老掌櫃東北菜館 (富達廣場)

营业中

休息中

Book 左六點三食飯，準時到已見餐廳內坐左8成人，侍應非常忙碌！我地都好快手咁掃QR code 落單，叫左幾樣野，當中包括半隻片皮鴨，四個人食半隻我覺得份量都叫足夠，皮量少😂 食完啲皮都仲有鴨剩😂😂😂味道不過不失，上菜都叫快。媽媽們好愛呢道炸魚，佢地話好香口，連隔離枱都問我地呢碟係咩😂 佢地都叫左碟醉雞份量唔多，但味道不錯，未有太大驚喜但最唔開心嘅係叫左拔絲地瓜，但遲遲未來，一問之下話賣晒，但賣晒唔講-.- 我地叫左另一個甜品，等左成20分鐘先到。知道餐廳多人好忙，但賣晒都可以講聲，app 上面無顯示，事後都有問，話出緊，再問就話賣晒，但過左一陣廚房拎住碟新嘅拔絲出黎，到底係有定無食到心情差！

適逢母親節去咗食飯節日預咗一定要訂位訂鴨先有得食訂咗片皮鴨，聽到幾乎所有大枱都訂了有啲人仲等咗好耐都未有而我哋好好彩好快就有片皮鴨：以價錢來講性價比好高因為真係好好食，皮脆而每塊都有肉唔會太肥又唔會太瘦，佢每塊痴喺上面嘅脂肪都做到幾乎有少少入口溶嘅感覺五個人將全隻好好咁消化了京燒羊肉表皮因為炸過，有點硬，但入面啲肉都夠冧，又夠“蘇”味炸小黃魚除了炸嘅外皮外，入面條魚冇乜味，同屋企煮嘅黃魚差唔多味糖醋里脊同咕嚕肉一樣味，食唔太出乜嘢里脊，但味道幾好嘅醬豬肚絲：依個都幾驚喜，比想像中好食，酸酸地咁，令豬肚食落好清爽麻辣冷麵：我以為會做得比較清爽，但佢用上麻醬，所以負擔感好重，好易飽，佢仲加咗青瓜肉絲，所以佢可以成為主食，如果汁料用醬豬肚絲加麻辣醬嘅汁會好啲東北肉皮凍：係一舊咸嘅啫喱，冇乜口感，唔建議叫嚟食東北農家炒飯：一個好普通嘅炒飯，食落似出面嘅揚州炒飯咁，啲料都好濕濕碎碎茴香豬肉餃子：鍾意香料好重嘅人會好鍾意，味道係普通豬肉餃加上濃嘅茴香料味。拔絲地瓜：依個嚟度仲要自己過冷河，好搞笑，第一次搞所以好狼狽，食落有啲夠淋夠甜，有啲舊蕃薯又好似未煮淋咁，但係好得意有得玩嘅體驗。總結，係好抵食

✅價格算平，份量足夠✅平日座位尚算充裕✅味道良好，製作認真📱星期一晚經OpenRice app訂位，過程輕鬆，18:00-21:00時段任揀。🕰星期三晚7:00同朋友準時到達，座位已經七成滿。全部都係長方形枱，大部分係4人枱，亦有幾張10人長枱，因政府防疫要求，於長枱上放到透明透板。而餐具就收了在枱下的抽屜。📝晚市，只有主餐牌，沒有套餐，之後經QRcode自助落單。今日我哋3個朋友小聚，沒有叫飯麵，一開始都擔心夠唔夠飽，後來發現全部都大大碟，好夠飽😌😌🥢🥢🥢🥢🥢🥢🥢🥢<雞絲粉皮 $58>大碟，不欺場，粉皮份量好足夠，而雞絲份量合理，最後青瓜的點綴剛好，加入爽脆口感。花生芝麻醬好濃，一個人吃光可能會好膩。<酸辣土豆絲 $62>我的東北菜最愛，酸酸辣辣十分開胃，洗走了澱粉質、爽口的土豆絲，三種味道混合為一，醋酸味、花椒麻、辣椒辣，😜炒在一起，代替白飯完全無問題。<乾煸四季豆 $68>四季豆走過油，沒有qik qik聲。而肉碎肥瘦適中，更有少少欖菜，令咸香又多個層次。<松鼠魚（龍脷柳）$88>就是咕嚕魚😂鮮炸、香脆、酸甜、無骨、

