老川皇

营业中

休息中

恰下恰下又過左一星期，咁就到星期五。難得今日唔洗OT，約左Oppa係MK等，點知佢一黎到就話今日好大怨氣，要飲反杯調劑下先得。我地行左轉朗豪坊都冇間岩feel，就醒起砵蘭街呢頭有幾間串燒食，於是就決定食呢間－「老川皇」。老川皇串燒好多選擇架，最平$5有交易，就算燒魚都係$62，出面邊度搵呀？所以我地決定主攻串燒，絶對係佐酒恩物呀！秋季天氣乾燥，先黎枝青島($24)潤一潤喉先茄子 ($25) 燒茄子原條開邊，一上枱已經聞到好香孜然粉味，加上滿滿蒜蓉，香料完美混和響茄子肉度，非常惹味。茄子燒得好腍，完全唔會乾，非常juicy，抵食呀，所以我地前後食左2條！雞肉腸 ($5)𠝹哂花去燒，d調味粉滲哂入去，每一啖都好好味。牛舌 ($20)牛舌最怕就係燒到又乾又韌，不過呢度又無喎，肉質嫩滑，咬落非常爽口，完全無渣，加上孜然粉，牛味更突出。雞軟骨($14)雞軟骨都算係必叫佐酒菜，燒得好金黃香脆，外酥內軟既雞軟骨，加上簡單嘅調味，全無油膩感。多春魚 ($14)表面金黃，魚骨已經燒脆，肉質特別嫩滑，味道十分鮮美，多春魚既營養價值亦非常高。墨魚丸 ($14)入口富有彈性，口感爽脆，面有焦香。貴妃蚌 ($2

川菜真係無法抗拒既美食好多都好好味，好想食，簡直係女人既減肥公敵 但無法啦，咁正既味食，當然食左先算啦木耳，酸酸辣辣開胃之餘又對身體好，木耳可通血管，食多少少都唔怕 呢碟爽口彈牙香芋珍珠奶茶呢個對我黎講有進步空間，香芋味可以濃返少少，珍珠唔好太熱香蒜炒水晶粉呢款2個人根本食唔哂，所以好抵食蒜味好濃，所以帶辣，如果唔食得辣既朋友可以改食湯水晶粉雞軟骨大大粒，香口骨脆，帶少少肉土豆絲我的至愛 呢味餸非常正土豆絲軟硬適中，又夠味，簡直係完美2行人，每人158蚊以上開飯食評，只係本小姐個人食後感

陪爸爸去旺角, 去到食飯時間就揀左呢間老川皇。可能太懷念四川菜喇, 我地兩個都好滿足呢餐呀。首先個炒土豆絲勁正。食落少少辣, 土豆絲切到好幼, 好入味。 加左白糖同酒去炒, 食到脆身爽口。 水煮牛肉用面盆咁大既盆上, 入面有好多黃豆芽同鮮牛肉。 兩個人食食到好飽, 牛肉厚身好嫰。 而大豆芽吸收哂d精華好正。 我食到最後想飲埋d汁佢不過阿爸唔俾。 我話如果有埋豬血, 其他配料就好喇。 阿爸叫我不如下次食毛血旺喇咁。 飲品方面就一般般喇。 個樣一般, 要求少冰走甜真係有做到。

餐廳係歐美廣場, 招牌好大好明顯, 餐廳係1樓, 其實要行兩層樓梯上去。 餐廳寛敞明亮, 感覺幾乾淨。 中午就冇收加一服務費, 燒烤就要夜市先供應。餐廳共有三間分店, 呢間係旗艦店。由涼拌, 火鍋, 燒烤, 辣子菜式, 麵, 甜食, 特式飲品都有。 喜歡中菜特別係川菜既朋友一定好開心。每個菜式都可以揀大, 中, 小辣。 我地全部1揀左小辣, 食落似微辣。 涼拌夫妻肺片 $60有牛肚, 牛, 牛舌等。加上辣椒醬, 蒜蓉同莞茜調味。 再加碗白飯黃金海中蝦 $152因為懶得剝殼, 我地揀左呢款冇蝦頭, 睇落大d既蝦菜式。 廚師拍左大蝦生粉, 炸到卜卜脆, 再加咸蛋黃。 新鮮整要等15分鐘左右, 上到黎熱辣辣好正。 脆到可以連殼食, 好有鈣質 總結: 材料新鮮, 食到有辣和麻, 而有香味。 所以我都幾鍾意呢間川菜。

