老川皇

营业中

休息中

早前已經試過地舖果間老川皇，今次帶食得辣既朋友黎到位於砵蘭街歐美廣場內既老川皇!我地大概7點左右到達餐廳，當時餐廳已經坐了8成既客人，只係過左十幾分鐘，門口已有等候既人，果然係人氣既川菜餐廳!餐廳入面男女老少都有，非常有家庭既感覺，我同朋友安排坐卡位，而餐廳入面亦有不少卡位及圓枱!每個卡位都有一個鐘，方便落單，不過其實都可以唔駛按鐘，侍應都會招呼你!我地兩個人叫左幾樣菜式黎試下，以這裡全部菜式都可以揀選辣度，而我地今次全部都係叫小辣!涼拌土豆絲，土豆絲好爽口，酸辣度適中!四川涼麵，食落去有少少似擔擔麵，辣度剛剛好，還有少少麻的感覺，而涼麵本身亦好爽口乾身，醬汁掛係麵上，非常入味!酸菜魚，早前雜誌上也有介紹過，當然要試一試!魚非常滑身，厚薄適中，酸菜份量也很多，還有酸蘿蔔，湯亦越食越酸及麻，非常開胃!燒烤茄子，茄子表面有很多蒜蓉，配上少少辣粉及孜然粉，同埋茄子本身既鮮甜，不會太油膩!燒烤牛丸、花枝丸及韮菜，牛丸及花枝丸經過燒烤及配上辣粉及孜然粉，非常惹味!而韮菜我係第一次燒烤咁食，估唔到入面會有好多汁，加埋辣粉及孜然粉原來係可以個味咁出!餐廳亦有多款飲品可選擇，而我就揀左王老吉，感覺比較

呢間老川皇係朋友介紹黎，係食過好味又再食既一間川菜館。記得第一次黎食都有點抗拒，因為小妹以前對川菜印象都麻麻，覺得除左辣真係無咩特別，而且覺得食咁辣好易生暗瘡。結果食左一次之後就拉埋男友一齊黎食。餐廳門口就張貼了招牌係水煮魚。既然係招牌菜緊係要試下啦。而「口水雞」就係必食推薦！口水雞同水煮魚係我地今次必食既主打，一黎上次同朋友食過真係好正，二黎水煮魚係餐廳推介點可以唔食呢！「口水雞」可以選辣度，我地就選左普通辣，因為驚太辣食唔到，呢度既辣帶麻，不過加左花椒等配料，食落香味無比，會令你一食再食，下次可以再食辣少少。未食過既朋友建議由最簡單開始。呢度既口水雞肉質都幾嫩，而我地亦係半隻咁點，分量都唔少。入面既生花比一般賣既香脆，食到唔停口呀！「水煮魚片」份量真係唔野少，我地點了一斤，魚肉好爽彈新鮮，絕對唔會又軟又爛！雖然睇落去食個湯都紅通通，而且辣椒滿滿。不過魚肉食落唔會太辣，仍然保持到當中既魚鮮！真係好正！果然係招牌菜呀！---宮爆蝦仁估唔到會咁足料，差唔多成碟都係蝦仁。辣椒好似好多咁，但其實唔會好辣，反而帶到香辣既味道出黎。---我地仲點了麻婆豆腐，相對之前既水煮魚同口水雞呢個菜就比較一

上次黎完之後對佢既辣念念不忘見天氣開始凍凍地又諗返起黎開呢頭就黎再戰一場先==============================涼拌茄子雖然叫涼拌但唔知點解係暖暖地同埋味道有D酸口水雞上次食完之後一試難忘佢唔會得個辣字除左辣仲有香而且雞肉都好嫩肉質都好鮮味宮爆蝦仁非常之送飯送酒既一味小炒有少少辣辣地好吊胃口最重要係夠晒足料勁多隻蝦隻隻都爽口彈牙麻婆豆腐睇過中華一番之後一直都好鍾意食麻婆豆腐而呢到就做到靚既麻婆豆腐需要有既野就係要夠麻,夠辣,夠香佢呢到既麻婆豆腐夠晒麻同香但如果再辣D會更好豆腐都好靚好滑水煮魚片因為只有兩個人食所以只叫左一斤但都已經好夠食條魚好新鮮,好鮮味就算浸左落咁重味咁辣既湯底到都遮唔到佢既鮮味而且個湯底調味都好好夠晒辣同香重慶串燒牛肉一直都好想試佢D串燒今次只點左一串黎試一試味道都唔錯,佢落既香料好香美中不足係牛肉燒到有D乾柑桔青檸蜜+蜂蜜檸檬柚子飲品不過不失再凍D會更好始終食辣野會想飲凍野