假期嘅時候去咗呢一間餐廳度食嘢，呢一度嘅水煮魚真係非常之有驚喜呀，呢一度嘅水煮魚肉係用咗龍脷柳去做的，所以魚肉特別指向或，而且呢一度嘅水煮魚份量亦都好多，辣到亦都適中！連埋配料一齊食，用嚟送飯真係一流呀

今日去咗元朗國覓食，已經唔知第幾次嚟食老掌櫃啦，每一次都冇令我失望！唔知點解今日起身就好想食片皮鴨所以就過咗嚟呢度食啦。今次食咗紅油抄手、酸辣湯、當然仲有我最想食嘅嘅片皮鴨。控油抄手，皮薄餡靚，再配埋佢嗰個紅油真係一絕呀，冇令我失望！酸辣湯，正正常常啦。之後就到我最鍾意食嘅片皮鴨啦，每次過嚟呢度都會食佢。佢啲皮真係燒得好脆，每一塊都係多皮再配埋少少嘅鴨肉，再加埋青瓜絲洋蔥絲同埋嗰張包埋一齊食真係好好味呀。食到我唔停口啊，不過記得唔好食太多啦，因為食得太多就會好遛架啦！兩個人最後仲食唔晒要打包走，呢度啲嘢食真係抵食夾大件😝

電子下單😊方便地方都算闊落好高樓底午餐有套餐牌$42起份量好足夠有埋飲品不建議餃子加湯個湯有冇味好淡酸菜魚份量都好多有薯粉不魚嘅質素有啲差酸辣程度冇得揀價錢優惠

🍴元朗抵食東北菜館1月1日公眾假期，大概17:45已看到餐廳內有七成客人入座，和朋友感到好奇，便試試在這裏吃一頓東北菜晚餐。📍水煮魚（龍利柳）$108水煮魚的份量頗多，除了有大量的龍利柳外，底層還有雲耳、旺菜、大豆芽和紅薯粉。雖然沒有想像中辣椒鋪滿整個菜的效果，但味道還是不錯的，大概這是東北菜系的水煮魚吧！菜式是以香辣為主，鮮辣但不帶麻辣口感。龍利柳尚算滑溜，紅薯粉Q彈煙韌，墊底的配菜亦吸收了辣湯的精華，顯得格外美味。📍肉三鮮水餃（豬肉、韮菜、蝦仁）$44一客有10隻水餃，水餃皮是採用北方的做法，比一般水餃皮厚身一點，煙煙韌韌，地道有特色。餡料充足，每隻水餃內有一顆蝦仁，味道鮮美，性價比高。水餃帶有正宗的東北口味。推介 🌟📍京燒羊肉 $128「京燒羊肉」在香港較少能品嚐到的一款東北美食，羊腩排經過燒製後再炸至外皮至香脆金黃，皮香脆，肉鮮嫩，不帶羶味。再蘸點秘製香醋調料，可中和羊肉的肥膩感。📍高力豆沙 $12/件是差不多每檯必點的甜品，師傅把圓渾的高力豆沙刻意按扁一點，成為一個小碗狀，然後在上方加了一點砂糖。炸得金黃的高力豆沙，外層酥香，內裡軟糯。包裹著甜美的豆沙，成為一道美味的甜點。📍

疫情下已經少咗好多出街食飯 今日係元朗搵咗間東北野食吓😋酥炸小黃魚 一碟有兩條中等size嘅魚😺 每邊都煎得好脆 魚肉冇乜雪櫃味 又唔會好腥 面頭嘅調味有少少胡椒香 又鹹鹹地咁幾好送飯京燒羊肉 呢碟相當有驚喜 份量唔算太少 每件都係脆卜卜 羊皮烤到好脆 而且有羊肉嘅羶味🐑秘製杭州骨 甜甜酸酸嘅醬汁係表面 每一舊肉都沾滿咗呢啲醬汁 仲有薯仔同洋蔥做配菜😮 覺得份量好多螞蟻上樹 肉碎炒粉絲 份量都夠三個人食兩碗 而且好惹味 有少少辣辣地🤤 粉絲幾煙韌 個人幾鍾意呢碟呢間店食物質素唔錯 可惜係元朗有啲遠😂 可能下次搵其他分店食吓

