老媽拌麵 (荃灣廣場) (已結業)

去完超市買野去搵地方食晚飯，之前見人地話呢間系台灣過江龍既店舖，就入去試下！由於早入去食飯，餐廳無咩人，仲可以坐到窗口位。呢度環境光猛，而且我地行到好攰，所以覺得坐得幾舒服。睇餐牌見佢地最出名系關廟麵，當然叫2碗麵食下。川味紅燒三寶牛肉湯麵 $82呢度既關廟麵有幾款，分別系粗麵、傳統幼麵同拉麵。呢碗揀左傳統幼麵，麵質幾滑。湯底雖然話系川味，但辣度好輕微。三寶指牛腱、牛筋、牛肚，每款2件。私房花雕雞拌麵 $78呢碗揀左粗麵，個人較喜歡粗麵，同樣都滑，但有咬口啲。花雕雞幾入味，溏心蛋外貌一般，但估吾到幾入味同好食！另外仲有啲菇、小粟米同蒜粒。炸雞排 $46炸雞排吾會好咸，咬落都有少少脆，無咩油夠乾身。不過食物吾夠熱，如果可以熱啲會更好。另外叫左2杯黑糖珍珠鮮奶茶，$33一杯，黑糖味好濃，珍珠夠煙韌，好好咬。奶茶偏重奶味，個人喜歡奶多過茶，所以覺得好飲。睇佢地張紙介紹關廟麵好似好出名，香港仲有好幾間分店！

帶住老媽嚟咗荃灣廣場食「老媽拌麵」🥳。🍲 清燉牛肉湯鍋 (火鍋)有牛肉麵、響鈴、雞蛋、芝士丸、蘿蔔，同粗麵。1個人份量剛剛好。😙🍜 清燉半筋半肉牛肉麵我地揀咗幼麵😉，可以選擇走蔥。🤪牛肉牛筋好腍😋，亦好重牛味。😍湯嘅味道夠哂濃郁。🤭🌶 川味紅燒三寶牛肉麵揀嘅同火鍋一樣都係粗麵。🫠起初都怕會好辣，問過店員😬係小辣。即管試試，好彩真係唔太辣，接受到。🤗🐂 滷牛肚牛肚彈牙，😎滷水味重。🥟 高麗菜豬肉水餃味道同餡料足夠🙂，但略嫌唔夠熱。😗🥤 凍金羅漢果海底椰唔甜，適合健康人士飲。🈴🧋 凍仙草凍奶茶味道正常，甜度適中！🤩

懷念台灣嘅拌麵 嚟呢一間過江龍人氣老媽拌麵就啱晒✨.📌金華火腿干貝雞湯麵 $82呢個湯嘅薑味比較出 金華火腿同埋干貝嘅味相對就淡啲 唔係好夠鹹香同埋鮮甜🙈湯底好清 味道啱啱好 飲落去好養生嘅感覺 所以唔經唔覺就飲晒成碗🍲麵揀左粗麵 係刀削麵黎嘅 食落去好滑😚雞都幾嫩滑 不過份量就唔算多🐔冬菇索哂個湯好淋好入味🍄紅蘿蔔都好淋甜🥕.📌炸大雞扒 $46雞扒嘅肉質好嫩滑 一咬落去個外皮脆卜卜 肉汁同油香就出哂黎🤤個調味啱啱好 炸皮亦都唔會好厚 抵食🤑.📌香煎蔥抓餅 $30平時食蔥抓餅都偏油 但呢個一啲都唔油膩 而且唔會太濕太乾🤩淡淡嘅蔥香加埋香口嘅酥餅 食落去煙煙韌韌😝不過就冇嗰個酥鬆嘅感覺🫣.📌燙青菜 $22佢係一大個西生菜咁上 好似譚仔咁🥬個豉油可以另上 不過如果落太多就會有少少鹹～

🥚🥚🐷台灣過江龍拌麵✨性價比：6.5/10🍳食物：6/10🌏環境：7/10🕺🏻服務：7.5/10💰是次消費：人均 $ 101 +10%#蛋蛋豬 🏝地點分類: #蛋蛋豬在荃灣🍰食物分類: #蛋蛋豬吃台灣菜 #蛋蛋豬吃麵食————————星期一至五帶我老媽來到老媽拌麵，剛好可以吃一個午市套餐，包飯麵及沙律，可以優惠價加配小食呢。店內著觀景開揚，光線充足，播放台灣流行曲，座位不會太逼夾。和牛炸醬拌麵 ($88)炸醬中有和牛粒、豆腐乾，帶點甜醬油味；多汁，用來撈麵味道不錯，可以均勻撈到整個麵，不過牛肉碎細粒到不太食得出和牛味。另外有青瓜絲、木耳絲、蛋、蘿蔔絲，這些分開的話我並不愛吃，但撈起來連麵汁就會食，這個就係撈麵的神奇之處。川味紅燒半筋半肉牛肉麵 ($82)幼麵麵條彈牙，湯底帶少度辣勁，惹味刺激喉嚨。牛筋軟腍，有彈性，牛𦟌厚身大片，可以炆得更加淋，份量正常。酥炸甜不辣 ($22)煙韌像魚肉片的味道，比想像中細份。阿里山高山冷泡茶 (+$10)老媽拌麵 Mom's Dry Noodles🚦荃灣大壩街4-30號荃灣廣場4樓441A號舖(荃灣西站 A1 出口, 步行約3分鐘)🕰營業時間：11:3

