老媽拌麵 (將軍澳中心)

营业中

休息中

終於忍唔住寫我第一個食評，因為咁差既服務態度真係前所未見😡😡😡。我地點餐既時候，個waitress話餐排上冇橙色點既係冇既，我地聽唔清楚再揀左個冇橙色點既，個店員即刻好晦氣咁話「都話左唔係橙色點就冇囉」。跟住我地再揀個有橙色點既蔥油嫩雞拌麵，又話冇供應（心諗：咁你地咩係有架），其實餐牌上既食物，好似少於一半有供應，而呢樣野坐落食野先知，感覺好似俾人呃左咁。我地最後都食唔到自己想食既野，但又唔甘心排左咁耐最後唔食，只好繼續點餐。我點左個麻辣牛肉拌麵，等左好耐都冇黎(我老公都已食完佢碗麵），之後發現遲過我地入座既一對情侶都有野食，而個男仔夾起佢既麻辣牛肉拌麵，話碗野唔似係佢點既，職員前來就發現上錯餐，我就同佢講應該係上錯左我果碗俾個男仔，個職員就咁收返碗麵就算，一句抱歉都冇同我地講。之後一分鐘內，我碗麵就出現左（原因請讀者自行想像），上菜果陣，個waitress依舊冇表示歉意。我地試左清燉牛肉麵同麻辣牛肉拌麵，平平無奇，真係唔明點解d人要排咁長龍食呢間野🤷🏻‍♀️，最重要係，新店開業本應注重服務質素，我唔明點解呢間野大部分員工既態度都咁差，我以後都唔會再幫襯呢間野！

萬萬想不到老媽伴麵會在香港開實體店，看來香港的市場需求很大呢。哈哈。以往我都是從台灣搬麵回來，因為香港的百貨店賣得太貴了。晚上九點入座都幾多人。起初以為紅點是推薦食物，原來是新店開幕關係，只能提供紅點的食品。😂因為麵而出名，麵條當然夠晒滑順而彈牙啦。蔥油嫩雞伴麵($62)的雞肉有點偏老，可惜！但蔥油味濃厚。西紅杮雞蛋伴麵($52)的材料充足。我疑惑雞蛋在哪兒，原來那些貌似肉碎的是蛋。煮得很老呢。🙈但個麵都係好嘅。👍🏻百頁豆腐($30)和香港的豆腐有點不同。彈牙得有點像魚片。滷牛腱($42)都幾入味。朋友超好運意外有兩包茶😂這冷泡茶($22)店員說泡了幾小時。茶的味道清澀。題外話: 結果那晚我完全睡不著覺😂😂😂

今日又來將軍澳中心商場吃東西，之前見這間「老媽拌麵」次次都排長龍，今次終於早啲到來到，可以試一試。幸好我們早到，坐下不久，又見人龍出現。黑糖珍珠鮮奶茶$33，鮮奶夠香滑，配上黑糖、珍珠粒，味道更特別。荔枝綠茶$26，清新的荔枝味配上綠茶，既消暑又解渴。澎湖花枝丸$32，粒粒煙韌彈牙，口感特別豐富，加上甜醬汁更加特別好吃。韭菜豬肉水餃$42，外皮綠綠的很特別，韭菜味和豬肉非常搭配， 鮮嫩翠綠， 味道很好，點上醋汁更加美味。川味紅燒半筋半肉牛肉麵$78，好大的一碗，有紅蘿蔔片、生菜、牛展和牛筋， 樣樣都入味又好吃，湯底惹味但又不會太油，這個真是想再來一碗，值得推薦！蔥油嫩雞拌麵$62，麵質非常幼滑好吃， 加上 甜甜的醬油 ，再配上 蔥油雞塊一起吃，口感特別不同，正！「老媽拌麵」位於將軍澳中心商場，非常就腳，食物味道好，又不會太濃味， 好啱喜歡吃得健康的朋友。

