老掌櫃東北菜館 (富達廣場)

营业中

休息中

東北菜多涼拌小吃同麻辣味，悶熱天氣就會想吃。今日食嘅東北菜館，就幾啱我口味。🥟 肉三鮮 (淨餃子) 一份有10隻，皮薄又飽滿。餡料有豬肉、蝦、韭菜，肉質幾新鮮，調味恰當，稍為提鮮。叫了淨餃，中意伴湯吃，順滑清甜又不會太飽呢。🌿香樁拌豆腐 豆腐一口一粒，豆味濃郁，涼拌口感涷涷地又滑滑地，香樁個人十分喜歡，可再落多啲更好😆🐖涼拌豬耳豬耳蒜粒唔多，拌左洋蔥、青椒、紅蘿蔔絲，我中意佢調味清爽唔重口味，仲食到軟骨同肉嘅香味。薄薄一片，好有口感，脆、韌、軟幾種口感都有。🥛 豆漿唔似現成貨色，充滿豆香，食東北菜一定要叫豆漿飲先夠圓滿😙

朋友是住在元朗三十年的地膽，也是半個東北人，一行三人嚟食好野。午餐價錢合理選擇很多。由$40 -$48 我點予了最愛的乾扁四季豆$47轉菜飯+$2 另外加$15 四喜烤麩乾扁四季豆炒得很夠鑊氣，四喜烤麩甜甜軟熟。另一位朋友就不是很肚餓，點紅油抄手十隻$46 我們各人都食咗一粒，雲吞皮好薄好滑。男性朋友就比較肚餓，點了口水雞。份量好多，男士一定覺得夠飽。雞肉很滑嫩。本來想點豆沙鍋餅做甜品，不過實在好飽。下次下次一定會再嚟。

下午茶時間想吃點東西，這次去了一家位於元朗K Plus的小店，是吃東北菜的餐廳，環境裝修是中西合璧，以紅黑色裝修為主，另有鳥籠和屏風等裝飾。假日是散點食物，食物選擇多元化，還有特色小吃。-💥醉雞 HKD$68，上菜時聞到很香的味道，這個份量挺多的。雞肉肉質嫰滑，雞皮爽口不肥膩。花雕酒的味道很香，所以雞肉很入味，醬汁味道濃郁不咸。-💥京式醬牛肉 HKD$68，店家用牛做這道菜，而且是切片版本很方便吃。醬汁是分開另上的，是店家自製醬汁味道濃郁。牛肉質爽口，肥瘦適中。-💥高力豆沙 HKD$12/件，這個最少點兩件，面頭有砂糖可拌著吃，這個口感有點像牛脷酥。這個口感軟綿綿的，裡面是起沙的紅豆餡料，味道香甜。-💥桂花酒釀丸子 HKD$18，這個味道很香，，是常見的糖口之一這個味道清新，是帶微微的甜味，丸子口感煙韌軟糯。-

今次係第二次幫襯, 來提前慶祝中秋節,  有訂位的緣故, 六點來到就可以立即入座, 七點後已經要等位.環境 : 座位算係寬敞, 五個人分到一張六人長枱, 中間放了一個卡板, 入店要先掃碼及量體溫.食物有好有唔好, 餃子點了素餃及白菜豬肉, 兩款都好味.蝦仁炒蛋,  叫來俾小朋友送飯, 呢款唔係東北菜, 亦唔好有乜要求四喜烤夫 : 印象中應該係上海菜, 呢度好大碗, 但有一半俾汁水浸住, 無上海菜館的好食.醉雞, 酒味夠, 但雞件切得太大件, 不及上海菜館的精緻黃金南瓜 : 正常, 放凍了南瓜表層會變得硬口, 底下的亦很油.烤鴨 : 168蚊半只, 但來到只係微暖, 餅皮亦係微暖, 過多一陣已經全部凍晒  烤鴨店的收費, 港式酒樓的水平, 雞絲粉皮 : 呢個最差,雞絲少到差點搵唔到都算, 個醬完全沒有花生的香味, 還帶酸, 呢個吃剩半碗有多.牛肉麵 : 麵身偏硬, 牛肉薄到好似火腿甘樣.酸辣湯麵 : 應該叫酸辣醬撈麵, 面頭的酸辣湯只係薄薄的一層, 麵身一樣偏硬, 放多一陣, 酸辣湯的水份俾麵吸收了, 就變成一碗撈麵了. 撈完之後, 絕不可能可以用湯匙"筆"到一啖湯來飲. 可想而知幾杰身