個辣子雞真係不得了！🌶🌶🌶推介大辣！辣子雞🐔，一個川渝地區名菜，一般以雞為主料，把雞丁炸至外焦内酥，加上蔥、乾辣椒、薑片、花椒、胡椒炒成，眼見滿碟滿滿的乾辣椒，便知對味！麻辣鲜香，酥香爽脆，送啤酒一流🍺🍺。同埸加映：蒜泥白肉、水煮桂花魚

有位朋友 無辣不歡🌶今次出街食飯 決定就一就佢 試下川菜 睇下佢食得有幾辣先😛一入到門口 已經聞到陣陣酸辣 辣椒 麻辣既味道咩係川菜呢？？？餐牌內都有好貼心地解釋下朋友興奮到流哂口水晚飯時間都好多人 好在早早黎坐定點菜姐🙈我就有少少驚 事關本人食辣程度 係屬於BB級滴汗了😅好在 餐廳雖然主打係四川菜 但係食物有辣 有唔辣食得辣既朋友 可以揀 水煮 或 尖椒類既食物如果好似我咁 可以揀唔辣 又或者 揀返適合自己既辣度 咁大家就算同枱食飯 都可以揀岩自己想食既野👍🏻我地點左重慶風味燒烤 當然為左就我 就選擇左麻辣裡面既「中辣🌶🌶」韭菜 燒得惹味 但保持到蔬菜既水份 唔會太乾魷魚鬚 爽口彈牙 送酒就更一流🍻牛舌 份量十足 好彈牙 羊架同樣大大件 味道香濃 但肉質鮮嫩茄子 加左大量蒜粒 配已香料 好食到震🤪呢味辣子雞 真係必點菜式💪🏻雞粒炸雞香脆可口 配以大量辣椒 花椒 香料一齊煮將味道提升到另一層次👏🏻👏🏻最後一道 鐵板田雞田雞肉保持到肉質嫩口 肉汗緊緊鎖實呢餐真係「川」味十足👍🏻

小編今次同大家介紹正宗川味好去處—老川皇🌶🔸例牌口水雞 $58口水雞大大件 肉質嫩滑辣汁惹味 唔係死辣 食落過癮！😌🔸四川涼麵 $26係小編至愛冷盤小菜之一👍🏻 有花生 葱花 麻醬辣醬撈埋一起食！麵質彈牙 加埋醬汁 簡簡單單 越食越香🤭 鍾意食麵嘅朋友推薦試吓呀！🙌🏼🔸水煮魚 $162呢個都係必點之一吧！本身好喜歡食魚，魚片十分嫩滑，唔多骨，算易食，大大啖魚肉放入口！辣味唔會遮擋晒魚嘅鮮味！下面仲有芽菜墊底，口感爽爽的😌整體唔會好膩 恰到好處！必試🥰🔸串燒 $9-25不等惹味川式燒烤又係另一必點吧！叫咗烤雞全翼 煙肉包腸仔 雞軟骨同茄子~ 雞翼腸仔係大路受歡迎之選，加上新鮮熱辣辣燒上來灑滿川味調味粉真係好吸引！茄子上有蒜蓉同葱花，大大啖茄子啪落口真係大大大滿足啊🤤🔸總結: 鍾意食辣嘅朋友又有正宗川味餐廳推介啦！七點已經勁多人喺外面排隊等，睇黎人氣幾勵害啊！🙈

