老掌櫃東北菜館 (富達廣場)

营业中

休息中

媽咪話好耐冇食過北京填鴨，我見老掌櫃好似都有人介紹話過幾好食就同媽咪去食返轉。位置係元朗富達廣場都唔難找，周邊交通都方便，入到店鋪裝飾係濃濃的東北風紅噹噹。我同媽咪叫左以下3款菜式：⚛ 酸菜魚 ～ 選用龍利柳，愛佢啖啖肉又冇骨，可以安心享用， 酸辣度好足夠，配底的菜都好掛汁。⚛ 孜然大蔥牛肉 ～ 份量超大碟，滿滿的大蔥，洋蔥份外香口清新，牛肉又夠嫩，叫了小辣都係咁惹味，送飯一流。⚛ 北京填鴨 ～ 媽咪之選，我地叫左半隻，一片片鴨件，肥瘦適中唔會過份油膩， 用餅皮包住鴨件加上青瓜京蔥，再沾一下甜醬食，一件落口超滿足。🥃 酸梅汁 ～ 食咁多重口味野，飲啖酸梅汁幫助我們去膩。

日期:2020.02.07用餐方式: 電話下單 外賣自取之前都聽過老掌櫃抵食, 所以呢一日決定外賣自取作為媽媽的生日晚餐. 因為臨近農曆新年兼星期日, 所以提早5pm打電話到餐廳下單外賣自取, 註明7pm提取.我哋七點準時去到餐廳並付款, 但外賣仲未完成製作, 職員都冇講幾時先可以提取. 我哋一直等亦有詢問職員幾時先有, 只係話再等下, 最後到7:50pm先完成我哋嘅訂單. 足足等咗50分鐘. 拎到返屋企部份菜式已經變得又硬又凍...片皮鴨硬晒好難食平心而論, 唔計食物已經凍左,食物質素普通, 唯價錢平, 性價比可以接受.不過大家想食嘅就要預多啲時間, 就算提早落單都要等成個鐘可以拎到, 唔介意企係門口等嘅話都可以食

以前在太子住經常幫襯大角咀的老掌櫃，原來元朗富達都開了分店，今晚就過去幫襯下。茶位$4且不用加一。東北肉皮凍入口溶化又帶點Q彈，加上黑醋可減輕飽膩感，女士補品，骨膠原豐富，食完個嘴唇帶黏。韭菜豬肉餃外皮正常厚度，不過略欠點肉汁，韭菜味濃。酸辣湯麵辣度適中，酸味刺激味蕾，還有大量的木耳、豆腐及筍等非常爽口，麵質亦不會過諗。排骨擔擔麵花生醬味濃郁，湯底不會太濃稠，表面還有些肉碎，排骨炸至金黃香脆，肉質鬆軟，唔會太薄。整體食物質素不錯，上菜很快而且食物都熱辣辣。

元朗新開嘅東北菜餐廳，之前試過一次，見佢新開係元朗區，當然要試試佢啦😍！佢哋嘅（半隻）北京填鴨連埋10幾塊餅皮 $168有交易，都幾抵食架😍😍！呢個份量兩個人食啱啱好😚-北京填鴨半隻$168鴨肉好香，表皮亦燒得好脆😍，今次呢隻鴨油脂唔多，屬於比較瘦嘅鴨🤭！配搭上蔥白,青瓜同甜面醬好好味☺️，佢個餅皮厚度適中👍包埋填鴨食口感好正😍！見到每一枱客人都有叫🤭四季乾煸豆 $68四季豆炒得好有鑊氣，有少少辣肉碎，辣辣地好惹味❤️-📍老掌櫃東北菜館 (富達廣場) (元朗)元朗西菁街23號富達廣場地下19-24號舖

之前見到荃灣分店已經想試，估唔到最近元朗都開左間分店，趁今晚開返晚市堂食，即刻約埋朋友一齊去試，餐廳裝修帶中國色彩，座位都算多，7點多來到，已經差不多滿座。老醋海蜇頭 海蜇頭口感爽脆，配埋香濃既老醋，非常開胃。醉雞 雞肉浸在香濃酒味裡，雞肉嫩滑。秘製牛犇麵 湯底呈深啡色，帶有非常濃郁既牛味，牛肉份量夠大，肉質香濃，口感爽滑。酸辣湯麵 酸辣湯偏辣，帶微酸，同一般上海菜飲既有點不同，鍾意食辣既會喜歡這個，麵條彈牙。

疫情缓和，食肆晚市堂食有限度恢復，我哋又出動搵食。豬肘花拍青瓜$58青瓜爽脆，酸酸哋好開胃。豬肘肉份量仲多過青瓜，味道略嫌淡咗小小，口感亦唔夠爽。乾煸四季豆$68豆質嫩，食落爽甜，個人覺得略嫌唔夠乾身同香口，配埋惹味又有小小辣嘅肉碎一齊食好正。上湯雲吞(10隻)$42雲吞皮爽滑，餡料份量好足，如肉質可以爽口同濃味啲更好。椒鹽小黃魚$78外皮炸到好香脆，連骨都食得，裡面嘅肉質仲好嫩滑，椒鹽味恰到好處。

之前同朋友喺大角咀都食過老掌櫃，覺得好多選擇，味道ok，知道屋企附近開咗分店所以今日就同男朋友去試下～我見荃灣果間好似有set lunch但係呢間冇🙁兩個人叫咗咕嚕魚塊，乾扁四季豆同一個白飯～新開張店員都唔太熟悉，唔係我嗰張單就拎畀我哋，喺我哋嗰張單又拎左畀隔離枱。。。😅另外我真係第一次遇到一間餐廳係會上左碗白飯隔成十分鐘先上啲餸😐😐咕嚕魚塊炸粉唔算厚，入口都脆，醬汁味道ok不過偏稠，啲魚食落口係滑但係有強烈雪味🤢 男友食左一半就無食乾扁四季豆一啲都乾身，極其量只係好簡單咁炒出嚟，有幾強烈既草青味同埋極多渣。。。我地食左一半就無食總括而言，仲有好大嘅改善空間。