《元朗美食篇》~抵食之選😚夠鐘食晏⏰元朗西菁街有許多不同食肆 這間東北菜館 裝橫時尚搶眼樓底高 空間感大 坐得舒服😚午餐款式豐富吸引 $38.00 起 主餐同小食 量多大份 夠曬飽肚 全日免收加一 價錢實惠👍午市套餐加小食#酸辣湯麵 幾足料 湯底夠酸 微辣濃稠 夠哂醒胃😋#螞蟻上樹配菜飯超大碟🤪粉絲炒到好乾身 鹹香惹味😋#四喜烤麩味道香濃甜甜地 食落鬆軟有彈性👍#拍青瓜蒜香味青瓜 香口爽脆清甜😚食到好飽 冇胃食甜品😅

之前去過荃灣的老掌櫃食午市湯餃，覺得平靚正。發現原來元朗都有一間分店，就入去試下。點了 （全日不用加一）🐱（午餐）菠蘿咕嚕肉$47+$2 轉菜飯午餐而言挺大碟。咕嚕肉炒得挺香脆，炸粉唔算太多，肉唔靭。醬的調味不錯，酸酸甜甜但又唔會太濕，菠蘿挺爽口鮮甜，洋蔥也多。🐱（午餐）口水雞$48 配白飯大大一碟，有厚厚的青瓜絲，雞肉份量也不少。雞肉唔算太滑嫩，但以雞胸為主啖啖肉。最欣賞係個醬，非常惹味，香辣不嗆喉，麻香撲鼻，配雞、青瓜絲一起吃很好送飯。🐱（午餐）肉三鮮（10隻）$42 轉煎餃+$5餡料挺足，蝦、豬肉和韭菜完美配搭。皮唔算薄但很好彈牙。煎得很香口，咬下去肉汁挺多。好味！🐱 加配豆漿$4@挺大杯，豆味濃，唔太甜。🐱豆沙鍋餅（單點）$48熱辣辣，挺鬆脆，豆沙甜度適中。$200 三個女仔吃得飽飽！平日唔算多人，可以慢慢吃慢慢傾，悠閑好選擇！

1.排骨擔擔面 面湯香濃，湯汁做到掛面效果，唔錯，排骨份量相當以往其他食店數量明顯偏少(同樣價錢，其他食店一般有6－8塊，此店只有4塊),味道還可接受2.酸辣湯，明顯欠缺酸味，除了有大量木耳絲外，其他配料量少，比例完全不適中，肉絲不像肉絲，與酸辣湯應有味道相差太遠3.酸菜魚此餐最差食品－超級勁咸(同你將一茶匙鹽直接倒入口一樣完全無分別)，酸辣麻完全未能配合，每味各自成一角, 可能係每樣配菜都獨自煮好，之後倒入一煲就算？完全唔似一齊煲過既味

水煮魚油太多，而且一d都5辣，然而menu上顯示有三個辣椒仔，價錢偏貴，因為料好少。片皮鴨個鴨同皮都唔掂，皮上尼系凍既，鴨同酒樓食個D差好多，切太厚，偏乾柴，吾好食。（所有相片我都用左濾鏡）個面就Ok，都可以。最後食剩好多，因為真系好難食〒_〒

我都算去過好多間食東北菜既餐館，呢間有好多唔同種類既菜式，第一次食感覺係新鮮，有好多唔同種類餸，味道恰當，係有少少唔夠熱，如果熱d會好味好多，有待改善，整體唔差就已經好好

Happy Friday今日相約同事出去食晏本身想食日本野但無位 結果就黎左呢間老掌櫃試下佢都有好多菜款揀最後叫左個水煮魚加菜飯魚癮又起黎到份量好多 魚係用魚柳無骨 夠晒麻 幾好味菜飯都好食 唔會好似有d餐廳咁咸整體黎講非常唔錯地方又闊落 方便朋友們傾計

第一次食係荃灣donki隔離，見元朗都開左分店又試下，水準差唔多，價錢算平唔收加一，食CP值四喜烤麩，四喜一般指冬菇、金針菇、冬筍、木耳，但呢到幾揸流攤，得少少本耳配大量烤麩 （麵筋製成），味道係甜甜地京䓤羊肉餃子🥟 鐘意食羊肉嘅人必食！一咬有羊肉汁泌出嚟，蘸醋同辣醬更惹昧🌟片皮鴨半隻，呢度唯一唔好就係餅皮係一疊甘上，無蒸籠放到靚靚，你要逐塊皮自己撕反開。鴨皮好香脆，鴨肉略嚡口，不過加甜麵醬同青瓜一齊食，味道都好ok