入夜後的砵蘭街一帶，除了大部份人想到的燈紅酒綠夜生活之外，其實都有美味的川菜，就是老川皇。起初眼見其他食客吃的水煮魚片上面放了許多辣椒，擔心這個水煮桂花魚會很辣所以只選了小辣。但當吃時卻沒有想像般辣，店員亦不辭勞苦的幫我們加辣。飄香辣子雞是佐酒的小吃，可惜當日駕車唯有以王老吉代替😜。不算太辣而且很香口。點菜時見外婆菜炒雞蛋名字很特別於是選了，外婆菜又名萬菜原料選用大頭菜、白蘿蔔等曬乾再醃製，之後加上辣椒、油、鹽、大蒜等，炒好之後特別香辣，拌飯一流。聞說更有滋養容顏的功效。可惜的是蛋炒得有點兒過了火位，相對水煮魚及串燒則變得遜色。串燒種類有多種肉類及蔬菜類、頗多選擇，亦提供不同程度的辣味，串物所添加麻辣及孜然粉，非常惹味。而 L 所點的韭菜、燒茄子、豆腐乾及雞軟骨。當中以燒茄子最好吃。價錢便宜而且質素不錯，侍應招呼周到，令人心思思再次光顧。

朋友話想試呢間川菜，呢日同佢約喺旺角行街就俾佢拉左黎試附近仲有另一間分店地舖，呢間會新啲企理啲，五點去到時間尚早無乜客。午市套餐幾抵食，四十零蚊包野飲，不過要五點前黎。第一次試蕨菜，口感爽脆，有啲似木耳絲。本身無咩味道，主要靠辣油提味，香口但辣味唔太突出，夾埋一齊食反而令芫茜味無咁出，唔食芫茜既我都擺到入口賣相紅卜卜，但食落都係香口但唔太辣。勝在雞肉好嫩身，啖啖肉，落刀幾好手勢無碎骨水餃有得揀酸辣/清湯，嗌左中辣但其實係清湯加辣油，不過連水餃食都幾過癮～水餃皮偏淋一夾就散，肉餡幾飽滿，白菜大小適中食落有口感。好耐無食炸饅頭，外層炸得幾鬆化，點埋煉奶香甜可口。最後黎返杯檸檬雪梨清清熱，雪梨汁係即嗌即榨，清甜順喉加埋檸檬片，增添些微酸味更解渴。二百蚊鬆啲賣單，以後唔洗返大陸都有食川菜既好選擇

今日和朋友敘舊，來到旺角登打士街，之前也去過他們的分店，這次再來這家位置十分方便，在商業大廈一樓，舖面夠大地方很闊。餐牌有很多選擇，菜品選擇非常多，餐牌又夠厚，光看完他們的餐牌也要一點時間。菜式大多數都幾十元至百幾元一碟，合理的中餐價錢。先來的是它們的鮮花椒水煮魚($138)， 好多魚好大的份量呀！裡面全部都是魚肉非常足料，肉質非常嫩滑，魚很新鮮，魚入口軟熟。湯底夠辣，魚肉盡吸辣油湯汁，十分惹味，有芽菜，蔥花，辣椒做點綴。辣、酸、香、和一點麻，層次十分豐富。再來的是必食的口水雞($ 58)，食川菜怎能沒有口水雞呢? 口水雞是餐廳的招牌菜。半隻雞份量都唔少很足料，雞肉嫩滑，香味十足，惹味的獨門秘方辣汁，令我食到停唔到口，伴飯吃一流！我們還點了兩個涼菜，泡椒雞腎 ($ 25) 和涼拌腐竹 ($ 34)。先說價錢兩個涼菜也是二，三人份量卻是一人價錢，泡椒雞腎($ 25)是涼拌的，有少麻和少辣的味道，也有麻油香，十分開胃，應該適合不太能吃太辣的朋友的選擇。而涼拌腐竹 ($ 34)相反卻又夠辣又夠麻，爽脆彈牙也非常入味。最後結帳($292)有加一，總括而言，老川皇是一間水準不錯，又價格實惠的川菜

呢間四川食物好正，之前已經黎食過幾次，今次再帶朋友黎食。坐低即刻寫左張串燒紙，燒蒜香茄子實在好惹味，食完即刻叫多碟😋全餐最清淡既炒萵荀絲，好爽脆！辣子雞好香，我地叫左小辣，唔食得辣既朋友都應付到。呢碟份量比較少，我地好快就清晒啲雞。重頭戲水煮魚，魚片好滑好香椒味，下面既芽菜索晒啲汁，超正！黎多碟清淡小菜，蝦仁份量有好多，炒得好味，好滿意！

