日晏咗少少佢終於有位。佢本Menu好厚，菜式選擇好多好豐富，兩個人放咗工都好肚餓所以叫咗四個餸食。糖醋魚片，酸酸甜甜，極之開胃！魚片份量好多，每一舊都有漿，抵讚！唔會好多炸粉，每一舊都好入味好好食！配菜都好多，真係好正。孜然大蔥羊肉，啲羊肉一啲都唔蘇，醃得好好食。仲要有小小辣味，又係好香口好開胃。羊肉份量好多，洋蔥同大蔥都好多，真係好正。螞蟻上樹，超大碟，粉絲又多肉碎又多，每啖都有少少辣，好香口好正。拔絲地瓜，甜甜地，糖漿本身甜，番薯仲甜，隻甜仲要唔係假嘅。番薯本身好熱，佢俾咗凍水我哋，食之前浸一浸凍水，啲糖漿會變得好脆，好甜好脆好好食。終於明白點解咁多人食，因為真係大碟又好味又好食。

見到老掌櫃新開張仲派左傳單廣告黎屋企，午餐選擇幾多又有幾樣野想食，是日午餐就黎食佢先。餐廳好大好多位，二人黎到都可以坐張四人枱唔使迫，自己寫紙仔落單，有晒價錢係餐單上面一目了然。諗左好耐揀咩食好，既然咁肚餓就叫多幾樣啦。自己揀左餐飲加呢杯酸梅汁，酸酸甜甜又夠凍，今日天氣咁熱真係啱啱好，夠解暑。朋友則揀左要酸辣湯，夠酸又夠辣，質感濃稠，仲好多料添，朋友話好味。加左兩個小食，其中一款係拍青瓜，份量意外地大碟，青瓜爽脆帶蒜香，入口清新好開胃。另一樣叫左千層醬豬耳，豬耳很入味，咬落柔韌又爽脆，加了芫荽生洋蔥等配料味道更豐富，而且功夫又多，呢個小食好抵叫啊。自己個主菜叫左口水雞，再轉了菜飯，賣相好吸引喎，勁多辣椒醬正呀。口水雞雞件很多，有辣味鮮味，雖然好多辣椒但不是死辣，下層有少許青瓜墊底，吸左雞油同辣油幾好味，不過略微雪得過火有冰係底，要放一陣室溫解解凍，除此之外都無其他投訴了。朋友點了干煸四季豆，同樣轉了菜飯。四季豆十分大碟，炒得乾身香口，少少辣十分惹味，勁好送飯喎。菜飯大大碗，啲飯係粒粒米無爛㗎。另外仲加左韭菜豬肉煎餃，一碟十隻大大隻。餃子係北方風格，皮厚但有嚼勁，餡料鮮味，煎得香口好好味

每逢放假 ，總會同家姐一齊去元揾食， 咁我哋就係元朗教育路千色店行返轉買下嘢。🤩行下行下原來已經兩點鐘呀 咁我哋就去附近搵嘢食 今日我哋兩個仲想食少少 辣 嘢， 就係咗附近 開業冇耐嘅老掌櫃食午餐。入到去， 服務員禮貌大帶位 ，地方闊落，冷氣充足，坐得舒服👍👍千層 醬豬耳 ， 彈牙爽口， 調味用芫茜蒜頭薑蔥十分惹味排骨擔擔麵，🍲 勁多花生香味撲鼻 ，配鹽酥炸豬扒，🐷 脆口不油膩 正！麻辣海蜇頭， 勁多海蜇頭， 麻同 辣 恰到好處 ， 兩個人食實在太大碟，好抵😋醬燒茄子 配飯， 真係好大碟， 碎肉加 特製醬好乾身，好嘢未。 送飯一流😋價錢一啲都唔貴，大眾化，適合一家大細食到飽飽先走