我打算每個月也為大家準備一個美食週XD 不知大家有沒有興趣呢? 介紹香港各式各樣的美食 就算沒有興趣我也會繼續做的(笑)7月我第一彈來介紹一下台式餐廳吧!!! 其實我很喜歡吃台式料理的, 特別是魯肉飯 (飯桶也只focus在飯上XD)今天介紹我是位於將軍澳中心的老媽拌麵 店內的裝修好特別, 很有風味! 這裡的麵都是關廟麵來的 所以我點了這個蔥油雞肉拌麵 蔥油味很濃郁, 清清的味道我很喜歡喔! 雞肉也很滑, 這個真的推介給大家~ 另外的這個點了濃味一點的擔擔拌麵 花生醬味很濃口, 但我還是比較喜歡蔥油的口味多點  小食點了白菜豬肉餃 餃子也是超好吃喔!! 一碟有8隻 都是多人吃會比較好XD 這個黑麻油雞翼 十分入味, 雞翼怪表示很好吃~ 飲品點了高山冷泡茶 樽裝的, 喝不完的可以拿走的 專為我這些飲品要喝很久的人而設 (笑)門口也超美的, 大家也快點去試試吧 餐廳: 老媽拌麵 地址: 將軍澳唐德街9號將軍澳中心L1樓133號舖 (荃灣最近也開了分店喔!)

我地去到既時候餐廳啱啱開門, 所以餐廳入面全部都係第一批客, 而我就遲左少少所以就要排隊等位, 舖面唔大座位唔算多, 不過勝在大部分客人食完都唔會留太耐所以我地等左大概1️⃣0️⃣分鐘已經有位喇😃 店面以白色為主, 所以餐廳感覺好光亮而且牆上都印滿左唔同既圖案同文字感覺好似去左一間台灣麵館咁🤓 為左配合返個主題, 店內既餐桌座椅採用左淺木色做配搭👍🏿地獄麻辣牛伴麵🐮🌶(刀削麵)($72)呢個品牌既刀削麵係幾彈牙爽口, 拎黎做伴麵係唔錯, 不過呢個麻辣係完全唔辣而且牛肉煮得耐左少少所以比較肉質偏老, 我覺得係令人失望既麻辣😢蔥油嫩雞伴麵🐔(幼麵)($62)呢個係咁多樣食物當中最令我失望既一個, 因為雞肉太”鞋” 身, 而且味道冇咩特別就好似食緊平日燒味店D蔥油咁🤔 完全唔掂, 重點係本身我想食刀削麵, 就係除左呢個麵之外其他麵都有得揀刀削都 or 幼麵😐 我覺得呢個可以唔洗試川味紅燒半筋半肉牛肉麵🐄(刀削麵)($78)湯麵居然比伴麵出色得多, 牛肉煮得剛好,軟硬度適中而且牛筋既份量都算多, 有4️⃣件大大舊既牛筋, 吸曬湯既味道幾入味👍🏿 湯味夠濃配埋刀削麵掛曬湯絕對係perfect match💁🏾

將軍澳中心最近開咗好多新餐廳，今晚拉埋同事一齊去試老媽拌麵。呢間餐廳開業以黎都大排長龍，不過我哋等咗十幾分鐘，就入到席。我哋四個人每人都叫咗唔同嘅麵，各人再配一杯嘢飲，另加兩款小食。先講講我食蔥油嫩雞拌麵，只可配幼麵，蔥油味幾香，但份量都幾多，細胃人要留意。女同事話老成都擔擔麵幾惹味，花生味幾香濃，辣味慢慢滲出黎。呢款都性價比高，值得encore。愛食辣嘅女同事，揀咗地獄麻辣牛拌麵，係好味嘅，但覺得未到地獄程度，覺得可以剔除地獄二字。如果便宜$20，性價比會高好多。至於食川味紅燒牛肉麵嘅男同事話，比碗麵嘅份量「嚇倒」（台灣腔），味道很一般，沒有辣味，覺得「有點失望」（繼續台灣腔），唔建議用$72試。小食方面，台灣香腸似港式臘腸，但味道OK嘅～澎湖花枝丸味道合格！四杯嘢飲都不錯，比食物有驚喜！我哋分別叫咗兩杯黑糖鮮奶茶、荔枝綠茶、冬瓜檸檬。黑糖鮮奶茶比想像冇咁甜，茶底幾香！

讚：1. 麵質其實唔錯，幾滑，醬汁亦比預期中香；冷泡茶幾甘香，單計呢兩樣野，其實唔錯彈：1. 明明無乜客都等左四個字2. 伴麵既嫩雞係有雪味既3. 甜不辣實在太離譜，炸到油淋淋，三十幾銀得六塊，唔抵食又唔好味，呢個係最伏