近排興食酸菜魚，而我又好少食川菜，因為唔係好食得辣！但又心思思想試下，上網搵下搵下就搵到呢間，價錢唔係貴，地點就夠曬就腳！六點黎到無乜人，橫樑裝修有d似古宮咁ge顏色，鋪頭比較細，比起旺角店都爭好遠！呢度最多做七至八檯，但侍應掛住睇馬，我地同佢地講幾位，完全聽唔到囉！最後我地自己搵位坐！呢度有水煮魚同酸菜魚，魚有分大頭魚、生魚同桂花魚，仲有一斤同兩斤價錢，我地要左一斤的酸菜生魚片，仲有一個菜同一個小食。尖椒皮蛋同我地平日見的唔同，蛋黃係黃色，唔係黑色！因為呢個係川式醃法，叫金牛鴨皮蛋，阿摩尼亞味少d！個味就Ok ge，可能食開黑色的，呢個個味會淡少少。干扁四季豆會麻d，好香！加左欖菜同辣椒，唔算太辣，送飯一流！主角酸菜魚黎喇！不過有少少失望，魚吸唔到酸菜的味，又無乜辣味，好似魚還魚，酸菜還酸菜咁，但魚肉係厚的，食落去彈牙，勝在呢個無乜油，感覺健康d!以價錢黎講，性價比都算高，但魚可以入味db

去完7-11買嘢, 一轉角就見到呢個歐美商場, 入面有間 老川皇，成日同朋友喺旺角附近行街都冇為意, 今日竟然俾我發現到老川皇，聽個名就知佢喺川菜方面有一定水準!

上網一查,原來老川皇係一處出名食川菜, 水煮魚既地方！我同朋友都好肚餓,對望一個眼神就決定今晚一於食呢間! 入面鋪頭都幾寬廠, 中間係圓桌坐滿晒人, 我同朋友坐左係兩邊卡位,坐落完全唔會擠逼, 又寬落又舒服!好彩有得按鐘叫侍應寫單,唔使成日揮手, 好貼心!-一坐低就迫不及待叫咗 最普常見嘅酸菜魚試一試! 酸菜魚一度我同朋友都嚇親, 入面嘅魚肉好豐盛融, 用湯羹一撈, 魚肉滿瀉!-味道方面亦不失所望, 我哋叫咗小辣, 酸菜有一定辣度, 麻辣味足夠, 果然係皇牌既川菜店, 食得出佢醃酸菜用左充足既醃料, 小辣都有一定程度嘅麻辣味， 魚肉亦新鮮, 好有鮮味!茄子炸過先放入醬汁, 一撈勻, 口感絕佳! 茄子好推介!!!茄子實在太好食!!!
拎嚟送飯一流, 我地叫左一碗白飯, 已經好飽, 白飯亦都都好實抵食
-呢間餐廳值得推介更多朋友來食! 特別係中意食辣既朋友~~~

聽過好多朋友介紹呢間老川皇, 今日咁岩經過旺角決定同朋友試一試佢!上到2樓, 已經逼滿晒等位嘅客人, 我同朋友食完趁佢放工冇乜先影到個門口。見佢嘅menu就知出名嘅係水煮魚, 同埋佢辣嘅程度好有四川嘅風味。不過, 我哋今日得兩個人嚟食, 所以決定試試一試四川小炒先!食嘢之前, 叫定兩杯解辣嘅飲品先。呢杯蜂蜜柑桔柚子茶, 甜度適中好清爽, 飲飲下忍唔住叫多杯另外, 朋友叫左杯椰子珍珠奶茶。另外, 朋友叫左杯椰子珍珠奶茶。估唔到呢度都有珍珠奶茶飲, 口味亦都好豐富, 拍得住台式飲品店~我同朋友唔太食得辣, 但係都想感受一下川式嘅風味食嘅風味, 最後決定嗌個冇咁辣嘅宮保雞丁同埋蕃茄炒蛋試一試佢!番茄炒蛋嘅蛋非常嫩滑 夾埋番茄食落口一流!宮保雞丁, 水準完全超乎想像。首先係花生一咬落去已經充滿川式醬汁, 硬度適中, 而雞肉方面, 大大粒, 醬汁入曬味, 再加上上蔥花同埋少許辣汁, 好味到唔停口!-下次一定會帶更多朋友一齊嚟食埋 --- 水煮魚同埋村食小炒🤪