聽說旺角區的老川皇是香港其中一家川菜名店，今天雖然沒有跟朋友約上，難得是星期五晚上，還是想吃一些可以讓自己relax一下的菜式，所以選上了她。吃四川麻辣菜式，最爽的肯定是一邊吃一邊”歎”啤酒。特別是這個炸得脆脆的辣子雞，又脆又香辣，雖然說只有我一個人吃，邊吃邊喝的，一眨眼已經吃完了。這家店的麻辣口味，風格跟之前吃過的相像，不過她更勝一籌的是辣得更香，留在口腔的香味更長久不散，非常過癮，連蔥段也令人回味。水煮魚選的是鯇魚片，每一片也切得很大片但也很薄，反映師傅的刀功非常好。正正就是每一個小部分也做得比其他的店家好，才成就了名店的招牌。這個菜，吃起來魚肉很香滑，有入口即化的感覺，果然出色。順帶一提的是剛坐下來聽到隣座是來自成都的大學生們。從他們的對話中，可以知道他們也覺得這家店的菜做得好。有四川當地人的這句話，還沒有看菜牌已經先期待了。結果是，果然沒有讓我失望。

踏入秋冬，嘗川辣。九龍區這間很聞名，今晚閒日便試試walk in ，七點三入去，淨返幾張吉枱。川菜最好食當然係水煮X, 叫了魚片，口水雞，干鍋肥腸，香辣豆皮，四川涼面，四個人食。見到Menu 個個都紅辣辣，免得食唔到，全部叫小辣。基本上麻辣度很平衡，小辣也實在不辣，很 惹味，麻香不太鹹。魚片尚算新鮮，小滑但細骨多。香辣豆皮薄身，香茜味不太嗆，豆皮清新爽口。四川涼面，濃厚面粉味，很充實。最好味的當然干鍋肥腸，若叫中辣更為好味。總括而言，大家嘗辣最少可叫中辣。

最近天氣開始轉涼，最岩就係食返啲辣野暖暖胃。咁岩朋友帶左我去哩間老川皇，正正係出名食辣既四川菜，合哂我心意。其實我唔太食得辣，不過哩到每款菜式都可以自由選擇辣味程度-小中大辣，所以唔洗擔心太辣或者唔夠辣。第一道熗炒土豆絲，望落好清淡，不過食落一啲都唔簡單。土豆炒到軟硬適中好爽口，土豆切到一條條，唔長唔短有口感。簡單既辣椒炒製冇搶過土豆本身既味道，好食👍🏼。第二道川式回鍋肉同樣係辣既，用既係半肥瘦腩肉，不過食落一啲都唔油膩，相信腩肉事前炸過，迫左部份油出黎。第三道辣子田雞係朋友話一定要點既😆。雖然對田雞冇咩好感，不過都順下佢意試下啦。咁多道菜式哩款係最辣既，雖然簡左小辣不過都要狂飲水解辣。哩個餸炒得好夠鑊氣，田雞肉脆肉軟，唔會好乾身。撇除田雞🐸心理關口，其實田雞肉可以比雞肉更嫩更滑。食左咁多辣野個口仲麻麻地，最後一定要食返個甜品中和番。點既哩款係紅糖糍粑，第一次食已經愛上，外皮炸到金黃色脆卜卜，裡面就好煙韌。再點埋佢個秘製醬汁，甜甜地好好味。

朋友帶我去吃川菜，位置係於砵蘭街歐美廣場，剛到達餐廳的時候未算好多人，但係一到7點半8點出面居然有人開始排隊，看來平時都多人食！餐廳食物好多元化，有川菜，有打邊爐，有燒烤小食！每個卡位都有一個鐘按鐘會有店員幫你落單好方便! 食物方面都好有水準：涼拌土豆絲爽口，而且辣度適中，分量多，而且無咩酸味值得一讚！四川涼麵：辣度剛剛好，開開胃！酸菜魚一開始食感覺沒有什麽味道，但食食下酸辣味越來越出，魚都算滑身，不過要留意魚骨！最後，我們還叫了一些燒烤小食！燒花枝丸，韮菜同茄子加埋辣粉及孜然粉真係好惹味，下次再黎食。