服務差，食物差，元朗店不用試，不會再去，幾年前大角嘴老店，未搬食過好食，今次食元朗店真係好失望，對其他老掌櫃都失信心，今次對元朗店完全冇希望，唔明點解咁多人排隊去食，咁嘅價錢出面可以有好多其他選擇！隻片皮鴨紫皮咁，青瓜配料粗大到可以哽死人，啲包皮急凍完上枱又完全冇熱度，仲要一團團好難開，酸辣湯味道，冇酸味，又唔辣，不知所謂！未試過咁難食咁難飲嘅酸辣湯！其他餸菜都係切到好粗好求其，咁冇心機準備菜料，不如唔好做吧！

今日家父生日去咗呢間中菜食 味道不錯 上菜好快 服務態度好好👍🏻主要想食片皮鴨 我哋食咗一半就打包 太飽🤣 anyway我覺得有下次😋我哋食咗:🌟原隻片皮鴨🌟乾葱拌麵🌟羊肉餃子🌟葱爆羊肉🌟地瓜拔絲🌟涼拌海蜇🌟糖醋里肉🍽老掌櫃東北菜館📍元朗🔅未有餐廳立場資料#hkfoodie #香港美食 #香港打卡 #天水圍美食 #川菜 #黃店 #天水圍黃店 #中環美食 #中環 #壽司 #sushi #香港打卡 #港女下午茶 #元朗美食 #美食 #日式料理 #日式定食 #荃灣美食 #元朗cafe #荃灣cafe #cafehunting #西環美食 #墨西哥菜 #日本菜 #漢堡包

香港做東北菜嘅餐廳唔多，曾幾何時穿州過城去到港島盡頭先搵到一間。適逢媽咪生日加父親節提早慶祝，屋企人都中意特色地道菜，就決定試吓呢間開咗無耐嘅東北菜館。餐廳門面同內部裝修都用上大紅色，充滿大中華味道，枱櫈亦順應風格選用木製品。屬於新東北口味嘅菜式選擇並唔多，只有疙瘩湯、羊肉餃、一兩道烤羊等，其實大部份都係上海北京菜。預先ｂｏｏｋ枱時已知會餐廳會帶蛋糕，同預留咗片皮鴨作驚喜，但攞枱時店員就大大聲問係咪留咗，即刻乜驚喜都無哂🥲🥲服務態度一般，要招手幾分鐘先有人理，不過勝在上菜速度快，唔洗點等。點咗幾道菜，包括紅油抄手、東北豬皮凍、麻醬冷麵、咕嚕蝦仁同半隻片皮鴨，每碟都大大份，價錢平，抵食。紅油抄手（＄４８＠１０隻）餃皮算薄，正常菜肉餡，但紅油無咩辣味，如果辣啲會更香口惹味。東北肉皮凍（＄５２）外在晶瑩剔透，能見到包裹住嘅豬皮塊，但筷子夾起易散，質感唔夠彈牙。麻醬冷麵（＄５８）有辣有唔辣任均選擇，因為媽咪唔食辣所以揀咗唔辣，麵非常足料，配菜同肉絲多；加上麻醬拌勻，冰冰涼涼嘅味道非常開胃，麵條粗幼適中彈牙，有咬口得嚟唔會太硬。咕嚕蝦仁（＄７８）同樣抵食，第一次見真係有成廿幾隻蝦，而且唔係河蝦咁

間唔中都會入元朗行吓街食吓嘢，元朗真係好多嘢食，今次和友人揀左東北菜作為午餐。店子面積頗大，裝修以紅色和黄色作主調，充滿中國風，座位乾淨舒適，整體感覺良好。菜牌選擇甚豐，有多款涼菜， 不同餡料的餃子， 燉菜 ，海河鮮，雞鴨豬牛羊， 北京填鴨，蔬菜，麵飯，湯，小食和甜品。茴香豬肉餃(10隻)$46~餃子皮比較厚身，口感煙韌彈牙， 豬肉的肉質好嫩滑juicy, 加入新鮮茴香令豬肉的味道更加鮮香，好正！口水雞$68~雞皮嫩滑，肉質爽彈，表面鋪滿麻麻辣辣的肉碎，令雞肉非常入味，頗辣。底部墊了不少青瓜，可解辣和很清新。羊肉常湯麵$48~羊肉湯底十分濃郁，非常美味。羊肉弄成肉碎，羊味香濃，有咬口，配上大量的紹菜絲和口感彈牙的麵條，好好味呀！酸辣湯麵$46~酸辣湯有木耳絲，豆腐和筍絲等，比較稠，酸辣度啱啱好，每條麵條都沾滿湯汁，十分開胃。豆漿(熱)$8/杯~豆味好濃郁，少甜，順滑好味。