這天晚上約了朋友到油麻地吃晚餐，我們決定吃四川菜。裡面人山人海：很多人，我們也等了一會才有位。餐單印刷精美，上面有各種食物的圖片：串燒點餐紙：點燒烤要等一會，所以最好儘快落單。孜然羊肉$92點了小辣，但已經很辣了，所以不要小看小辣的威力。羊肉肉質鮮嫩，羊騷味不重。配料也很有鑊氣，非常惹味。另外也點了些串燒：茄子 $25秋刀魚$26、牛肉$11、金針菇$9、魷魚鬚$12花枝丸$14添加了香料，吃後齒頰留香。木瓜珍珠奶茶 $19端上來的時候是熱的，全靠冰塊令珍珠奶茶涼起來。士多啤梨珍珠奶茶 $19兩杯都很止渴，而且甜度適中。埋單$250，平均每人$125，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

講開食川菜，我與太太都很喜愛食，尤其是太太，每每食川菜都喜歡食水煮魚，尤其喜愛川菜麻辣的味道，那鋪滿面上的干辣椒，講起真是尤覺垂涎。今日與太太來到旺角的老川皇，地鋪這間我們食很多次了，今次侍㒣帶我們到隔離一樓的老川皇，一樓我都是第一次到，裡面裝修精緻華麗，卡位設計非常舒適。今日要了個水煮桂花魚(中麻多辣)$192。侍㒣放上枱時，傅來一陣的麻香辣的味道，面上最顯眼的干辣椒，及惹人愛的麻辣紅油，還有那雪白的桂花魚肉，嘩，真是色香味俱全哦，見到已令人垂涎三呎。桂花魚湯底下還有一些芽菜，帶著麻辣汁及鮮魚的精華，入味又爽口。桂花魚入口先感覺到濃濃的麻辣，肉質嫩滑夠鮮，帶著濃濃的麻香辣特有的川菜味道，非常贊。這就是我多次光顧老川皇的主要原因。爆炒牛肚$72。爆炒牛肚也是我最喜愛食的川菜之一，上枱帶著一陣的香味，認真夠鑊氣，韭菜花十分爽口帶甜，吸收了牛肚味道，非常惹味。牛肚帶著麻香辣及韭菜的香，真是入味又惹味哦，超贊。再要了一個燒茄子$25。面上鋪滿了肉碎及調味，茄子夠軟夠腍滑，與非常入味的肉碎一齊食，带著燒烤特有的香，真是香腍軟滑好味，非常正呀。

朋友好鍾意食辣嘢，今晚帶咗我去旺角登打士街果間老川皇食川菜、我地六點半去到，已經差不多全部滿座，分配咗一個二人卡位，望下左右隔離，好多后生女兩兩三三一枱，食得好高興喎！食辣嘢梗係要冰涷啤酒啦，一人叫一大杯生啤先，比利時嘅heogarden清香味生啤，夠哂大杯，好有氣勢！再點D燒牛仔骨同魷魚鬚下酒,小小辣，好合拍！再叫多一個四川口水雞，有D麻辣口感，雞肉亦鮮甜，好味道！點咗個酸菜桂花魚，啖啖肉，而且鮮甜軟滑，廚師刀工了得，已經起走哂D魚骨，放心食、完全唔怕會哽骨！配合埋酸菜同小辣的湯底，啱哂我D怕大辣又想食辣之人！唔經唔覺果杯大啤飲完，再叫多枝樽啤加碼盡興！