一別多時裝修好「將軍澳中心」理應要踏踏,趁著有空便約下老爺誠意去看看、店舗位於商場盡頭位置而言並不十分(就脚)装修採用木系為主舒服自然,雖然當日餐牌看似多,但原來餐牌上方(點上紅點)才是當日有之食品,加上(沽清)真正可供應揀真是有限。。。川味紅燒牛肉麵HK$72.以主角關廟麵為首，上枱之時整個碗給人驟眼間十分之大⼂餸料方面主要是眼看這三件牛展肉厚度適中肉質偏稔且鬆化,湯底美味帶一點辣但這個辣到絕對可以適合任何人士、主角關廟麵個人就覺得比自己煮的更為稔身點、老爺反而幾愛好這個麵質的軟硬度~另外亦叫了這一碗美人雞湯麵HK$72.個人就覺得湯底略為偏淡,而且早已炆煮的肉質亦略較為偏嚡,雖則已看到有一、兩件是肶位百頁豆腐HK$30.在沒有多選擇下我們便叫了這個小食，沒有期待下這個小食反而略帶驚喜、淡淡的滷肉香氣完全滲入在豆腐之內，用來送飯或送麵亦都不失為也~連加一兩人消費大概是HK$191,以香港今時今日的消費可以算是一個《中價午餐》、抵與唔抵就好視乎個人之荷包、以個人而言如果《關廟麵》自己都可以在家裏烹煮只是餸料方面略為多加點心思應該在家煮可能比出外吃還更化算。

將軍澳又有新鋪頭，今次係台灣的老媽拌麵~ 住係附近成日都要去探索下有咩好味~今次同老公兩個人去食，要咗以下食物： 清潡牛肉湯麵湯底清甜，牛肉味香濃！ 牛肉有咬口而味濃。美人雞湯麵：這個湯底咁清甜，內有不少蔬菜， 有香菇紅蘿蔔和雞肉，很適合女士食用～另外我們叫了以下小食： 滷雞翼 滷得入味酥炸甜不辣 這個越吃越上癮，Q彈的拗口， 像魚餅的味道，點上酸甜的醬汁，好開胃～阿里山高山冷泡茶和黑糖珍珠奶茶：阿里山高山冷泡茶：鍾意佢茶味好香，飲完解渴又消暑，而且飲唔曬可以拎走飲。黑糖珍珠奶茶： 珍珠彈牙，黑糖味好出眾～老公話飲完，下次都想再飲。整體覺得老媽拌麵食物水準不錯，下次想食台灣野會再嚟。

係老媽伴麵未開之前 萬分期待因為見FACEBOOK都有賣廣告提我佢就快開好似好出名咁, 個名又好似聽過終於等到開張, 但日日都有人排隊食咁應該好食吧!過左幾星期, 見冇人排隊, 即刻沖入去但係MENU只有紅點貼紙既先有供應又會咁既, 開張左一段時間算啦照揀下, 我自己點左地獄麻辣牛伴麵, 其他3個同事叫左D比較清既麵, 再加2個小食個麵愈食愈辣, 都幾麻的, 麵量比較少麵質就軟硬適中最失敗就係D牛肉...硬的...乾的最好食係隻蛋花枝丸 都係比較實既口感, 味道上一般佢應該係炸的, 但個皮係韌既..百頁豆腐既味亦都唔吸引, 食左一塊就唔食,唔夠味其他3碗麵都係清淡到近乎冇味既湯底成餐野都唔知自己食緊咩, 就每人比左70幾蚊出黎了唉..! 唔值. 我終於明點解間店而家唔洗排隊了.仲要唔夠飽, 我地4個落左樓下M記隊多個新地先番公司