住在港島區和九龍區的人其實很少會到元朗，其實元朗區也是一個不斷在發展，各類型餐廳也開始在這個地區林立。而這次便到了一間東北菜館，說起來真懷念內地的美食呢😩餐廳裝修帶有少許古色古香的感覺，懸掛着一個個鳥籠很有味道。北京填鴨鴨皮挺脆，鴨肉不會太肥太乾，另外附有麵皮、京蔥、青瓜、甜醬可以包在一起吃，味道挺有水準。排骨擔擔麵對於我這種不太能吃辣的人來說，這程度的辣味剛剛好(雖然吃完我也滿頭大汗了😅)。排骨香脆，十分搭配這個麵。京蔥羊肉餃個人最喜愛這一個，羊肉一點也不騷，而且肉汁豐富，配合辣醬和醋非常好吃。以上食物的分量足夠兩個人吃得很飽，結帳只需二百多，性價比很高，有興趣可以來試試啊。

元朗富達廣場新開左一間東北菜館，見東北菜好似幾得意，今日就同屋企人嚟試吓。店內裝修好有中國風，頭頂吊住好多燈籠，而午餐亦好多選擇，價錢全部好抵，只係4-50 蚊就食到一個午餐， 難怪午市有咁多人幫襯！ 拍青瓜 $15跟餐小食好抵只係加$15，我哋就叫咗拍青瓜。青瓜用嘅醋味道好香，入口係好脆好爽口，撈埋蒜蓉、洋蔥等等配料非常開胃，係值得推介嘅涼菜。醬燒茄子+菜飯 $47+2一上枱其實嚇咗一嚇，冇諗過40幾蚊會咁大碟，茄子燒得好香，肉碎亦都好多，但味道則有少少鹹，但因為係送飯食所以就啱啱好。菠蘿咕嚕肉+菜飯 $47+2同樣係非常大碟，好足料好多咕嚕肉，味道夠酸，咕嚕肉亦炸到好脆，伴菜既洋蔥青椒等吸左啲汁非常好味，成碟餸配埋飯好開胃。豆漿 $4豆漿係跟餐加$4就有，餐牌寫佢係有機豆漿，飲落好滑唔會太甜。豆沙鍋餅$48除咗午餐外我地另外仲叫咗個甜品，豆沙鍋餅香港唔係好多地方食到，佢係即叫即炸，所以要等20分鐘，餅底炸到好脆， 中間夾住豆沙， 味道剛剛好唔會太甜。賣單個陣見隔離枱食緊片皮鴨非常吸引， 下次要來試吓先得！

🔎老掌櫃東北菜館 (富達廣場) (元朗)🔹酸菜魚（龍利柳） $98好耐無食酸菜魚 除咗龍利柳仲有桂花魚揀 不過就貴好多 2個人食過吓口癮就揀咗龍利柳 啖啖肉咸咸地辣辣地好適合撈飯食 個底原本已經有少少薯粉 吸哂d湯嘅味 個湯一開始食麻多過辣 d辣味慢慢先滲出嚟🔹四川擔擔麵 $44好大碗😮原本呢個價錢諗住係細細碗 直頭係2人份 麻醬味比較重 所以都唔會好辣 香多過辣 仲有d花生嘅口感同香味 抵食🔹紅油抄手（10隻） $48多蒜多辣油幾惹味 唔會好辣大家可以放心 皮都幾薄又多肉 口感唔錯 如果辣d會開心d📍元朗西菁街23號富達廣場地下19-24號舖

好多人都會入到元朗搵食😎最近搵到間平價東北菜😳性價比不差啊😳北京填鴨(半隻)💲1️⃣6️⃣8️⃣有12塊皮，好感動既係D皮係乾身🥲因為食過有間係連蒸籠上，結果塊皮係濕既。。填鴨好香皮好脆，唔會油笠笠，配埋青瓜，蔥，醬食🤤🤤酸菜魚(龍利柳)💲9️⃣8️⃣叫龍利柳貪佢一定係冇骨😂無論魚塊定酸菜都超多，好入味個湯係酸酸麻麻辣辣~ 係要小二比碗白飯🍚最開心係佢個底有薯粉❤️乾煸四季豆💲6️⃣8️⃣唔食豆既我只係會食乾煸四季豆，因為佢咬落唔會有EAT EAT聲❗唔知有冇人有同感炒得好乾身好入味，肉碎都幾多，個人認為可以再辣少少紅油炒手(10隻)💲4️⃣8️⃣皮簿✔️一口一粒，都係辣返少少會更正白飯💲1️⃣2️⃣茶位💲4️⃣一位冇加一📌老掌櫃東北菜館📍元朗西菁街23號富達廣場地下19-24號舖📍大角咀嘉善街18號利奧坊.凱岸地下G708-G709號舖📍荃灣大河道100號海之戀商場2樓2006號舖