今日收工後相約兩位好姊妹到旺角行街街食晚飯，行完街攞地商討之後，決定到老川皇食烤魚加串燒😍到了歐美廣場樓下宣傳圖畫巳經好吸引😋人到店鋪巳經九成爆滿，好彩訂了位入到去即時安排入座。👍由於我怕食辣，又怕多骨，所以點了個酸菜桂花魚同一些串燒。桂花魚好小骨，食落好滑好鮮甜，酸菜不會太酸，好爽囗，食吾停😋燒蠔，一d都吾腥，蠔味重，超濃蒜蓉味，正！燒魷魚，雞軟骨，燒得好香口，好好味👍食了咁多濃味食物，當然叫返個淸炒菜來平衡返，食落好滑爽甜😍😍😍

又係時候同好友去搵好野食嘅時候，今日落旺角區搵好西，行過見到尼個易拉架，味蕾立即醒哂，老川皇以前都有幫襯過，尼間係第三間店，地方更大更舒服，地點唔難搵，朗豪坊戲院果條上海街一路向油麻地方向行就會見到歐美廣場，去到門口已經有好多人，幸運地等左一陣就有位！餐牌選擇不多不少，就揀一D招牌食品試一試先黎個酸菜魚，白白嘅魚片、大大塊，啖啖肉，鮮甜無魚腥味，正！酸菜爽口醃得酸咸適中，個湯有魚香同酸莱味，清新開胃！秋意濃濃的日子，飲個簡單又滋味嘅湯，感覺身體都潤起來！麻辣鷄，紅紅的干辣椒伴住雞粒，睇落好辣，但食落辣度適中，雞切到一小粒一口雞方便進食之餘，更容易入味，再加上麻辣香味，好野味清炒高芛絲，所謂既清炒唔係就咁加油加鹽炒，應該加左調咪料，調出味道來，高芛爽口，無草腥味，清翠新鮮蒜香焗蠔，蒜蓉舖係蠔面，蠔吸收蒜香味，食落蠔味更鮮更甜川菜唔一定係辣辣同辣，尼個雖然白肉宴，但也吃得很舒服！

一行3女仔想食水煮牛。朋友介紹下就試。見見餐紙已經心大心細，又串燒、又水煮，又涼拌。所以3樣都叫齊。先叫串燒。有豪。見到都已經覺得香。食落豪新鮮。再食多春魚。正，送酒一流。牛仔骨都不錯。再叫水煮牛來打邊爐。店員會叫你先食牛。之後再加湯底。牛果然滑。不錯。不過食得辣的我只叫了小辣。所以覺得爭小小。火鍋料叫了魚。羅白。响鈴。樣樣都係好味。再加左個口水雞。都大碟。好入味。但野飲每人平圴叫了2罐。16蚊一罐。但整體正。會再來

旺角鬧市.........位於街內的一個小廣場........層數不算很多.......走2層便到了......挑選食物了😋😋😋😋😋😋😋😋炸響聆👍🏻👍🏻👍🏻👍🏻👍🏻 剛炸好的感覺大大件墨魚滑........真是嚇倒我....太抵吃了👍🏻👍🏻👍🏻👍🏻👍🏻辣味夠👍🏻👍🏻👍🏻👍🏻👍🏻切得很薄喔.......清一清淡😋😋主菜水煮牛....不錯👍🏻👍🏻王老吉大滿足的晚餐👍🏻👍🏻

夜晚你都旺角真係好多人啊............依家歐美廣場就係內街...... 如果要搭電梯就要喺商場嘅右手邊入.........或者行樓梯都可以😆一入到餐廳都仲未好多人.......好快就有位啦！好多燒烤選擇........燒生蠔燒生蠔........蒜蓉味配合得剛好👍🏻多春魚....雞腎....牛仔骨....👍🏻火鍋水煮牛配料...白蘿蔔...鯇魚腩...拍青瓜中途點綴墨魚滑👍🏻👍🏻👍🏻口水雞👍🏻👍🏻再叫串燒 太好味了👍🏻👍🏻

人來人往的街..................寧願一角的歐美廣場...........電梯在廣場的右手邊上..............選擇很多喔................有打邊爐有燒烤...燒烤很多選擇......先來一件燒生蠔.....蒜蓉味很香.......配合得宜....墨魚滑.......大大份炸響鈴.....風味串燒....唔客氣了...拍青瓜....見到隔離枱食緊....都忍唔住叫咗份下火下火水煮牛..下次可以再辣一點清炒萵筍 食物多元化 不錯👍🏻