作為一個即食麵迷，一知道老媽拌麵在將軍澳開左餐廳，就立即約朋友一齊去食！我地專登避開晚飯時間，5點幾去到唔使等位就入得。餐廳裝修簡單，座位坐得舒服。由於新開關係，暫時只供應餐牌上貼有紅點的食物。我地兩個叫左一個蔥油嫩雞拌麵同一個清燉牛肉麵。蔥油嫩雞拌麵有好香蔥油味，香得黎唔會太咸，而雞肉都好嫩滑，完全冇雪味，只係略嫌個麵份量細左少少。至於清燉牛肉麵又是另一種風味，麵可以選幼麵或者刀削麵。湯底真係好清，唔會油膩，配麵好夾；牛肉原來係厚切牛展，咬落唔會太韌，有牛味。另外再加兩份小食：高麗菜豬肉水餃同酥炸甜不辣。水餃賣相一般，有少許肉汁，清清地。而甜不辣就相對較出色，上菜熱辣辣，外層脆內裡煙韌，再加埋甜辣醬，酸酸甜甜少少辣，中和油膩感。天氣太熱關係，每人揀左杯飲品，朋友揀左黑糖珍珠奶茶，而我就揀左蘋果梳打。黑糖珍珠奶茶飲落有黑糖味，略甜，不過可以接受，珍珠都好彈牙，珍珠偏少。蘋果梳打飲落清新，唔會過甜，夏天消暑一流。

星期日中午用餐落錯單侍應相當「懶懶閒」明明已經走了不少人位置有很多也不帶位點了蔥油雞拌面和川味牛肉麵蔥油給的份量相當小氣，也沒有蔥油香食物真的只是很一般而已，收這個價錢實在不值得原本看到準備開業的時候幾期待不會有下次了

下午茶時段入座，不用等位，環境都ok啦，唔算好擠迫。可能仍算新開張，menu上面有約一半的item是未能供應的，所以選擇十分有限。有待改進的一定包括服務。下午茶時段只坐了一半台，樓面都有4-5個，本來是足夠有餘的。可是個個大姐/大E們都好似慢9拍，剛剛食完感冒藥等入睡咁。佢地又唔係冇禮貌喎，但總之就遊魂咁，係個個都係咁！叫左一個拌麵一個湯麵一個小食一碟菜，當然唔算平。兩個麵都真係好食，無論湯頭、拌醬、麵的軟硬度都處理得好好。出事的係個甜不辣！其實香港人十個有九個都食過正宗甜不辣啦。求其搵幾塊薄EE的冇味炸魚片加d甜辣醬就收你幾十蚊。有d離譜既。仲有個菜呢？消失於空氣中囉！叫個1號遊魂侍應去幫忙跟跟張單，佢就叫其他人跟。2號侍應就走過來問我想改咩野。我問佢無啦啦收咩呀？🤷‍♀️佢先話冇油菜！唔⋯⋯⋯ 食物ok既！如果突然超想食台灣麵都會再去既。但就唔會多去囉！

平時好鍾意食麵，之前都有買過老媽拌麵係屋企煮，見到開咗實體舖，當然要來試試。打開菜單，原來一半以上嘅食物都未供應（紅點先有），有啲失望，話晒都排咗半個鐘頭😞。4個人叫咗一個雞清湯麵、兩個川味牛肉麵、一個成都擔擔伴麵、花枝丸、台灣香腸、黑糖珍珠奶茶。珍珠奶茶賣相非常唔錯，幾好飲，不過冇得叫少甜，有罪惡感。花枝丸非常彈牙，不太油膩，如果有一嚿嚿花枝就會咬口更好。香腸最好食，好似食豬肉乾咁，甜甜地，我覺得好食過其他台灣鋪頭嘅香腸。清雞湯面太淡、無咩味；牛肉面幾好，粗面好味過幼面，牛肉係厚切型，我鍾意，但家人嫌淡口；擔擔面最好食，但係其實同以前我買果包面返屋企煮冇咩分別，同埋隻蛋麻麻哋，冇乜味道。

平時星期六日將軍澳周圍都人頭湧湧，間餐廳都要排長龍，呢間新開嘅老媽拌麵都唔例外。喺出邊排咗大概15分鐘到，就可以入去食。今日同阿媽兩個人食，梗係要叫呢度嘅招牌面啦，一開始聽D人講呢間係老媽拌麵第一間海外店，所以都有啲期待。叫咗兩碗面，結果都冇令人失望。一碗係清燉牛肉麵，牛肉爽口彈牙，揀咗刀削麵，幾有咬口。另一碗係嫩雞細麵，雞都OK。賣單要加一，平均每人70幾蚊。推薦大家嚟呢間食。👍🏻👍🏻👍🏻👍🏻