冇得去台灣旅行🧳真係好掛住佢哋嘅拌麵～上次就嚟咗呢一間台灣嘅過江龍😍試左佢哋個香麻豬手拌麵😎豬手真係好正 炆到好軟淋好入味🐷層皮好有骨膠原嘅感覺 唔會好甜 好甘香！

早排要去小米買電話，所以順便喺商場搵食，兜左幾層見到呢家老媽拌麵，喺門口見到裝修簡約，睇一下餐牌原來係台式拌麵，於是就試一下，我就點左個辣牛肉拌麵，黎到原來一set咁出，感覺好整齊乾淨，牛肉麵入口質感唔錯，有咬口，不過對於食得極度辣嘅我，呢個麵好似一啲都唔辣，但係味道亦係中上，價錢更是合理，不過朋友幫我叫左杯鳳梨飲品，確實有啲甜，唔太適合我呢啲中年口味，第一次食，感覺算唔錯，至少食完無好口渴嘅情況！值得推介

老媽拌麵位於荃灣廣場4樓源於台灣 ，老媽係家的延伸概念，無論食過幾多餐豐富美食，都會回憶起一種家的味道。就試下依間有台灣家的味道，有下午茶價錢都正常，附送飲品。秘制豚肉拌麵配水餃🥟$68另加杯豆漿$10有加一服務費 總共$86味道幾好食，不過下午茶份量係可能會比較細份，食完都吾夠飽。五花腩好滑溜，好好味，又淋又夠味。台灣麵，配合得恰到好處，不過真係唔夠食下午茶來講$86 價錢都算貴咗，商場舖頭價錢相對地高都係意料中事豆漿都吾夠甜味，不過小啲糖都係健康嘅，可能係專登

最近走到荃灣廣場食老媽拌麵 因為🐻🐻之前都有係超市買返屋企食 都幾鐘意佢個麵底 今次就想試下門市會唔會好味啲😜😋🐻🐻今次叫左:清燉牛肉湯鍋 - $108依個牛肉鍋湯底味道微咸 清淡 配有台灣直送嘅配料 - 墨汁豬肉丸 芝士丸 魷魚 蝦餃 豆腐 響鈴 肥牛 雞蛋 當然唔少得就係佢地signature嘅關廟麵 🐻🐻覺得豆腐幾特別 佢自家製 似係攪碎左蛋同豆腐整成嘅豆腐方塊 豬肉丸同蝦餃正常 芝士丸啲芝士十分濃郁而且係甜嘅😆 不過🐻🐻都係最鐘意個麵底十分有咬口😋 肥牛就差啲 唔夠肥 overall 🌟Rate: 7.2/10私房花雕雞拌麵 - $78餐廳以拌麵為名 點可以唔叫呢？ 依個花雕雞拌麵係人氣之選 十分不錯 雖然只有雞件有花雕酒味 但勝在濃郁可口 雞肉頗滑 拌麵沒有很多醬汁 其味道不會蓋過花雕酒香 主次之分做得不錯 🌟Rate: 8.0/10老媽黑糖珍珠鮮奶茶 - $33黑糖味不算重 甜度適中 珍珠有咬口 正常發揮 🌟Rate: 7.5/10仙草凍奶茶 - $33奶茶微甜 🐻🐻頗喜歡 這裏的仙草真係有啲似龜苓膏 帶點甜味 不錯🌟Rate: 7.8/10

有幾次係荃灣行街，都有經過荃灣廣場，不少食店都轉手或新裝修，今次去4樓睇下，有咩新餐廳，就見到有間台灣菜，名叫 "拌麵" 以為只有麵食，原來餐牌上，幾乎有齊大大小小的台灣美食，就跟朋友決定食佢。 餐牌上除了招牌的各種拌麵，台灣牛肉麵，也有飯類，鍋類，炸物類，以至街頭小食類都有。每樣都唔算貴，主食的價錢平均70至80蚊，小食都係30蚊水平，因此忍唔住叫左好多，而味道比預期更好，估唔到大商場都有抵食又地道的台灣餐廳。 =椒麻手撕雞拌麵 $78=見到門外寫著新出品，平時都喜歡食辣味的拌麵， 有很多雞肉絲，番茄，青瓜等等，用椒麻調味，先食再 清新酸甜的味道，然後陣陣辣味，好彩叫小辣容易入口，最後再有麻味出現，驚喜地有層次感，比想像中滋味，食材又豐富。 =香麻豬手飯 $88=以小鍋形式盆著豬手，每件都大舊，煮得夠淋身入味，肉質嫩口。調味以醬油加麻味以主，味道不會太濃或太淡，跟飯食一流，另有餐湯和日式沙律，感覺抵食又飽足。 =炸大雞排 $46=香脆的外皮，炸粉不厚，比起連鎖店的雞排更厚肉，而雞肉肉質嫩滑，以簡單調味，已經跟台灣的地道小食店很相近，值得一試。 =炸地瓜條 $32=入口甜味的地瓜條，上