老掌櫃之前係大角咀店一直都人山人海，今次開左元朗店更就腳緊係要去捧下場。*片皮鴨-半隻*唔洗諗，黎到一定要食既就一定係片皮鴨☺️價錢好實惠，但當然要去到高級既片皮鴨水平(皮多肉少，皮脆肉嫩)既水平咁就緊係唔會係架啦一定。😂呢到就傾向厚肉，跟少少鴨皮，唔係薄脆口感，但鐘意食鴨肉既朋友就會覺得好正🥰但稍嫌果啲包鴨既蒸皮就咁用碟上，果度冷氣又大，吹到啲皮硬曬又凍🥲如果加番個蒸籠會好啲*蒸餃加陽春麪*蒸餃熱辣辣又多肉汁係好食😋都係果度冷氣風大，上菜速度好快，變相未食得哂就已經凍曬😂*炒萵筍*清甜同嫩，啲萵筍唔會好老，食咗好多濃味野，搵返啲清清地嘅炒菜中和下。

干扁豆角，識落好濃味好香，但越食越鹹 紅油抄手，味道還可以，餡料都飽滿。糖醋魚塊好食送到過來入邊仲係脆嘅，呢個值得一讚至於呢個東北炒飯就冇乜味道，淡咗啲。總括而言啲嘢食比較偏鹹，價錢都還可以，唔算太貴。

Lunch Time試了這家東北菜，味道都幾唔錯。叫咗三樣野，紅油炒手、菜肉雲吞同埋蔥爆羊肉。菜肉雲吞正正常常啦，雲吞皮很薄，餡料都新鮮好食。紅油炒手其實即係菜肉雲吞走湯加辣油，菜肉雲吞好食的話基本上個紅油炒手都會好食的。蔥爆羊肉雖然油D，不過真係好香，羊肉固然香，不過最正都係D京蔥，吸晒D羊味，真係好味道。

預訂晚上七點半入座，食物味道及賣相依然唔錯，唯某些店員服務態度較差，作為食客感覺受氣，未知是否缺乏人手及人工偏低所影響，點菜自己填紙仔寫上菜式編號，並且最好一次過，免得過唔好餐後再加點其他菜或甜品，對餐牌有唔明唔好問，自己諗掂佢，否則店員會唔好老脾。四人叫咗 醬燒茄子、清炒萵筍、醉雞、片皮鴨、京式炸醬麵、炒羊肉、餐後再叫兩件高力豆沙、一碗酒釀丸子、豆沙窩餅、蕃薯拔絲。*片皮鴨凍得好快，要襯熱速食。*蕃薯拔絲，沾滿糖槳上碟，連額外一碗凍水，因為大家都生手不懂處理，加上冷氣較大，糖槳凍太快，只能處理到四件蕃薯，還能嘗到糖槳外脆蕃薯內暖口感，其餘蕃薯都被沾滿嘅糖槳結埋一大堆。原價$734，扣減$60現金卷後結賬$674，只可現金或支付寶結賬，付款後仍會給回你四張價值$20現金卷，當月尾限期，下次幫襯時惠顧每滿$200可用一張。

預訂晚上六點半入座，食物味道及賣相唔錯，唯店員服務態度一般⋯三人叫咗五個餸（清炒萵筍、醉雞、豬耳、釀虎尾尖椒、片皮鴨）、一個京式炸醬麵，最後二件甜品高力豆沙⋯ ，片皮鴨凍得好快，要襯熱速食。只可現金或支付寶結賬，付款後會給回你四張價值$20現金卷，當月尾限期，下次幫襯時惠顧每滿$200可用一張

今日打風，唔出街。叫左幾樣東北菜外賣，有韭菜豬肉，豬肘拍青瓜，北京填鴨，秘製牛奔刀削麵，螞蟻上樹。最推薦秘製牛奔刀削麵，牛肉好鬆軟，帶少少崩沙位，好好食。而刀削麵唔會好似有d硬繃繃，分唔開，食入口都好順滑。另外係北京填鴨，鴨肉同皮都唔乾身，配搭埋青瓜，蔥白，甜醬配料，真心唔錯。只係塊荷葉餅變硬左黐埋咗一齊，自己用火蒸番3-4分鐘就ok。整體都唔錯，外賣都處理得好好。

上回新開張，曾經喺OR話過涼拌菜份量少！今次再去食真係有改善，份量極多！我哋今次叫咗涼拌皇帝菜一上菜，見到山咁高嘅皇帝菜，真係嚇親！啲菜洗得好乾淨，不過就有啲老！涼拌嘅醬汁都較為甜！羊肉餃子餃子多汁，餃子皮好彈牙，啲羊肉唔會好臊！牛肉麵呢碗牛肉麵CP值高，啲牛嫩，一啲都唔柴皮，面彈牙，湯都香！地三鮮非常香，咸鮮美味，不過有啲過油！茄子同青椒好多，啲薯仔份量如果再多少少就好啦，得幾粒，啲薯仔整得幾出色！