去咗元郎揾人，見新開咗間老掌柜，就行入去試下，之前係荃灣海之戀食過佢哋分店，印象唔错。價錢都係咁亲民，茶钱4蚊位又免加一服務費。叫咗幾個餸 ，份量依家咁大碟。服務員又都好笑容。會再幫襯。

平時食開辣媽既，經過見到呢間諗住試下。我真係未食過咁難食既酸菜魚。我好少等登去寫食評，呢個係嬲到我係要即刻上OpenRice search 去寫comments.首先，個湯係滾水加左d酸菜同辣椒，係冇味，輝記既酸辣魚蛋粉個湯都好味過佢。好想問呢間野知唔知咩叫湯？真係去譚仔叫個酸辣再浸魚好過你呢碗野。第二，個條魚又老又"鞋", 到底係急凍魚定翻煮呢？真係強烈建議呢間野唔該出去試下人地既酸菜魚，望下人地落既料同自用有咩唔同。再唔係去超市買包酸菜魚湯去煲，再攞出黎賣！

今日同朋友玩咗個好無聊嘅遊戲 輸咗嗰個要拎二百蚊出嚟請人食飯 好不幸地我輸咗 不過好彩呢餐晏我都有份食嘅老掌櫃東北菜館 原來二百蚊食晏晝係可以食得咁豐富 佢啲嘢全部好大碟 份量好多 重點係價錢唔貴東北菜其實我都好少食 睇下餐牌原來係有 擔擔麵，口水雞 ，紅油抄手 ，回鍋肉.. 這些都是耳熟能詳的菜式 恍然大悟 原來呢啲就係東北菜先嚟一個涼拌頭盤拍青瓜 醃製過嘅青瓜顏色依然翠綠 口感爽脆 清新又多汁 個人認為在炎炎夏日享用這道小吃 非常不錯哦京式炸醬麵 本身個麵冇乜味 就係需要靠炸醬濕潤而且濃味嘅醬汁 為麵條增加色彩 食之前將所有配料均勻地撈埋一齊 爽彈嘅麵條中 夾雜著爽脆嘅蔬菜絲 還有一些肉末 口感相當有層次水煮魚配菜飯 真心覺得呢度嘅午飯小菜相當抵食 水煮魚係即叫即煮 上枱嘅時候熱辣辣芳香撲鼻 雖然紅油顏色誇張艷麗 但係食落唔算好刺激 味道柔和容易接受 魚肉選用了龍脷柳 完全冇骨 可以放心大啖食用 底部仲有木耳和薯粉等吸味食材 完全冇浪費到咁好味嘅底汁上海雲吞 不得不稱讚雲吞個皮真係好薄 薄到可以用肉眼就見到入面嘅餡料 雲吞嘅造型好似金魚 有條好靚嘅尾巴 韭菜豬肉煎餃 餃子外皮煎到帶