今日喺荃灣店開餐見到老媽拌麵專門店之前買過佢嘅拌麵都覺得幾好所以今日試下坐低食啦～點左金華火腿雞湯麵呢個湯底清清地但係又唔係好淡我自己幾鍾意有少少金華火腿香～椒麻半筋半肉拌麵呢個朋友揀嘅佢幾欣賞呀揀咗刀削麵煮得剛剛好呀唔會林得滯個麵嚟到已經拌咗麻味幾香少少辣唔會over左牛筋好入味～甜不辣同燙菜甜不辣黎到係熱辣辣嘅味道正常呀

今日見有$50商場coupon係呢間lunch 用左去，點知奶野！見佢有lunch set 以為平啲，點知平個幾蚊。叫左兩碗麵，清湯真係得個咸字！川味湯底就深色濃味小小辣，好dd…但份量都係小，牛得三舊，好在算係夠林。另外多個沙律成$88！飲品乜都黑糖，無得簡甜度，想飲咖啡奶茶檸檬茶檸檬水都無得簡！都係叫一杯飲品好了。加左小食$22得個三粒花芝丸又勁細粒！埋單$245 😒😒間店得一枱兩枱人就知咩事。無下次真係！仲要收我加一服務費！

「老媽拌麵」相信大家都唔會陌生，我都有買佢地既包裝麵一解思念台灣既味道。適逢今日去荃灣廣場既一田購物日去掃貨，見商場有老媽既分店，咁就擇日不如撞日入去試下堂食🥰荃灣廣場既分店位置都幾寬敞，幸運地我地被安排到窗口位置，今日陽光普照所以坐得特別舒服，我覺得依到好適合一家大細既家庭客人😂😂川味紅燒三寶（幼麵）$82賣相吸引😌湯底濃郁而清澈，有好濃既藥材味道，如果特別喜歡藥材味的會好喜愛❤️三寶有牛𦟌、牛肚同牛筋，牛𦟌有二件比較有咬口，牛肚吸左湯汁帶爽身，牛筋就夠淋，我覺得選擇粗麵會更適合。私房花雕雞拌麵（粗麵）$78雞件有濃濃花雕酒香，雞肉結實但不鞋口帶甜😘杞子好大粒可以有咬口的，拌麵份量同硬度適中，醬汁係濃厚型😅拌勻要點小小耐性老媽黑糖鮮奶$33店家註明選用明治鮮奶😊黑糖甜度不錯，珍珠都夠彈牙鮮奶抺茶$35都係選用明治鮮奶，但我忘記選擇少冰，我還是喜歡濃一點

因要去某大超市買出血（大減價），順便就來這間店吃晚飯，原本沒太大期望，但食物質素不錯👍，飲品又有買一送一優惠！我們下次會再來花雕酒雞伴麵牛肉套餐有湯及前菜凍珍珠奶茶黑糖珍珠豆漿

下雨天嚟食老媽拌麵，來自台灣的味道，老媽有家的味道嘅意思，英文好似更直接-Mom’s Noodle!! 🔘椒麻半筋半肉拌麵 $82係新登場口味，椒麻味先係主角，少少辣多多麻，係接受到嘅辣味唔會太誇張，手工刀削麵不是走煙靭路線，返而幾滑容易咬開亦掛汁，牛肉好入味軟腍!! 🔘炸雞扒飯 $78雞扒酥脆唔油膩大大塊，裏面保持到肉汁鮮嫩，如果炸雞扒都可以跟拌麵就好了!! 🔘韭菜豬肉餃 $42餃子皮薄，韭菜味濃郁但唔算好大隻，一口一隻啱啱好，要趁熱食，凍咗會冇咁好食!! 🔘仙草凍奶茶 $33🔘鳯梨茉莉茶 $26用上自家製鳳梨醬，有唔少鳯梨粒，食落冇渣鮮甜，幾鍾意兩杯飲品都茶味濃郁!! 食完行超級市場我哋竟然即刻買咗包老媽拌麵返屋企，原來都幾貴，不如坐低食有人煮埋俾你食仲好啦!! (坐低食唔使我煮吖嘛😂)

荃灣廣場係我和謙謙耐唔時去消費的地方，假期就會過來一田買野， 今次買完我地去左老媽拌麵到食lunch 。⚛ 酸辣手撕雞拌麵 ～ 天氣潮濕令人胃口冇咁好， 見到有酸辣就叫來食，又幾好喎，微辣夠開胃，雞絲又唔會硬， 用粗麵拌勻食又索味。⚛ 川味紅燒三寶牛肉麵 ～ 有齊牛腱、牛筋和牛肚， 牛腱咬落有口感，牛筋炆得入味唔會得過軟腍，牛肚夠爽，謙謙幾欣賞佢個湯濃郁得來帶點香甜。🧊🍵🧊 ～ 高山冷泡茶 ～ 食酸辣緊係要飲返d 茶清一清味蕾， 呢到的冷泡茶唔會苦澀唔錯。