記得幾年前同朋友喺大角咀老掌櫃總店食過一次片皮鴨 念念不忘 最近開始見佢哋開始擴張 今次開到嚟元朗緊係要試吓啦片皮鴨 (半隻) HKD168鴨片嘅數量大概有15片 肥瘦適中 以$168嚟講分量都算多 可惜用嚟包嘅餅皮用普通碟裝 一上枱已經凍冰冰 成疊黐埋咗一齊 配料嘅青瓜同大蔥食落都係乾爭爭 配料令到成件事失哂分雞絲粉皮 HKD58麻醬偏濃稠 份量多 足夠令每一條粉皮都可以沾上麻醬 但雞絲就少到好似得兩三條紅油抄手 HKD48/10隻北方人鍾意食餃子 既然賣得東北菜 就緊係要試吓餃子啦 見菜單上面有好多唔同款式 較多都係蒸餃為主 諗住試吓紅油抄手 點知中晒伏 餡料純粹係好梅好碎嘅豬肉 食落冇肉汁又冇味道 個紅油得少少辣嘅香味 但食落一啲辣都感覺唔到 醬汁完全唔重口味 同點醋冇分別拔絲番薯 HKD68食到成肚火 唯有叫個甜品降降溫 上枱嘅時候會連埋冰水俾你 夾起番薯再放落水3秒 面頭麥芽糖立即凝固 變成脆卜卜嘅外皮 對比裏面嘅番薯軟淋淋 雙層口感 最後呢碟清得最快🥲✦價錢合理 免加一 茶芥每位8蚊✦當日見到每枱都嗌左片皮鴨 估計應該係最受歡迎嘅食物 希望可以再改善吓啦🚩老掌櫃東北菜館

位於西菁街富達廣場這間食店以大量紅色作主色調 設計時尚新潮😎價錢一啲都唔離地 可算相當大眾化👍午餐選擇款式多 價錢由$38.00起跟餐每款涼菜才不過$15.00全日仲唔使加一真係實惠到不得了😚餓底👭出動 絕不口軟估唔到 OMG 中曬伏 好大碗 大碟😱我哋仲驚唔夠食 仲叫多碗細嘅酸辣湯😅涼菜#拍青瓜#千層醬豬耳兩款少少調味 已經好好食青瓜爽脆清甜 豬耳Q彈脆口😋#菠蘿咕嚕肉菜飯啖啖肉 好香口 酸酸甜甜好開胃😋#肉三鮮酸辣湯分別有豬肉 韮菜 蝦仁餡料粒粒飽滿 材料新鮮 唔錯ar~大量配料嘅酸辣湯 唔算太辣😋#高力豆沙即叫即炸 正ar~街坊價錢 大大碟頭 值得推薦🤗

用openrice週末晚飯訂6人枱，我早到都安排枱俾我，抵讚👍 食物好味，繁忙時段的上菜時間可接受，價錢也不算貴。但以下情況有待改善：漏單，計錯茶錢，只收現金。

元朗新開老掌櫃！見網上邊有啲人介紹，話幾好食，自己又好耐冇食過東北菜，就決定去試吓！去到嘅時候兩點幾，唔使排隊！環境都算闊落，唔會好逼！老掌櫃午餐選擇都多，有麵食，客飯，餃子等，不過係唔包嘢飲，小菜又要額外加錢！我哋叫咗東北酸菜餃子配白麵$40+酸辣湯+$5。Hmmmm...我就覺得酸辣湯麻麻地，就係死辣味同酸味，兩樣味道分開晒！不過酸菜餃子嗰皮好正，有咬口; 餡料方面，酸菜味都濃郁，不過我覺得啲肉唔似我哋一般食開嘅水餃嘅肉，佢係冇乜纖維，就好似用攪拌機攪到好碎好碎嘅feel。嗰白麵係我覺得最好食嘅 💁🏻‍♀️建議唔使加酸辣湯！秘製杭州骨$47配菜飯+$2杭州骨嘅味道好開胃！酸酸甜甜！另外配搭埋薯仔，啲薯仔勁入味！份量都幾ok多！菜飯就比較求其，啲菜碎係數得出嘅，似煮完飯出嚟求其撈幾塊菜碎咁💁🏻‍♀️建議唔使加菜飯！我哋跟餐可以用$15加小食。哇！好袖珍啊！涼拌青瓜$15味道較為酸！蒜香味唔係好濃！四喜烤麩$15除咗烤麩之外，有少少冬菇木耳同埋筍。不過嗰味唔係我杯茶，好重五香粉味。啲烤麩就好似麵筋咁，會吸哂汁。